Nagpur Municipal Corporation

जनतेच्या सेवेसाठी सदैव तत्पर

 

लकडगंजमधील मनपाच्या जागेवरील अतिक्रमण तातडीने काढा : आयुक्त वीरेंद्र सिंह

पिवळी नदी, लेंडी तलावालाही दिली भेट : नदी स्वच्छता अभियानाची पाहणी
 
नागपूर, ता. २५ :  लकडगंज झोन कार्यालयाच्या मागे नागपूर महानगरपालिकेचा भूखंड आहे. हा भूखंड टिंबर मर्चंट असोशिएशनला लीजवर देण्यात आला आहे. मात्र या संपूर्ण जागेवर भटक्या लोकांनी मोठ्या प्रमाणावर अतिक्रमण केले आहे. ते अतिक्रमण तातडीने उठवा आणि संपूर्ण जागेवर सुरक्षा भिंत बांधा, असे निर्देश मनपा आयुक्त वीरेंद्र सिंह यांनी दिले.
 
आयुक्तांनी शुक्रवारी (ता. २५) सकाळी ८ वाजता लकडगंजमधील संबंधित जागेला भेट दिली. यावेळी त्यांच्यासोबत अतिरिक्त आयुक्त रवींद्र कुंभारे, कार्यकारी अभियंता (प्रकल्प) नरेश बोरकर, आरोग्य अधिकारी (स्वच्छता) डॉ. प्रदीप दासरवार, जनसंपर्क अधिकारी अशोक कोल्हटकर उपस्थित होते. मनपाच्या मोक्याच्या जागेवर असलेल्या भूखंडावर असलेले अतिक्रमण पाहून आयुक्त वीरेंद्र सिंह यांनी चिंता व्यक्त केली. अशा जागांवर अतिक्रमण होण्याची वाट बघू नका. अशा जागांना सुरक्षा भिंतीचे कवच द्या. अतिक्रमण जेथे-जेथे आहे ते तातडीने हटवा, असे स्पष्ट निर्देश त्यांनी दिले.
 
यानंतर त्यांनी जुन्या भंडारा मार्गावरील इतवारी रेल्वेस्थानक पुलानजिकच्या मटन मार्केट असलेल्या हरिगंगा इमारतीची पाहणी केली. सहायक आयुक्त (बाजार) विजय हुमणे यांनी आयुक्तांना इमारतीबाबतची माहिती दिली. या इमारतीसंदर्भातही आयुक्तांनी आवश्यक ते निर्देश संबंधितांना दिला. यानंतर पिवळी नदीच्या ज्या भागात स्वच्छता अभियान सुरू आहे, त्या गौतम नगर, समता नगर परिसराला भेट दिली. स्वच्छता अभियानादरम्यान काढण्यात येणारा गाळ भिंतीला रेटून लावा. त्यानंतर तो गाळ टिप्परने इतरत्र हलवा जेणेकरून पाण्यासोबत तो वाहून जाणार नाही, असे निर्देश दिले.
 
पिवळ्या नदीच्या तीराची मालकी पूर्णपणे नागपूर महानगरपालिकेची आहे. या तीरावरची घाण स्वच्छ करून येथे वृक्षारोपण करा, जेणेकरून भविष्यात अतिक्रमण होणार नाही, असे निर्देश त्यांनी दिले.
 
यानंतर आयुक्त वीरेंद्र सिंह यांनी लेंडी तलावाची पाहणी केली. या ठिकाणी उपमहापौर दीपराज पार्डीकर हे सुद्धा उपस्थित झाले. त्यांनी तलावालगतच्या अतिक्रमणाची माहिती आयुक्तांना दिली. तलावाचे पाणी निघून जाण्यासाठी असलेल्या आऊटलेटवर मोठे अतिक्रमण आहे. त्यामुळे पाणी निघून जाण्याचा मार्ग बंद झाल्याची माहिती उपमहापौर दीपराज पार्डीकर यांनी दिली. तलाव पूर्णपणे वनस्तींनी व्यापलेला आहे, याबाबत आयुक्तांनी चिंता व्यक्त केली. मागील वर्षीही तलावाच्या स्वच्छतेसाठी १५ लाखांचा निधी खर्च करण्यात आला. परंतु जोपर्यंत तलावावरील अतिक्रमण हटविले जात नाही, तोपर्यंत तलाव स्वच्छ होणार नाही, हे वास्तव श्री. पार्डीकर यांनी सांगितले.
 
लेंडी तलावासंदर्भात तातडीने सुधारीत प्रस्ताव तयार करण्यात यावा. अतिक्रमणधारकांना नोटीस देऊन तातडीने अतिक्रमण हटविण्यात यावे, असे निर्देश आयुक्त वीरेंद्र सिंह यांनी सतरंजीपुरा झोनचे सहायक आयुक्त प्रकाश वऱ्हाडे यांना दिले.
 
आयुक्तांच्या दौऱ्यात संबंधित ठिकाणचे अधिकारी उपस्थित होते. यामध्ये सहायक आयुक्त (अतिक्रमण) अशोक पाटील, सहायक आयुक्त प्रकाश वऱ्हाडे, सहायक आयुक्त (बाजार) विजय हुमणे उपस्थित होते. 

 

 

 

म.न.पा. आयुक्त व स्थायी समिती सभापती यांनी केला जरिपटका भागाचा संयुक्त दौरा

पाणी प्रश्न तातडीने सोडवा : मा. आयुक्त
 
नागपूर,ता.२४ :* प्रभाग क्र. १ मधील जरिपटका परिसरात विविध समस्या जसे पाणी प्रश्न, स्वच्छता व इतर समस्येच्या संदर्भात म.न.पा. आयुक्त श्री. वीरेंद्र सिंह यांनी स्थायी समिती सभापती श्री. वीरेंद्र कुकरेजा समवेत जनतेशी संवाद साधून विविध समस्या जाणून घेतल्यां. यावेळी म.न.पा. दुर्बल घटक समिती सभापती श्री. महेंद्र धनविजय, नगरसेविका श्रीमती प्रमीला मथराणी, अप्पर आयुक्त श्री. रवींद्र कुंभारे, कार्यकारी अभियंता (ज.प्र) श्री. संजय गायकवाड, ओ.सी.डब्ल्यू. चे वितरण व्यवस्थापक श्री. राजेश कॉलरा, जनसंपर्क अधिकारी श्री.अशोक कोल्हटकर, संजय चौधरी, ओ.सी.डब्ल्यूचे डेलीगेट श्री. रत्नाकर पंचभाई आदी आवर्जून उपस्थित होते.
     
यावेळी प्रभागाचे नगरसेवक व स्थायी समिती सभापती श्री. विरेंद्र कुकरेजा यांनी आयुक्त यांना जरिपटका भागात पाणी कमी प्रमाणात मिळते व पिण्याचे पाणी बरोबर मिळत नसल्याचे निर्देशनास आणून दिले. यावेळी मा. आयुक्त यांनी लगेच गुरुनानक सोसायटी, बाघाबाई ले-आऊट, ग्यानचंदानी लाईन, बाबा हरदास गल्ली, बचवाणी गल्ली, टहलराम किराणा दुकान परिसर,सिंधु नगर, जुना जरिपटका आदी भागातील फीरुन नागरिकांशी पाणी प्रश्नाबाबत थेट संवाद साधला. या भागात पाणी पुरवठा बरोबर होत नसल्याचे निदर्शनास आले. तसेच विविध तक्रारीची मा.आयुक्त यांनी दखल घेऊन या भागात नळाच्या प्रेशर वाढवा, टॅकरच्या फे-या वाढवा तसेच या भागातील जनतेला मुबलक पाणी दररोज मिळण्याबाबत त्वरित उपाययोजना करा असे निर्देश कार्यकारी अभियंता श्री. संजय गायकवाड व ओ.सी.डब्ल्यू. चे वितरण व्यवस्थापक श्री. राजेश कॉलरा यांना दिले.
     
यानंतर आयुक्तांनी परिसरातील स्वच्छतेच्या कार्याचे निरिक्षण केले. रस्त्यावरील चेंबरवर कव्हरची डागडूजी करा, रस्त्याच्या दोन्ही बाजूनी नियमित सफाई करा, रस्त्याच्या कडेला व फुटपाथवर कचरा त्वरित उचला, सफाई कर्मचा-यांना हातानी  कचरा उचलण्याकरीता हॅडग्लोब व मास्कचा वापर करण्याची सुचना केली.
     
यावेळी म.न.पा. आयुक्त यांनी जरिपटका येथील दयानंद पार्कमध्ये जावून तेथील जनसुविधेचा आढावा घेतला, बॅटमिंटन कोर्ट, ग्रीनजिम, वॉकींग ट्रॅक तसेच पार्किंग व शौचालयाचे निरिक्षण केले.
     
उदयानात येणा-या नागरिकांना कोणतेही त्रास होणार नाही व आवश्यक सुविधाबाबत दक्षता घेण्याचे निर्देश संबंधीत अधिका-यांना दिले.

 

 

२६ ला खासदार महोत्सवाचा समारोप

महापौरांनी घेतला पूर्वतयारीचा आढावा
 
नागपूर,ता. २४ : नागपुरात सध्या खासदार महोत्सव सुरू आहे. शनिवारी २६ मे रोजी खासदार महोत्सवाचा समारोप यशवंत स्डेडियम येथे होणार आहे. या समारोपाच्या पूर्वतयारीचा आढावा महापौर नंदा जिचकार यांनी गुरूवारी (ता.२४) मनपा मुख्यालयातील महापौर कक्षात घेतला.
 
यावेळी स्थायी समिती सभापती वीरेंद्र कुकरेजा, सत्तापक्ष नेते संदीप जोशी, आयुक्त वीरेंद्र सिंह, माजी महापौर प्रवीण दटके, ज्येष्ठ नगरसेवक दयाशंकर तिवारी, सुनील अग्रवाल, क्रीडा समिती सभापती नागेश सहारे, मनपाच्या प्रतोद दिव्या धुरडे, उपनेत्या वर्षा ठाकरे, अतिरिक्त आयुक्त रवींद्र कुंभारे, अतिरिक्त उपायुक्त राजेश मोहिते, केंद्रीय मंत्री नितीन गडकरी यांचे विशेष कार्यकारी अधिकारी सुधीर देऊळगावकर, नागपूर मेट्रो रेल्वेचे रवींद्र धकाते, अखिलेश हळवे, पोलिस सहायक आयुक्त (वाहतूक) जयेश भांडारकर प्रामुख्याने उपस्थित होते.
 
यावेळी बोलताना महापौर नंदा जिचकार यांनी, मुंजे चौकात सुरू असलेल्या मेट्रो रेल्वेच्या बांधकामाला तात्पुरते बंद करण्यात यावे व वाहतुकीसाठी मार्ग खुला करण्याचे निर्देश दिले. मुंजे चौकात उभारण्यात आलेले सेंट्रींग आणि बॅरिकेट्‌स काढण्यात यावे, असे निर्देश मेट्रो रेल्वेला दिले. यशवंत स्टेडियमकडे जाणारा तो मुख्य मार्ग असल्याने तो वाहतुकीसाठी खुला करण्यात यावा, अशी सूचना महापौर नंदा जिचकार यांनी केली.
 
मॉरीस कॉलेजजवळ मेट्रो रेल्वेचे बांधकाम सुरू आहे. तेही काम दोन ते तीन दिवस थांबविण्यात यावे, असे निर्देश महापौरांनी दिले. धंतोली पोलिस स्टेशन ते मेहाडिया चौक या ठिकाणी सीमेंट रस्त्याचे बांधकाम सुरू आहे. त्या ठिकाणी समारोपाच्या दिवशी किमान पायी येणाऱ्यांसाठी तो रस्ता चालू करण्यात यावा, असे निर्देश माजी महापौर प्रवीण दटके यांनी दिले. यशवंत स्टेडियम समोरील मनपाचे अधिकृत वाहन पार्किंग़ समारोपाच्या दिवशी सकाळपासूनच  सर्वसामान्य नागरिकांसाठी खुले करण्यात यावे, असे निर्देश महापौर नंदा जिचकार यांनी दिले. समारोपीय कार्यक्रमासाठी येणाऱ्या नागरिकांसाठी दीनानाथ हायस्कूल, होमगार्ड मैदान, न्यू इंग्लीश हायस्कूल, इंडियन जिमखाना या ठिकाणी वाहन पार्किंगची व्यवस्था करण्याचे निर्देश महापौर नंदा जिचकार यांनी दिले.
 
पटवर्धन मैदान व पंचशील चौक या ठिकाणी स्टार बसेसचे पार्किंग असते. त्या दिवशी पटवर्धन मैदानातील ४० बसेस काढून त्या ठिकाणी व्हीआयपी पार्किंगची व्यवस्था करण्यात यावी आणि समारोपीय कार्यक्रमाच्या पाहुण्यांना घेऊन येणाऱ्या बसेस इंडियन जिमखाना येथे लावण्यात याव्या, असे निर्देश महापौर नंदा जिचकार यांनी परिवहन व्यवस्थापक शिवाजी जगताप यांना दिले.
 
यशवंत स्टेडियममधील अंतर्गत व बाह्य स्वच्छता ही तातडीने करण्यात यावी आणि स्टेडियमचे सर्व १२ ही दरवाजे खुले करण्यात यावे, त्या ठिकाणी काही डागडुजी करावयाची असल्यास तीही करावी, असे निर्देश महापौरांनी दिले. यशवंत स्टेडियम परिसरातील व स्टेडियमकडे जाणारे रस्त्यांवर असलेले खड्डे तातडीने बुजविण्यात यावे, असेही महापौर यावेळी बोलताना म्हणाल्या.
 
यावेळी बैठकीला धंतोली झोन सहायक आयुक्त राजू भिवगडे, धरमपेठ झोन सहायक आयुक्त महेश मोरोणे, शिक्षणाधिकारी संध्या मेडपल्लीवार, परिवहन व्यवस्थापक शिवाजी जगताप, आरोग्य अधिकारी (स्वच्छता) डॉ.प्रदीप दासरवार, क्रीडा निरिक्षक नरेश चौधरी यांच्यासह संबंधित विभागाचे कर्मचारी व अधिकारी उपस्थित होते. 

 

 

महापालिकेद्वारे गांधीसागर तलाव येथे श्रमदान

- कर्मचारी व अधिकाऱ्यांचाही सहभाग
 
नागपूर,ता. २४ : नागपूर महानगरपालिकेद्वारे गांधीसागर तलाव येथे गुरूवारी (ता.२४) सकाळी ७ ते ९ या दरम्यान श्रमदान करण्यात आले. महापालिकेच्या अधिकारी व कर्मचारी यांचा यात विशेष सहभाग होता. यावेळी आयुक्त वीरेंद्र सिंह आणि अतिरिक्त आयुक्त रवींद्र कुंभारे यांनी संपूर्ण तलाव परिसराची पाहणी केली.
 
यावेळी त्यांच्यासमवेत धंतोली झोन सभापती विशाखा बांते, नगरसेवक प्रमोद चिखले, नगरसेविका हर्षला साबळे, आरोग्य अधिकारी (स्वच्छता) डॉ.प्रदीप दासरवार, उद्यान अधीक्षक अमोल चोरपगार, धंतोली झोनचे प्रभारी सहायक आयुक्त राजू भिवगडे, माजी नगरसेवक मनोज साबळे, जनसंपर्क अधिकारी अशोक कोल्हटकर प्रामुख्याने उपस्थित होते.
 
नागपूर महानगरपालिकेद्वारे गांधीसागर तलाव येथे स्वच्छता अभियान सुरू करण्यात आले आहे. त्याच्या कामाची झोननिहाय आखणी करण्यात आली असून प्रत्येक झोनच्या अधिकारी व कर्मचाऱ्यांचा यात सहभाग आहे. तलावाच्या बाजूचा सर्व परिसर स्वच्छ करण्याचे निर्देश आयुक्त वीरेंद्र सिंह यांनी दिले. तलावाच्या लगत असलेल्या झाडांच्या वाढलेल्या फांद्या छाटा, हे करताना तलावाचे सौंदर्य कायम राहील, याची विशेष काळजी घेण्यात यावी, असे निर्देश आयुक्त वीरेंद्र सिंह यांनी दिले.
 
तलावाच्या लगत असलेल्या पायऱ्या आणि संरक्षक भिंत खचण्याच्या मार्गावर आहे. त्याची डागडुजी त्वरित करण्यात यावी, असे निर्देश आयुक्त वीरेंद्र सिंह यांनी दिले. गांधीसागर तलावाच्या सौंदर्यीकरणाचा प्रस्ताव तयार करण्यात यावा, असे निर्देश आयुक्तांनी यावेळी दिले. तलावाच्या सभोवताल अवैधरित्या वाहने पार्किंग केली जातात.  अवैध पार्किंग हटविण्याचे निर्देशही आयुक्त वीरेंद्र सिंह यांनी दिले.
 
गांधीसागर तलावाच्या काठावर साचलेला गाळ दिसल्याने आयुक्त वीरेंद्र सिंह यांनी नाराजी व्यक्त केली. हा गाळ हा तातडीने काढण्यात यावा, आवश्यक असल्यास उपकरणांचा वापर करा, नाहीतर मनुष्यबळाचा वापर करून गाळ काढण्याचे निर्देश त्यांनी आरोग्य अधिकारी (स्वच्छता) डॉ.प्रदीप दासरवार यांना दिले.
 
तलावालगत असलेल्या भाऊजी पागे उद्यानाची आयुक्तांनी यावेळी पाहणी केली. अनावश्यक असलेली झाडे किंवा जी झाडे पडलेली आहे ती तातडीने काढून टाकावी, असे निर्देश आयुक्तांनी दिले. पुढील सात दिवस हे स्वच्छता अभियान कायम ठेवावे असे निर्देशही आयुक्त वीरेंद्र सिंह यांनी दिले. तलावाच्या सभोवताल असलेले अतिक्रमणही काढण्यात यावे, असे निर्देश वीरेंद्र सिंह यांनी दिले.
 
यावेळी रमन विज्ञान केंद्राजवळ नेहरूनगर झोन सभापती राजेश कराडे, धरमपेठ झोन सहायक आयुक्त महेश मोरोणे, लक्ष्मीनगर झोनचे उपअभियंता रवींद्र मुळे, भाऊजी पागे उद्यानाजवळ सतरंजीपुरा झोनचे सहायक आय़ुक्त प्रकाश वराडे, मंगळवारी झोनचे सहायक आयुक्त हरिश राऊत, नातिक चौक ते टाटा पारसी शाळेजवळ स्थावर विभागाचे आर.एस.भुते आणि विभागाचे कर्मचारी, टिळक पुतळ्याजवळ गांधीबाग झोनचे सहायक आयुक्त अशोक पाटील, लकडगंज झोनचे सहायक आयुक्त सुभाष जयदेव, विभागीय अधिकारी सुरेश खरे यांच्यासह संबंधित विभागाच्या अधिकारी, कर्मचाऱ्यांनी स्वच्छता अभियान राबविले. 

 

 

परिवहन समितीचा २५.०३ लाख शिलकीचा अर्थसंकल्प स्थायी समितीकडे सुपूर्द

मागील वर्षी केलेल्या आठ संकल्पांची पूर्ती : वीर माता, भगिनींसाठी मोफत प्रवास
 
नागपूर, ता. २४   :  नागपूर महानगरपालिकेच्या परिवहन समितीच्या वतीने २४४.८२ कोटी उत्पन्नाचा, २४४.५७ कोटी खर्चाचा आणि २५.०३ लाख शिलकीचा अर्थसंकल्प सभापती बंटी कुकडे यांनी स्थायी समितीचे सभापती वीरेंद्र कुकरेजा यांच्याकडे सादर केला.
 
सादर केलेल्या अर्थसंकल्पानुसार सन २०१८-१९ या आर्थिक वर्षाचा अर्थसंकल्प ‘ब’चे उत्पन्न २४४.७१ कोटी अपेक्षित आहे. सुरुवातीची शिल्लक ११.२८ लाख धरून एकूण अपेक्षित उत्पन्न २४४.८२ कोटी राहील. त्यातील २४४.५७ कोटी खर्च होईल, असे अपेक्षित आहे.
 
अर्थसंकल्पात नमूद केल्यानुसार चालू आर्थिक वर्षात इथेनॉल इंधनावर संचालित ५५ ग्रीन बस, तीनही डिझेल बस ऑपरेटरच्या माध्यमातून २३६ डिझेल बस, १५० मिडी बस तसेच महाराष्ट्र शासनाच्या धोरणानुसार महिलांसाठी स्वतंत्र तेजस्वीन मिडी बसेस संचालित करण्याचा नागपूर महानगरपालिकेचा मानस आहे. पर्यावरणपूरक धोरण राबविणे हा नागपूर महानगरपालिका परिवहन विभागाचा मानस असून याअंतर्गत २५ बायोगॅस बसेस, ७० इलेक्ट्रिक बसेस अशा एकूण ५३६ बसेसे ‘आपली बस’च्या ताफ्यात दाखल होत आहे.
 
वीर माता, भगिनींसाठी मोफत प्रवास
 
चालू आर्थिक वर्षात परिवहन समितीतर्फे अनेक नवीन आणि महत्त्वाकांक्षी योजना अंमलात आणण्यात येणार आहे. त्यामध्ये ‘मी जिजाऊ’ मोफत प्रवास सवलत योजनेअंतर्गत देशासाठी कर्तव्यावर तैनात असताना शहीद झालेल्या आणि मनपातील अग्निशमन व आणीबाणी विभागातील शहीद झालेल्या वीर जवानांच्या कुटुंबातील शहीदांच्या वीर माता, वीर भगिनी आणि वीर कन्या यांना ‘तेजस्विनी बस तथा सर्वच शहर बस सेवेतील बस’ मध्ये मोफत बस पास उपलब्ध करून देण्याचा मानस आहे. यासाठी १५ लाख रुपयांची तरतूद अर्थसंकल्पात करण्यात आली आहे. बस थांब्यालगत वॉटर एटीएमची निर्मिती करण्यात येणार असून त्यासाठी दोन कोटी रुपयांची तरतूद अर्थसंकल्पात करण्यात आली आहे. इलेक्ट्रिक बस चार्जिंग स्टेशन, सौर ऊर्जेद्वारे विद्युत निर्मिती करून इलेक्ट्रिक बस चार्ज करण्यासाठी त्याचा उपयोग यासाठी तीन कोटी रुपयांची तरतूद करण्यात आली आहे. समाजकल्याण विभागामार्फत प्रमुख बस स्थानकावर व्हिल चेअरची उपलब्धता, बस स्थानकावर वेळापत्रक लावणे, जाहिरात कंत्राट देऊन उत्पन्न स्त्रोत वाढविणे यासाठी विशेष प्रयत्न करण्यात येणार आहे. ज्या थांब्यावर शेड नाही अशा ६०० थांब्यावर नावीन्यपूर्ण फलकाची निर्मिती करून थांब्यावरील बस पार्किंगची जागा राखीव करण्याकरिता नावीन्यपूर्ण रंगसंगतीचे पेंटिंग करण्यात येणार आहे. यासाठी अर्थसंकल्पात एक कोटी रुपयांची तरतूद करण्यात आली आहे.
 
डेपोसाठी नवीन जागा
 
सध्या डिझेल बस ऑपरेटर्सकरिता असलेल्या डेपो व्यतिरिक्त शहराच्या पूर्व भागात वाठोडा येथे मनपाच्या १०.८० एकर जागेवर डिझेल बस डेपोकरिता जागा विकसित करण्याचे काम प्रगतीपथावर आहे. ग्रीन बस ऑपरेटरकरिता वाडी नाका येथे डेपोकरिता जागा विकसित करून देण्याचे काम पूर्णत्वास आले आहे. खापरी नाका येथे इथेनॉल पंप उभारणी करण्या आली आहे.
 
आठ संकल्पांची पूर्ती
 
परिवहन समितीद्वारे प्रवाशांना कार्यक्षम सेवा पुरविणे व विभागाच्या कामकाजात गतिमानता आणण्याच्या दृष्टीने मागील वर्षी दहा संकल्प समितीने निश्चित केले होते. त्यातील आठ संकल्प पूर्णत्वास आल्याचा विश्वास सभापती बंटी कुकडे यांनी अर्थसंकल्पात केला आहे. ‘मागेल त्याला बस’ या तत्वावर ६५ नवीन मार्गावर नव्याने बस फेऱ्यांची सुरुवात करण्यात आली. ज्येष्ठ नागरिकांना प्रवास भाड्यात भारतरत्न अटलबिहारी बाजपेयी योजनेअंतर्गत सवलत देण्याची अंमलबजावणीही करण्यात आली. ज्या दोन संकल्पाची पूर्ती अद्याप झाली नाही त्यामध्ये बस थांब्यालगत उपाहार गृहाची निर्मिती करणे, त्यासाठी बेरोजगार युवकांना काळजीवाहक म्हणून नेमणे आणि बस थांब्याची स्वच्छता, निगा व सुरक्षिततेची जबाबदारी त्यांच्यावर सोपविणे आणि सार्वजनिक व खासगी सहभागातून टर्मिनल विकसित करणे ह्यांचा समावेश आहे. हा विषय एकत्रितरीत्या विभागीय प्रशासनाच्या अख्यत्यारीत प्रगतीपथावर आहे.
 
तक्रारींसाठी टोल फ्री क्रमांक
 
प्रवाशांची गैरसोय टाळण्यासाठी व तक्रारींचे त्वरित निवारण करण्यासाठी समितीतर्फे ०७१२-२२७७९०९९ हा टोल फ्री व ७५००००४६५ हा व्हॉटस्‌ ॲप क्रमांक जाहीर करण्यात आल्या होत्या. टोल फ्री क्रमांकावर १४४७६ सूचना व तक्रारी प्राप्त झाल्या होत्या. त्यापैकी १३८८८ तक्रारींचा निपटारा करण्यात आला. व्हॉटस्‌ॲपवर एकूण ७७६ सूचना व तक्रारी प्राप्त झाल्या होत्या. त्यापैकी ६८६ चा निपटारा करण्यात आला.

 

 

लेटलतीफ कर्मचाऱ्यांची गय केली जाणार नाही !

मनपा आयुक्तांनी केला धंतोली व धरमपेठ झोनचा केला आकस्मिक दौरा
 
नागपूर,ता.२३ : झोन कार्यालयाची वेळ १० वाजताची आहे. कार्यालयीन वेळा पाळायलाच हव्या. दहा वाजतानंतर जो कर्मचारी येईल, त्याची गय केली जाणार नाही, असा इशारा आयुक्त वीरेंद्र सिंह यांनी दिला. बुधवारी (ता.२३) आयुक्त वीरेंद्र सिंह यांनी धंतोली आणि धरमपेठ झोन कार्यालयाचा आकस्मिक दौरा केला. यावेळी त्यांच्यासमवेत अतिरिक्त आयुक्त रवींद्र कुंभारे उपस्थित होते.
 
सकाळी दहा वाजता आयुक्त वीरेंद्र सिंह हे धंतोली कार्यालयात पोहचले. कुठलीही पूर्वसूचना नसताना आयुक्त झोन कार्यालयात आल्याने कर्मचाऱ्यांचीही तारांबळ उडाली. आयुक्तांनी आल्याबरोबरच झोन कार्यलायचे दरवाजे बंद केले. आतील कर्मचाऱ्यांशी संवाद साधला. हालचाल वही तपासली. त्यावेळी विभागीय उपअभियंता एम.के.सिंग हे अनुपस्थित असल्याने आयुक्तांनी संताप व्यक्त करीत त्यांना निलंबित करण्याचे निर्देश दिले. दरवाज्याचा बाहेर असलेल्या कर्मचाऱ्यांची यादी तयार करण्यात यावी आणि त्यांचे एक दिवसाचे वेतन कापण्याचे प्रस्ताव सादर करण्यात यावे, असे निर्देश आयुक्त वीरेंद्र सिंह यांनी दिले.
 
झोनमध्ये बायोमेट्रिक सिस्टीम लागू करण्यात यावी. कार्यालयातील सर्व अधिकारी व कर्मचारी यांची उपस्थिती ही बायोमॅट्रिक पद्धतीने करण्यात यावी, असे निर्देश आयुक्त वीरेंद्र सिंह यांनी दिले. दहा नंतर कार्यालयात येणाऱ्या कर्मचाऱ्यांना यानंतर निलंबित करण्यात येईल, अशी तंबीही आयुक्तांनी यावेळी दिली. यावेळी त्यांच्यासमवेत झोन सहायक आयुक्त राजू भिवगडे, सहायक अधीक्षक श्रीकांत वैद्य उपस्थित होते.   
 
धरमपेठ झोनमध्येही निलंबनाचे आदेश
 
धरमपेठ झोन कार्यालयात आयुक्त वीरेंद्र सिंह १०.१५ वाजता पोहोचले. तेथेही त्यांना कर्मचाऱ्यांची लेटलतिफी निदर्शनास आली. यावर त्यांनी संताप व्यक्त केला. असे जर नेहमीच होत असेल तर हे योग्य नाही. यापूर्वीही समज दिल्यानंतर असेच होत असेल तर आता गय करणार नाही, असा इशारा त्यांनी दिला. यावेळी त्यांनी कर्तव्यावर वेळेवर न पोहोचणाऱ्या धरमपेठ झोनमधील चार आणि धंतोली झोनमधील एक अशा पाच जणांना निलंबित करण्याचे आदेश दिले.
 
निलंबित केलेल्या कर्मचा-यांची नावे
 
१)               श्री. मनोज सिंग - उपअभियंता (धंतोली झोन क्र.४)
 
२)               श्री.एम.जी.भोयर - जलप्रदाय विभाग (सध्या कार्यरत धरमपेठ झोन, प्रकाश विभाग)
 
३)               श्री.ए.एस.शेख - क्षेत्र कर्मचारी फायलेरिया विभाग (सध्या कार्यरत धरमपेठ झोन, प्रकाश विभाग)
 
४)               श्री.नितिन झाडे - स्थापत्य अभियांत्रिकी लोककर्म विभाग (सध्या कार्यरत धरमपेठ झोन)
 
५)               श्री.अनिल निंबोरकर - सुतार, लोककर्म विभाग (सध्या कार्यरत धरमपेठ झोन )

 

 

नाईक तलाव सौंदर्यीकरणातील बाधितांना महापौरांच्या हस्ते घरकुल वाटप

नारा-नारी येथे पुनर्वसन : ६१ जणांना दिले घरकुल वाटप पत्र
 
नागपूर,ता. २३ : तेलीपुरा-तांडापेठ येथील नाईक तलाव सौंदर्यीकरणात जी घरे जात आहेत त्या लोकांचे व अन्य विकास प्रकल्प बाधितांचे पुनर्वसन नारा-नारी येथे करण्यात आले आहे. तेथे बांधण्यात आलेल्या घरकुलांचे वाटपपत्र बुधवारी (ता. २३) महापौर नंदा जिचकार यांच्या हस्ते महापौर कक्षात नागरिकांना वाटप करण्यात आले.
 
केंद्र व राज्य शासन पुरस्कृत जवाहरलाल नेहरू राष्ट्रीय नागरी पुनरुत्थान अभियानांतर्गत शहरी गरीब नागरिकांना मुलभूत सुविधा या योजनेअंतर्गत मंजूर प्रकल्पानुसार नारा नारी या वस्तीत सदर घरकुलांचे बांधकाम करण्यात आले आहे. या योजनेअंतर्गत पात्र लाभार्थ्यांना प्रत्येकी एकूण २५ चौ.मी. (२६९ चौ. फूट) चटई क्षेत्राच्या बांधकामात एक बैठक खोली, एक शयन कक्ष, एका स्वयंपाकाच्या खोलीसह शौचालय व स्नानगृह इत्यादी सुविधा पुरविण्यात आल्या आहेत. सदर योजनेअंतर्गत ५० टक्के वाटा केंद्र शासन, ३० टक्के वाटा राज्य शासन तर उर्वरीत वाटा महानगरपालिका व लाभार्थ्याला उचलावा लागतो.
 
बुधवारी महापौर कक्षात महापौर नंदा जिचकार यांच्या हस्ते लाभार्थ्यांना नागपूर महानगरपालिकेअंतर्गत झोपडपट्टी पुनर्वसन प्राधिकरणाच्या वतीने घरकुल वाटपपत्र प्रदान करण्यात आले. नाईक तलाव परिसरातील विकास कामासाठी बाधित झालल्या ७१ कुटुंबांपैकी ४० पात्र लाभार्थ्यांना तसेच इंदिरा नगर नाला परिसरातील दोन, संजय गांधी नगर नाला परिसरातील आठ, भीमरत्न नगर परिसरातील १० व बोरियापुरा येथील एक अशा एकूण ६१ लाभार्थ्यांचा यात समावेश आहे. यावेळी उपमहापौर दीपराज पार्डीकर, झोपडपट्टी पुनर्वसन प्राधिकरणाचे उपअभियंता आर.जी. राहाटे, उपअभियंता पंकज पाराशर, जनसंपर्क अधिकारी अशोक कोल्हटकर उपस्थित होते. प्रातिनिधिक स्वरूपात लक्ष्मी वासुदेव खंडारे, मोगरा मुरली साहू, पंढरी कृष्णा पिंपरीकर, राधाबाई चंद्रशेखर सावरकर, अन्नपूर्णा अन्नाजी चांदेकर, लिला पंढरी हेडाऊ, दामू महालू सोनकुसरे, नैनाबाई सिन्हा, कलाबाई खापेकर, मालाबाई बन्सोड, आशा कुशाल कांबळे, कल्पना प्रकाश ढवळे यांना घरकुल वाटपपत्र देण्यात आले.

 

 

मनपा आयुक्तांनी केली नदी स्वच्छता अभियानाची पाहणी

नागपूर,ता.२३ : नागपूर महानगरपालिकेद्वारे लोकसहभागातून ७ मे पासून नदी स्वच्छता अभियान राबविण्यात येत आहे. अभियानादरम्यान सुरू असलल्या कामाची पाहणी महापालिका आयुक्त वीरेंद्र सिंह यांनी बुधवारी (ता.२३) केली. यावेळी त्यांच्यासमवेत अतिरिक्त आयुक्त रवींद्र कुंभारे प्रामुख्याने उपस्थित होते.
 
शहरातील तिन्ही नद्या स्वच्छ करण्याचे काम महापालिकेद्वारे युद्धपातळीवर सुरू आहे. पोरा नदी स्वच्छता अभियानाचे काम एअरपोर्ट सेंटर पॉईंट, बेसा रोड, नरसाळा आणि नागनदी स्वच्छता अभियानाचे काम लोकांच्या शाळेजवळ सुरू आहे. आतापर्यंत तिन्ही नद्या मिळून १२ किमी स्वच्छता करण्यात आली आहे. तिन्ही नदीतून एकूण २६४१२ घनमीटर इतका गाळ काढण्यात आला आहे.
 
नदी स्वच्छता अभियानाबाबत आयुक्त वीरेंद्र सिंह यांनी समाधान व्यक्त केले. संबंधित अधिकाऱ्यांना आवश्यक ते निर्देश दिले. यावेळी आरोग्य अधिकारी डॉ.प्रदीप दासरवार, नेहरूनगर झोन सहायक आयुक्त राजेश कराडे, हनुमाननगर झोन सहायक आयुक्त राजू भिवगडे, संबंधित विभागाचे अधिकारी व कर्मचारी उपस्थित होते.  

 

 

नागपूर महानगरपालिका आणि युरोपियन युनियनमध्ये भागीदारी करार

शाश्वत शहरी विकास, स्मार्ट सिटी मिशनच्या गरजेसंदर्भात कृती आराखडा तयार करणार
 
नागपूर, ता. २३ : नागपूर महानगरपालिका आणि युरोपियन युनियन यांच्यामध्ये बुधवारी (ता. २३) इंटरनॅशनल अर्बन को-ऑपरेशन (आययूसी) या कार्यक्रमांतर्गत भागीदारी करार झाला. नागपूर (भारत) आणि कार्लस्रू (जर्मनी) या शहरांच्या शहरी विकासातील प्राथमिकतांमधील सहकार्याचे क्षेत्र ओळखण्यासाठी आणि विस्तारासाठी हा भागीदारी करार करण्यात आला आहे. या करारावर नागपूरच्या वतीने महापौर नंदा जिचकार, महानगरपालिका आयुक्त वीरेंद्र सिंह आणि कार्लस्रूच्या वतीने आयूसीचे भारतातील कार्यक्रम संचालक पियर रॉबर्टो रेमिटा यांनी स्वाक्षऱ्या केल्या. 
                
यावेळी विरोधी पक्ष नेता तानाजी वनवे, अतिरिक्त आयुक्त रवींद्र कुंभारे, स्मार्ट ॲण्ड सस्टेनेबल सिटी डेव्हलपमेंट कार्पोरेशन लि.चे मुख्य कार्यकारी अधिकारी डॉ. रामनाथ सोनवणे, सहायक आयुक्त (सामान्य प्रशासन) महेश धामेचा, कार्यकारी अभियंता (विद्युत) संजय जैस्वाल, कार्यकारी अभियंता (प्रकल्प) नरेश बोरकर उपस्थित होते. 
 
भारत या कार्यक्रमांतर्गत नागपूर आणि कार्लस्रू हे संयुक्तपणे विशेषत: शाश्वत शहरी विकास आणि भारतातील स्मार्ट सिटी मिशनच्या गरजेसंदर्भात स्थानिक कृती योजना तयार करणार आहेत. या करारावर स्वाक्षरी करण्याआधी आय.यू.सी.चे भारताचे प्रतिनिधी आशीष वर्मा (शाश्वत विकास तज्ज्ञ) यांनी प्रकल्पाबद्दल सादरीकरणाद्वारे थोडक्यात माहिती दिली. सदर कार्यक्रमाचा उद्देश, अंमलबजावणीची प्रक्रिया आणि शहरांमध्ये असलेल्या समस्यांची माहिती दिली. नागपूर स्मार्ट ॲण्ड सस्टेनेबल सिटी डेव्हलपमेंट कॉर्पोरेशन लिमिटेडचे मुख्य कार्यकारी अधिकारी डॉ. रामनाथ सोनवणे यांनी नागपूर शहर, संधी आणि आव्हाने याबाबत थोडक्यात माहिती दिली. आययूसी कार्यक्रम नागपूर शहराला ज्ञान विनिमय योजनेच्या दृष्टीने कशी मदत करतो हे सांगताना स्मार्ट सिटी नियोजनाची अंमलबजावणी याबाबत महत्त्वाचे मुद्दे विषद केले. शहरी विकास आणि नगरपालिका सेवांना एकत्रित करण्यास प्राधान्य, कार्बनचा कमी उपयोग आणि शहरी नवीनीकरण, शाश्वत गतीशीलता याबाबत त्यांनी सविस्तर माहिती दिली. शहरी विकासाच्या प्राथमिकतांना अंमलात आणण्यासाठी त्यांना सर्वोत्तम धोरण ओळखण्यासाठी व अंदाज घेण्यासाठी आय.यू.सी-भारत संघ आणि कार्लस्रू शहराने कार्य करावे, अशी विनंती केली. 
नागपूर महानगरपालिकेचे आयुक्त वीरेंद्र सिंह म्हणाले, नागपूर शहरातील शाश्वत शहरी विकासाशी संबंधित मुद्द्यांबद्दल नागपूर शहर जाणून घेण्यासाठी व युरोपीय शहरांमध्ये काम करण्याची ही उत्तम संधी आहे. या भागीदारीमुळे नागपूर आणि कार्लस्रू हे शाश्वत शहरी विकासाशी संबंधित विषयांवर एकत्रितपणे काम करतील. यामध्ये शहरी गतिशीलता, कमी कार्बन उत्सर्जन आणि शहरी नवीन उपक्रम तसेच शहरी विकास आणि नगरपालिका सेवांचे एकीकरण यांचा समावेश असेल. कार्लस्रू शहर स्मार्ट तंत्रज्ञानाचा वापर करीत आहे. त्यांच्या गतिशीलता योजनेचे मॉडेल खूप उत्साहवर्धक आहे. नागपूर आणि कार्लस्रू यांच्यातील ज्ञानविनिमय सक्षम होईल, अशी आशा त्यांनी व्यक्त केली.  
 
महापौर नंदा जिचकार यांनीदेखिल या कार्यक्रमाचे स्वागत केले आहे. जागतिक हवामानातील बदल आणि शाश्वत शहरी विकासाच्या उद्दिष्टांपर्यंत पोहोचण्यासाठी महत्त्वाकांक्षी पद्धतीने काम करण्याचा निर्धार त्यांनी व्यक्त केला. त्या म्हणाल्या, हवामान बदलाचा प्रतिकुल परिणाम नागरिकांच्या जीवनावर होऊ लागला आहे. बदललेले वातावरण आणि नैसर्गिक पर्यावरणाचा निकृष्ट दर्जा यासाह आता हवामान बदलाच्या प्रतिकुल परिणामांवर मात करण्यासाठी ठळक आणि अभिनव कृती करणे कार्लस्रूच्या सहकार्याने आय.यू.सी. कार्यक्रमाद्वारे होईल असा विश्वास त्यांनी व्यक्त केला. भविष्यात नागपुरातील भावी पिढीने चांगले जीवन जगावे अशी आपली इच्छा असून या कार्यक्रमासाठी आपण पूर्ण सहकार्य करू, असेही त्यांनी म्हटले.
 
काय आहे आय.यू.सी. कार्यक्रम?
 
आय.यू.सी. कार्यक्रम भारत, पूर्व आशिया, उत्तर आणि दक्षिण अमेरिकामधील युरोपीयन युनियनमधील शहरे आणि भागीदार शहरांमधील शाश्वत शहरी विकासावर सहकार्य वाढवितो. कार्यक्रमाद्वारे शाश्वत शहरी विकासाच्या समस्यांना हाताळण्यासाठी नवा दृष्टीकोन जोडण्यात येईल. दोन्ही शहरांचे प्रतिनिधी विनिमय भेटीस उपस्थित राहतील आणि शहरांच्या शाश्वत नागरी विकासास चालना देण्यासाठी स्थानिक कृती योजना विकसित करतील.

 

 

जैवविविधतेचे संवर्धन ही प्रत्येक नागरिकाची जबाबदारी

महापौर नंदा जिचकार : जैवविविधता दिवसानिमित्त सातपुडा वनस्पती उद्यानाला दिली भेट, औषधी वनस्पतींचे केले निरीक्षण
 
नागपूर, ता. २२ :   निसर्गातील प्रत्येक वस्तू एकमेकांवर अवलंबून आहे. ही साखळी तुटली तर निसर्गाचा समतोल बिघडेल. बदलत्या जीवनशैलीचा प्रभाव आपल्या जीवनावर पडला आहे. त्यामुळे जैवविविधतेकडे आपण कमालीचे दुर्लक्ष करीत आहोत. ह्या नैसर्गिक संपदेचे जतन हे आपले कर्तव्य आहे. जैवविविधतचे संवर्धन ही प्रत्येक नागरिकाची जबाबदारी आहे, असे उद्‌गार महापौर नंदा जिचकार यांनी काढले.
 
जागतिक जैवविविधता दिवसाच्या निमित्ताने नागपूर महानगरपालिकेतील जैवविविधता समितीने स्थानिक सातपुडा वनस्पती उद्यान येथे नगरसेवकांच्या दौऱ्याचे आयोजन केले होते. या दौऱ्यादरम्यान संवाद साधनाता महापौर नंदा जिचकार बोलत होत्या.
 
यावेळी जैवविविधता समितीच्या अध्यक्षा दिव्या धुरडे, सदस्य निशांत गांधी, धंतोली झोनच्या सभापती विशाखा बांते, हनुमाननगर झोनच्या सभापती रूपाली ठाकूर, ज्येष्ठ नगरसेविका रूपा राय, चेतना टांक, मंगला खेकरे, जनसंपर्क अधिकारी अशोक कोल्हटकर, उद्यान अधीक्षक अमोल चोरपगार, डॉ. पंजाबराव देशमुख कृषी विद्यापीठाच्या उद्यान विद्याविभागाचे प्रमुख डॉ. रमाकांत गजभिये, सातपुडा वनस्पती उद्यानाचे प्रभारी अधिकारी डॉ. व्ही. यू. राऊत, वरिष्ठ संशोधन सहायक संजीव परहाटे, तेलंगखेडी उद्यानाचे पी. एन. भुते यांची उपस्थिती होती.
 
महापौर नंदा जिचकार व अन्य सदस्यांनी यावेळी ६५ एकर इतक्या मोठ्या परिसरात पसरलेल्या उद्यानातील विविध ठिकाणांना भेट दिली. आमराईतील विविध प्रजातींची झाडे, हर्बल गार्डनमधील शतावरी, अनंतमूळ, गवती चहा, हड्डीजोड वनस्पती, अमलतास, सिट्रोनिला, काळी हळद, अमृतवेल, लेंडीपिवळी आदी औषधी वनस्पती, विविध प्रकारच्या तुळशी, ग्रीन हाऊस मधील वनस्पतींबद्दल सविस्तर माहिती घेतली. या सर्व वनस्पतींच्या उपयोगाबाबत प्रा. रमाकांत गजभिये यांनी माहिती दिली.
 
सातपुडा वनस्पती उद्यान म्हणजे नागपूरकरांसाठी ठेवा आहे. ह्याचे जतन झाले पाहिजे. विविध शाळांतील विद्यार्थ्यांना येथे आणून या सर्व वनस्पतींबद्दल माहिती दिल्यास भावी पिढीला या नैसर्गिक संपत्तीचे महत्त्व पटेल, त्याचे जतन करण्याची भावना त्यांच्या मनात निर्माण होईल, असे महापौर नंदा जिचकार यावेळी बोलताना म्हणाल्या. जैवविविधता समितीच्या माध्यमातून येथे महानगरपालिकेतील संपूर्ण पदाधिकारी आणि नगरसेवकांच्या दौऱ्याचे आयोजन करण्यात येईल. या वनस्पतींबद्दल आणि उद्यानातील जैवविविधतेबद्दलची माहिती लोकांपर्यंत पोहचविण्याचा आपला प्रयत्न राहील, असा जैवविविधता समितीच्या अध्यक्ष दिव्या धुरडे यांनी सांगितले. महाराजबाग येथील नर्सरीत अशा प्रकारच्या वनस्पती उपलब्ध असल्याची माहिती डॉ. रमाकांत गजभिये यांनी दिली. तेलंगखेडी उद्यानातही अशाच वनस्पती असून त्या उद्यानाचे सौंदर्यीकरण करण्यात आले असल्याचे त्यांनी यावेळी सांगितले.
 

 

पावसाळ्यातील संभाव्य नैसर्गिक आपत्ती वर उपाययोजना म्हणून प्रशासन यंत्रणा सज्ज ठेवा : महापौर

मान्सूनपूर्व तयारीचा घेतला आढावा
 
दहाही झोनमध्ये स्टॅण्डर्ड ऑपरेटिंग सिस्टीम उभारणार !
 
नागपूर,ता. २२ : पावसाळ्यातील संभाव्य नैसर्गिक आपत्ती वर उपाययोजना म्हणून महापालिकेची यंत्रणा सज्ज ठेवण्याचे निर्देश महापौर नंदा जिचकार यांनी दिले. मंगळवार (ता.२२) मनपा मुख्यालयातील छत्रपती शिवाजी महाराज प्रशासकीय इमारतीत मान्सूनपूर्व तयारीची बैठक आयोजित करण्यात आली होती. त्यावेळी त्या बोलत होत्या.
 
यावेळी आयुक्त विरेंद्र सिंह, अतिरिक्त आयुक्त रवींद्र कुंभारे, अतिरिक्त उपायुक्त राजेश मोहिते, कार्यकारी अभियंता (विद्युत) संजय जैस्वाल, कार्यकारी अभियंता (जलप्रदाय) संजय गायकवाड, कार्यकारी अभियंता अनिरूद्ध चौंगजकर, कार्यकारी अभियंता मोती कुकरेजा, कार्यकारी अभियंता सतीश नेरळ, सी.जी. धकाते, मुख्य अग्निशमन अधिकारी राजेंद्र उचके प्रामुख्याने उपस्थित होते.
 
प्रशासनाने केलेल्या मान्सूनपूर्व तयारीचा आढावा महापौरांनी अतिरिक्त आयुक्त रवींद्र कुंभारे आणि मुख्य अग्निशमन अधिकारी राजेंद्र उचके यांच्यामार्फत घेतला. महापालिकेद्वारे नैसर्गिक पूर प्रतिबंधक आराखडा १ जून ते ३० सप्टेंबरपर्यंत राबविण्यात येणार आहे. झोनस्तरावर एक नियंत्रण कक्ष स्टॅण्डर्ड ऑपरेटिंग सिस्टीम दोन दिवसात उभारण्याचे निर्देश आयुक्त वीरेंद्र सिंह यांनी दिले. दहाही झोनमधील नियंत्रण कक्षातील आपतकालीन मोबाईल क्रमांकांची यादी मुख्यालयातील नियंत्रण कक्षाला देण्यात यावी, असे आदेश आयुक्तांनी दिले. नियंत्रण कक्षाला अतिरिक्त आयुक्त, उपायुक्त यांच्या पथकाने आकस्मिक भेट द्यावी, त्याठिकाणी गैरहजर असलेल्या अधिकाऱ्यांवर तात्काळ कारवाई करण्याचे निर्देश आयुक्त वीरेंद्र सिंह यांनी दिले.
 
रस्त्यांवरील झाडांच्या वाढलेल्या फांद्याची छाटणी करण्याचे आदेश महापौर नंदा जिचकार यांनी संबंधित विभागाला दिले. झोनमध्ये असलेले पाणी उपसण्याचे पंप, मशीन्स व पावसाळ्यात लागणारे उपकरणे दुरूस्त करून ठेवण्याचे व झोननिहाय उपकरणे, पंप, मशीन्स याची यादी मुख्य अग्निशमन अधिकाऱ्यांकडे सोपविण्यात यावी, असे आदेश आयुक्त वीरेंद्र सिंह यांनी दिले. जीर्ण झालेल्या इमारतींची यादी तयार करून त्या इमारतींची माहिती झोन सहायक आयुक्ताला द्यावी, असे निर्देश आयुक्तांनी दिले.
 
शहरातील ज्या भागात पावसाचे पाणी शिरते, ते भाग ओळखून त्या ठिकाणी असलेले रहिवासी व अतिक्रमणधारकांना नोटीस देण्यात यावी, गरज पडल्यास त्यांना सुरक्षा स्थळी पोहचविण्याची सूचना अतिरिक्त आयुक्त रवींद्र कुंभारे यांनी केली. प्रत्येक झोनमधील एखादे सुरक्षा स्थळ सहायक आयुक्तांनी शोधून ठेवावे, असेही निर्देश आयुक्त वीरेंद्र सिंह यांनी दिले.
 
गडरलाईन स्वच्छ करण्यात यावी, गडर उघडे असतील तर त्यावर पावसाळ्यापूर्वी झाकणे लावण्याचे निर्देश अतिरिक्त आयुक्त रवींद्र कुंभारे यांनी दिले. दर पावसाळ्यात नरेंद्र नगर पुलाखाली पाणी साचते त्याची पर्यायी सोय प्रशासनाने काय केली आहे, याचा आढावा महापौरांनी घेतला. त्यावर नरेंद्र नगर पुलाखाली पाणी साचल्यास तो रस्ता बंद करण्यात यावा, पर्यायी रस्त्याचा वापर करण्याची सूचना देणारा फलक त्या ठिकाणी लावण्याचे आदेश आयुक्त वीरेंद्र सिंग यांनी दिले. अशाच प्रकारच्या घटना ज्या ठिकाणी घडत असेल त्या ठिकाणी सूचना फलक लावण्यात यावे, असेही निर्देश आयुक्तांनी दिले. पावसामुळे रस्त्यावर खड्डे तयार होतात. जर पाऊस सुरू असेल तर तात्पुरते माती टाकून खड्डे बुजविण्यात यावे, पाऊस संपल्यानंतर कायमस्वरूपी खड्डे बुजविण्यात यावे, असे निर्देश अतिरिक्त आयुक्त रवींद्र कुंभारे यांनी दिले.
 
बैठकीला उपअभियंता प्रदीप राजगिरे, शकील नियाजी, श्री.खोत, सर्व झोन सहायक आयुक्त, संबंधित विभागाचे अधिकारी व कर्मचारी उपस्थित होते.

 

 

क्रेझी कैसल घटनेतील दोषीवर कारवाई करू : नंदा जिचकार

अंबाझरी येथील क्रेझी कॅसल येथे झालेल्या दुर्देवी घटनेच्या पार्श्वभूमीवर महापौर नंदा जिचकार यांनी घटनास्थळी भेट देऊन घटनेची माहिती जाणून घेतली. घटनेची संपूर्ण शहनिशा करून जो दोषी असेल त्यावर कठोर कारवाई करण्यात यावी, असे आदेश महापौर नंदा जिचकार यांनी दिले. क्रेझी कॅसलची लीज संपली आहे. त्यांना जागा सोडण्याची नोटीस बजाविण्यात असून त्यांनी जागा रिकामी केली नाही, क्रेझी कॅसलवर कायदेशीर कारवाई करण्यात येईल, असेही महापौर नंदा जिचकार यांनी सांगितले.

 

 

नवीन ड्रेनेज लाईन निर्माण कार्याचे भूमिपूजन

धरमपेठ आंबेडकर नगर वसाहतीत कार्यक्रम : महापौर, आमदार देशमुखांची उपस्थिती
 
नागपूर, ता. १९ : नागपूर महानगरपालिका प्रभाग क्र. १५ धरमपेठ आंबेडकर नगर वसाहतीतील जुनी ड्रेनेज लाईन बदलून नवीन ड्रेनेज लाईन टाकण्याच्या कामाचे भूमिपूजन शनिवारी (ता. १९) आंबेडकर नगर बौद्ध विहार येथे महापौर नंदा जिचकार यांच्या हस्ते झाले.
 
कार्यक्रमाच्या अध्यक्षस्थानी विलास गजघाटे होते. यावेळी प्रमुख पाहुणे म्हणून आमदार सुधाकर देशमुख, स्थापत्य समितीचे सभापती संजय बंगाले, नगरसेविका रूपा राय, उज्ज्वला शर्मा, नगरसेवक सुनील हिरणवार, निशांत गांधी, प्रभाग अध्यक्ष अमर पारधी उपस्थित होते.
 
याप्रसंगी आयोजित कार्यक्रमात बोलताना महापौर नंदा जिचकार म्हणाल्या, नागपूर शहरातील अनेक ड्रेनेज लाईन जुन्या झाल्या आहेत. यामुळे अनेक प्रश्न निर्माण होतात. त्यामुळे आता आवश्यक त्या ठिकाणच्या ड्रेनेज लाईन बदलण्याचा कार्यक्रम हाती घेण्यात आला आहे. नागपूर शहराला नुकताच स्वच्छ सर्वेक्षणमध्ये राष्ट्रीय स्तरावर पुरस्कार प्राप्त झाला. लोकांची मानसिकता आता बदलत आहे. नागपूर शहर स्वच्छ, सुंदर करण्यात लोकसहभाग आवश्यक आहे. पुढील वर्षी स्वच्छतेच्या बाबतीत नागपूर प्रथम क्रमांकावर येण्यासाठी आता पुन्हा एकदा सामूहिक प्रयत्न करणे आवश्यक असल्याचे त्यांनी सांगितले.
 
आमदार सुधाकर देशमुख म्हणाले, नागपूर शहराची हवा स्वच्छ आहे. नागपूर शहर हिरवे आहे. लोकांची साथ मिळाली तर स्वच्छ पुरस्कारात नागपूर देशात अव्वल येईल, यात शंका नाही.
 
कार्यक्रमाला प्रमोद थूल, प्रसन्ना राऊत, शैलेंद्र वाजपेयी, स्मृती राघव, श्रीमती पाटील, हंसराज सूर्यवंशी, संजय कश्यप, मनोज हिरणवार, हरिभाऊ फाटक, अनिल जैसवाल, ॲड. प्रकाश दुर्गे, स्वप्नील मसराम, महेश रामडोहकर, योगेश सोनकर्रे, गुड्डू गुप्ता, राजेश कनोजिया, श्यामलता नायडू, किशोर कनोजिया, अनिल गोरे, श्रीमती भोयर उपस्थित होते.

 

 

पाणी व्यवस्थापन प्रणालीत सुधारणा करा : कुकरेजा

स्थायी समिती सभापती , आयुक्तांनी घेतला आढावा : डीआरएच्या कार्यप्रणालीवर ओढले ताशेरे
 
नागपूर, ता. १८ :  नागपुरात पाच लाख ३२ हजार मालमत्ता आहेत. त्यानुसार पाणी कनेक्शनही याच तुलनेत असायला हवे. कर विभागासोबत जलप्रदाय विभागाने समन्वय साधून तातडीने नवीन कनेक्शन द्यावे, ग्राहकांकडे असलेली थकबाकी वसूल करण्यासाठी विशेष पथक लावावे, चोरी गेलेल्या मीटरबाबत एनईएसएलने तातडीने निर्णय घ्यावा आणि नव्याने मीटर द्यावे आणि चालू आर्थिक वर्षात पाणी बिल वसुलीपोटी ३०० कोटींचे उद्दिष्ट ठेवावे, असे निर्देश स्थायी समितीचे सभापती वीरेंद्र कुकरेजा यांनी दिले.
 
डीआरए नामक कन्सल्टन्सीने सादर केलेला प्रकल्प राबविण्याचे कार्य ओसीडब्ल्यू करीत आहे. मात्र डीआरएच्या कार्यप्रणालीवरच प्रश्नचिन्ह उपस्थित करीत स्थायी समिती सभापतींनी नाराजी व्यक्त केली. यासंदर्भातही एनईएसएलने तातडीने निर्णय घ्यावा, असेही निर्देश सभापती कुकरेजा यांनी दिले.
 
नागपूर शहरात होणारा पाणीपुरवठा, नागरिकांच्या तक्रारी, थकीत बिलाची वसुली, अवैध नळ कनेक्शनचे नियमितीकरण, अमृत योजनेअंतर्गत सुरू असलेल्या कामांची प्रगती आदी विषयांवर सभापती वीरेंद्र कुकरेजा यांच्या अध्यक्षतेखाली शुक्रवारी (ता. १८) मनपा मुख्यालयातील डॉ. पंजाबराव देशमुख स्मृती सभागृहात विशेष बैठक पार पडली. बैठकीला मनपा आयुक्त वीरेंद्र सिंह, जलप्रदाय समितीचे सभापती पिंटू झलके, ज्येष्ठ नगरसेवक दयाशंकर तिवारी, अतिरिक्त आयुक्त रवींद्र कुंभारे, नगरसेवक सुनील हिरणवार, मनोज सांगोळे, शेषराव गोतमारे, जुल्फेकार भुट्टो, राजेश मानकर, नगरसेविका सोनाली कडू, मंगला खेकरे, अर्चना पाठक, विद्या कन्हेरे, मनिषा अतकरे, अभिरुची राजगिरे, कार्यकारी अभियंता (जलप्रदाय) संजय गायकवाड, कार्यकारी अभियंता प्रदीप राजगिरे, मुख्य लेखा व वित्त अधिकारी मोना ठाकूर, लेखाधिकारी शिंदे, ओसीडब्ल्यूचे सर्वश्री मुख्य कार्यकारी अधिकारी संजय रॉय, उपसंचालक (ग्राहक सेवा) राहुल कुलकर्णी, उपसंचालक राजेश कालरा उपस्थित होते.
 
सध्या नागपुरात तीन लाख ३० हजार एकूण नळ कनेक्शन असून त्यापैकी दोन लाख ४० हजार ग्राहकांच्या मीटरची रीडींग घेण्यात येते. ५३ हजार ग्राहकांना सरासरी बिल पाठविण्यात येते तर २२ हजार ग्राहकांना फ्लॅट बिल पाठविण्यात येते. थकबाकीदारांमध्ये ५० हजार ते एक लाख थकबाकी असलेले २२७६ ग्राहक आहेत. त्यांच्याकडे सुमारे १५ कोटी रुपयांची थकबाकी आहे. एक लाखांवरील थकबाकीदार ७९३ आहेत. पाच हजारांपेक्षा कमी थकबाकी असलेल्या ग्राहकांची संख्या एक लाख २४ हजार आहे. एक लाखांपर्यंत थकबाकी असलेल्या २२७६ पैकी १८०० ग्राहकांची नळ जोडणी कापली असून अन्य ग्राहकांना नोटीस देण्यात आले असल्याची माहिती ओसीडब्ल्यूच्या अधिकाऱ्यांनी दिली.
 
ज्या ग्राहकांचे मीटर चोरीला गेले आहे, अशा ग्राहकांकडे पुढील १५ दिवसांत मीटर लागायला हवे. यासाठी ग्राहकांना प्रथम नोटीस देण्यात यावी. १५ दिवसांत ग्राहकांनी मीटर बदलवावे, अन्यथा मनपा ते मीटर बदलवेल. मीटरची किमत सहा महिन्यांत बिलामधून टप्प्याटप्प्याने वसूल केली जाईल, असे निर्देश सभापती कुकरेजा यांनी दिले. यावर झालेल्या चर्चेनंतर ग्राहकांनी ५० टक्के रक्कम द्यावी, ५० टक्के रक्कम ओसीडब्ल्यूने भरावी, अशी सूचना काही सदस्यांनी दिली. चर्चेअंती हा विषय निर्णय घेण्यासाठी एनईएसएलकडे पाठविण्याचे निर्देश सभापती वीरेंद्र कुकरेजा यांनी दिले. जुन्या बिलाच्या तडजोडीचा निर्णय घेण्याचा विषयही एनईएसएलकडे वर्ग करण्यात आला. अनेक पाणी पुरवठा पाईपलाईनवर सीमेंट रस्ते तयार झाले आहेत. यासंदर्भात वेळोवेळी पत्रव्यवहार केल्याचे ओसीडब्ल्यूच्या अधिकाऱ्यांनी निदर्शनास आणून दिले. याबाबत आपण स्वत: लक्ष घालू, असे आयुक्त वीरेंद्र सिंह यांनी सांगितले.
 
पुढील बैठकीपासून ओसीडब्ल्यूने वसुलीचे महिनानिहाय विवरण सादर करावे, असेही निर्देश स्थायी समिती सभापती कुकरेजा यांनी दिले. बैठकीला ओसीडब्ल्यूचे डेलिगेटस्‌ व अन्य संबंधित अधिकारी, कर्मचारी उपस्थित होते.

 

 

'स्वच्छ सर्वेक्षण २०१८' चे पुरस्कार जाहीर

नागपूर शहराला नावीन्यपूर्ण व उत्कृष्ट कार्यशैलीचा पुरस्कार 
 
नागपूर, ता. १६ : 'स्वच्छ सर्वेक्षण २०१८' चे पुरस्कार आज (ता. १६) नवी दिल्लीत जाहीर करण्यात आले. नागपूर हे शहर स्वच्छ सर्वेक्षणात देशातील नावीन्यपूर्ण व उत्कृष्ट कार्यशैली असणारे शहर ठरले आहे.
 
आज नवी दिल्ली येथे केंद्रीय गृहनिर्माण व शहरविकास मंत्री हरदीपसिंग पुरी ह्यांनी या पुरस्कारांची घोषणा केली. महाराष्ट्र हे सर्वाधिक स्वच्छ शहरांच्या यादीत दुसऱ्या क्रमांकाचे राज्य ठरले आहे. महाराष्ट्रातील एकूण नऊ शहरांना पुरस्कार मिळाले असून सहा राष्ट्रीय स्तरावरचे तर तीन विभागीय स्तरावरचे पुरस्कार आहेत. राष्ट्रीय स्तरावर मिळालेल्या पुरस्कारामध्ये नागपूर शहराचा समावेश आहे.
 
नागपूरच्या महापौर नंदा जिचकार आणि तत्कालीन आयुक्त तथा जिल्हाधिकारी अश्विन मुदगल यांच्या नेतृत्वात नागपूर शहराने ही कौतुकास्पद कामगिरी बजावली आहे. तत्कालीन आयुक्त अश्विन मुदगल यांनी शहर हागणदारीमुक्त करण्यासाठी आरोग्य विभागाची संपूर्ण चमू कामाला लावली होती. त्यानंतर स्वच्छ सर्वेक्षणा संदर्भात झोन निहाय बैठका घेऊन कृती आराखडा प्रत्यक्षात उत्तरविला. स्वच्छ सर्वेक्षणात कुठेही कमी राहु नये यासाठी म्हापैर नंदा जिचकार, तत्कालीन मनपा आयुक्त अश्विन मुदगल यांनी आणि अधिकारी, कर्मचारी, पदाधिकारी, नगरसेवकांनी वस्त्यावस्त्यामध्ये मध्ये दौरे करून नागरिकांमध्ये जनजागृती केली. स्वच्छ्ता अम्बेसडरची नियुक्ती करून त्यांच्या माध्यमातून त्यांच्या त्यांच्या क्षेत्रात स्वच्छ्ता सर्वेक्षणाची माहिती पोचविली.
 
लोकसहभागासाठी वेळोवेळी आवाहन करण्यात आले होते. त्यानुसार नागपुरकरांनीही जनजागृती मोहिमेत सहभाग घेतला. लोकप्रतिनिधी, मनपाचे पदाधिकारी, नगरसेवक, अधिकारी, कर्मचारी, स्वच्छता कर्मचारी, स्वच्छ्ता दूत आदीच्या सामूहिक प्रयत्नातून नागपूर शहराने ही यशश्री खेचून आणली. स्वच्छता अम्बेसेडर डॉ. चंद्रशेखर मेश्राम, आरजे निकेता साने, हास्य कवि मधुप पांडेय, डॉ. अमित समर्थ, कौस्तभ चैटर्जी यानीही जनतेचे आभार मानले आहे.
 
जनतेचे आभार : महापौर नंदा जिचकार
नागपूर शहराने स्वच्छ सर्वेक्षणात मारलेली मुसंडी हे सामूहिक प्रयत्नाचे फलित आहे. पदाधिकारी, नगरसेवक, अधिकारी, कर्मचारी यांच्या योगदानासोबतच जनतेने या सर्वेक्षणात जो भरभरून प्रतिसाद दिला, त्याबदल जनता आणि सर्वांचे महापौर या नात्याने मी आभार मानते आणि सर्व नागपूरकरांचे अभिनंदन करते.
 
सामूहिक प्रयत्नाचे यश : जिल्हाधिकारी अश्विन मुदगल
नागपूरने स्वच्छ्ता सर्वेक्षणात राष्ट्रीय पातळीवर मिळविलेले यश हे सामूहिक प्रयत्नाचे आणि प्रामाणिक कामगिरीचे फलित आहे. मनपातील अधिकारी, कर्मचारी आणि सफाई कामगारांनी खरच प्रामाणिकपणे कर्तव्य बजावले. नागरिकांमध्ये जाण्यास नगरसेवकांनी सहकार्य केले. लोकांनीही सकारात्मक प्रतिसाद देत सहकार्य केले. यासाठी मी सर्वांचे अभिनंदन करतो.
 
नागपूरकरांचे अभिनंदन : आयुक्त वीरेंद्र सिंह
स्वच्छता सर्वेक्षणात बाजी मारलयबद्दल नागपूरांसह सर्व अधिकारी, कर्मचारी, पदाधिकाऱ्यांचे मी अभिनंदन करतो. यापुढेही अशीच सामूहिक कामगिरी करून सर्व क्षेत्रात यश प्रप्त करू.
 
महापौर आणि आयुक्तांच्या नेतृत्वाने दिले यश : स्वच्छता अम्बेसडर कौस्तभ चैटर्जी
सन २०१७-१८ मध्ये स्वच्छता सर्वेक्षणाला महापौर नंदा जिचकार आणि तत्कालीन आयुक्त अश्विन मुदगल यांच्या नेतृत्वाने खऱ्या अर्थाने गती दिली. या दोघांच्याही काम करण्याच्या पद्धतीने अशिकारी, कर्मचारी आणि अभियानात काम करणाऱ्या स्वयंसेवी संस्थाच्या स्वयंसेवकांना प्रोत्साहन मिळाले. काम करण्याची ऊर्जा मिळाली आणि यामुळेच स्वच्छता सर्वेक्षण लोकांपर्यंत पोचले. या दोन्ही नेतृत्वाचे आणि सर्व संबंधितांचे मी अभिनंदन करतो.

 

 

सुदामपुरी, भांडेप्लॉट मधील पाणी समस्येवर तीन दिवसांत तोडगा काढा

महापौर, आयुक्तांचे निर्देश : विरोधी पक्ष नेत्यांसह ऐकल्या समस्या
 
नागपूर, ता. १६ :  प्रभाग क्र २७ मधील सुदामपुरी, भांडे प्लॉट परिसरातील ज्या भागात पाण्याचा वेग कमी आहे तेथे पाण्याचा वेग वाढवा आणि तीन दिवसांत आवश्यक त्या उपाययोजना करून नियमित पाणी द्या, असे निर्देश महापौर नंदा जिचकार आणि आयुक्त वीरेंद्र सिंह यांनी संबंधित अधिकाऱ्यांना दिले.
 
सुदामपुरी परिसरातील काही भागात अनेक दिवसांपासून पाणी नाही. पाणी आले तर त्याचा फोर्स कमी असतो. कमी वेळ पाणी पुरवठा असतो, टँकर नियमित येत नाही, अशा नागरिकांच्या तक्रारी होत्या. त्यामुळे परिस्थितीचा आढावा घेण्यासाठी विरोधी पक्ष नेते तानाजी वनवे आणि नगरसेविका दिव्या धुरडे यांच्या विनंतीवरून महापौर नंदा जिचकार आणि आयुक्त वीरेंद्र सिंह यांनी परिसराचा दौरा केला. या दौऱ्यात जलप्रदाय समितीचे सभापती विजय (पिंटू) झलके, झोन सभापती रिता मुळे, सतरंजीपुरा झोन सभापती यशश्री नंदनवार, अपर आयुक्त रवींद्र कुंभारे, कार्यकारी अभियंता (जलप्रदाय) संजय गायकवाड, नेहरूनगर झोनचे सहायक आयुक्त राजेश कराडे, माजी नगरसेविका ताराबाई नखाते, ओसीडब्ल्यूचे राजेश कालरा उपस्थित होते.
 
यावेळी नागरिकांनी महापौर व आयुक्तांसमोर पाण्याच्या समस्या मांडल्या. महापौरांनी ओसीडब्ल्यूच्या अधिकाऱ्यांना या समस्येवर आतापर्यंत काय उपाय केले, याची माहिती घेतली. परिसरात पाण्याचा नियमित पुरवठा करण्यासाठी आवश्यक त्या उपाययोजना करा आणि तीन दिवसांत येथील पाणीपुरवठा सुरळीत करा, असे निर्देश महापौरांनी दिले.
 
यावेळी विरोधी पक्ष नेते तानाजी वनवे यांनी एनआयडी कॉम्प्लेक्स, आयुर्वेदिक कॉलनी, भांडे प्लॉट आदी परिसरातही पाणी समस्या असल्याची बाबत लक्षात आणून दिली. यावेळी एनआयटी कॉम्प्लेक्सच्या रहिवाशांनी महापौर व आयुक्तांना निवेदनही सादर केले.
 
यावेळी परिसरातील नागरिक उपस्थित होते.
 

 

पाच हजारांवर गप्पी मासे पाण्यात सोडले
 
डेंग्यू दिवस : हिवताप व हत्तीरोगविभागातर्फे दहाही झोनमध्ये प्रभातफेरी
 
नागपूर, ता. १६ :  राष्ट्रीय डेंग्यू दिनाचे औचित्य साधून नागपूर महानगरपालिकेच्या हिवताप व हत्तीरोग विभागातर्फे दहाही झोनमध्ये ‘गप्पीमासे वितरण काढण्यात आली. या दरम्यान शहरभरात निरनिराळ्या ठिकाणच्या पाण्यामध्ये सुमारे पाच हजारांवर गप्पी मासे सोडण्यात आले.
 
दहाही झोनअंतर्गत काढण्यात आलेल्या प्रभातफेरीमध्ये स्थायी समिती सभापती वीरेंद्र कुकरेजा, विरोधी पक्ष नेते तानाजी वनवे, धंतोली झोन सभापती विशाखा बांते, नेहरूनगर झोन सभापती रिता मुळे, धरमपेठ झोन सभापती प्रमोद कौरती, नगरसेविका रेखा साकोरे, वनिता दांडेकर, रूपा राय, शीतल कामडे, जयश्री वाडीभस्मे, दिव्या धुरडे, झिशान मुमताज अंसारी, आशा ऊईके, सैय्यदा बेगम, कांता रारोकर, भावना संतोष लोणारे, मंगला योगेश लांजेवार, नगरसेवक सुनील हिरणवार, मनोज सांगोळे, सतीश होले, संजय चावरे, हिवताप व हत्तीरोग अधिकारी जयश्री थोटे, जनसंपर्क अधिकारी अशोक कोल्हटकर, राजू वराटे, विजय काळे सहभागी झाले होते.
 
प्रभातफेरीच्या प्रारंभी उपस्थित नागरिकांनी, अधिकारी व कर्मचाऱ्यांनी कीटकजन्य आजारावर नियंत्रण मिळविण्याबाबतची शपथ घेली. प्रभातफेरीचे आयोजन  लक्ष्मीनगर झोनमध्ये सोमलवाडा रुग्णालयातून, धरमपेठ झोनमध्ये रामदासपेठ येथून, हनुमान नगर झोनमध्ये झोन कार्यालयातून, धंतोली झोनमध्ये पार्वतीनगर येथून, नेहरूनगर झोनमध्ये नवीन नंदनवन पाण्याच्या टाकीजवळून, गांधीबाग झोनमध्ये मोमीनपुरा येथून, सतरंजीपुरा झोनमध्ये मेहंदीबाग येथून, लकडगंज झोनमध्ये वर्धमाननगर येथून, आशीनगर झोनमध्ये रिपब्लिकन नगर येथून तर मंगळवारी झोनमध्ये जरीपटका येथून प्रभातफेरी करण्यात आले होते. दरम्यान नागरिकांना आरोग्य शिक्षण व कीटकजन्य आजाराबाबत माहिती देण्यात आली. प्रभातफेरीदरम्यान पत्रके वाटून, स्टीकर, पोस्टर लावून जनजागृती करण्यात आली. त्यानंतर गप्पीमासे वाटप कार्यक्रमाचे आयोजन प्रत्येक झोनमध्ये करण्यात आले होते.
 
पाच हजारांवर मासे वाटप
 
प्रभातफेरीदरम्यान सर्व झोनमधून एकूण ३१०० घरांना भेटी देण्यात आल्या. या भेटीत कुलरमध्ये ३८३०, निरुपयोगी विहिरींमध्ये २७, टाक्यांमध्ये ८१९, मातीच्या भांड्यांमध्ये १५५, कारंज्यांमध्ये सात, मोठ्या नाल्यांमध्ये सात, लहान नाल्यांमध्ये नऊ, तळघरांमध्ये पाच, रिकाम्या भूखंडांवर तीन, बांधकामाच्या स्थळी असलेल्या लिफ्टच्या खड्ड्यांमध्ये तीन, वेगवेगळ्या प्रकारच्या खड्ड्यांमध्ये १२ आणि अन्य ठिकाणी २०७ असे एकंदर पाच हजारांवर गप्पी मासे सोडण्यात आले.

 

 

अतकर ले-आऊटमधील रस्त्याचे भूमिपूजन

नागपूर, ता. १५ :  गेल्या अनेक वर्षांपासून प्रलंबित असलेल्या प्रभाग ३० मधील अतकर ले-आऊटमधल रस्त्याचे भूमिपूजन प्रभागाचे नगरसेवक व क्रीडा समिती सभापती नागेश सहारे यांच्या हस्ते पार पडले.
 
यावेळी प्रभाग ३० चे महामंत्री छोटे साहाब खान, युवा मोर्चाचे सैय्यद जाकीर अली, भाजप अल्पसंख्यांक  सेलचे बाबा सैफुद्दीन, युनूस भाई, अलीम भाई, धरती शेख, नागरिक नागराण भुते, मुश्ताक भाई, बाबा भाई, ईकबाल भाई, अदनान भाई उपस्थित होते.

 

 

डेंग्यू दिवसानिमित्त १६ ला गप्पी मासे वितरण रॅली

हिवताप व हत्तीरोग विभागाचे आयोजन : गप्पीमाशांचे नि:शुल्क वाटप
 
नागपूर, ता. १५ :  राष्ट्रीय डेंग्यू दिनाचे औचित्य साधून नागपूर महानगरपालिकेच्या हिवताप व हत्तीरोग विभागातर्फे दहाही झोनमध्ये ‘गप्पीमासे वितरण रॅली’चे आयोजन करण्यात आले आहे. यावेळी गप्पी माशांचे नि:शुल्क वाटप करण्यात येणार आहे.
 
सदर रॅली कीटकजन्य आजारांचा प्रादुर्भाव असलेल्या कार्यक्षेत्रामध्ये काढण्यात येणार आहे. प्रभातफेरीच्या माध्यमातून लोकांमध्ये हिवताप, डेंग्यू व इतर कीटकजन्य आजाराबाबत लोकांचा सहभाग घेऊन जनजागृती करण्यात येणार आहे. वर्दळीच्या ठिकाणी नि:शुल्क गप्पीमासे वाटप करण्यात येणार आहे. सकाळी ८ वाजता प्रभातफेरी निघेल. लक्ष्मीनगर झोनमध्ये सोमलवाडा रुग्णालयातून, धरमपेठ झोनमध्ये रामदासपेठ येथून, हनुमान नगर झोनमध्ये झोन कार्यालयातून, धंतोली झोनमध्ये पार्वतीनगर येथून, नेहरूनगर झोनमध्ये नवीन नंदनवन पाण्याच्या टाकीजवळून, गांधीबाग झोनमध्ये मोमीनपुरा येथून, सतरंजीपुरा झोनमध्ये मेहंदीबाग येथून, लकडगंज झोनमध्ये वर्धमाननगर येथून, आशीनगर झोनमध्ये रिपब्लिकन नगर येथून तर मंगळवारी झोनमध्ये जरीपटका येथून प्रभातफेरी निघेल, अशी माहिती हिवताप व हत्तीरोग अधिकारी जयश्री थोटे यांनी दिली.

 

 

नदी स्वच्छता अभियानाला गती

आतापर्यंत काढला आठ हजार घनमीटर गाळ
 
नागपूर, ता.१४ :   नागपूर महानगरपालिकेच्या ७ मे पासुन सुरू झालेल्या नदी स्वच्छता अभियाने गती धरली आहे. १३ मे पर्यंत तीनही नदीतून आठ हजार घनमीटर गाळ काढण्यात आलेला आहे.
 
नागपूर महानगरपालिकेद्वारे केंद्रीय नदी व पर्यावरण स्वच्छता योजनेअंतर्गत ७ मे ते २० जून या काळात नागपुरातील नाग, पिवळी, पोरा नदी स्वच्छता अभियान सुरू करण्यात आले आहे. विविध झोनमध्ये येणाऱ्या नदी स्वच्छतेच्या या कार्याने गती धरली असून आतापर्यंत आठ हजार घनमीटर गाळ नदीतून काढण्यात आलेला आहे. तीनही नद्या मिळून २८४४ मीटर लांब नदी स्वच्छ करण्यात आली आहे.
 
या अभियानामध्ये सार्वजनिक बांधकाम विभाग, पाटबंधारे विभाग, नागपूर मेट्रो रेल्वे, ओसीडब्ल्यू, तसेच शहरातील उद्योग समूह, संस्था सहभाग नोंदवित आहे. या अभियानात जनतेने सहभागी व्हावे, असे आवाहनही करण्यात आले आहे.

 

 

मुलांना घड़विणाऱ्या मातांचा सत्कार आणि गीतांची मेजवानी

मातृ दिनानिमित्त मनपाचे आयोजन : नागपूरकरांची भरगच्च उपस्थिती
 
नागपूर, ता. १३ : विपरीत परिस्थितीवर मात करून आपल्या मुलांना उच्च शिक्षण देणाऱ्या, आवड़ीला करिअर करण्यासाठी प्रोत्साहन देणाऱ्या आणि त्यांच्याच प्रोत्साहनाने ज्यांची मुले विविध क्षेत्रात यशाच्या पताका फड़कवित आहेत, अशा मातांचा ह्रद्य सत्कार आज नागपूर महानगरपालिकेच्या वतीने करण्यात आला.
 
निमित्त होते नागपूर महानगरपालिकेतर्फे कविवर्य सुरेश भट सभागृहात मातृदिनानिमित्त आयोजित "अशी असते आई" या कार्यक्रमाचे. 
 
तमन्ना इवेंट यांच्या सहकार्याने आयोजित कार्यक्रमाला महापौर नंदा जिचकार, उपमहापौर दीपराज पार्डीकर प्रमुख पाहुणे म्हणून उपस्थित होते. तर मनपाच्या क्रीडा व सांस्कृतिक समितीचे सभापती नागेश सहारे, उपसभापती प्रमोद तभाने, उपायुक्त रवींद्र देवतळे, तमन्ना इवेंट्सचे आसीफ खान, नित्यानंद तिवारी यांची प्रमुख उपस्थिती होती. 
 
यावेळी विविध क्षेत्रात नागपूर शहराची मान उंचावणाऱ्या कर्तबगार मुलांच्या मातांचा सत्कार करण्यात आला. क्रिकेटपटू मोना मेश्राम हिची आई छाया मेश्राम, बॅडमिंटनपटू वैष्णवी भाले हिची आई अंजली भाले, आंतरराष्ट्रीय स्केटिंगपटू निखिलेश तभाने याची आई कल्पना तभाने, धावपटू मोनिका राऊत हिची आई सुलोचना राऊत, यांच्यासह गोदावरी झाडे, रेखा शेलारे, अरुणा गौरखेडे, वंदना अंतूरकर, मृण्मयी घनोटे, अर्चना पारधी, अनुपमा रंभाड या मातांना प्रमुख पाहुण्यांच्या हस्ते गौरविण्यात आले. 
 
याप्रसंगी बोलताना महापौर नंदा जिचकार म्हणाल्या, आई या दोनच अक्षरांमध्ये विश्व सामावले आहे. माणसाच्या जन्मापासून अंतापर्यंत ही अक्षरे तो विसरू शकत नाही. आज आपल्या देशात कुटुंब व्यवस्थेतील संस्कार केवळ आईमुळे टिकून आहेत, म्हणूनच येथील संस्कृतीचा अभ्यास परदेशातील लोक करतात, असे म्हणत त्यांनी कार्यक्रमाला शुभेच्छा दिल्या.
 
सृष्टी बारलेवार हिने गायलेल्या “लोरी सुना फिर से” या गाण्याने कार्यक्रमाला प्रारंभ झाला. या गाण्यानंतर सृष्टीची आई रंगमंचावर आली आणि तिच्यासाठी 'निंबोणीच्या झाडामागे” हे गीत गायले. “एकटी एकटी घाबरलीस ना” आणि “मेरी माँ“ ही दोन गाणी तिने सादर केली. श्रेया खराबे हिने “पास बुलाती है” या गाण्याने एन्ट्री घेतली. त्यानंतर “तू कितनी अच्छी है“, “आई सारखे दैवत” आदी गाणी तिने सादर केली. सुप्रसिद्ध गायक फरहान साबरी आणि झैद अली यांनी आईवर आधारित लोकप्रिय  गाणी सादर करून रसिकांची वाहवा मिळविली. कार्यक्रमाचे सूत्रसंचालन श्यामल देशमुख हिने केले.
 
कार्यक्रमाला जलप्रदाय समितीचे सभापती पिंटू झलके, मंगळवारी झोन सभापती संगीता गिरे, हनुमान नगर झोन सभापती रुपाली ठाकूर, नेहरू नगर झोन सभापती रिता मुळे, प्रतोद दिव्या धुरडे, नगरसेविका मंगला खेकरे, नेहा वाघमारे, विरंका भिवगड़े, पाटील, शीतल कामडी, शिक्षणाधिकारी संध्या मेडपल्लीवार, जनसंपर्क अधिकारी अशोक कोल्हटकर, क्रीड़ा निरीक्षक नरेश चौधरी, आदीं उपस्थित होते.

 

 

महापौर, आयुक्तांच्या उपस्थितीत फुटाळा तलावावर स्वच्छता अभियान- दहाही झोनच्या अधिकारी-कर्मचाऱ्यांचा सहभाग

- तलावातील अतिक्रमण आणि गाळ काढला
 
नागपूर,ता.१२: नागपूरकरांची चौपाटी म्हणून ओळखला जाणाऱ्या फुटाळा तलाव आणि परिसराच्या स्वच्छतेसाठी नागपूर महानगरपालिकेच्या दहाही झोनच्या अधिकारी-कर्मचाऱ्यांनी पुढाकार घेतला. फुटाळा तलावाचा संपूर्ण परिसर स्वच्छ करतानाच तलावातील गाळ काढण्यासही या स्वच्छता अभियानाच्या निमित्ताने प्रारंभ करण्यात आला.
 
मनपा आयुक्त वीरेंद्र सिंह यांच्या नेतृत्वात सकाळी ७ ते ९ या वेळात राबविण्यात आलेल्या स्वच्छता अभियानात संपूर्ण दहाही झोनच्या सहायक आयुक्तांसह झोनल अधिकारी व झोनमधील कर्मचारी तसेचग्रीनव्हिजीलफाऊंडेशनचेस्वयंसेवकसहभागी झाले होते. सर्व झोनला फुटाळा तलावालगतचा एक-एक परिसर स्वच्छतेसाठी विभागून देण्यात आला होता. स्वत: झोनच्या सहायक आयुक्तांच्या मार्गदर्शनात संबंधित झोनच्या अधिकारी-कर्मचाऱ्यांनी त्यांना स्वच्छतेसाठी मिळालेला परिसर स्वच्छ केला. आयुक्त वीरेंद्र सिंह आणि महापौर नंदा जिचकार यांनी संपूर्ण परिसराची आणि अभियानाची पाहणी करीत अधिकारी-कर्मचाऱ्यांचा उत्साह वाढविला.
 
दरम्यान आयुक्त वीरेंद्र सिंह यांनी अमरावती मार्गाकडील मंदिरापासून बॉटनिकल गार्डनपर्यंत फुटाळा तलावाच्या पाळीवरून चालत अभियानादरम्यान होत असलेल्या स्वच्छतेची पाहणी केली. तलावात साचलेल्या वनस्पतींना कसे काढता येईल, याबाबत त्यांनी उपस्थित अधिकाऱ्यांशीचर्चाकेली. यासाठी नीरीची मदत घेता येईल का, याची पडताळणी करा, जसे शक्य आहे ती पद्धत वापरून तलावातील वनस्पती पावसाळ्यापूर्वी काढण्याचे निर्देश आयुक्तांनी दिले.फुटाळा चौपाटीवर ठिकठिकाणी कचरा पेटी लावण्यात याव्या. वाढलेल्या झुडपी वनस्पती काढण्याचेही निर्देश त्यांनी दिले.
 
यावेळी अपर आयुक्त रवींद्र कुंभारे, कार्यकारी अभियंता अनिरुद्ध चौगंजकर, सहायक आयुक्त (सामान्य प्रशासन) महेश धामेचा, आरोग्य अधिकारी (स्वच्छता) डॉ. प्रदीप दासरवार, पशुचिकित्सक अधिकारी डॉ. गजेंद्र महल्ले, सहायक आयुक्त सर्वश्री महेश मोरोणे, राजू भिवगडे, राजेश कराडे, सुभाष जयदेव, प्रकाश वऱ्हाडे, हरिश राऊत, जनसंपर्क अधिकारी अशोक कोल्हटकर, सहायक जनसंपर्क अधिकारी प्रदीप खर्डेनवीस, उद्यान अधीक्षक चोरपगार, नासुप्रचे कनिष्ठ अभियंता पंकज आंबोरकर, ग्रीन व्हिजील फाऊंडेशनच्या सुरभी जैस्वाल उपस्थित होत्या. 
 
बॉटल्स, निर्माल्यचा कचरा
 
मनपा आयुक्त वीरेंद्रसिंह यांना पाहणीदरम्यान तलावात प्रचंड प्रमाणात प्लास्टिक आणि काचेच्या बॉटल्स आढळल्या. निर्माल्याने तलाव भिंतीलगतचे पाणी अस्वच्छ आणि दुर्गंधीयुक्त झालेले आढळले. हाकचराकाढण्यालाप्राधान्यक्रमदेण्यातयावा, अशासूचनात्यांनीकेल्या.फुटाळा तलावालगत असलेल्या पाळीवर अनेक नागरिक, युवा, लहान मुले फिरत असतात. याच पाळीवर भिंतीला लागून एक उघडी डीपी आयुक्तांना दिसली. त्यातील वायर बाहेर आलेले होते. आयुक्तांनी तातडीने नासुप्रच्या अभियंत्यांना बोलावून तातडीने नवीन डीपी लावण्याचे निर्देश त्यांनी दिले.
 
गोठा, पानठेल्याचेअतिक्रमणहटविले
 
या सफाई अभियानादरम्यान तलावाच्या काठावर मंदिराजवळील पाळीवर असलेलेपानठेल्याचे पक्के बांधकाम, तलावात पाणी नसलेल्या भागावर बांधण्यातआलेलागोठा आणि तलावातच असलेली एक झोपडी मनपाच्या कर्मचाऱ्यांनी भुईसपाट केली.
 
तलावाचे खोलीकरणही सुरू
 
परिसर स्वच्छतेसोबतच फुटाळा तलावाचे खोलीकरणही सुरू करण्यात आले. आज मंदिराच्या दिशेने हे खोलीकरण सुरू झाले. पाच जेसीबी आणि चार पोकलॅण्डच्या साहाय्याने गाळ काढण्याची प्रक्रिया आयुक्तासमक्ष सुरू करण्यात आली.
 
महापौरांनी वाढविला उत्साह
 
आयुक्त वीरेंद्र सिंह यांच्या नेतृत्वात सुरू झालेल्या स्वच्छता अभियानाची पाहणी महापौर नंदा जिचकार यांनी केली. त्यांनी स्वत: संपूर्ण फुटाळा परिसराला फेरफटका मारत कर्मचाऱ्यांचे कौतुक केले. फुटाळाच्या सौंदर्यीकरणासाठी आणि स्वच्छतेसाठी काय मदत हवी ती घ्या पण नियमित स्वच्छता ठेवा, असे त्यांनी सांगितले. यापुढे तलावात निर्माल्य टाकणाऱ्यांवर दंड आकारण्यात येईल, असे फलक लावण्याचे निर्देश महापौरांनी दिले. धरमपेठ झोन सभापती प्रमोद कौरतीही यावेळी उपस्थित होते.

 

 

आपत्ती व्यवस्थापन यंत्रणा सज्ज ठेवा

उपायुक्त रवींद्र देवतळे यांचे निर्देश : आपत्ती व्यवस्थापनाबाबत घेतला आढावा
 
नागपूर, ता. ११ : पुढील महिन्यात पावसाळा सुरू होतोय. तत्पूर्वी आपत्ती व्यवस्थापनाच्या दृष्टीने झोनस्तरावर काय-काय सोयी हव्यात याबाबतचा अहवाल तातडीने द्या आणि आपत्ती व्यवस्थापन यंत्रणा सज्ज ठेवा, असे निर्देश मनपाचे उपायुक्त रवींद्र देवतळे यांनी दिले.
 
नागपूर महानगरपालिकेच्या सिव्हील लाईन मुख्यालयातील डॉ. पंजाबराव देशमुख स्मृती सभागृहात आपत्ती व्यवस्थापनासंदर्भात आढावा घेण्यासाठी बैठकीचे आयोजन करण्यात आले होते. सदर बैठकीत ते बोलत होते. बैठकीला मुख्य अग्निशमन अधिकारी राजेंद्र उचके, आरोग्य अधिकारी (स्वच्छता) डॉ. प्रदीप दासरवार, कार्यकारी अभियंता मोती कुकरेजा, कार्यकारी अभियंता अनिरुद्ध चौगंजकर, कार्यकारी अभियंता (जलप्रदाय) संजय गायकवाड, सहायक आयुक्त राजू भिवगडे, महेश मोरोणे, सुभाष जयदेव, राजेश कराडे, प्रकाश वऱ्हाडे, कोठे उपस्थित होते.
 
शहरातील ज्या जुन्या इमारती आहेत, ज्या पडण्याच्या स्थितीत आहे अशा इमारत मालकांना नोटीस देण्यात याव्या, रस्त्यावरील खड्डे ज्यात पाणी साचू शकते असे खड्डे तातडीने बुजविण्यात यावे, नादुरुस्त पंप तातडीने दुरुस्त करा, शिक्षण विभागाने शाळा आणि वर्गखोल्या आणीबाणीच्या परिस्थितीत त्वरेने उपलब्ध होतील, अशी व्यवस्था ठेवा असे निर्देश उपायुक्त रवींद्र देवतळे यांनी दिले. ज्यांची घरे मोडकळीस आली आहे, मुसळधार पावसामुळे ज्या घरांना हानी होऊ शकते, अशी घरे नागरिकांनी तातडीने दुरुस्त करून घ्यावीत, आणीबाणीच्या परिस्थितीत महानगरपालिका, जिल्हाधिकारी कार्यालयातील नियंत्रण कक्ष, झोन कार्यालयातील नियंत्रण कक्षाशी संपर्क साधण्याचे आवाहनही श्री. देवतळे यांनी केले. आपत्ती व्यवस्थापनाच्या दृष्टीने शासनाच्या सर्व विभागांशी समन्वय ठेवण्याचे निर्देशही त्यांनी दिले.

 

 

कस्तुरंचद पार्क सौंदर्यीकरणाच्या सुधारित आराखड्याला हेरिटेज समितीची मंजुरी

झिरो माईलची देखभाल व दुरूस्ती मेट्रोरेल्वेला करण्याचे निर्देश
 
नागपूर,ता.११. कस्तुरचंद पार्कच्या सौंदर्यीकरणाच्या सुधारीत आराखड्याला हेरिटेज संवर्धन समितीने तत्वतः मंजुरी प्रदान केली आहे. पुढील कार्यवाहीसाठी नगररचना विभागाकडे नकाशे सादर करण्यात आले आहे. शुक्रवारी (ता.११) मनपा मुख्यालयातील नगररचना विभागात नीरीचे माजी संचालक डॉ.तपन चक्रवर्ती यांच्या अध्यक्षतेखाली हेरिटेज संवर्धन समितीची बैठक पार पडली.
 
यावेळी समितीचे सदस्य वास्तुविशारद अशोक मोखा, इतिहास विभागाच्या प्र-पाठक डॉ.शोभा जोहरी, स्ट्रक्चरल अभियंता पी.एस.पाटणकर, एलएडी महाविद्यालयाच्या प्राचार्या डॉ. उज्ज्वला चक्रदेव, नगररचना विभागाच्या नागपूर वभागाच्या सहायक संचालक सुप्रिया थूल, मनपाचे नगररचनाकार श्री. सोनारे, नागपूर मेट्रोरेल्वेचे अतिरिक्त महाप्रबंधक राजीव येलवटकर, सहायक जनसंपर्क अधिकारी प्रदीप खर्डनवीस, प्रामुख्याने उपस्थित होते.
 
कस्तुरचंद पार्क येथे जनसुविधा अंतर्गत जॉगिंग, वॉकिंग, सायकल ट्रॅक, वृक्षलागवड, हिरवळ इत्यादी कामे करण्याकरिता मनपाच्या प्रकल्प विभागाद्वारे प्रस्ताव सादर करण्यात आला होता. मागील बैठकीत समितीला दोन वेगवेगळे प्रस्ताव प्राप्त झाल्याने सुधारीत आराखडे पुढील बैठकीत सादर करण्याचे आदेश समितीने दिले होते. त्यानुसार प्रकल्प विभागाने सुधारीत आराखडे सादर केले. समितीने सर्व बाबी तपासून आराखड्यांना मंजुरी देत पुढील कार्यवाहीकरिता ते नगररचना विभागाकडे पाठविले आहे.
 
झिरो माईल परिसरात नागपूर मेट्रो रेल्वेतर्फे ‘हेरिटेज वॉक’ तयार करण्याचा प्रस्ताव या बैठकीत आला. त्याला समितीने मंजुरी प्रदान करीत पुढील बैठकीत त्याचे सादरीकरण करावे, असे सूचित केले. झिरो माईल स्तंभाची व परिसराची देखभाल व दुरूस्ती नागपूर मेट्रो रेल्वे कॉर्पोरेशनने करावी, असे निर्देश समितीने दिले.
 
सेमिनेरी हिल्स परिसरात सेंटर पॉईंट शाळेने हेरिटेज समितीची परवानगी न घेता बांधकाम केले आहे. याबाबत विवेक सिंग यांनी परिसरातील झाडांची आणि पर्यावरणाची हानी होत असल्याची तक्रार समितीकडे  केली. यासंदर्भात समितीचे अध्यक्ष डॉ.तपन चक्रवर्ती यांनी डॉ.उज्ज्वला चक्रदेव यांच्या अध्यक्षतेखाली एक उपसमिती नेमण्याचे आदेश दिले. या उपसमितीत अशोक मोखा आणि श्री. पाटणकर हे दोन सदस्य म्हणून काम करतील. ही उपसमिती तपास करून योग्य तो निर्णय घेईल, असे श्री. चक्रवर्ती यांनी सांगितले.
 
कस्तुरचंद पार्क येथे ३४ दिवस अमर सर्कस चालविण्यासाठी नीरज घाडगे यांनी प्रस्ताव समितीपुढे सादर केला. उच्च न्यायालयाने दिलेले कस्तुरचंद पार्कच्या वापराबाबतचे निर्देश लक्षात घेता सदर प्रस्तावाला हेरिटेज संवर्धन समितीने नामंजूर केले.

 

 

दहा दिवसात शहरातील सर्व नाले साफ करावे : मनोज चापले

वैद्यकीय सेवा व आरोग्य समितीची आढावा बैठक
 
नागपूर,ता.१० : पुढील महिन्यात पावसाळा सुरू होईल. पुढील दहा दिवसात शहरातील सर्व नाले स्वच्छ करण्यात यावे, जेणेकरून पावसाळ्यात नागरिकांना त्रास होणार नाही, असे निर्देश वैद्यकीय सेवा व आरोग्य समिती सभापती मनोज चापले यांनी दिले.
 
गुरूवार (ता.१०) मनपा मुख्यालयातील डॉ.पंजाबराव देशमुख सभागृहात वैद्यकीय सेवा व आरोग्य समितीची आढावा बैठक पार पडली. त्याप्रसंगी ते बोलत होते. यावेळी समिती सदस्य प्रमोद कौरती, लखन येरावार, दिनेश यादव, समिती सदस्या विशाखा बांते, गार्गी चोपरा, वंदना चांदेकर, अतिरिक्त उपायुक्त राजेश मोहिते, आरोग्य अधिकारी (दवाखाना)डॉ.अनिल चिव्हाने, आरोग्य अधिकारी (स्वच्छता) डॉ. प्रदीप दासरवार, पशुचिकित्सक डॉ.गजेंद्र महल्ले, हिवताप व हत्तीरोग विभागाच्या जयश्री थोटे, वैद्यकीय अधिकारी डॉ.विजय जोशी प्रामुख्याने उपस्थित होते.
 
सदर बैठकीत एप्रिल महिन्यात झालेल्या सभेच्या कार्यवाहीला मंजुरी देण्यात आली. शहरातील नाले सफाई व नदी स्वच्छता अभियानाचा झोननिहाय आढावा सभापती चापले यांनी घेतला. शहरात   दहाही झोनचे छोटे मोठे असे एकूण २०४ नाले आहेत. त्यापैकी १३५ नाले हे मनुष्यबळाच्या साहाय्याने स्वच्छ केले जात आहेत. त्यापैकी उर्वरित नाले हे पोकलेंडच्या साहाय्याने स्वच्छ केले जात असल्याची माहिती सर्व झोनल अधिकाऱ्यांनी दिली. यापैकी ५० टक्के काम पूर्ण झाले असून उर्वरित कामे ३० मे पर्यंत पूर्ण होईल, असे आश्वासन झोनल अधिकाऱ्यांनी दिले.
 
गडरमध्ये आणि विहिरीमध्ये गुदमरून मृत्यू होण्याचे प्रमाण वाढले आहे. यावर काय उपाययोजना करता येईल याकरिता बैठकीत चर्चा करण्यात आली. मनपाद्वारे दोन सक्शन मशीन्स आणि दोन रिसायकलर मशीन्स उपलब्ध करून देण्यात आलेल्या आहे. आणखी दोन मशीन्स मागविण्याचा प्रस्ताव तयार करण्यात येत असल्याची माहिती आरोग्य अधिकारी (स्वच्छता) डॉ.प्रदीप दासरवार यांनी दिली. भांडेवाडी येथील डम्पिंग यार्डला सातत्याने आग लागत आहे. त्या ठिकाणी विद्युत व्यवस्था, संरक्षक भिंत आणि कायम स्वरूपी एक सुरक्षा रक्षक नेमण्यात यावे याचा आढावा यावेळी घेण्यात आला. याबाबतची निविदेची प्रक्रिया पूर्ण झाली असून पुढील काही दिवसात कार्यादेश देण्यात येत असल्याची माहिती श्री.दासरवार यांनी दिली. मनपाच्या हद्दीत अवैध मटन,चिकन विक्रेत्यांवर अतिक्रमण विभागाद्वारे कारवाई करण्यात यावी, असे आदेश सभापती चापले यांनी दिले. मुंजे चौकातील नाल्यात मेट्रो रेल्वेने माती टाकल्याने नाली बुजण्याची शक्यता आहे. मनपाच्या उपद्रव प्रतिबंध पथकाद्वारे मेट्रो रेल्वेवर एक लाख रूपयाचा दंड लावण्यात यावा आणि काम त्यांच्याच कंत्राटदाराकडून करून घेण्याचे आदेशही सभापती चापले यांनी दिले. कीटकजन्य रोगावर मनपाने केलेल्या उपाययोजनांवर बैठकीत चर्चा करण्यात आली.
 
यावेळी स्वास्थ निरिक्षक रोहिदास राठोड, नोडल अधिकारी डॉ.मठपती यांच्यासह मनपाच्या दहाही झोनचे झोनल अधिकारी प्रामुख्याने उपस्थित होते.

 

 

बर्डी-न्यू सोमलवाडा, समतानगर बस फेरी सुरू

नागपूर, ता. ९ :  नागपूर महानगरपालिकेच्या परिवहन विभागातर्फे बर्डी-प्रभूनगर-न्यू सोमलवाडा ही फेरी नव्याने तर बर्डी-समतानगर ह्या फेरीचा विस्तार करण्यात आला आहे.
 
बर्डी-प्रभूनगर-न्यू सोमलवाडा मार्गे नरेंद्र नगर या बस फेरीचे उद्‌घाटन नगरसेविका विशाखा मोहोड, जयश्री वाडीभस्मे, नगरसेवक संदीप गवई यांच्या हस्ते करण्यात आले. यावेळी मोहन पडोळे, रविकांत चोरघडे, परिसरातील ज्येष्ठ नागरिक मोठ्या संख्येने उपस्थित होते.
 
समता नगर-बर्डी-जेरीन लॉन या बस सेवेचे उद्‌घाटन नगरसेविका वनिता दांडेकर यांच्या हस्ते करण्यात आले. यावेळी चंद्रशेखर दाते व परिसरातील ज्येष्ठ नागरिक मोठ्या संख्येने उपस्थित होते.
 
सदर बस फेऱ्यांसाठी मनपातील सत्तापक्ष नेते संदीप जोशी यांनी पाठपुरावा केला. सदर बस सेवेची मागणी येताच परिवहन समितीचे सभापती बंटी कुकडे यांनी तत्परतेने दखल घेऊन परिवहन व्यवस्थापक शिवाजी जगताप यांनी त्यावर कार्यवाही केली. या दोन्ही मार्गावरील बसने नागरिकांनी प्रवास करावा व मनपास सहकार्य करावे, असे आवाहन परिवहन समितीतर्फे करण्यात आले आहे.

 

 

नागरिकांच्या पाणी समस्या गांभीर्याने घ्या : महापौर

धरमपेठ झोनमध्ये पाणी बैठक : नगरसेवकांनी मांडल्या समस्या
 
नागपूर,ता.९ : पाण्यासंदर्भात  नागरिकांच्या समस्या मोठ्या प्रमाणावर येत आहेत. यासंदर्भात ओसीडब्ल्यूचे अधिकारी दखल घेत नाही. नागरिकांच्या समस्या गांभीर्याने व प्राधन्याने सोडविण्याचे आदेश महापौर नंदा जिचकार यांनी दिले.
 
नागपूर महानगरपालिकेच्या सर्वसाधारण सभेत झालेल्या निर्णयानुसार जलप्रदाय समितीच्या वतीने झोन निहाय बैठकांचे आयोजन करण्यात येत आहे. याअंतर्गत बुधवारी (ता.९) धरमपेठ झोनअंतर्गत येणाऱ्या प्रभागातील नगरसेवकांची बैठक झोन कार्यालयात आयोजित करण्यात आली होती. त्याप्रसंगी ते बोलत होते. यावेळी जलप्रदाय समिती सभापती पिंटू झलके, उपसभापती श्रद्धा पाठक, धरमपेठ झोन सभापती प्रमोद कौरती, स्थापत्य व प्रकल्प समिती सभापती संजय बंगाले, नगरसेवक अमर बागडे, हरिश ग्वालबंशी, कमलेश चौधरी, नगरसेविका रूतिका मसराम, दर्शनी धवड, उज्ज्वला शर्मा, कार्यकारी अभियंता संजय गायकवाड, उपअभियंता प्रदीप राजगिरे प्रामुख्याने उपस्थित होते.
 
यावेळी झोनअंतर्गत येणाऱ्या पाण्याच्या समस्या नगरसेवकांनी महापौरांपुढे मांडल्या. काही प्रभागांमध्ये पाण्याचा दाब कमी असल्याची नगरसेवकांनी तक्रार केली. पाण्याचा प्रवाह नियमित करण्याचे व पाणी वेगाने कसे येईल, याबाबत विचार करून तक्रार तीन दिवसात सोडविण्याचे निर्देश महापौर नंदा जिचकार यांनी दिले.
 
प्रभागामध्ये काही ठिकाणी पाण्याचे मीटर लावले आहे आणि काही ठिकाणी लावले नाही, अशी समस्या नगरसेवक कमलेश चौधरी आणि नगरसेविका रूतिका मसराम यांनी केली. याबाबत बोलताना महापौरांनी प्रत्यक्ष ठिकाणी नगरसेवकांसोबत दौरा करून पाहणी करावी, ज्या ठिकाणी मीटर लावणे शिल्लक आहे, त्या ठिकाणी मीटर लावण्यात यावे, असे निर्देश दिले.
 
धरमपेठ, रामदासपेठ या भागातही पाण्याच्या कमी दाबाची समस्या मोठ्या प्रमाणावर असल्याची तक्रार संजय बंगाले यांनी केली. त्यावर बोलताना या सर्व समस्या तातडीने सोडविण्यात याव्या, जर पाणी समस्या सोडविल्या नाही तर ओसीडब्ल्यूवर दंड आकारण्यात येईल, असा इशारा महापौर नंदा जिचकार यांनी दिला.
 
यावेळी बैठकीला ओसीडब्ल्यूचे राजेश कारला आणि प्रवीण शरण यांच्यासह संबंधित विभागाचे अधिकारी आणि कर्मचारी उपस्थित होते.

 

 

‘मदर्स डे’ला होणार मातांचा सत्कार

मनपाचे आयोजन : ‘आई’ला समर्पित हिंदी-मराठी गीतांचा कार्यक्रम
 
नागपूर,ता.९ : जागतिक मदर्स डेचे निमित्त साधून नागपूर महानगरपालिकेच्या वतीने परिस्थितीवर मात करून मुलांना घडविणाऱ्या तसेच उच्च पदस्थ अधिकारी म्हणून कार्यरत असतानाही ‘आई’ म्हणून आपली जबाबदारी तेवढ्याच समर्थपणे पार पडणाऱ्या मातांचा सत्कार करण्यात येणार आहे. या आगळ्यावेगळ्या कार्यक्रमाचे औचित्य साधून ‘आई’ला समर्पित हिंदी-मराठी गीतांच्या कार्यक्रमही आयोजित करण्यात आला असल्याची माहिती क्रीडा व सांस्कृतिक समितीचे सभापती नागेश सहारे यांनी पत्रपरिषदेत दिली.  
 
पत्रपरिषदेला क्रीडा समितीचे उपसभापती प्रमोद तभाने, जनसंपर्क अधिकारी अशोक कोल्हटकर, तमन्ना इव्हेंटचे आसीफ खान, नित्यानंद तिवारी उपस्थित होते. ह्या भावस्पर्शी कार्यक्रमाचे आयोजन रविवार १३ मे रोजी कविवर्य सुरेश भट सभागृहात सायंकाळी ६.३० वाजता करण्यात आले आहे. नागपूर महानगरपालिकेसोबत तमन्ना इव्हेंट ॲण्ड एन्टरटेंमेन्ट यांच्या सहकार्याने पब्लिक रिलेशन ब्रैण्ड बौण्डिंग आयडियाच कंपनी संगीतमय कार्यक्रमाची प्रस्तुती करणार असल्याचे सभापती नागेश सहारे यांनी सांगितले.
 
गीत कार्यक्रमात प्रख्यात पार्श्वगायक बाजीराव मस्तानी व पद्‌मावत फेम फरहान साबरी यांच्यासह राईजिंग स्टार-२ चे जैद अली, नागपूर शहरातील प्रतिभावंत गायिका वॉईस ऑफ इंडिया फेम सृष्टी बार्लेवार  आणि श्रेया खराबे सहभागी होतील. अशी माहिती तमन्ना इव्हेंटस्‌चे आसीफ खान यांनी दिली.
 
सत्कार कार्यक्रमाला मुख्यमंत्री देवेंद्र फडणवीस, केंद्रीय मंत्री नितीन गडकरी, राज्याचे ऊर्जामंत्री तथा नागपूर जिल्ह्याचे पालकमंत्री चंद्रशेखर बावनकुळे, महापौर नंदा जिचकार यांची प्रमुख उपस्थिती राहील. कार्यक्रम नि:शुल्क असून प्रवेश पत्रिकांकरिता आसीफ खान (मो. ९३७३८०४८८१) ह्या क्रमांकावर संपर्क साधण्याचे आवाहन क्रीडा सभापती नागेश सहारे यांनी केले आहे.

 

 

मनपाच्या परिवहन विभागाचा प्रस्तावित वार्षिक अर्थसंकल्प समितीला सादर

नागपूर,ता.८ : नागपूर महानगरपालिकेच्या परिवहन विभागातर्फे सन २०१७-१८ चे सुधारीत अर्थसंकल्प आणि सन २०१८-१९ चा प्रस्तावित अर्थसंकल्प परिवहन व्यवस्थापक शिवाजी जगताप यांनी परिवहन समितीचे सभापती जितेंद्र (बंटी) कुकडे यांच्याकडे सोपविला.
 
सदर अर्थसंकल्पाच्या अनुषंगाने परिवहन उपक्रमांसाठी महाराष्ट्र महानगरपालिका कायद्यांतर्गत जे-जे स्वतंत्र शीर्ष अर्थसंकल्पामध्ये नियोजित करावयाचे होते त्या सगळ्या बाबींचा प्रामुख्याने ह्या अर्थसंकल्पात उल्लेख करण्यात आला आहे. त्यामध्ये ‘शहर परिवहन निधी’ हे शीर्ष परिवहन उपक्रमाच्या परिचलनाकरिता उघडण्यात आलेले आहे. महसुलाच्या जादा शिलकीचा विनियोग करण्याकरिता अंदाजपत्रकात एका स्वतंत्र शीर्षाखाली ‘महसुली राखीव निधी’ या नावाचे स्वतंत्र शीर्ष उघडण्यात आले आहे. ‘परिवहन सुधारणा निधी’ सुद्धा स्थापन करण्यात आले आहे. शैक्षणिक सहल, क्रीडा स्पर्धा, विद्यार्थी व इतर घटकांना सवलत देण्याकरिता ‘पंडित दीनदयाल उपाध्याय, पथ अंत्योदय योजनेअंतर्गत आणि ज्येष्ठ नागरिकांना सवलत देण्याकरिता ‘भारतरत्न अटलबिहारी वाजपेयी ज्येष्ठ नागरिक’ योजनेअंतर्गत स्वतंत्र शीर्ष उघडण्यात आले आहे.
 
चालू अर्थसंकल्पीय वर्षात परिवहन विभागाच्या विकासात व प्रशासकीय कामात गतीमानता आणण्याच्या दृष्टीनेही काही योजना पूर्णत्वास नेण्याचा मानस अर्थसंकल्पात व्यक्त करण्यात आला आहे. यामध्ये पर्यावरणपूरक धोरण राबविण्याच्या अनुषंगाने २५ बायोगॅस व ७० इलेक्ट्रिक ए.सी. बसेस शहर बस सेवेत दाखल करणे, प्रवासी उपलब्धता व आवश्यकतेनुसार शहराच्या जास्तीत जास्त विविध मार्गावर बसेसची सेवा देणे, मनपाच्या विविध जागांवर बस ऑपरेटरकरिता वर्कशॉप व डेपो विकसित करणे, पार्किंगच्या जागा निर्माण करून पार्किंग शुल्क वसुलीद्वारे शहर बस सेवेत होणारी तूट भरून काढणे, शहर बसेसवर तसेच बस स्टॉपवर जाहिरातीसाठी कंत्राट देऊन उत्पन्न घेणे, बस डेपो आणि सर्व बसेसमध्ये संनिरिक्षण प्रणाली (सीसीटीव्ही) निर्माण करणे, महिलांकरिता तेजस्विनी बस सुरू करणे आदींचा यात समावेश आहे.
 
परिवहन विभागाच्या बैठकीला सभापती जितेंद्र (बंटी) कुकडे, स्थायी समितीचे सभापती वीरेंद्र कुकरेजा, समिती सदस्य सर्वश्री प्रवीण भिसीकर, नितीन साठवणे, नरेंद्र वालदे, अभिरुची राजगिरे, अर्चना पाठक, उज्ज्वला शर्मा, मनिषा धावडे, विद्या मडावी, वैशाली रोहणकर, कल्पना कुंभलकर, परिवहन व्यवस्थापक शिवाजी जगताप, निगम सचिव हरिश दुबे, कार्यकारी अभियंता डी.डी. जांभुळकर, प्रशासकीय अधिकारी रवींद्र पागे, लेखा अधिकारी भारद्वाज, श्रम अधिकारी अरुण पिपरुडे, केदारनाथ मिश्रा आदी उपस्थित होते.

 

 

कागदपत्रांची पडताळणी करूनच निर्णय घ्या : प्रवीण दटके

संत्रा मार्केट व खोवा मार्केटमधील परवानेधारकांच्या प्रश्नांबाबत घेतला आढावा
 
नागपूर,ता.८ : संत्रा मार्केट व खोवा मार्केट येथील परावानेधारकांच्या कागदपत्रांची पडताळणी करूनच निर्णय घेण्यात यावे, असे निर्देश माजी महापौर प्रवीण दटके यांनी दिले.
 
मंगळवारी (ता.८) मनपा मुख्यालयातील डॉ. पंजाबराव देशमुख सभागृहात संत्रा व खोवा मार्केट येथील परवानेधारकांच्या प्रश्नांबाबत आढावा बैठक आयोजित करण्यात आली होती. त्याप्रसंगी ते बोलत होते.
 
यावेळी स्थायी समिती सभापती वीरेंद्र कुकरेजा, ज्येष्ठ नगरसेवक दयाशंकर तिवारी, सुनील अग्रवाल,  अग्निशमन समिती सभापती लहुकमार बेहेते, नगरसेवक संजय बालपांडे, अतिरिक्त आयुक्त रवींद्र कुंभारे, अतिरिक्त उपायुक्त राजेश मोहिते, एनईएसएलचे संचालक डॉ. आर.झेड. सिद्दिकी, स्थावर अधिकारी आर.एस.भुते, बाजार अधीक्षक मदन सुभेदार, गांधीबाग झोन सहायक आयुक्त अशोक पाटील, सहायक आयुक्त (जाहिरात व बाजार) विजय हुमने प्रामुख्याने उपस्थित होते.
 
संत्रा मार्केटमधील महानगरपालिकेच्या मालकीची काही जागा नागपूर मेट्रो रेल्वे प्रकल्पाकरिता देण्यात येत आहे. तेथील परवानेधारकांना पर्यायी जागा देण्यात येत आहे. त्यासाठी असोशिएशनमार्फत आलेली पत्रे आणि परवानेधारकांची सूची तपासून त्यानुसार कार्यवाही करण्यात यावी, असे निर्देश प्रकल्प समिती अध्यक्ष प्रवीण दटके यांनी दिले. ही कार्यवाही करीत असताना कागदपत्रांची पडताळणी करून घ्यावी, अशीही सूचना प्रवीण दटके यांनी केली.

 

 

मनपा आयुक्त वीरेंद्र सिंह यांनी केली प्रशासकीय कार्यालयाची आकस्मिक पाहणी

कार्यालय नीटनेटके, परिसर स्वच्छता आणि कर्मचाऱ्यांनी वेळेवर उपस्थित राहण्याचे निर्देश
 
नागपूर,ता. ८ : प्रशासकीय इमारतीतील प्रत्येक विभागात स्वच्छता असायलाच हवी. त्यात कुठलीही तडजोड खपवून घेणार नाही. कर्मचाऱ्यांनी कार्यालयात वेळेवर यावे. कुठेही अनियमितता आढळून आल्यास विभागप्रमुखांवरच कारवाई करण्यात येईल, असा स्पष्ट इशारा नागपूर महानगरपालिकेचे आयुक्त वीरेंद्र सिंह यांनी दिला.
 
मनपा आयुक्तपदाची सूत्रे स्वीकारल्यानंतर श्री. वीरेंद्र सिंह यांनी मंगळवारी (ता. ८) मनपाच्या छत्रपती शिवाजी महाराज प्रशासकीय इमारतीतील विविध विभागांना आकस्मिक भेट दिली. या भेटीत त्यांनी प्रत्येक विभागाच्या कामकाजाची माहिती जाणून घेतली. यावेळी त्यांच्यासमवेत अतिरिक्त आयुक्त रवींद्र कुंभारे, सहायक आयुक्त (सामान्य प्रशासन विभाग) महेश धामेचा, सहायक आयुक्त (कर) मिलिंद मेश्राम, मुख्य अग्निशमन अधिकारी राजेंद्र उचके,  आरोग्य अधिकारी (स्वच्छता) डॉ.प्रदीप दासरवार, कार्यकारी अभियंता राजेश रहाटे, जनसंपर्क अधिकारी अशोक कोल्हटकर प्रामुख्याने उपस्थित होते.
 
यावेळी आयुक्तांनी प्रारंभी सामान्य प्रशासन विभाग, लेखा व वित्त विभाग, कर संकलन व कर आकारणी विभाग, स्थानीय संस्था कर विभाग (एलबीटी) आणि नगररचना विभागात भेट देऊन तेथील कामाची पाहणी केली. कामकाज कसे चालते याची माहिती जाणून घेतली. तेथील शौचालये अस्वच्छ असल्याने ते त्वरित स्वच्छ करण्याचे निर्देश आयुक्तांनी अधिकाऱ्यांना दिले. महिन्याच्या अखेरीस वर्कशीट, लॉग रिपोर्टचा गोषवारा व्यवस्थितपणे तयार करण्यात यावा, महत्त्वाची कागदपत्रे फाईल क्रमवार कपाटात ठेवण्यात यावी, सर्व अधिकारी आणि कर्मचाऱ्यांनी कार्यालयीन वेळेवर कार्यालयात यावे, दररोज प्राप्त झालेल्या अर्जाचा वेळेवर निपटारा लावा, असे आदेश दिले. पुढच्या पंधरा दिवसात सर्व कागदपत्रे अद्ययावत व सुरळीत करण्यात यावी, असेही आयुक्त यांनी सांगितले.
 
अधिकारी व कर्मचारी यांच्या नावाचे फलक व त्यांच्याकडे असलेले कार्यविवरण हे दर्शनी भागात लावण्यात यावे, असे निर्देश त्यांनी दिले. मनपाद्वारे जाहीर करण्यात आलेल्या नोटीस सूचना भिंतीवर न लावता फलकावर लावण्यात याव्या, अशाही सूचना त्यांनी केल्या. इमारतीत अग्निशमन यंत्रणा सुसज्ज व अद्ययावत करण्याचे व त्याची एक वेळा तपासणी करण्याचे निर्देश त्यांनी दिले. फाईल्स क्रमवार लावाव्यात. संबंधितांकडून सफाई व स्वच्छता करून घ्यावी. स्वच्छतेच्या कामात दिरंगाई खपवून घेणार नाही, अशी ताकीद संबंधित विभागप्रमुखांना दिली.
 
त्यानंतर आयुक्त वीरेंद्र सिंह यांनी सर्व विभागप्रमुखांची तातडीची बैठक घेतली. आयुक्तांच्या पाहणी दौऱ्याच्या वेळी कार्यालयात अनुपस्थित कर्मचाऱ्यांबाबत गंभीर दखल घेऊन उशिरा येणाऱ्या कर्मचाऱ्यांवर नियमानुसार कारवाई करावी, असे निर्देश दिले.

 

 

अवैध नळ कनेक्शन तातडीने वैध करा

महापौर नंदा जिचकार यांचे निर्देश : लक्ष्मीनगर झोनची पाणी बैठक
 
नागपूर,ता.८ : प्रभाग क्र. ३८ मध्ये जयताळा परिसरात असलेले सुमारे ७०० अवैध कनेक्शन तातडीने वैध करा. त्यासाठी परिसरात पुढील पाच दिवसांत विशेष शिबिर लावा, असे निर्देश महापौर नंदा जिचकार यांनी दिले.
 
नागपूर महानगरपालिकेच्या सभागृहात झालेल्या निर्णयानुसार सध्या पाणी समस्येबाबत नगरसेवकांची झोननिहाय बैठक सुरू आहेत. याअंतर्गत मंगळवारी (ता. ८) गायत्रीनगर पाण्याची टाकी येथील कार्यालयात लक्ष्मीनगर झोनअंतर्गत येणाऱ्या प्रभागातील नगरसेवकांची बैठक पार पडली. सदर बैठकीत त्या बोलत होत्या. बैठकीला जलप्रदाय समितीचे सभापती पिंटू झलके, उपसभापती श्रद्धा पाठक, लक्ष्मीनगर झोन सभापती प्रकाश भोयर, शिक्षण समितीचे सभापती प्रा. दिलीप दिवे, क्रीडा समितीचे उपसभापती प्रमोद तभाने, नगरसेवक लखन येरावार, नगरसेविका सोनाली कडू, ॲड. मीनाक्षी तेलगोटे, उज्ज्वला बनकर, प्रणिता शहाणे, लक्ष्मी यादव, वनिता दांडेकर, सहायक आयुक्त महेश मोरोणे, कार्यकारी अभियंता (जलप्रदाय) संजय गायकवाड उपस्थित होते.
 
सदर बैठकीत प्रभागनिहाय नगरसेवकांनी पाण्याच्या समस्या मांडल्या. काही भागात पाणी पुरवठा कमी होतो. काही नागरिकांच्या तक्रारी आहेत. जयताळा परिसरात अवैध नळ कनेक्शनमुळे अनावश्यक पाणी जाते. असे कनेक्शन कापण्याबाबत चर्चा झाली तेव्हा नगरसेविका उज्ज्वला बनकर यांनी कनेक्शन कापू नका. नागरिक पैसे द्यायला तयार आहेत. ते कनेक्शन वैध करा, अशी सूचना केली. त्यावर महापौरांनी तातडीने त्या परिसरात ओसीडब्ल्यूच्या अधिकाऱ्यांनी शिबिर लावून नळ कनेक्शन वैध करा, असे निर्देश दिले.
 
महापौर नंदा जिचकार म्हणाल्या, इतर झोनच्या तुलनेत लक्ष्मी नगर झोनमध्ये पाण्याची समस्या कमी आहे. मुबलक पाणी आहे. फक्त नियोजनाचा अभाव असल्याने नागरिकांच्या तक्रारी येतात. ओसीडब्ल्यूच्या अधिकाऱ्यांनी योग्य नियोजन करावे आणि नागरिकांच्या तक्रारींची त्वरित दखल घ्यावी, असे निर्देश दिले. बैठकीला ओसीडब्ल्यूचे अधिकारी राजेश कालरा, अन्य अधिकारी व डेलिगेटस्‌ उपस्थित होते.

 

 

नदी स्वच्छता अभियानाचा थाटात शुभारंभ

महापौर, आमदारांची उपस्थिती : नाग, पोरा, पिवळी नदीच्या स्वच्छतेला सुरुवात
 
नागपूर,ता.७ : नागपूर महानगरपालिकेद्वारे संसद जल व पर्यावरण रक्षण योजनेअंतर्गत २० जूनपर्यंत राबविण्यात येणाऱ्या नदी स्वच्छता अभियानाचा शुभारंभ आज (ता. ७) करण्यात आला. नाग नदी, पिवळी नदी, पोरा नदी या तीनही नद्यांच्या स्वच्छता मोहिमेचा शुभारंभ विधीवत पूजा करून महापौर नंदा जिचकार यांच्या हस्ते करण्यात आला.
 
नाग नदी
 
आज सकाळी नाग नदी स्वच्छता अभियान शुभारंभाचा मुख्य कार्यक्रम नंदनवन स्थित केडीके महाविद्यालयाजवळील नदी पात्रात झाला. यावेळी माजी महापौर व आमदार प्रा.अनिल सोले, आमदार सुधाकर कोहळे, आमदार कृष्णा खोपडे, उपमहापौर दीपराज पार्डीकर, स्थायी समितीचे सभापती वीरेंद्र कुकरेजा, सत्तापक्ष नेते संदीप जोशी, विरोधी पक्ष नेते तानाजी वनवे, आयुक्त वीरेंद्र सिंह, माजी महापौर प्रवीण दटके राष्ट्रवादी काँग्रेसचे गटनेते दुनेश्वर पेठे, वैद्यकीय सेवा व आरोग्य समिती सभापती मनोज चापले, परिवहन समिती सभापती जीतेंद्र (बंटी) कुकडे, जलप्रदाय समिती सभापती पिंटू झलके, विधी समितीचे अध्यक्ष धर्मपाल मेश्राम, प्रतोद दिव्या धुरडे, नेहरूनगर झोन सभापती रिता मुळे, लकडगंज झोन सभापती दीपक वाडीभस्मे, माजी स्थायी समिती सभापती नरेंद्र (बाल्या) बोरकर, नगरसेवक हरिश डिकोंडवार, राजेश घोडपागे, नगरसेविका भारती बुंडे, मनिषा कोठे, मनीषा धावडे, वंदना भगत, समिता चकोले, उज्ज्वला शर्मा, अतिरिक्त आयुक्त रवींद्र कुंभारे, माजी अतिरिक्त आयुक्त व एनईएसएलचे संचालक डॉ.आर.झेड.सिद्दिकी, सहायक आयुक्त (सामान्य प्रशासन विभाग)महेश धामेचा, मुख्य अभियंता मनोज तालेवार, मुख्य अग्निशमन अधिकारी राजेंद्र उचके, आरोग्य अधिकारी (स्वच्छता) डॉ.प्रदीप दासरवार, कार्यकारी अभियंता सी.जी.धकाते, कार्यकारी अभियंता सतीश नेरळ, उद्यान अधीक्षक अमोल चोरपगार, उपअभियंता (नदी, सरोवर व प्रकल्प) मोहम्मद इजराईल, नेहरूनगर झोन सहायक आयुक्त राजेश कराडे, लकडगंज झोन सहायक आयुक्त सुभाष जयदेव, ग्रीन व्हिजीलचे संस्थापक कौस्तभ चॅटर्जी, सुरभी जयस्वाल, मेहुल कोसुरकर, सर्पमित्र विश्वजीत उके, रामसागर डंभारे, विशाल डंभारे  प्रामुख्याने उपस्थित होते.
 
पोरा नदी
 
पोरा नदी स्वच्छता अभियानाचा शुभारंभ सहकार नगर घाटाजवळील पोरा नदी पात्रात झाला. यावेळी महापौर नंदा जिचकार यांच्यासह सत्तापक्ष नेते संदीप जोशी, आयुक्त वीरेंद्र सिंह, लक्ष्मीनगर झोन सभापती प्रकाश भोयर, शिक्षण समितीचे सभापती प्रा. दिलीप दिवे, अग्निशमन व विद्युत विशेष समितीचे सभापती लहुकुमार बेहेते, नगरसेवक संदीप गवई, किशोर वानखेडे, नगरसेविका सोनाली कडू, विशाखा मोहोड, जयश्री वाडीभस्मे, ॲड. मिनाक्षी तेलगोटे, वनिता दांडेकर, पल्लवी शामकुळे, लता काडगाये, अपर आयुक्त रवींद्र कुंभारे, प्रभारी मुख्य अभियंता मनोज तालेवार, सहायक आयुक्त (सामान्य प्रशासन) महेश धामेचा, कार्यकारी अभियंता डी.डी. जांभूळकर आदी उपस्थित होते.
 
पिवळी नदी
 
जुना कामठी रोड नाका, कळमना वस्ती येथील पिवळी नदी स्वच्छता अभियानाचा शुभारंभ आमदार प्रा.अनिल सोले व उपमहापौर दीपराज पार्डीकर, स्थायी समती सभापती वीरेंद्र कुकरेजा यांनी जेसीबीची विधीवत पूजा करून पिवळी नदी स्वच्छतेच्या कामाचा शुभारंभ केला. यावेळी एक जेसीबी, एक पोकलेंड, एक टिप्पर मशीन्सच्या साहाय्याने आणि २५ कर्मचारी मनुष्यबळाद्वारे पिवळी नदी स्वच्छतेचे कार्य होणार आहे. यावेळी सतरंजीपुरा झोन सभापती यशश्री नंदनवार, नगरसेवक शेषराव गोतमारे, गोपीचंद कुमरे, संजय चावरे, नगरसेविका भाग्यश्री कानतोडे, मनीषा अतकरे, निरंजना पाटील, नगरसेवक राजकुमार शाहू, माजी अपर आयुक्त व एनईएसएलचे मुख्य कार्यकारी अधिकारी डॉ.आर.झेड. सिद्दीकी, कार्यकारी अभियंता राजेश भूतकर, सहायक आयुक्त प्रकाश वराडे, अशोक पाटील, मोहम्मद इजराईल, गणेश कानतोडे, आरोग्य झोनल अधिकारी राजीव राजुरकर, उपअभियंता रमेश कोहाडे, नीळकंठ अंबादरे, आशीष कुंभारे, खेमराज पारधी, रोझी परवीन शेख यांच्यासह मनपाचे विविध विभागाचे अधिकारी उपस्थित होते. यावेळी २५ सफाई कामगार या कार्यात सहभागी होते.  
 
महापालिकेने १५ टप्प्यात या कामाची आखणी केली असून प्रत्येक टप्प्याचा प्रमुख अधिकारी नेमण्यात आलेला आहे. मागील वर्षी तिन्ही नदी मिळून सुमारे ७२ हजार टन माती आणि गाळ काढण्यात आला होता. यावर्षीही यापेक्षा जास्त गाळ व माती काढण्यात येणार आहे. या मोहिमेसाठी सार्वजनिक बांधकाम विभाग, पाटबंधारे विभाग, ओसीडब्ल्यू, नागपूर मेट्रो रेल्वे, डब्ल्यूसीएल, नासुप्र ह्या संस्था नदी स्वच्छता मोहिमेला लागणारी यंत्रसामुग्री, उपकरणे महापालिकेला उपलब्ध करून देणार आहे.
 
नदीतून निघणारा गाळ व माती भांडेवाडी येथील डम्पिंग यार्डमध्ये जमा करण्यात येणार आहे. नदीतून निघाणारा गाळ व माती तिथेच साचू न देता लगेच त्याची विल्हेवाट करण्यात येणार असल्याची माहिती अतिरिक्त आयुक्त रवींद्र कुंभारे यांनी दिली.

 

 

वाढत्या उन्हापासून बचावासाठी जनजागृतीची व्यापकता वाढवा : महापौर

‘हिट ॲक्शन प्लान’चा घेतला आढावा : काळजी घेण्याचे आवाहन
 
नागपूर,ता.७ : नागपुरात उन्हाची तीव्रता वाढली असून उन्हापासून बचावासाठी नागपूर महानगरपालिकेच्या आरोग्य विभागातर्फे जनजागृती सुरू आहे. त्याची व्यापकता वाढवा, असे निर्देश महापौर नंदा जिचकार यांनी दिले.
 
उन्हापासून बचावासाठी आणि आरोग्यावर परिणाम पडू नये यासाठी घ्यावयाची काळजी याबाबत गेल्या काही वर्षांपासून नागपुरात ‘हिट ॲक्शन प्लान’ राबविण्यात येत आहे. मार्च महिन्यापासून त्याची अंमलबजावणी सुरू झाली असली तरी आता उन्हाची तीव्रता वाढली आहे. आता जनजागृतीची खरी गरज आहे. त्यामुळे हिट ॲक्शन प्लान अंतर्गत सध्या काय सुरू आहे, याचा आढावा घेण्यासाठी महापौर कक्षात बैठकीचे आयोजन करण्यात आले होते. बैठकीला महापौर नंदा जिचकार यांच्यासह स्थापत्य समितीचे सभापती संजय बंगाले, ज्येष्ठ नगरसेवक सुनील अग्रवाल, वैद्यकीय अधिकारी डॉ. विजय जोशी व संबंधित झोनचे झोनल आरोग्य अधिकारी उपस्थित होते.
 
‘हिट ॲक्शन प्लान’ अंतर्गत झोननिहाय काय उपाययोजना करण्यात आल्या आहेत, याचा आढावा महापौर नंदा जिचकार यांनी घेतला. आईसी उपक्रमांतर्गत आतापर्यंत शिक्षक, अंगणवाडी सेविका व अन्य लोकांना प्रशिक्षण देण्यात आले. नागपुरात ठिकाठिकाणी स्वयंसेवी संस्थांच्या माध्यमातून पाणपोई सुरू करण्यात आल्या. दुपारी विसाव्यासाठी मंदिरे, समाजभवन नागरिकांसाठी खुली करण्यात आली आहे. उद्यानेसुद्धा दुपारी विसाव्यासाठी सुरू ठेवण्यात येत आहे. नागरिकांमध्ये जनजागृती करण्याच्या दृष्टीने ठिकठिकाणी बॅनर्स, पोस्टर्स, स्टीकर लावण्यात आले आहेत. नगरसेवकांच्या माध्यमातूनही लोकांपर्यंत पोहचण्याचा प्रयत्न सुरू असल्याची माहिती झोनल आरोग्य अधिकाऱ्यांनी दिली.
 
नागपुरात रविवारपासून खासदार क्रीडा महोत्सवाला प्रारंभ झाला. याअंतर्गत होणाऱ्या क्रीडा स्पर्धेच्या ठिकाणी नागरिकांची गर्दी असते. त्यावेळी नागपूर महानगरपालिकेच्या वतीने नागरिकांना उष्णतेपासून घ्यावयाच्या काळजीसंदर्भात माहिती देण्याचे निर्देश महापौर नंदा जिचकार यांनी दिले. रेडिओ, लोकल केबल चॅनल आणि सोशल मीडियाच्या माध्यमातूनही जनजागृती करण्याचे निर्देश त्यांनी यावेळी दिले.
 
स्वत: घ्या स्वत:ची काळजी
 
उन्हाची तीव्रता प्रचंड वाढली आहे. नागपूर महानगरपालिका यासंदर्भात काय काळजी घ्यावी, याबाबत जनजागृती करीत आहे. नागरिकांनीही दुपारी १२ ते ४ या काळात उन्हात फिरणे टाळावे, भरपूर पाणी प्यावे, थंड ठिकाणी काम करावे. नागरिकांनी स्वत:ची काळजी स्वत: घ्यावी आणि उन्हापासून बचाव करावा.
 
-नंदा जिचकार, महापौर, नागपूर.

 

 

सोनेगाव तलावाच्या सौंदर्यीकरणासंदर्भात लवकरच बैठक

महापौर, आयुक्तांनी केली पाहणी : कायदेशीर बाबी तपासून घेणार निर्णय
 
 नागपूर, ता. ७ :  सोनेगाव तलावाच्या सौंदर्यीकरणासंदर्भात कायदेशीर बाबी तपासून लवकरच निर्णय घेण्यात येईल. त्यादृष्टीने आज (ता. ७) महापौर नंदा जिचकार आणि आयुक्त वीरेंद्र सिंह यांनी सोनेगाव तलावाची पाहणी केली.
 
यावेळी सत्तापक्ष नेते संदीप जोशी, लक्ष्मीनगर झोनचे सभापती प्रकाश भोयर, अग्निशमन व विद्युत समितीचे सभापती लहुकुमार बेहेते, अपर आयुक्त रवींद्र कुंभारे, कार्यकारी अभियंता डी.डी. जांभुळकर उपस्थित होते. यावेळी आयुक्त वीरेंद्र सिंह यांनी सोनेगाव तलावाविषयी माहिती जाणून घेतली. सत्तापक्ष नेते संदीप जोशी यांनी त्यांनी सौंदर्यीकरणाचा प्रस्ताव आणि कायदेशीर अडचणींबाबत माहिती दिली. यासंदर्भात कायदे तज्ज्ञांचा सल्ला घेऊन लवकर निर्णय घेण्यात येईल, अशी ग्वाही महापौर नंदा जिचकार यांनी दिली. येत्या काही दिवसांत यावर चर्चा करण्यासाठी संबंधित अधिकाऱ्यांची बैठक बोलविणार असल्याचेही त्यांनी सांगितले.

 

 

आजपासून होणार नदीस्वच्छता अभियानाचा प्रारंभ

लोकसहभागातून नाग नदी, पिवळी नदी,पोरा नदीचा गाळ काढणार : मनपाच्या नेतृत्वात लोकांचा सहभाग
 
नागपूर,ता. ६ :  नागपूर महानगरपालिकेच्या नेतृत्वात लोकसहभागातून नागपुरातील नद्यांच्या स्वच्छता मोहिमेला उद्या ७ मे पासून सुरुवात होणार आहे. उद्योग, स्वयंसेवी संस्था, शासकीय कार्यालय आणि नागरिकांचा सहभाग असलेले हे अभियान २० जूनपर्यंत अविरत चालणार आहे.
 
या अभियानांतर्गत नाग नदी स्वच्छता अभियानाचा शुभारंभ ७ मे रोजी सकाळी ८ वाजता नंदनवनमधील केडीके महाविद्यालयाजवळील नाग नदीच्या पात्रातून होणार आहे. पोरा नदी स्वच्छता अभियानाचा शुभारंभ सोनेगाव येथील उगमस्थानावरून सकाळी ८.३० वाजता होईल तर पिवळी नदी अभियानाचा शुभारंभ सकाळी ९ वाजता ऑटोमोटीव्ह चौक कामठी रोडलगत असलेल्या पिवळी नदी पात्रात होईल.
 
नदी स्वच्छता शुभारंभ प्रसंगी आमदार प्रा. अनिल सोले, आमदार सुधाकर कोहळे, आमदार कृष्णा खोपडे, आमदार सुधाकर देशमुख, आमदार विकास कुंभारे, आमदार डॉ. मिलिंद माने, आमदार गिरीश व्यास, महापौर नंदा जिचकार, उपमहापौर दीपराज पार्डीकर, स्थायी समिती सभापती वीरेंद्र कुकरेजा, सत्ता पक्ष नेते संदीप जोशी, आयुक्त वीरेंद्र सिंह, बसपा पक्ष नेते मोहम्मद जमाल, राकाँ पक्ष नेते दुनेश्वर पेठे, शिवसेना गटनेते किशोर कुमेरिया यांच्यासह मनपातील अन्य पदाधिकारी, नगरसेवक उपस्थित राहतील.
 
या अभियानात नागरिकांनीही मोठ्या संख्येने सहभागी होण्याचे आवाहन नागपूर महानगरपालिकेच्या वतीने करण्यात आले आहे.

 

 

करीमनगर (तेलंगणा) शिष्टमंडळाची मनपाला भेट

नागपूर,ता.५. तेलंगणा राज्यातील करीमनगर महानगरपालिकेचे नगरसेवक व पदाधिकारी यांनी शनिवारी (ता.५) नागपूर महानगरपालिकेला भेट दिली. यावेळी आयुक्त विरेंद्र सिंह यांची भेट घेऊन शहरातील विविध प्रकल्पांवर त्यांनी चर्चा केली.
 
नागपूर शहरातील विविध प्रकल्पांची माहिती घेण्यासाठी करीमनगर येथील महापालिकेचे शिष्टमंडळ नागपूर दौ-यावर आहेत. त्याचाच एक भाग म्हणून करीमनगर महापालिकेचे महापौर रविंदर सिंग यांच्या नेतृत्वात शिष्टमंडळाने मनपाला कार्यालयाला भेट दिली. यावेळी नागपूर महानगरपालिकेच्या विविध प्रकल्पांची माहिती पीपीटी सादरीकरणाद्वारे देण्यात आली. यामध्ये प्रामुख्याने स्मार्ट सिटी योजना, २४ बाय ७ पाणी पुरवठा, घनकचरा व्यवस्थापन, सांडपाणी पुनर्वापर प्रकल्प यांचा समावेश होता. शिष्टमंडळाने काल (शुक्रवारी) कन्हान येथील जलशुद्धीकरण केंद्र आणि भांडेवाडी येथील सांडपाणी प्रकल्पाला भेट दिली व तेथील कार्याची विस्तृत माहिती घेतली.
 
स्मार्ट सिटी प्रकल्पांअंतर्गत शहरातील वाहतूकीचे सिटी ऑपरेशन सेंटरच्या माध्यमातून व पोलिस विभागाच्या सहकार्याने कश्याप्रकारे नियंत्रण केले जाते याची देखील माहिती शिष्टमंडळाने घेतली.नागपूर महानगरपालिकेद्वारे राबविण्यात येणा-या महत्त्वकांक्षी प्रकल्पांची त्यांनी प्रशंसा केली. तेलंगणा राज्यातही अशा प्रकारचे प्रकल्प राबविण्यात येण्यास नक्कीच मदत होईल असे सांगितले.
 
यावेळी करीमनगरचे महापौर रविंदर सिंग यांच्यासमवेत आमदार कमलाकर गंगुल, आमदार नरेंद्र लक्ष्मण राव, उपमहापौर गुगीला रमेश, करीमनगर मनपाचे आयुक्त शशांक के, नागपूर महानगरपालिकेचे स्मार्ट सिटीचे मुख्य कार्यकारी अधिकारी डॉ.रामनाथ सोनवणे, कार्यकारी अभियंता (प्रकल्प) नरेश बोरकर, उपअभियंता राजेश दुफारे उपस्थित होते. 

 

 

नदी स्वच्छता अभियानासाठी लोकसहभाग आवश्यक : विरेंद्र कुकरेजा

नदी स्वच्छता अभियानाच्या अंतिम तयारीचा घेतला आढावा
 
नागपूर,ता.५ : नागपूर महानगरपालिकेद्वारे संसद जल व पर्यावरण संरक्षण योजनेअंतर्गत शहरातील नाग नदी, पिवळी नदी, आणि पोरा नदी स्वच्छता अभियान सोमवार (ता.७) पासून राबविण्यात येणार आहे. या अभियानासाठी लोकसहभाग आवश्यक आहे. स्थानिक नागरिकांना या अभियानात सहभागी करण्याचे निर्देश स्थायी समिती सभापती विरेंद्र कुकरेजा यांनी दिले. शनिवारी (ता.५) मनपा मुख्यालायातील डॉ.पंजाबराव देशमुख सभागृहात नदी स्वच्छता अभियानाचा आढावा स्थायी समिती सभापती विरेंद्र कुकरेजा यांनी घेतला.
 
यावेळी माजी अतिरिक्त आयुक्त आणि एनईएसएलचे संचालक डॉ.आर.झेड.सिद्दीकी, मुख्य अभियंता मनोज तालेवार, सहायक आयुक्त महेश धामेचा, मिलिंद मेश्राम, नगररचना विभागाचे सहायक संचालक प्रमोद गावंडे, स्थावर अधिकारी आर.एस.भुते, आरोग्य अधिकारी डॉ.प्रदीप दासरवार, कार्यकारी अभियंता अनिरूद्ध चौगंजकर, कार्यकारी अभियंता डी.डी.जांभूळकर, कार्यकारी अभियंता सी.जी.धकाते, उपअभियंता (नदी व सरोवर प्रकल्प) मोहम्मद इजराईल प्रामुख्याने उपस्थित होते.
 
यावेळी सभापती विरेंद्र कुकरेजा यांनी अभियानाच्या दृष्टीने केलेल्या तयारीची अधिकाऱ्यांमार्फत माहती घेतली. १५ टप्प्यात यावर्षी नदी स्वच्छता अभियान राबविण्यात येणार आहे. नदी स्वच्छतेसाठी लागणारी उपकरणे सार्वजनिक बांधकाम विभाग, डब्ल्यूसीएल, एमआयडीसी, मेट्रो रेल्वे, नासुप्र, ओसीडब्लू यांच्यामार्फत मागविण्यात आले आहे. त्यासंबंधीचे पत्रदेखिल त्यांना पाठविण्यात आले असून मनपाचे अधिकारी त्याचा पाठपुरावा करीत असल्याचे मुख्य अभियंता मनोज तालेवार यांनी सांगितले. मागील वर्षी ज्या कंत्राटदाराने ज्या ठिकाणी काम केले होते त्याच ठिकाणी त्याने यावर्षीही कामे करावीत, असे निर्देश सभापती कुकरेजा यांनी दिले.
 
अभियानासाठी लागणाऱ्या उपकरणाची संख्या किती आहे. याचीदेखिल माहिती सभापती कुकरेजा यांनी घेतली. ज्या ठिकाणी उपकरणे जास्त लागणार असतील त्या ठिकाणी उपकरणे भाडे तत्त्वावर मागवून घेण्याचे आदेश त्यांनी दिले. शहरातील सर्व छोटे नाले स्वच्छ होईल, याची काळजी घेण्यात यावी, अशा सूचना त्यांनी केल्या.
 
दररोज किती गाळ व माती नदीतून काढली याची माहिती वरिष्ठ अधिकाऱ्यांकडे संध्याकाळी देण्यात यावी. काढलेल्या गाळ व मातीची तातडीने विल्हेवाटदेखील लावण्याच्या सूचना सभापतींनी केल्या. स्वयंसेवी संस्थांनी आर्थिक मदत देण्याचे कबूल केले आहे. त्यातच मशीन्सला लागणाऱ्या डिजेलचा खर्च भागविण्यात यावा, असे आदेशही त्यांनी यावेळी दिले.
 
बैठकीला, कार्यकारी अभियंता राजेश भूतकर, कार्यकारी अभियंता राजेश रहाटे, सतरंजीपुरा झोन सहायक आयुक्त प्रकाश वराडे, लकडगंज झोन सहायक आयुक्त सुभाष जयदेव यांच्यासह संबंधित विभागाचे अधिकारी व कर्मचारी उपस्थित होते.

 

 

अर्थ डे नेटवर्कच्या स्पर्धेत ४८ शहरांत नागपूर अव्वल

विजेत्या दहा शहरांची यादी घोषित : मनपा आणि ग्रीन व्हिजीलला बहुमान
 
नागपूर,ता.५ : पर्यावरण संरक्षणासाठी जगभरात कार्यरत असलेल्या अर्थ डे नेटवर्कच्या माध्यमातून भारतातील शहरांसाठी ‘शहर ग्रीन करो’ या स्पर्धेचे आयोजन करण्यात आले होते. १० लाखाच्या वर लोकसंख्या असलेल्या देशातील एकूण ४८ शहरांचा सहभाग असलेल्या या स्पर्धेत नागपूर शहराचा समावेश विजेत्या पहिल्या दहा शहरांमध्ये झाला आहे. महाराष्ट्रातील तीन शहरांचा या यादीत समावेश असून नागपूरपाठोपाठ मुंबई आणि पुणे शहरानेही यात स्थान पटकाविले आहे.
 
पर्यावरण संरक्षणासाठी ‘अर्थ डे नेटवर्क’ नामक आंतरराष्ट्रीय संस्था सन १९७० पासून कार्यरत आहे. वसुंधरा वाचविण्याचा संदेश देत वर्षभर पर्यावरणविषयक जनजागृतीचे उपक्रम जगभरात राबविले जातात. याच संस्थेच्या माध्यमातून नागपुरात नागपूर महानगरपालिका आणि ग्रीन व्हिजील फाऊंडेशन वर्षभर पर्यावरणविषयक जनजागृतीसंदर्भात उपक्रम राबवित असतात. नदी स्वच्छता मोहीम, ऊर्जा बचतीसाठी पोर्णिमा दिवस, शहर स्वच्छतेसाठी स्वच्छता अभियान, ओला आणि सुका कचरा विलगीकरण, प्लास्टिकमुक्ती, पर्यावरणपूरक गणेशोत्सवअंतर्गत तलाव संरक्षण, हरितम्‌ नागपूर (वृक्षारोपण) आणि पर्यावरण शिक्षण आदी पर्यावरणाशी संबंधित उपक्रम राबविले जातात. मागील वर्षीपासून अर्थ डे नेटवर्क या संस्थेला ४७ वर्ष पूर्ण झाल्याच्या निमित्ताने ‘शहर ग्रीन करो’ ही स्पर्धा सुरू केली. मागील वर्षी ४७ शहरांसाठी तर यावर्षी ४८ शहरांसाठी ही स्पर्धा होती. या स्पर्धेत आग्रा, अहमदाबाद, अलाहबाद, अमृतसर, भोपाल, दिल्ली, बेंगुलुरु, भुवनेश्वर, चंडीगड, नागपूर, कोलकाता, ग्वालियर, हैद्राबाद, इंदौर, जयपूर, कानपूर, कोचीन, रांची, मदुराई, मुंबई, पुणे, तिरुवंतपुरम्‌, सुरत, वडोदरा, वाराणसी, विजयवाडा, विशाखापट्टणम आदी मोठी शहरे सहभागी झाली होती. या प्रत्येक शहरांमध्ये स्थानिक पर्यावरण प्रेमी संस्थांनी अर्थ डे नेटवर्कच्या माध्यमातून विविध उपक्रम राबविले. ज्या शहरातील उपक्रमांची व्याप्ती मोठी होती, त्या उपक्रमांच्या माध्यमातून प्रभावी जनजागृती झाली, या जनजागृतीचा लोकजीवनावर प्रभाव पडला अशा दहा शहरांना ‘शहर ग्रीन करो’ स्पर्धेचेन विजेता घोषित करण्यात आले.
 
विजेत्या शहरांमध्ये समाविष्ट शहरे
 
‘शहर ग्रीन करो’ स्पर्धेत सहभागी असलेल्या दहा शहरांमध्ये नागपूर, मुंबई, पुणे, वाराणसी, नवी दिल्ली, अमृतसर, श्रीनगर, चेन्नई, गुवाहाटी, बेंगलुरु यांचा समावेश आहे. या दहा विजेत्यांमधील नागपूर हे एकमेव असे शहर आहे ज्यामध्ये पर्यावरणविषयक जनजागृतीमध्ये पर्यावरणवादी संस्थेसोबत स्थानिक स्वराज्य संस्थेचा सहभाग आहे. नागपुरातील ग्रीन व्हिजील फाऊंडेशन या पर्यावरणवादी संस्थेसोबत नागपूर महानगरपालिकेचा सहभाग आहे. अर्थ डे नेटवर्क दक्षिण आशियाच्या विभागीय संचालक श्रीमती करुणा सिंग यांनी या पुरस्काराबद्दल नागपूर महानगरपालिका आणि ग्रीन व्हिजील फाऊंडेशनचे अभिनंदन केले आहे. भविष्यात नागपुरात पर्यावरण जनजागृतीसंदर्भात मोठी क्रांती दिसून येईल, असेही त्या म्हणाल्या.
 
नागपूरच्या शिरपेचात मानाचा तुरा : नंदा जिचकार, महापौर
 
पर्यावरणविषयक कार्यात ‘अर्थ डे नेटवर्क’ने नागपूरला दिलेला हा बहुमान म्हणजे येथील पर्यावरणवाद्यांच्या कार्याला मिळालेला सन्मान आहे. हा संपूर्ण नागपूरकरांचा सन्मान आहे. नागपूरकर आता स्वच्छतेविषयी आणि पर्यावरण रक्षणाविषयी जागरुक झाले आहे. या पुरस्कारामुळे स्मार्ट सिटीकडे वाटचाल करणाऱ्या नागपूरच्या शिरपेचात मानाचा तुरा खोवला गेला आहे.
 
नागपूरचा सन्मान वाढला : अश्विन मुदगल, जिल्हाधिकारी
 
कुठल्याही समस्येवर मात करायची असेल तर जनजागृती आणि लोकसहभाग महत्त्वाचा असतो. पर्यावरणविषयक जनजागृती करण्यासाठी नागपुरातील ग्रीन व्हिजील फाऊंडेशन नेहमीच पुढाकार घेते. नागपूर महानगरपालिका त्यांच्या खांद्याला खांदा लावून या उपक्रमात सहभागी झाली. या पुरस्काराने आता जबाबदारी आणखी वाढली आहे. जिल्हाधिकारी या नात्याने आता संपूर्ण जिल्हाभरात असे उपक्रम राबविण्याचा आपला प्रयत्न राहील.
 
हा नागपूरकरांचा सन्मान : कौस्तभ चॅटर्जी, संस्थापक, ग्रीन व्हिजील फाऊंडेशन
 
‘अर्थ डे नेटवर्क’ ही जागतिक स्तरावर कार्य करणारी संस्था आहे. अशा पुरस्कारांमुळे कार्य करणाऱ्यांना प्रोत्साहन मिळते. ग्रीन व्हिजील फाऊंडेशन योग्य दिशेने वाटचाल करीत असल्याचे हे प्रमाणपत्र आहे. यामुळे आता पुढील उपक्रम अधिक प्रभावीपणे राबविण्याचा आमचा प्रयत्न राहील. नागपूर महानगरपालिकेचे तत्कालिन आयुक्त अश्विन मुदगल यांच्या नेतृत्वात संपूर्ण अधिकारी-कर्मचारी यांनी आम्हाला जे सहकार्य केले त्याबद्दल आम्ही त्यांचे ऋणी आहोत. हा सन्मान खऱ्या अर्थाने नागपूरच्या जनतेचा आहे.

 

 

झोनमधील पाणी प्रश्न तातडीने सोडवा : उपमहापौर

धंतोली झोनमधल्या पाणी समस्या जाणून घेतल्या
 
नागपूर,ता.४ : धंतोली  झोन मधील पाणी समस्या तातडीने सोडविण्यात याव्या, असे निर्देश उपमहापौर दीपराज पार्डीकर यांनी दिले. महानगरपालिकेच्या सर्वसाधारण सभेत झालेल्या निर्णयानुसार झोननिहाय जलप्रदाय समितीच्या बैठकीअंतर्गत शुक्रवार (ता.४) धंतोली झोनमध्ये बैठक आयोजित करण्यात आली होती. त्याप्रसंगी ते बोलत होते.
 
यावेळी जलप्रदाय समितीचे सभापती, झोन सभापती विशाखा बांते, नगरसेवक अविनाश ठाकरे, विजय चुटेले, नगरसेविका भारती बुंदे, हर्षला साबळे, कार्यकारी अभियंता (जलप्रदाय) संजय गायकवाड, उपअभियंता प्रदीप राजगिरे, झोनमधील डेलीगेटस्‌ शिरिष तारे, ओसीडब्लूचे प्रवीण शरण उपस्थित होते.
 
यावेळी झोनमधील नगरसेवकांनी आपल्या प्रभागातील समस्या उपमहापौरांपुढे मांडल्या. प्रभागातील पाण्यासंदर्भात तक्रार करूनदेखिल ओसीडब्ल्यूचे अधिकारी दखल घेत नाही, अशी तक्रार नगरसेवक विजय चुटेले यांनी केली. त्यावर उपमहापौर दीपराज पार्डीकर यांनी ओसीडब्ल्यूच्या अधिकाऱ्यांना जाब विचारत नगरसेवकांच्या समन्वयाने नागरिकांच्या तक्रारी सोडविण्यात याव्या, असे निर्देश दिलेत. इंदिरानगर, दलित वाचनालय या ठिकाणी पाणी नियमित नसल्याच्या तक्रारी चुटेले यांनी केल्या.
 
विश्वकर्मा नगर या ठिकाणी पाणी नियमित देण्यात यावे. नागरिकांच्या समस्या १५ दिवसांच्या आत सोडविण्यात याव्या, असे निर्देश उपमहापौरांनी दिले. श्रीनगर, नरेंद्रनगर, धाडीवाल ले आऊट या ठिकाणी पाणी नियमित येत नाही, अशी तक्रार ज्येष्ठ नगरसेवक अविनाश ठाकरे यांनी केली. त्यावर बोलताना त्या ठिकाणी ओंकारनगर येथील पाणी टाकीवरून पाण्याचा पुरवठा करण्यात यावा, ओंकारनगर येथील पाणी टाकीवरून दोन एमएलडी पाणी अतिरिक्त सोडण्यात यावे, असे निर्देश उपमहापौर दीपराज पार्डीकर यांनी दिले. रेल्वे क्वॉर्टर येथे पाण्याची भीषण समस्या आहे. त्या ठिकाणी दोन टँकर नियमित स्वरूपात लावण्यात यावे, अशी सूचनाही त्यांनी केली.
 
ज्या ठिकाणी पाईपलाईनसाठी खड्डे खोदण्यात आलेले आहे. ते खड्डे लवकरात लवकर बुजविण्यात यावे, ते बुजविले नाही, तर ओसीडब्ल्यूवर कारवाई करण्यात येईल, असा इशारा जलप्रदाय समिती सभापती पिंटू झलके यांनी दिला.
 
बैठकीला झोनमधील संबंधित अधिकारी व कर्मचारी यांच्यासह ओसीडब्ल्यूचे अधिकारी व कर्मचारी उपस्थित होते.  

 

 

लोकसहभागातून नदी स्वच्छतेसाठी एकत्र या : विरेंद्र कुकरेजा

नदी स्वच्छता पूर्वतयारी बैठक : अधिकारी, उद्योजकांचा सहभाग
 
नागपूर, ता. ४ : नाग नदी स्वच्छता हे प्रत्येक नागपूरकरांचे स्वप्न आहे. गेल्या काही वर्षांपासून महापालिका प्रशासनाच्या पुढाकारातून नाग नदी, पिवळी नदी, पोहरा नदी स्वच्छतेचा उपक्रम हाती घेण्यात आला आहे. हे अभियानाने आता लोकचळवळीचे स्वरूप घेतले असून नागपुरातील प्रत्येक नागरिकाने या चळवळीत सहभाग नोंदवावा, असे आवाहन नागपूर महानगरपालिका स्थायी समितीचे सभापती विरेंद्र कुकरेजा यांनी केले.
 
७ मे पासून सुरू होणाऱ्या नदी स्वच्छता अभियानाच्या पूर्वतयारीचा आढावा घेण्यासाठी जिल्हाधिकारी अश्विन मुदगल यांच्या अध्यक्षतेखाली जिल्हाधिकारी कार्यालयात बैठकीचे आयोजन करण्यात आले होते. यावेळी ते बोलत होते. बैठकीला आमदार प्रा. अनिल सोले, सत्ता पक्ष नेते संदीप जोशी, विरोधी पक्ष नेते तानाजी वनवे, मनपाचे अतिरिक्त आयुक्त रवींद्र कुंभारे, अतिरिक्त जिल्हाधिकारी प्रकाश पाटील, मनपाचे प्रभारी मुख्य अभियंता मनोज तालेवार उपस्थित होते.
 
यावेळी बोलताना स्थायी समिती सभापती विरेंद्र कुकरेजा यांनी लोकसहभागासाठी आवाहन केले. ते म्हणाले, आपल्या शहरासाठी काहीतरी देणे हे प्रत्येक नागरिकाचे कर्तव्य आहे. नाग नदी स्वच्छता आणि नाग नदी सौंदर्यीकरण हे आपले स्वप्न आहे. कुठलाही प्रकल्प हा लोकसहभागाशिवाय पूर्ण होणे शक्य नाही. त्यामुळे प्रत्येक शासकीय कार्यालय, उद्योग, कंपनी, कार्पोरेट कार्यालय, शिक्षण संस्था आणि व्यक्तीश: नागरिक यांनी या मोहिमेत योगदान दिले तर नागनदीचे उद्याचे चित्र वेगळे असेल.
 
आमदार प्रा. अनिल सोले म्हणाले, सन २०१३ पासून नाग नदी स्वच्छता अभियान सुरू करण्यात आले. नदीतील कचरा स्वच्छ करणे, गाळ काढणे यासोबतच लगतच्या परिसराचे सौंदर्यीकरण करणे, हा या अभियानाचा उद्देश आहे. आतापर्यंत नागपुरातील अनेकांनी या अभियानात योगदान दिले आहे. यावर्षीही ही मोहीम लोकसहभागातूनच प्रभावीपणे राबवून नवा आदर्श निर्माण करेल, असे ते म्हणाले.
 
जिल्हाधिकारी अश्विन मुदगल यांनी प्रशासकीय यंत्रणेला या मोहिमेसाठी सज्ज राहण्याचे निर्देश दिले. शहरातील उद्योगांनी, विविध असोशिएशनने आपआपल्या परीने योगदान देण्याचे आवाहन त्यांनी केले.
 
नदी स्वच्छता अभियानात सहभाग नोंदविणाऱ्या संस्थांना प्रमाणपत्र देऊन प्रशासनातर्फे सन्मानित करण्यात यावे, अशी सूचना विरोधी पक्ष नेते तानाजी वनवे यांनी मांडली.
 
या बैठकीत नॅशनल हायवे ॲथॉरिटी ऑफ इंडिया, नागपूर सुधार प्रन्यास, नागपूर मेट्रो रेल कार्पोरेशन, सार्वजनिक बांधकाम विभाग यांच्यासह जिंजर मॉल ग्रुप, मनपा हॉटमिक्स प्लान्ट कॉन्ट्रॅक्टर्स असोशिएशन यंत्रसामुग्रीच्या माध्यमातून अभियानात सहभागी होणार असल्याचे त्यांच्या प्रतिनिधींनी सांगितले. होटल असोशिएशन, एसीसी बिल्डकॉन, एमआयडीसी नागपूर हे अभियानात आर्थिक सहभाग नोंदविणार आहेत तर एनटीपीसी, वेकोलि, सूर्यलक्ष्मी कॉटन इंडस्ट्रीज, क्रेडाई सीएसआर फंडाच्या माध्यमातून अभियानाला सहकार्य करणार असल्याचे त्यांच्या प्रतिनिधींनी सांगितले.
 
प्रास्ताविक प्रभारी मुख्य अभियंता मनोज तालेवार यांनी केले. कार्यक्रमाला विविध शासकीय कार्यालयातील अधिकारी, विविध उपक्रम, उद्योगांचे अधिकारी, विविध संस्थांचे पदाधिकारी उपस्थित होते.

 

 

वीरेंद्र सिंह यांनी स्वीकारला मनपा आयुक्तपदाचा कार्यभार
 
नागपूर, ता. ४ : नागपूर महानगरपालिकेचे नवे आयुक्त म्हणून वीरेंद्र सिंह यांनी पदाचा कार्यभार स्वीकारला. मावळते आयुक्त अश्विन मुदगल यांनी त्यांच्याकडे सूत्रे सोपविली आणि पुष्पगुच्छ देऊन त्यांचे स्वागत केले.
 
यावेळी अपर आयुक्त रवींद्र कुंभारे, सहायक आयुक्त महेश धामेचा, स्मार्ट ॲण्ड सस्टेनेबल सिटी डेव्हलपमेंट कॉर्पोरेशनचे मुख्य कार्यकारी अधिकारी डॉ. रामनाथ सोनवणे, सेवानिवृत्त अपर आयुक्त व एनईएसएलचे संचालक डॉ. आर. झेड. सिद्दिकी, जनसंपर्क अधिकारी अशोक कोल्हटकर, सहायक जनसंपर्क अधिकारी प्रदीप खडणवीस उपस्थित होते.
 
मनपा आयुक्त वीरेंद्र सिंह हे यापूर्वी मंत्रालयात नगर पालिका प्रशासनचे संचालक व आयुक्त म्हणून कार्यरत होते. ते २००६ च्या तुकडीचे आयएएस अधिकारी असून यापूर्वी औरंगाबाद व सिंधुदुर्ग येथे जिल्हाधिकारी म्हणून जबाबदारी पार पाडली आहे. काही काळ ते माहिती तंत्रज्ञान विभागाच्या डिजिटल कक्षात होते. या विभागात त्यांनी उत्कृष्ट काम केले. यूपीएससी परीक्षा देण्यापूर्वी ते एअर इंडियात कार्यरत होते. नोकरी सोडून त्यांनी यूपीएससी परीक्षा उत्तीर्ण केली. महाराष्ट्र कॅडरमध्ये निवड झाल्याननतर त्यांनी विविध ठिकाणी उत्कृष्ट कामगिरी केली. प्रशासनात जलदगतीने निर्णय घेणारे अधिकारी म्हणून त्यांची ओळख आहे.
 
विभागप्रमुखांकडून आयुक्तांनी घेतला आढावा
 
पदभार स्वीकारल्यानंतर नवे आयुक्त वीरेंद्र सिंह यांनी सर्व विभागप्रमुखांची ओळख करवून घेत त्यांच्याकडे असलेल्या कामांचा आढावा घेतला. शिस्त, सचोटी आणि कार्यक्षमतेने एकत्रित मिळून सर्व अधिकारी-कर्मचाऱ्यांनी काम करावे, असे आवाहन त्यांनी यावेळी विभागप्रमुखांना केले. आपला पुढील कार्यकाळ शहराच्या हितासाठी व विकासासाठी असेल, अशी ग्वाही त्यांनी यावेळी दिली.

 

 

मनपा शाळांतील पटनोंदणीसाठी सामूहिक प्रयत्न गरजेचे : प्रा. दिलीप दिवे

शिक्षण समितीची आढावा बैठक
 
नागपूर, ता. ३ : मनपा शाळांतून अधिक दर्जेदार शिक्षण देण्यासाठी शिक्षण समितीसह सर्व अधिकारी, शाळा निरीक्षक आणि शिक्षक परिश्रम घेत आहेत. डिजिटायझेशनसाठी सुमारे १५१ शिक्षकांना प्रशिक्षण देण्यात आले. आता या शाळांतील पटसंख्या वाढणे अत्यावश्यक आहे. त्यासाठीही समिती सभापती, सदस्य, नगरसेवकांसह अधिकारी आणि शिक्षकांनी सामूहिक प्रयत्न गरजेचे असल्याचे प्रतिपादन शिक्षण समितीचे सभापती प्रा. दिलीप दिवे यांनी केले.
 
नागपूर महानगरपालिकेच्या शिक्षण समितीची बैठक गुरुवारी (ता. ३) मनपा मुख्यालयातील डॉ. पंजाबराव देशमुख स्मृति सभागृहात पार पडली. सदर बैठकीत ते बोलत होते. बैठकीला समितीच्या उपसभापती भारती बुंडे, सदस्या रिता मुळे, प्रमिला मथरानी, सदस्य राजेंद्र सोनकुसरे, इब्राहिम तौफिक अहमद, नितीन साठवणे, उपायुक्त डॉ. रंजना लाडे, शिक्षणाधिकारी संध्या मेडपल्लीवार उपस्थित होत्या.
 
नवीन शैक्षणिक वर्षांत मनपा शाळांतील पटसंख्या वाढविण्यासाठी शाळा स्तरावर प्रयत्न सुरू आहेत. त्याचा झोननिहाय आढावा शाळा निरीक्षकांकडून घेण्यात आला. पटसंख्या वाढविण्यासाठी काही शाळांनी परिसरातील वस्त्यांमध्ये काही विशेष उपक्रम राबविले का, कुठल्या शिक्षकांनी स्वत: नगरसेवकांची मदत घेतली का, याबाबतही शाळा निरीक्षकांकडून माहिती घेण्यात आली.
 
नागपूर शहरातील सर्व नगरसेवकांना शिक्षकांनी भेटावे. पटसंख्या वाढीसाठी त्यांची मदत घ्यावी. संस्कार वर्ग, उन्हाळी शिबिर किंवा अन्य उपक्रम परिसरात राबवून शाळाबाह्य विद्यार्थ्यांची नोंदणी करावी, असे निर्देश सभापती प्रा. दिलीप दिवे यांनी शाळा निरीक्षकांना दिले.
 
यावेळी शालेय गणवेश आणि पाठ्यपुस्तकांबाबतचा आढावाही सभापतींनी घेतला. प्राथमिक शिक्षकांची सेवाज्येष्ठता यादी तातडीने प्रकाशित करण्याचे निर्देशही त्यांनी दिले. मनपाअंतर्गत असणाऱ्या शाळा डिजीटल करण्याच्या दृष्टीने मागील शैक्षणिक वर्षात मनपातील सुमारे १५१ शिक्षकांना डिजीटल प्रशिक्षण देण्यात आले. या शिक्षकांनी त्यानंतर त्याचा उपयोग कसा केला, याचीही माहिती सभापती प्रा. दिवे यांनी घेतली. प्रशिक्षण घेतलेल्या शिक्षकांनी त्यांच्या शाळांतील अन्य शिक्षकांना प्रशिक्षित करावे, असे निर्देशही त्यांनी यावेळी दिले.
 
बैठकीला सहायक शिक्षणाधिकारी, क्रीडा निरीक्षक व अन्य अधिकारी उपस्थित होते.

 

 

शासनाकडे प्रलंबित असलेले सर्व प्रकल्प लवकरात लवकर मार्गी लावा : प्रवीण दटके

बी.ओ.टी. आणि पी.पी.पी. प्रकल्पाचा घेतला आढावा
 
नागपूर,ता.३ : नागपूर महानगरपालिकेच्या प्रस्तावित व अपूर्ण असलेल्या बी.ओ.टी., पी.पी.पी. तत्त्वावरील  केंद्र व राज्य शासनाकडे प्रलंबित असलेले सर्व प्रकल्प लवकरात लवकर मार्गी लावण्याचे निर्देश माजी महापौर प्रवीण दटके यांनी दिले. गुरूवारी (ता.३) मनपा मुख्यालयातील छत्रपती शिवाजी महाराज प्रशासकीय इमारतीत प्रवीण दटके समितीची बैठक आयोजित करण्यात आली होती. सदर बैठकीत ते बोलत होते.
 
यावेळी स्थायी समिती सभापती विरेंद्र कुकरेजा, समिती सदस्य संजय बंगाले, पिंटू झलके, ज्येष्ठ नगरसेवक दयाशंकर तिवारी, सुनील अग्रवाल, अतिरिक्त आयुक्त रवींद्र कुंभारे, सहायक आयुक्त (सामान्य प्रशासन विभाग) महेश धामेचा, मुख्य अभियंता मनोज तालेवार, नगररचना विभागाचे सहायक संचालक प्रमोद गावंडे, स्थावर अधिकारी आर.एस.भुते, कार्यकारी अभियंता (प्रकल्प) नरेश बोरकर, कार्यकारी अभियंता सतीश नेरळ, कार्यकारी अभियंता (जलप्रदाय) संजय गायकवाड, कार्यकारी अभियंता राजेश भूतकर प्रामुख्याने उपस्थित होते.
 
यावेळी माजी महापौर प्रवीण दटके यांनी महानगरपालिकेचे प्रस्तावित व अपूर्ण असलेल्या प्रकल्पांचा आढावा घेतला. यामध्ये ऑरेंज सिटी स्ट्रीट प्रकल्प, बुधवार बाजार (महाल व सक्करदरा), महाल दवाखाना, डिक दवाखाना, दहन घाट, मोक्षधाम पूल, स्व. बाळासाहेब ठाकरे शैक्षणिक प्रकल्प, डी.पी.रस्ते यांचा समावेश होता.
 
मोक्षधाम पुलाचे काम अद्यापही पूर्ण झाले नसल्याने प्रवीण दटके यांनी नाराजी व्यक्त केली. १ जूनला कोणत्याही परिस्थितीत तो पुल सुरू करण्यात यावा आणि महापौरांच्या हस्ते त्याचे लोकार्पण करण्यात यावे, असे निर्देश त्यांनी अधिकाऱ्यांना दिले. महाल बुधवार बाजाराच्या कामाचा आढावा यावेळी घेण्यात आला. बुधवार बाजाराच्या तळघरात भव्य पार्किंगची सोय करण्यात यावी, अशा सूचना त्यांनी दिल्या. तेथील व्यावसायिकांच्या पुनर्वसनाबाबतही यावेळी बैठकीत चर्चा करण्यात आली.
 
बैठकीला उपअभिंयता शकील नियाजी, राजेश दुफारे, बाजार अधीक्षक मदन सुभेदार यांच्यासह संबंधित विभागाचे अधिकारी आणि कर्मचारी उपस्थित होते.  

 

 

लकडगंज झोनमधील प्रभागात एक तास पाणीपुरवठा करा

जलप्रदाय झोन समितीचे सभापती पिंटू झलके यांचे निर्देश
 
नागपूर, ता. ३ : लकडगंज झोनअंतर्गत दररोज अर्धा तासऐवजी एक तास पाणी पुरवठा करा, आवश्यक त्या भागात एक दिवसाआड टँकर पाठवा आणि दूषित पाण्याच्या तक्रारींचा निपटारा त्याच दिवशी करा, असे निर्देश जलप्रदाय समितीचे सभापती पिंटू झलके यांनी दिले.
 
नागपूर महानगरपालिका सभागृहात झालेल्या निर्णयानुसार नगरसेवकांच्या पाणीविषयक तक्रारी ऐकण्यासाठी आणि त्यावर चर्चा करून उपाययोजना करण्यासाठी जलप्रदाय समितीच्या वतीने झोननिहाय बैठकांचे आयोजन करण्यात आले आहे. याअंतर्गत गुरुवारी (ता. ३) लकडगंज झोनची बैठक झोन कार्यालयात पार पडली. बैठकीला सभापती पिंटू झलके यांच्यासह उपनेते बाल्या बोरकर, झोन सभापती दीपक वाडीभस्मे, नगरसेवक दुनेश्वर पेठे, प्रदीप पोहाणे, अनिल गेंदरे, राजकुमार साहू, मनिषा अतकरे, मनिषा धावडे, जयश्री रारोकर, वैशाली रोहणकर, सरीता कावरे, कार्यकारी अभियंता संजय गायकवाड, झोनचे सहायक आयुक्त सुभाष जयदेव, ओसीडब्ल्यूचे अधिकारी सर्वश्री कारला, घरझाडे, सिंग उपस्थित होते.
 
सदर बैठकीत उपस्थित नगरसेवकांनी पाणी केवळ अर्धा तास येत असल्याची समस्या मांडली. अनेक भागात त्यापेक्षाही कमी वेळ पाणीपुरवठा होतो. मिनी माता नगर, डिप्टी सिग्नल या भागात दूषित पाणी पुरवठा होतो. दूषित पाणीपुरवठ्याच्या तक्रारी १५-१५ दिवस सुटत नाही, दुरुस्तीसाठी केलेले खड्डे वेळेच्या आता बुजविले जात नाही, टँकरची उपलब्धता होत नाही अशा अनेक तक्रारी समितीपुढे मांडल्या. यावर ओसीडब्ल्यूच्या अधिकाऱ्यांनी उत्तरे देत सर्व समस्यांचे निराकरण तातडीने करू, असे आश्वस्त केले.
 
सभापती पिंटू झलके यांनी ओसीडब्ल्यूच्या अधिकाऱ्यांना तातडीने समस्या सोडविण्याचे निर्देश दिले. ज्या भागात दोन-दोन दिवसाआड टँकर पाठविला जातो तेथे आता एक दिवसाआड टँकर पाठवा. दूषित पाण्याची समस्या एका दिवसात सोडवा, असे निर्देश दिले.
 
दुरुस्तीकामासाठी जेथे खड्डे खोदण्यात आले आहेत, ते खड्डे ४५ दिवसांच्या आत भरणे आणि तेथे सीमेंटीकरण करणे आवश्यक आहे. ४५ दिवसांच्या आत जे खड्डे भरण्यात आले नाही तेथे प्रति दिवस दंड आकारण्याचे निर्देशही पिंटू झलके यांनी दिले.

 

 

सावित्रीबाई फुले कन्या कल्याण पारितोषिक योजनेच्या लाभार्थ्यांना धनादेश वाटप

नागपूर,ता.३ : नागपूर महानगरपालिकेद्वारे सावित्रीबाई फुले कन्या कल्याण पारितोषिक योजनेअंतर्गत एक किंवा दोन मुलींवर कुटुंब नियोजन शस्त्रक्रिया केलेल्या नऊ लाभार्थ्यांना अतिरिक्त उपायुक्त राजेश मोहिते यांच्या हस्ते धनादेश वाटप करण्यात आले. बुधवारी (ता.२) मनपा मुख्यालयातील डॉ.पंजाबराव देशमुख सभागृहात कार्यक्रमाचे आयोजन करण्यात आले होते.
 
यावेळी आरोग्य अधिकारी (दवाखाना) डॉ. नरेंद्र बहिरवार, वैद्यकीय अधिकारी डॉ.विजय जोशी, नोडल अधिकारी डॉ.ख्वाजा, श्रीमती परांजपे, सूर्यवंशी, पाटील, श्री.मेंढे प्रामुख्याने उपस्थित होते.
 
महाराष्ट्र शासनाच्या परिपत्रकानुसार कुटुंब नियोजन केलेल्या लाभार्थ्यांना या योजनेअंतर्गत धनादेश वितरित केले जातात. एका मुलीनंतर शस्त्रक्रिया केलेल्या लाभार्थ्यांना दोन हजार रोख आणि आठ हजार धनादेशाच्या स्वरूपात आणि दोन मुलीनंतर शस्त्रक्रिया केलेल्या लाभार्थ्यांना प्रत्येक मुलीमागे चार हजारांचा धनादेश वितरित करण्यात येत असतो. नागपूर महानगरपालिकेद्वारे या योजनेअंतर्गत नऊ लाभार्थ्यांना यावेळी धनादेश वितरित करण्यात आले.
 
ही योजना ३१ जुलै २०१७ पासून बंद झालेली आहे. १ ऑगस्ट २०१७ पासून ‘माझी कन्या भाग्यश्री’ ही सुधारित योजना सुरू करण्यात आली आहे. ही योजना बालविकास प्रकल्प अधिकारी, जिल्हा परिषद यांच्यामार्फत राबविण्यात येत असल्याची माहिती डॉ.विजय जोशी यांनी दिली.
 
दीपप्रज्वलनाने कार्यक्रमाची सुरूवात झाली. कार्यक्रमाची प्रास्ताविक डॉ.विजय जोशी यांनी केले. आभार नोडल अधिकारी डॉ.ख्वाजा यांनी मानले.

 

 

सीमेंट रस्त्याच्या गुणवत्तेत तडजोड नको : विरेंद्र कुकरेजा

शहरातील सीमेंटच्या रस्त्याचा कामाचा घेतला आढावा
 
नागपूर,ता.२ : शहरात विविध ठिकाणी सीमेंट रस्त्याचे काम सुरू आहे. सीमेंट रस्त्याच्या गुणवत्तेत तडजोड नको, असा स्पष्ट इशारा स्थायी समिती सभापती विरेंद्र कुकरेजा यांनी दिला. बुधवारी (ता.२) मनपा मुख्यालयातील डॉ.पंजाबराव देशमुख सभागृहात शहरातील सीमेंट रस्त्याच्या टप्पा १ आणि २ च्या कामाचा आढावा त्यांनी घेतला.
 
यावेळी त्यांच्यासमवेत मुख्य अभियंता मनोज तालेवार, कार्यकारी अभियंता (प्रकल्प) नरेश बोरकर, कार्यकारी अभियंता (प्रकल्प) अनिरूद्ध चौंगजकर, कार्यकारी अभियंता (लोककर्म) मोती कुकरेजा, कार्यकारी अभियंता (स्लम) डी.डी.जांभुळकर प्रामुख्याने उपस्थित होते.
 
यावेळी शहरातील विविध सीमेंट रस्त्याच्या कामाचा आढावा सभापतींनी कार्यकारी अभियंत्यामार्फत घेतला. रस्त्याच्या कामात कोणतीही हलगर्जी चालणार नाही, असा कडक इशारा त्यांनी दिला. रस्त्याला लागणारे सामान हे उच्च प्रतीचे वापरण्यात यावे, त्यात दिरंगाई आढळली त्या कंत्राटदाराचे देयक थांबविण्यात येईल, असा कडक इशारा सभापती कुकरेजा यांनी दिला.
 
टप्पा १ आणि २ ची कामे ३० जूनपर्यंत पूर्ण होईल या दृष्टीने प्रयत्न करावे. जी कामे शक्य होणार नाही, ती कामे किमान हिवाळी अधिवेशनापूर्वी पूर्ण करण्याचे निर्देश सभापती कुकरेजा यांनी दिले. दोन रस्त्यामधील भाग समतल करण्यात यावा, असे निर्देश सभापती विरेंद्र कुकरेजा यांनी दिले.
 
ज्या ठिकाणी पोलिस परवानगी मिळत नाही त्या ठिकाणी कंत्राटदारांनी अधिकाऱ्यांशी संपर्क साधून त्याचा पाठपुरावा करण्याचे निर्देश सभापतींनी यावेळी दिले. सीमेंट रस्त्यासोबतच त्याठिकाणी ड्रेनेज लाईन व फुटपाथचे कामही व्यवस्थित करावे, असे निर्देश त्यांनी दिले. बैठकीला मनपाचे उपअभियंता आणि कंत्राटदार उपस्थित होते. 

 

 

रमाई घरकुल योजनेची प्रक्रिया तातडीने पूर्ण करा : अभय गोटेकर

गलिच्छ वस्ती निर्मूलन व घर बांधणी समितीच्या कामकाजाचा आढावा
 
नागपूर,ता.२ : नागपूर महानगरपालिका आणि महाराष्ट्र शासनाच्या वतीने झोपडपट्टीधारकांना घरे देणाऱ्या रमाई घरकुल योजनेची प्रक्रिया तातडीने पूर्ण करा, असे निर्देश गलिच्छ वस्ती निर्मूलन व घर बांधणी विशेष समिती सभापती अभय गोटेकर यांनी दिले,
 
बुधवारी (ता.२) मनपा मुख्यालयातील डॉ.पंजाबराव देशमुख सभागृहात गलिच्छ वस्ती निर्मूलन व घरे बांधणी विशेष समितीची आढावा बैठक आयोजित करण्यात आली होती. त्याप्रसंगी ते बोलत होते. यावेळी स्थापत्य व प्रकल्प समिती सभापती संजय बंगाले, समिती उपसभापती उषा पॅलट, सदस्य स्नेहा निकोसे, परसराम मानवटकर, कार्यकारी अभियंता (स्लम) डी.डी.जांभुळकर, नगररचना विभागाचे सहायक संचालक प्रमोद गावंडे, स्थावर अधिकारी आर.एस.भुते प्रामुख्याने उपस्थित होते.
 
यावेळी सभापती गोटेकर यांनी शहरातील घोषित व अघोषित असलेल्या झोपडपट्ट्यांचा आढावा घेतला. नागपूर शहरात ३९३ घोषित व १३१ अघोषित झोपडपट्ट्या असल्याची माहिती कार्यकारी अभियंता जांभुळकर यांनी दिली.
 
महाराष्ट्र शासनाद्वारे येणाऱ्या अनुदानाची माहिती कार्यकारी अभियंता राजेश रहाटे यांनी दिली. रमाई घरकुल योजनेच्या कार्यवाहीचा आढावा यावेळी सभापतींनी घेतला. प्रधानमंत्री आवास योजनेची माहिती कार्यकारी अभियंता संजय रहाटे यांनी दिली.
 
महानगरपालिकेच्या सफाई कामगारांना देण्यात येणाऱ्या डॉ.बाबासाहेब आंबेडकर श्रमविकास योजनेची माहिती आरोग्य अधिकारी (स्वच्छता) डॉ.प्रदीप दासरवार यांनी दिली. सेवानिवृत्त झालेल्या कर्मचाऱ्यांना किंवा मृत पावलेल्या कर्मचाऱ्यांना २६९ चौ.फूट जागेचे घर मनपा देणार असल्याची माहिती त्यांनी दिली.

 

 

३० जूनपर्यंत मालमत्तांचे मूल्यांकन करा

विरेंद्र कुकरेजा, संदीप जाधव यांचे सायबरटेकला निर्देश : करवसुलीचा घेतला आढावा
 
 नागपूर, ता. २ :  शहरातील मालमत्तांचे सर्वेक्षण आणि मूल्यांकन करण्याची जबाबदारी सोपविलेल्या सायबरटेक कंपनीने ३० जूनपर्यंत खुल्या भूखंडासह सर्व मालमत्तांचे सर्वेक्षण पूर्ण करावे जेणे करून कर आकारणीमध्ये सुसूत्रता आणता येईल, असे निर्देश स्थायी समितीचे सभापती विरेंद्र कुकरेजा आणि कर आकारणी व कर संकलन समितीचे सभापती संदीप जाधव यांनी दिले.
 
नागपूर महानगरपालिका मुख्यालयातील कर विभागातील सभागृहात कर आकारणी व कर संकलन समितीच्या बैठकीचे आयोजन करण्यात आले होते. याप्रसंगी त्यांनी सदर निर्देश दिलेत. स्थायी समितीचे सभापती विरेंद्र कुकरेजा, कर आकारणी व कर संकलन समितीचे सभापती संदीप जाधव यांच्यासह समितीचे उपसभापती सुनील अग्रवाल, समितीच्या सदस्या यशश्री नंदनवार, ॲड. मिनाक्षी तेलगोटे, माधुरी ठाकरे, भावना लोणारे, मंगला लांजेवार, सहायक आयुक्त (कर) मिलिंद मेश्राम बैठकीला उपस्थित होते.
 
सदर बैठकीत सर्वप्रथम सायबरटेकने केलेल्या कामांचा आढावा सभापतींनी घेतला. बहुतांश वॉर्डामध्ये ६० ते ६५ टक्के मालमत्ता मूल्यांकनाचे काम झाले आहे. उर्वरीत कामांसाठी मूल्यांकन करणाऱ्या चमूंची संख्या वाढविण्यात येत असल्याची माहिती सायबरटेकच्या अधिकाऱ्यांनी दिली. सध्या ४० चमू कार्यरत असून त्या १०० करण्यात येईल, असे त्यांनी सांगितले.
 
यावर सदर कार्य ३० जूनपर्यंत पूर्ण करावे, सोबत खुल्या भूखंडांचे मूल्यांकनही या वेळेत पूर्ण करावे, असे निर्देश दिले. झोन कार्यालयात मालमत्ता करासंदर्भात येणाऱ्या काही तक्रारींचा निपटारा लवकरात लवकर व्हावा यासाठी सायबरटेकचा एक व्यक्ती प्रत्येक झोन कार्यालयात नेमण्यात यावा. तो झोन सहायक आयुक्त आणि मुख्यालयाशी समन्वय साधेल, असेही निर्देश सभापतींनी दिले.
 
कर वसुलीसाठी ज्या मालमत्तांच्या लिलावासाठी वारंट काढण्यात आले होते, त्याबाबतचा आढावाही कर संकलन समितीचे सभापती संदीप जाधव यांनी घेतला. लिलावाची प्रक्रिया ही निरंतर सुरू ठेवा, असे निर्देशही त्यांनी दिले. अनादरीत धनादेशासंदर्भात कडक कार्यवाही करण्याचे निर्देशही श्री. जाधव यांनी दिले.
 
सन २०१८-१९ या आर्थिक वर्षात कर वसुलीचे नियोजन आतापासूनच करायचे आहे. प्रत्येक महिन्याचे स्वतंत्र नियोजन करून उद्दिष्ट ठरवा आणि ते गाठा जेणेकरून चालू आर्थिक वर्षात ५०० कोटींचे उद्दिष्ट गाठता येईल, असेही सभापती संदीप जाधव यांनी सांगितले. बैठकीला सर्व झोनचे सहायक आयुक्त आणि संबंधित अधिकारी उपस्थित होते.

 

 

अवैध नळ जोडणी कापण्याचे महापौरांचे निर्देश

जलप्रदाय समितीने घेतला गांधीबाग झोनचा आढावा
 
नागपूर, ता. २ : ऐन उन्हाळ्यात नागरिकांकड़ून येणाऱ्या पाणी समस्या वाढत आहे. ह्या समस्यांवर तातडीने तोडगा काढण्याचे आदेश देतानाच गांधीबाग झोनमध्ये असलेले सुमारे २०० अवैध नळ जोडण्या कापण्याचे निर्देश महापौर नंदा जिचकार यांनी दिले.
 
नागपूर महानगर पालिकेच्या सर्वसाधारण सभेत झालेल्या निर्णयानुसार नगरसेवकांच्या पाण्यासंदर्भातील समस्या जाणून घेण्यासाठी जलप्रदाय समितीच्या वतीने झोन निहाय आढावा घेणे सुरू आहे. याअंतर्गत बुधवारी (ता. २) गांधीबाग झोन कार्यालयात बैठकीचे आयोजन करण्यात आले होते. यावेळी त्यांनी सदर निर्देश दिले. बैठकीला महापौरांसह जलप्रदाय समितीचे सभापती पिंटू झलके, उपसभापती श्रद्धा पाठक, गांधीबाग झोन सभापती वंदना यंगटवार, ज्येष्ठ नगरसेवक दयाशंकर तिवारी, नगरसेवक राजेश घोडपागे, संजय बालपांडे, जुल्फेकार अहमद भुट्टो, नगरसेविका सुमेधा देशपांडे, प्र. अधीक्षक अभियंता संजय गायकवाड़, झोनचे सहायक आयुक्त अशोक पाटील, उपअभियंता प्रदीप राजगिरे, ओसीडब्ल्यूचे राहुल कुलकर्णी, प्रवीण शरण उपस्थित होते.
 
सदर बैठकीत पाणी चोरीविषयी चिंता व्यक्त करण्यात आली. पाणी चोरी हा गंभीर विषय असून त्याविरोधात कड़क कारवाई करण्याचे निर्देश महापौर नंदा जिचकार यांनी दिले. अवैध नळ जोडणी तातडीने कापा, टुल्लू पंपचा वापर करणाऱ्यांवर फौजदारी कारवाई करा असे निर्देश देतानाच नागरिकांच्या तक्रारींना गांभीर्याने घ्या, त्याची तातडीने सोडवणूक करा, असेही निर्देश दिले.
 
यावेळी झोनमधील नगरसेवकांनी नागरिकांकड़ून येणाऱ्या तक्रारी बैठकीत मांडल्या. या सर्व तक्रारी लेखी स्वरूपात समितीकडे देण्याचे आवाहन जलप्रदाय समितीचे सभापती पिंटू झलके यांनी केले. प्रत्येक तक्रारीची दख़ल समितीतर्फे घेण्यात येईल, असेही त्यांनी आश्वस्त केले.
 
गुरुवारी (ता. ३) धरमपेठ झोन कार्यालयात दुपारी ३ वाजता बैठकीचे आयोजन करण्यात आले असून सदर बैठकीत झोनमधील नगरसेवक पाणीसमस्या मांडतील.

 

 

मनपा घेईल ‘आपली बस’मधील कर्मचाऱ्यांच्या आरोग्याची काळजी : बंटी कुकडे

कामगार दिनी उत्कृष्ट कामगारांचा सत्कार : तीनही डेपोला भेट
 
नागपूर, ता. १ : मनपाच्या परिवहन विभागामार्फत सुरू असलेल्या ‘आपली बस’ सेवेत कार्यरत प्रत्येक कर्मचाऱ्याची आम्हाला काळजी आहे. त्यांच्या किमान वेतनाचा प्रश्न असो की आरोग्याचा प्रश्न असो, मनपा ते सोडविण्यास कटिबद्ध आहे. पुढील वर्षीच्या कामगार दिनापर्यंत सदर कर्मचाऱ्यांच्या आरोग्याबाबत महत्त्वाचे पाऊल मनपा उचलणार आहे. शहरातील ठराविक इस्पितळात या कर्मचाऱ्यांवर मोफत उपचार होतील. त्याचा खर्च मनपा परिवहन विभागाच्या माध्यमातून करण्यात येईल, अशी घोषणा मनपा परिवहन समितीचे सभापती बंटी कुकडे यांनी केली.
 
कामगार दिनाचे औचित्य साधून सभापती बंटी कुकडे यांनी शहर बसच्या हिंगणा, खापरी आणि पटवर्धन ग्राऊंड येथील डेपोला भेट दिली. याप्रसंगी आयोजित कार्यक्रमात कर्मचाऱ्यांची संवाद साधताना ते बोलत होते.
 
पुढे बोलताना ते म्हणाले, शहरातील ३५ लाख जनता म्हणजे नागपूर महानगरपालिकेचा परिवार आहे. या परिवाराची काळजी घेणे आपले कर्तव्य आहे. याच परिवाराकरिता ‘आपली बस’ ही सेवा मनपा देते. यात वर्षाकाठी सात कोटींचा तोटा होता. तरीही ही सेवा अविरत सुरू आहे. कर्मचारी आपल्या काही मागण्यांसाठी एक दिवस जरी ही सेवा बंद ठेवत असेल तर त्याचा त्रास परिवारातील सदस्यालाच होतो. २५ ते ३० लाखांचे नुकसान दर दिवशी होते. प्रश्न चर्चेने सुटले जातात. कर्मचाऱ्यांच्या किमान वेतनाचा प्रश्न आम्ही मार्गी लावत आहोत. किमान सहा ते सात महिन्यात त्यावर तोडगा निघेल, असा विश्वास त्यांनी यावेळी दिला.
 
पटवर्धन ग्राऊंड डेपोमध्ये आयोजित कार्यक्रमात मनपा परिवहन विभागाचे प्रशासकीय अधिकारी रवींद्र पागे, आर.के. सिटी बस ऑपरेटर्स नागपूर प्रा.लि.चे नीलमणी गुप्ता, हंसा सिटी बस सर्व्हिसेसचे जे.पी. पारीख, डिम्सचे सी.पी. तिवारी उपस्थित होते. यावेळी श्री. पारीख आणि सी.पी. तिवारी यांनीही कामगार दिनानिमित्त शुभेच्छा दिल्या. ट्रॅव्हल्स टाईम्स डेपोमध्ये आयोजित कार्यक्रमात उत्कृष्ठ चालक, वाहक, मेकॅनिक व अन्य कर्मचाऱ्यांचा सत्कारही सभापती बंटी कुकडे यांच्या हस्ते करण्यात आला.

 

 

महाराष्ट्र दिनानिमित्त मनपात ध्वजारोहण

नागपूर,ता. १ :  महाराष्ट्र राज्य स्थापनेच्या ५८ वर्धापन दिनानिमित्त नागपूर महानगरपालिकेच्या केंद्रीय कार्यालयात महापौर नंदा जिचकार यांनी हस्ते ध्वजारोहण केले. महाराष्ट्र दिन व कामगार दिनाच्या यावेळी शुभेच्छा दिल्या.
 
यावेळी अतिरिक्त आयुक्त रवींद्र कुंभारे, निगम सचिव हरिश दुबे, सहायक आयुक्त (साप्रवि) महेश धामेचा, मुख्य अभियंता मनोज तालेवार, प्रभारी अधीक्षक अभियंता संजय गायकवाड, सहायक संचालक (नगररचना) प्र.आ. गावंडे, कार्यकारी अभियंता डी.डी. जांभूळकर, प्रदीप राजगिरे, प्र. आरोग्य अधिकारी डॉ. प्रदीप दासरवार, डॉ. नरेंद्र बहिरवार, हिवताप अधिकारी जयश्री थोटे, मुख्य अग्निशमन अधिकारी राजेंद्र उचके, निगम अधीक्षक राजन काळे यांचेसह मनपा व अग्निशमन दलाचे अधिकारी, कर्मचारी उपस्थित होते.

 

 

पोर्णिमा दिवसानिमित्त मनपा-ग्रीन व्हिजील तर्फे जनजागृती

नागपूर,ता. ३० :  नागपूर महानगरपालिका व ग्रीन व्हिजील फाऊंडेशनच्या वतीने पौर्णिमा दिवसानिमित्त विधान भवन चौक येथे जनजागृती अभियान राबविण्यात आले. अनावश्यक विद्युत दिवे बंद करण्याचे आवाहन स्वयंसेवकांनी परिसरातील व्यापाऱ्यांना केले.
 
या जनजागृती कार्यक्रमात आमदार प्रा. अनिल सोले सहभागी झाले. यावेळी त्यांनीही स्वयंसेवकांचा उत्साह वाढविला. स्वयंसेवकांसोबत त्यांनीही व्यापाऱ्यांना ऊर्जाबचतीचे महत्त्व समजावून सांगितले. ऊर्जाबचत ही काळाची गरज असून गेल्या काही वर्षांपासून नागपूर महानगरपालिका ग्रीन व्हिजील फाऊंडेशनच्या सहकार्याने ऊर्जाबचतीचा हा उपक्रम राबवित आहे. विशेष म्हणजे पंतप्रधान नरेंद्र मोदी यांनी ‘मन की बात’मध्ये सुद्धा नागपुरातील या अभिनव उपक्रमाचा उल्लेख केला असल्याची माहिती आमदार अनिल सोले यांनी यावेळी दिली.
 
ग्रीन व्हिजील फाऊंडेशनचे कौस्तभ चॅटर्जी याबाबत बोलताना म्हणाले,  आमदार अनिल सोले यांच्या मार्गदर्शनात हा उपक्रम गेल्या काही वर्षांपासून अविरत राबविण्यात येत आहे. यामुळे आतापर्यंत व्यापारी आणि नागरिकांच्या सहकार्याने वीज बचत करण्यात आली आहे. दिवसेंदिवस या उपक्रमात नागरिकांचा सहभाग वाढत असून आता उत्स्फूर्तपणे अनावश्यक वीज दिवे पोर्णिमा दिवसाव्यतिरिक्त अन्य दिवशीही नागरिक बंद ठेवत असल्याचे ते म्हणाले.
 
यावेळी स्वयंसेवकांनी व्यापाऱ्यांसोबतच विधान भवन चौकातील सिग्नलवर थांबलेल्या वाहनचालकांना वीज बचतीचे महत्त्व सांगितले. या जनजागृती अभियानात नागपूर महानगरपालिकेचे सहायक अभियंता (विद्युत) अजय मानकर, ग्रीन व्हिजील फाऊंडेशनच्या टीम लीडर सुरभी जैस्वाल, कल्याणी वैद्य, विष्णूदेव यावद, दादाराव मोहोड, अभय पौनीकर, सारंग मोरे, सौरभ अंबाडे, अमित पालिया आदी सहभागी झाले होते.

 

 

राष्ट्रसंत तुकडोजी महाराज जयंतीनिमित्त मनपातर्फे अभिवादन

नागपूर,ता. ३० :  राष्ट्रसंत तुकडोजी महाराज जयंतीनिमित्त नागपूर महानगरपालिकेच्या वतीने उपमहापौर दीपराज पार्डीकर यांनी विश्वकर्मा नगर येथील तुकडोजी महाराजांच्या प्रतिमेला पुष्पहार अर्पण करून अभिवादन केले.
 
यावेळी नगरसेवक सतीश होले, श्री गुरुदेव सेवा मंडळाचे दुर्गादासजी रक्षक, लक्ष्मणराव शिंदे, बाळकृष्ण पाचभाई, भाऊराव तायवाडे, बाळकृष्ण भेंडे, रमाताई भेंडे, शशिकला शेंडे, रा.ब. बोडखी यांच्यासह गुरुदेव सेवा मंडळाचे कार्यकर्ते व परिसरातील नागरिक बहुसंख्येने उपस्थित होते.

 

 

नागपूर होईल देशातील उत्तम पाणीपुरवठ्याचे शहर : देवेंद्र फडणवीस

चंद्र नगर येथील पाण्याच्या टाकीचे लोकार्पण 
 
नागपूर, ता. २९ :  केंद्रीय मंत्री नितीन गडकरी यांच्या पुढाकाराने पाणीपुरवठ्याची उत्तम योजना नागपुरात साकारत आहे. चंद्र नगर येथील पाण्याची टाकी हा त्याचाच एक भाग आहे. टप्प्याटप्प्याने या टाक्या झाल्या की नागपूर हे देशातील २४ तास पाणीपुरवठा करणारे सर्वोत्तम शहर असेल, असे प्रतिपादन मुख्यमंत्री देवेंद्र फडणवीस यांनी केले.
 
नागपूर शहर वाढीव पाणी पुरवठा योजने अंतर्गत नागपूर महानगर पालिकेच्या वतीने चंद्रनगर येथे बांधण्यात आलेल्या पाणी टाकीचे लोकार्पण करण्यात आले. त्याप्रसंगी ते बोलत होते. यावेळी मंचावर केंद्रीय मंत्री नितीन गडकरी, पालकमंत्री चंद्रशेखर बावनकुळे, महापौर नंदा जिचकार, आमदार सुधाकर कोहळे, मनपा आयुक्त अश्विन मुदगल, धंतोली झोन सभापती विशाखा बांते, जलप्रदाय समितीचे सभापती पिंटू झलके, नगरसेविका भारती बुंदे, रिपाइं (आठवले) चे भूपेश थूलकर उपस्थित होते.
 
मुख्यमंत्री फडणवीस पुढे म्हणाले, चंद्रनगर परिसरात पाणी सर्वाना हवे होते मात्र जागेचा प्रश्न होता. आता या टाकीमुळे पुढील ३० वर्षे या परिसराल मुबलक पाणी मिळेल. 
 
आमदार सुधाकर कोहळे यांनी प्रास्ताविकातून दक्षिण नागपूर मतदार संघातील विकासकामांची माहिती दिली. प्रभाग ३३ मधील नागरसेवकांनी मुख्यमंत्री फडणवीस आणि केंद्रीय मंत्री गडकरी यांचे स्वागत केले. ततपूर्वी मुख्यमंत्री आणि केंद्रीय मंत्री गडकरी यांनी पाणी टाकीचे लोकार्पण केले.
 
संचालन व आभार प्रदर्शन जलप्रदाय समितीचे सभापती पिंटू झलके यांनी केले. यावेळी राज्य महिला आयोगाच्या सदस्य नीता ठाकरे, नगरसेविका दिव्या धुरडे, कल्पना कुंभलकर, राजेश घोड़पागे, अभय गोटेकर, मुख्य अभियंता मनोज तालेवार, प्र. अधीक्षक अभियंता संजय गाय्क्वाड, कार्यकारी अभियंता अनिरुद्ध चौगंजकर, उपअभियंता मो. इजराइल, उपअभियंता राजेश दुपारे, कनिष्ठ अभियंता सुरेश भजे,  एस. एम.सी. इंफ्रास्ट्रक्टरचे संचालक अनिरुद्ध सेठ, प्रकल्प व्यवस्थापक श्री. तूपकर, डी. पी.ए. कंसल्टेंट चे अरुण शहा, श्री. रमाकांत यावेळी उपस्थित होते.

 

 

मुख्यमंत्र्यांच्या हस्ते गठई कामगारांना पक्के स्टॉलचे वितरण

नागपूर, ता.२९. नागपूर महानगरपालिकेतर्फे संत रविदास आश्रय योजना अंतर्गत गठई कामगारांना सिमेंटचे पक्के स्टॉलचे वितरण मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या हस्ते रविवारी (ता.२९)  रामनगर येथील हिलटॉप येथे प्रतिनिधीक स्वरूपात करण्यात आले.
 
यावेळी महापौर नंदा जिचकार, पश्चिम नागपूरचे आमदार सुधाकर देशमुख, सत्तापक्ष नेते संदीप जोशी, आयुक्त अश्विन मुदगल, स्थापत्य व प्रकल्प समिती सभापती संजय बंगाले, नगरसेवक अमर बागडे,   नगरसेविका परिणीता फुके, रुतीका मसराम, नगरसेवक अमर बागडे, चर्मकार सेवा संघाचे भैय्यासाहेब भिगाने प्रामुख्याने उपस्थितीत होते.
 
महानगरपालिकेच्या २०१६-१७ अर्थसंकल्पातील तरतुदीनुसार गाठई कामगारांसाठी २५ लक्ष रुपयांची तरतूद करण्यात आली होती. त्या अंतर्गत १५ गठई कामगारांना त्यांचे स्टॉल बांधून देण्यात येत आहे. त्यापैकी सेवाराम जगणिक ह्यांना प्रातिनिधिक स्वरूपात स्टॉलचे वितरण करण्यात आले.
 
कार्यक्रमाचे संचालन आणि आभार सहायक आयुक्त महेश मोरोणे यांनी केले. कार्यक्रमाला कार्यकारी अभियंता सी.जी. धकाते, जनसंपर्क अधिकारी अशोक कोहत्कर प्रामुख्याने उपस्थित होते.
 

 

महापालिकेचे  सर्व झोन “झिरो पेंडन्सी” करा : मुख्यमंत्री
 
सतरंजीपुरा झोनच्या नवनिर्मित कार्यालयाचे उद्घाटन*
 
नागपूर,ता.२९ : नागपूर महानगरपालिकेच्या सर्व झोन कार्यालयाचे कामकाज हे 'झिरो पेंडन्सी' करा. ज्या दिवशी फाईल कार्यालयात येईल, त्या दिवशी त्या फाईलचा निपटारा करण्यात यावा, जेणेकरून नागरिकांना दिलासा मिळेल, असे प्रतिपादन मुख्यमंत्री देवेंद्र फडणवीस यांनी केले.
 
रविवार (ता.२९) महापालिकेच्या सतरंजीपुरा झोन कार्यालयाच्या नवनिर्मित इमारतीच्या लोकार्पण प्रसंगी ते बोलत होते. यावेळी व्यासपीठावर केंद्रीय मंत्री नितीन गडकरी,  पालकमंत्री चंद्रशेखर बावनकुळे, महापौर नंदा जिचकार, राज्यसभेचे खासदार डॉ.विकास महात्मे, आमदार कृष्णा खोपडे, आमदार विकास कुंभारे, आमदार डॉ.मिलिंद माने, आमदार सुधाकर कोहळे, आमदार सुधाकर देशमुख, आमदार गिरिश व्यास, उपमहापौर दीपराज पार्डीकर, स्थायी समिती सभापती विरेंद्र कुकरेजा, सत्तापक्ष नेते संदीप जोशी, आयुक्त अश्विन मुदगल, झोन सभापती यशश्री नंदनवार, ज्येष्ठ नगरसेविका आभा पांडे, नगरसेवक प्रवीण भिसीकर, नगरसेवक संजय चावरे, कर व कर आकारणी समिती सभापती संदीप जाधव, संजय महाजन, नितीन साठवणे, अभिरूची राजगिरे, शकुंतला पारवे, डॉ.ज्योती भिसीकर प्रामुख्याने उपस्थित होते.
 
पुढे बोलताना मुख्यमंत्री देवेंद्र फडणवीस म्हणाले,  मी माझ्या मंत्रालयात झिरो पेंडन्सी प्रणाली राबविली आहे. एक कोटीपेक्षा जास्त फाईल्सचा निपटारा करण्यात आलेला आहे. ज्या दिवशी फाईल दाखल होते, त्याच दिवशी त्या फाईलचा निपटारा करण्याच्या सूचना त्यांनी महापौर नंदा जिचकार यांना केल्या. त्यासंदर्भातील विभागीय आयुक्त दळवी यांचे महापालिकेत झिरो पेंडन्सी या विषयावर कार्यशाळा घेण्याचे महापौर आणि आयुक्त यांनी सूचित केले. सतरंजीपुरा झोनच्या नवी इमारत उभारणीसाठी त्यांनी महापालिकेचे अभिनंदन केले. मी महापौर असताना नितीनजी बांधकाम मंत्री होते. त्यावेळी महापालिकेचे कामकाज केंद्रीय पद्धतीने केले जात असत. त्यावेळी मी आणि नितिनजींनी कामकाजाची विकेंद्रीपद्धती लागू करत महापालिकेचे कामकाज झोन पद्धतीने सुरू केले होते. तत्कालिन नगरसेवक व विद्यमान आमदार कृष्णा खोपडे यांनी पुढाकार घेऊन सतरंजीपुरा येथे झोन कार्यालय व्हावे, ही मागणी रेटून धरली होती. आज सतरंजीपुरा झोनची सुसज्ज इमारत उभी आहे. येथे येणाऱ्या सर्वसामान्य नागरिकांचे समाधान नक्कीच होईल, असा विश्वास मुख्यमंत्री देवेंद्र फडणवीस यांनी व्यक्त केला.
 
प्रारंभी मान्यवरांचे स्वागत महापौर नंदा जिचकार आणि सभापती यशश्री नंदनवार यांनी केले. दीपप्रज्वलनाने कार्यक्रमाची सुरूवात झाली. यावेळी फलकाचे अनावरण मान्यवरांच्या हस्ते झाले. कार्यक्रमाचे प्रास्ताविक झोन सभापती यशश्री नंदनवार यांनी केले. कार्यकारी अभियंता राजेश भूतकर आणि कंत्राटदार संजय मेडपल्लीवार यांचे स्वागत मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या हस्ते करण्यात आले. माजी ज्येष्ठ नगरसेवक विठू महाजन यांचा सत्कार मुख्यमंत्री देवेंद्र फडणवीस यांच्या हस्ते करण्यात आला.
 
कार्यक्रमाचे संचालन व आभार जनसंपर्क अधिकारी अशोक कोल्हटकर यांनी केले. कार्यक्रमाला स्थापत्य व प्रकल्प विशेष समिती सभापती संजय बंगाले, विधी समिती सभापती धर्मपाल मेश्राम, वैद्यकीय सेवा व आरोग्य समिती सभापती मनोज चापले, लकडगंज झोन सभापती दीपक वाडीभस्मे, गांधीबाग झोन सभापती वंदना यंगटवार, मनपातील प्रतोद दिव्या धुरडे, श्रद्धा पाठक, मनिषा अतकरे, नगरसेवक रमेश पुणेकर, राजकुमार शाहू, अतिरिक्त आयुक्त रवींद्र कुंभारे, मुख्य अभियंता मनोज तालेवार उपस्थित होते.

 

 

मनपातर्फे विविध कामांचे लोकार्पण आज मुख्यंमंत्री देवेंद्र फडणवीस आणि केंद्रीय मंत्री नितीन गडकरी येणार

नागपूर,ता.२८. नागपूर महानगरपालिकेतर्फे आयोजित विविध कामांचे लोकार्पण आज रविवार (ता.२९) रोजी राज्याचे मुख्यमंत्री देवेंद्र फडणवीस आणि केंद्रीय मंत्री नतीन गडकरी यांच्या हस्ते होत आहे.
 
सकाळी १० वाजता नागपूर महानगरपालिकेच्या सतरंजीपुरा झोनच्या नवनिर्मित इमारतीचे लोकार्पण आयोजित करण्यात आले आहे. संध्याकाळी ५.३० वाजता धरमपेठ झोनअंतर्गत रामनगर येथे गठई कामगारांच्या स्टॉल्सच्या उद्घाटन सोहळा आयोजित करण्यात आला आहे. संध्याकाळी ६.३० वाजता चंद्र नगर येथील जलकुंभाचे लोकार्पण आयोजित करण्यात आले आहे. या कार्यक्रमाला विशेष अतिथी म्हणून राज्याचे उर्जा मंत्री व जिल्ह्याचे पालकमंत्री चंद्रशेखर बावनकुळे आणि अध्यक्ष म्हणून महापौर नंदा जिचकार प्रामुख्याने उपस्थित राहणार आहे.
 
याप्रसंगी आमदार कृष्णा खोपडे, सुधाकर देशमुख, विकास कुंभारे, मिलिंद माने, सुधाकर कोहळे, विधानपरिषदेचे आमदार गिरिश व्यास, प्रा.अनिल सोले, नागो गाणार, प्रकाश गजभिये, उपमहापौर दीपराज पार्डीकर, स्थायी समिती सभापती विरेंद्र कुकरेजा, सत्तापक्ष नेते संदीप जोशी, विरोधी पक्ष नेते तानाजी वनवे उपस्थित राहणार आहेत.
 
या सर्व कार्यक्रमांना नागरिकांनी उपस्थित राहावे असे आवाहन महापौर नंदा जिचकार व आयुक्त अश्विन मुदगल यांनी केले आहे.

 

 

मनपाच्या २८ सेवानिवृत्त कर्मचा-यांचा सत्कार

नागपूर,ता.२७. नागपूर महानगरपालिकेच्या २८ सेवानिवृत्त कर्मचा-यांचा सत्कार शुक्रवार (ता.२७) मनपा मुख्यालयातील डॉ.पंजाबराव देशमुख सभागृहात आयोजित करण्यात आला होता. यावेळी प्रमुख पाहूणे म्हणून निगम अधीक्षक राजन काळे, सहायक अधीक्षक (जीपीएफ)दत्तात्रय डहाके, सहायक अधीक्षक (सामान्य प्रशासन विभाग) मनोज कर्णिक प्रामुख्याने उपस्थित होते.
 
यावेळी सेवानिवृत्त झालेल्या कर्मचा-यांना शाल, श्रीफळ, धनादेश, स्मृतीचिन्ह प्रदान करण्यात आले. यामध्ये व्हि.डी.सूर्यवंशी (आरोग्य विभाग), डी.के.धोटे (सामान्य प्रशासन विभाग), सुभाष लाडे (शिक्षण विभाग), एस.एस.कनाडे, ए.जी.बगले, एस.टी.हुसेन, श्रीराम भोयर, गीता डांगोर (सर्व आरोग्य विभाग), पी.बी.शर्मा (ग्रंथालय विभाग), मेहजबीन जहाँगीर खाँ, कल्पना धोपाडे, चंदा मोझरकर, मोरेश्वर वरघने, छाया कोलारकर, रूक्मिनी वर्मा, रश्मी भिडे, श्यामराव डांगाले (सर्व शिक्षण विभाग), एम.ए.बिजवार, शंकर आकरे, मोहम्मद शकील सिराज, कृपाचार्य सोमकुवर (सर्व कर व कर आकाराणी विभाग), एस.चौधरी, संजय चौधरी (सर्व लोककर्म विभाग), अशोक मसराम (प्रकाश विभाग), गोविंद यादव, मनोहर बोधनकर, चंद्रभागा नारायणे (सर्व जलप्रदाय विभाग) यांचा समावेश आहे.
 
यावेळी सेवानिवृत्त कर्मचा-यांपैकी सहायक शिक्षिका रश्मी भिडे यांनी आपल्या भावना व्यक्त केल्या. कार्यक्रमाचे संचालन व आभार सहायक जनसंपर्क अधिकारी प्रदीप खर्डनवीस यांनी केले. कार्यक्रमाला माजी अंदाजपत्रक अधिकारी गिरिश उपासनी, दिलीप तांदळे प्रामुख्याने उपस्थित होते.   

 

 

शहरातील सर्व ॲथलेटिक्स ट्रॅक मनपा दुरूस्त करणार

क्रीडा समिती सभापती नागेश सहारे यांचा पुढाकार
 
नागपूर,ता.२७. नागपूर महानगरपालिकेद्वारे रेशींमबाग मैदान येथील ॲथलेटिक्स ट्रॅकची दुरूस्ती करण्यात आली आहे. नागपुरातील सर्व ॲथलेटिक्स ट्रॅक दुरूस्त करण्यात येणार असल्याची माहिती क्रीडा समिती नागेश सहारे यांनी दिली.
 
रेशींमबाग मैदानातील ॲथलेटिक्स ट्रॅक खराब झाला होता. त्यामुळे तेथील खेळाडूंना सराव करण्यास त्रास जात होता. तो ट्रॅक दुरूस्त करण्यात यावा, अशी मागणी तेथील खेळाडू सातत्याने करत होते. क्रीडा समिती सभापती नागेश सहारे यांनी पुढाकार घेऊन प्रत्यक्ष ठिकाणची शुक्रवार (ता.२७) ला पाहणी केली. त्याप्रसंगी त्यांच्यासमवेत जलप्रदाय समिती सभापती पिंटू झलके प्रामुख्याने उपस्थित होते.
 
रेशींमबाग येथील ॲथलेटिक्स ट्रॅकवरून सराव करत आतापर्यंत अनेक राष्ट्रीय, आंतरराष्ट्रीय खेळाडू तयार झाले आहे. यामध्ये शरद आणि शेखर सूर्यवंशी, रोहिणी आणि मोनिका राऊत, माधुरी गुरनुले, विजया सोनवणे, कल्पना बांते, वसुधा मोरे यांचा समावेश आहे. रेशींमबाग मैदानावर एँथोनी सर, रवी टोळ, मंगेश पौनीकर यांचे ॲथलेटिक्सचे प्रशिक्षण केंद्र चालतात. याशिवाय पोलिस विभागातील विद्यार्थी, महाविद्यालयाच्या क्रीडा विभागाचे खेळाडू या ट्रॅकवर सराव करत असतात. ट्रॅकच्या नवनिर्माणामुळे खेळाडूंमध्ये आनंदाचे वातावरण आहे.
 
मनपाच्या पुढाकाराने शहरात आंतरराष्ट्रीय खेळाडू तयार व्हावे, यासाठी नागपूर महानगरपालिकेचा क्रीडा विभाग व समिती सदैव कटीबद्ध असते. शहरातील सर्व ॲथलेटिक्स ट्रॅक नव्याने तयार करण्यात येणार असल्याची घोषणा त्यांनी यावेळी बोलताना केली.
 
यावेळी संजू घुमारे, रितेश वैद्य, सोफी शेख, निशांत देहारिया, अनिकेत रामेकर, प्रफुल्ल कोहाड, राहूल कानतोडे प्रामुख्याने उपस्थित होते.

 

 

नगरसेवकाच्या समन्वयाने पाणी प्रश्न सोडवा

जलप्रदाय समिती सभापती पिंटू झलके यांचे अधिका-यांना निर्देश
 
नागपूर,ता.२७. प्रभागातील स्थानिक नगरसेवकांच्या समन्वयाने पाणी समस्या सोडविण्यात याव्यात, असे निर्देश नागपूर महानगरपालिकेचे जलप्रदाय समिती सभापती पिंटू झलके यांनी दिले.
 
मनपाच्या सर्वसाधारण सभेत झालेल्या निर्णयानुसार जलप्रदाय समितीच्या झोन निहाय बैठकीअंतर्गत शुक्रवार (ता.२७) नेहरूनगर झोनमध्ये बैठकीचे आयोजन करण्यात आले होते. त्याप्रसंगी ते बोलत होते.
 
यावेळी समिती उपसभापती श्रद्धा पाठक, झोन सभापती रिता मुळे, मनपाच्या प्रतोद दिव्या धुरडे, विधी समिती सभापती ॲड धर्मपाल मेश्राम, क्रीडा समिती सभापती नागेश सहारे, माजी विरोधी पक्ष नेते संजय महाकाळकर, नगरसेवक हरिश डिकोंडवार, नगरसेविका स्नेहल बिहारे, कल्पना कुंभलकर, वंदना भुरे, लिला हाथीबेड, मनीषा कोठे, समिता चकोले, मंगला गवरे प्रामुख्याने उपस्थित होते.
 
यावेळी सभापतींनी झोनमधील प्रभागनिहाय नगरसेवकांच्या समस्या जाणून घेतल्या. शिवणकरनगर, श्रीकृष्ण नगर, शक्तीमाता नगर येथे पाणी नियमित करण्याबाबत आणि त्याचा वेळा वाढविण्यात यावा, ही मागणी धर्मपाल मेश्राम यांनी केली. भांडे प्लॉट, गुरूदेवनगर, बापू नगर येथे पाणी नियमित येत नाही, यामुळे नगसेविका दिव्या धुरडे यांनी संताप व्यक्त करत , प्रभागात पाणी टाकी असून देखील पाणी का नाही, असा सवाल अधिका-यांना विचारला. ज्या ठिकाणी नळ उशीरा येतो त्या ठिकाणी नळ लवकर सोडावे, अशा सूचना दिव्या धुरडे यांनी केल्या. त्यावर बोलताना सभापती पिंटू झलके यांनी १५ दिवसाच्या आत सर्व पाणी समस्या सोडविण्यात यावा, असे निर्देश अधिका-यांना दिले. समस्या सोडविल्या नाही तर कारवाई करण्याचा ईशारा पिंटू झलके यांनी दिला.
 
झोनमधील अन्य नगरसेवकांनीही आपल्या प्रभागातील समस्या सभापतींपुढे मांडल्या. पाण्याच्या समस्या गंभीर आहे. त्यासाठी ओसीडब्लूने नगरसेवकांच्या समन्वयात राहून नागरिकांच्या समस्या सोडविण्यात याव्या. ज्या ठिकाणी नवीन बोअरवेल तयार करण्यात येणार आहे. त्याचा प्रस्ताव आयुक्तांकडे सोपविण्यात आल्याची माहिती कार्यकारी अभियंता संजय गायकवाड यांनी दिली.
 
प्रभागामध्ये ठिकठिकाणी ओसीडब्लूने गड्डे खोदून ठेवले आहे. ते गड्डेदेखील तातडीने बुजविण्यात यावे, असे निर्देश सभापती पिंटू झलके यांनी दिले. दुषित पाणी, पाण्याचा टँकर या प्रश्नावर बैठकीत चर्चा झाली. टिल्लू पंप लावणा-यांवर कडक कारवाई करण्यात येईल, त्यासाठी स्थानिक पोलिसांची मदत घेण्यात यावी, असे निर्देश सभापती पिंटू झलके यांनी दिले.
 
बैठकीला कार्यकारी अभियंता (जलप्रदाय) संजय गायकवाड, झोन सहायक आयुक्त राजेश कराडे, ओसीडब्लूचे राजेश कारला, प्रवीण शरण, यांच्यासह अधिकारी आणि कर्मचारी उपस्थित होते.

 

 

भांडेवाडीच्या कचऱ्यातूनही होणार आता वीजनिर्मिती

डम्पिंग यार्डच्या प्रश्नांवर आयुक्तांची नागरिकांसोबत बैठक : त्रास कमी करण्यासाठी विविध उपाययोजना
 
नागपूर, ता. २६ : शहरातील भांडेवाडी येथील डम्पिंग यार्डमुळे परिसरातील नागरिकांना होणारा त्रास लक्षात घेता त्यावर शास्त्रोक्त पद्धतीने प्रक्रिया करण्याचे पाऊल नागपूर महानगरपालिका उचलत आहे. याचाच एक भाग म्हणजे ज्या कचऱ्याचे विघटन होऊ शकत नाही अशा दररोजच्या सुमारे ८०० मेट्रिक टन कचऱ्यापासून ‘वेस्ट टू एनर्जी’ या प्रकल्पांतर्गत वीज निर्मिती करण्यात येणार आहे. या प्रकल्पाला सुरुवात झाली असून प्रकल्प पूर्ण झाल्यानंतर दररोज सुमारे ११.५ मेट्रिक टन वीज निर्माण होणार आहे.
 
विशेष म्हणजे, इतक्या मोठ्या प्रमाणातील विघटन न होऊ शकणारा कचरा या प्रकल्पामुळे दररोज नष्ट होणार आहे. या कचऱ्यामुळे मिथेन गॅसची निर्मिती होत असून त्यामुळे भांडेवाडी डम्पिंग यार्डमध्ये आग लागण्याचे प्रमाण वाढले होते. विषारी धुरामुळे आरोग्याच्या समस्या निर्माण झाल्या होत्या. नागरिकांच्या तक्रारींची दखल घेत पालकमंत्री चंद्रशेखर बावनकुळे, महापौर नंदा जिचकार आणि आयुक्त अश्विन मुदगल यांनी नुकताच भांडेवाडी डम्पिंग यार्डचा दौरा केला होता. या दौऱ्यानंतर प्रशासनाने उपाययोजनांसाठी तातडीने पावले उचलली असून त्यावर अंमलबजावणी सुरू झाली आहे. याच उपाययोजनांची माहिती गुरुवारी (ता. २६) नागपूर महानगरपालिका मुख्यालयातील डॉ. पंजाबराव देशमुख स्मृती सभागृहात झालेल्या बैठकीत आयुक्त अश्विन मुदगल यांनी दिली.
 
बैठकीला महापौर नंदा जिचकार, आमदार कृष्णा खोपडे, मनपाच्या आरोग्य समितीचे सभापती मनोज चापले, अपर आयुक्त रवींद्र कुंभारे, ज्येष्ठ नगरसेवक सुनील अग्रवाल, नगरसेवक दुनेश्वर पेठे, माजी नगरसेवक किशोर पराते, आरोग्य अधिकारी (स्वच्छता) डॉ. प्रदीप दासरवार, कार्यकारी अभियंता अनिरुद्ध चौगंजकर, श्री. लुंगे व भांडेवाडी परिसरातील नागरिक उपस्थित होते. आमदार कृष्णा खोपडे यांनी नागरिकांच्या वतीने भांडेवाडी डम्पिंग यार्डच्या समस्येबाबत माहिती दिली. लोकांच्या भावना लक्षात घेऊन तातडीने उपाययोजना करण्याची गरज असल्याचे त्यांनी सांगितले. नगरसेवक दुनेश्वर पेठे यांनीही त्याबाबत सविस्तर माहिती दिली.
 
‘बायोमायनिंग’ काढणार जुना कचरा
 
भांडेवाडी डम्पिंग यार्डमध्ये अनेक वर्षांपासून कचरा साठवला जात आहे. हा जुना कचरा काढण्यासाठी ‘बायोमायनिंग’चा प्रकल्पही नागपूर महानगरपालिका हाती घेत आहे. सुमारे १० ते १२ लाख मेट्रिक टन कचरा काढून त्यातून निघणारे इंनर्ट मटेरीयल भारत सरकारच्या अधिसूचनेप्रमाणे सीमेंट कंपन्यांना पुरविण्यात येणार आहे.
 
‘मिथेन’ गॅस काढण्यासाठी निरीची मदत
 
भांडेवाडी डम्पिंग यार्डमध्ये साचलेल्या कचऱ्यात मिथेन गॅसची निर्मिती होते. आग लागण्याचे हे मुख्य कारण आहे. मुंबई येथील देवनार डम्पिंग यार्डच्या धर्तीवर नागपुरातील भांडेवाडीमध्येही आगीवर नियंत्रण मिळविण्यासाठी अत्याधुनिक तंत्रज्ञानाचा वापर करण्यात येत असून निरी त्यासाठी सहकार्य करीत आहे. निरी एक तंत्रज्ञान मनपाला देत असून यामुळे कचऱ्याच्या आतमध्ये असलेले मिथेन काढता येईल. पुढील तीन दिवसात सविस्तर आराखडा निरी मनपाकडे सादर करणार आहे.
 
यार्ड हलविण्यासाठी केली १६ गावांची पाहणी
 
नागरिकांच्या मागणीनुसार भांडेवाडी येथील डम्पिंग यार्ड इतरत्र हलविण्यासाठी सन २०१३ मध्ये नागपूर सुधार प्रन्यासने १६ गावांचा सर्वे केला होता. त्या सर्वेनुसार नागपूर महानगरपालिका प्रशासनाने १६ गावांलगतच्या जागांची पाहणी केली. मात्र, काही कारणांमुळे त्या ठिकाणी यार्ड हलविता येऊ शकत नसल्याचे आयुक्त मुदगल यांनी सांगितले. पाचगाव लगतच्या बंद पडलेल्या खाणींमध्ये यार्ड हलविण्याची सूचना माजी नगरसेवक किशोर पराते यांनी मांडली. तेथील विचारही प्रशासनाने केला. मात्र, त्यावर प्रदूषण नियंत्रण मंडळाची हरकत असल्याचे श्री. मुदगल यांनी सांगितले. 
 
झोनल अधिकाऱ्यांना बदलण्याच निर्देश
 
नागरिकांनी बैठकीत केलेल्या तक्रारीनंतर आयुक्त अश्विन मुदगल यांनी भांडेवाडी येथे नियुक्त करण्यात आलेले झोनल अधिकारी गोरे यांनी तातडीने बदलून नवीन अधिकारी देण्याचे निर्देश अधिकाऱ्यांना दिले. यार्डमधील संपूर्ण सुरक्षा रक्षक बदलण्याचेही निर्देश त्यांनी दिले. जेथे विद्युत दिवे नसतील तेथे विद्युत दिवे आणि परिसरात सीसीटीव्ही कॅमेरा तातडीने लावण्याचे निर्देशही दिलेत. भांडेवाडीकडे कचरा वाहून आणणाऱ्या ट्रकवरील कचरा झाकून तेथे नेण्याचे निर्देशही दिले.
 
हंजरला टाकणार काळ्या यादीत
 
कचऱ्यावर प्रक्रिया करण्यासाठी नेमण्यात आलेल्या ‘हंजर’ या कंपनीच्या दुर्लक्षामुळे अनेक समस्या निर्माण झाल्यात. करारानुसार काम न करणाऱ्या हंजर या कंपनीचा करार रद्द करून काळ्या यादीत टाकण्याची प्रक्रिया सुरू झाल्याची माहितीही आयुक्त अश्विन मुदगल यांनी दिली.
 
गांडूळ खत प्रकल्पाजवळील कचऱ्याची विल्हेवाट
 
भांडेवाडी येथील गांडूळ खत प्रकल्पानजिक साचलेला कचरा उचलण्याबाबत पालकमंत्री चंद्रशेखर बावनकुळे यांनी नुकत्याच केलेल्या दौऱ्यात निर्देश दिले होते. त्यानुसार कचऱ्याची विल्हेवाट लावण्याची प्रक्रिया सुरू झाली असून सुमारे ९० टक्के कचरा उचलण्यात आला आहे. संरक्षक भिंत बांधण्यासंदर्भातही पालकमंत्र्यांनी निर्देश दिले होते. त्यानुसार त्या कार्याची निविदा प्रक्रिया झाली असल्याची माहिती आयुक्त श्री. मुदगल यांनी दिली.

 

 

आसीनगर झोनमधील नगरसेवकांच्या पाणी समस्येची महापौरांनी घेतली दखल

१५ दिवसांत सर्व तक्रारी निकाली काढण्याचे ओसीडब्ल्यूला आदेश
 
नागपूर,ता.२६ : आसीनगर येथील नगरसेवकांच्या समस्येची महापौर नंदा जिचकार यांनी गांभीर्याने दखल घेत १५ दिवसाच्या आत नगरसेवकांच्या सर्व तक्रारी निकाली काढण्याचे निर्देश ओसीडब्लूच्या अधिकाऱ्यांना दिलेत.
 
नागपूर महानगरपालिकेच्या सर्वसाधारण बैठकीत झालेल्या निर्णयानुसार, जलप्रदाय समितीच्या झोननिहाय बैठकीअंतर्गत गुरूवारी (ता.२६) आसीनगर झोन येथे बैठकीचे आयोजन करण्यात आले होते. सदर बैठकीत त्या बोलत होत्या. यावेळी उपमहापौर दीपराज पार्डीकर, जलप्रदाय समिती सभापती पिंटू झलके, दुर्बल घटक समिती सभापती महेंद्र धनविजय, उपसभापती श्रद्धा पाठक, झोन सभापती वंदना चांदेकर, समिती सदस्य संजय बुर्रेवार, माजी सभापती भाग्यश्री कानतोडे, बसपा गट नेता मोहम्मद जमाल, नगरसेवक मनोज सांगोळे, जितेंद्र घोडेस्वार, तौफिक शेख इब्राहिम, दिनेश यादव, नगरसेविका वैशाली नारनवरे, विरंका भिवगडे, मंगला लांजेवार, नसिम बानो शेख मोहम्मद इब्राहिम प्रामुख्याने उपस्थित होते.
 
यावेळी महापौरांनी पाणी समस्येसंदर्भात झोनअंतर्गत येणाऱ्या प्रभागांचा प्रभागनिहाय आढावा घेतला. नगरसेवकांनी ओसीडब्ल्यूच्या अधिकाऱ्यांच्या हलगर्जीपणामुळे संताप व्यक्त करत पाण्याच्या समस्या महापौरांपुढे मांडल्या. वारंवार तक्रारी करूनदेखिल ओसीडब्लूचे अधिकारी त्याची गांभार्याने दखल घेत नाही. झोनमधील आहुजा नगर, कस्तुरबा नगर, दयानंद कॉलनी याठिकाणी पाणी नियमित येत नसल्याची तक्रार महेंद्र धनविजय यांनी केली. त्यावर बोलताना महापौर नंदा जिचकार यांनी पाणी नियमित द्यावे, स्थानिक नागरिकांना त्रास होणार नाही, याची खबरदारी घ्यावी, असे निर्देश दिले.
 
तक्षशिला नगर येथे पाणी गढूळ येत आहे. त्या गढूळ पाण्याचे नमुने नगरसेवक मनोज सांगोळे यांनी महापौरांना दाखविले हे बघून महापौरांनी संताप व्यक्त करीत ओसीडब्ल्यूच्या अधिकाऱ्यांवर तीव्र नाराजी व्यक्त केली. स्थानिक नागरिकांच्या समस्यांना नगरसेवकांना तोंड द्यावे लागते. नगरसेवकांसोबत समन्वयाने कामे करावी. पुढील १५ दिवसाच्या आत सर्व तक्रारी निकाली काढण्याचे निर्देश महापौर नंदा जिचकार यांनी दिले.
 
बैठकीला निगम सचिव हरिश दुबे, सहायक आयुक्त प्रकाश वराडे, ओसीडब्ल्यूचे राजेश कारला, प्रवीण शरण यांच्यासह ओसीडब्ल्यू व मनपाचे अधिकारी, कर्मचारी उपस्थित होते.
 
टिल्लू पंप लावणाऱ्यांवर होणार फौजदारी गुन्हा दाखल : पिंटू झलके
 
टिल्लू पंप लावणाऱ्यांवर फौजदारी गुन्हा दाखल करण्यात येणार असल्याची माहिती जलप्रदाय समिती सभापती पिंटू झलके यांनी दिली. टिल्लू पंप लावणे हा गुन्हा असून जे टिल्लू पंप लावताना आढळतील त्यांच्यावर एफआयआर दाखल करणार असल्याचा इशारा त्यांनी दिला. 

 

 

धरमपेठ झोनचे सभापती प्रमोद कौरती यांचे पदग्रहण

नागपूर, ता. २७ :  धरमपेठ झोनचे नवनिर्वाचित सभापती प्रमोद कौरती यांनी गुरुवारी (ता. २६) सभापतीपदाची सूत्रे स्वीकारली. महापौर नंदा जिचकार, आमदार सुधाकर देशमुख, उपमहापौर दीपराज पार्डीकर यांनी त्यांचा सत्कार करीत पुढील कार्यकाळासाठी शुभेच्छा दिल्या.
 
याप्रसंगी धरमपेठ झोन कार्यालयात आयोजित कार्यक्रमाच्या अध्यक्षस्थानी महापौर नंदा जिचकार होत्या. आमदार सुधाकर देशमुख, उपमहापौर दीपराज पार्डीकर, नवनिर्वाचित झोन सभापती प्रमोद कौरती, स्थापत्य समितीचे सभापती संजय बंगाले, जलप्रदाय समितीचे सभापती पिंटू झलके, महिला व बालकल्याण समिती सभापती प्रगती पाटील, पश्चिम नागपूर भाजपचे अध्यक्ष किसन गावंडे, भाजपा महिला आघाडीच्या अध्यक्षा कीर्तिदा अजमेरा, चिंतामण इवनाते, स्थायी समितीचे माजी सभापती संदीप जाधव, ज्येष्ठ नगरसेवक सुनील अग्रवाल, नगरसेवक सुनील हिरणवार, अमर बागडे, नगरसेविका उज्ज्वला शर्मा, शिल्पा धोटे, रुतिका मसराम, धरमपेठ झोनचे सहायक आयुक्त महेश मोरोणे यावेळी मंचावर उपस्थित होते.
 
प्रास्ताविकातून स्थापत्य समिती सभापती संजय बंगाले यांनी झोन सभापतींच्या जबाबदारीची माहिती दिली. सभापतीपद संवैधानिक असून नगरसेवकांच्या सहकार्याने अधिकारी-कर्मचाऱ्यांकडून विकास कामे करवून घेणे, ही जबाबदारी असल्याचे त्यांनी सांगितले. पुढील वर्ष हे निवडणुकीचे असल्याने श्री. कौरती यांनी विशेष काम करून आपली छाप उमटविण्याची संधी असल्याचे त्यांनी सांगितले.
 
आमदार सुधाकर देशमुख म्हणाले, आदिवासी समाजातील एक कर्मठ कार्यकर्ता, सचोटीने कार्य करणारा पक्षाचा सच्चा सेवक सभापती झाल्याने झोनच्या विकासकामांना नक्कीच गती मिळेल. श्री. कौरती यांना प्रशासनिक आणि संघटनात्मक कार्याचा अनुभव अहे. केंद्र, राज्य सरकार आणि महानगरपालिकेच्या विविध कार्यक्रमांची, योजनांची सांगड घालून नवीन काहीतरी ते करतील, असा विश्वास असल्याचे त्यांनी सांगितले.
 
अध्यक्षस्थानावरून बोलताना महापौर नंदा जिचकार म्हणाल्या, राज्यात मुख्यमंत्र्यांच्या नेतृत्वात ज्या गतीने विकासकामे होत आहेत त्याच गतीने नागपुरात विकासकामे होत आहे. नागपूर स्मार्ट सिटीच्या दिशेने वाटचाल करीत आहे. विकासाची ही गती लोकप्रतिनिधींनी समजून घेऊन नागरिकांना त्याच्याशी अवगत करण्याचे कार्य करावे. धरमपेठ झोनचे नेतृत्व आता एका सच्चा कार्यकर्त्याकडे आले आहे. त्यामुळे पूर्वीच ‘आदर्श’ असलेला धरमपेठ झोन विकासकार्यात उच्चांक गाठेल, असा विश्वास त्यांनी व्यक्त केला.
 
यावेळी नगरसेवक संदीप जाधव, ज्येष्ठ नगरसेवक सुनील अग्रवाल यांनीही मार्गदर्शन करीत सभापती प्रमोद कौरती यांना शुभेच्छा दिल्या.
 
यानंतर सभापतींच्या दालनात प्रमोद कौरती यांनी सभापतीपदाची सूत्रे स्वीकारली. आमदार सुधाकर देशमुख, महापौर नंदा जिचकार यांच्यासह सर्व मान्यवरांनी पुष्पगुच्छ देऊन त्यांचे स्वागत व सत्कार केला.
 
कार्यक्रमाचे संचालन अनिरुद्ध पालकर यांनी केले. आभार धरमपेठ झोनचे सहायक आयुक्त महेश मोरोणे यांनी मानले. कार्यक्रमाला अधिकारी, कर्मचारी, नागरिक व कार्यकर्ते उपस्थित होते.

 

 

७ मे पासून नदी स्वच्छता अभियान राबविणार

नागनदी, पिवळीनदी, पोरानदी संपूर्ण स्वच्छ करण्याचा मनपाचा निर्धार
 
नागपूर,ता.२६. नागपूर महानगरपालिकेतर्फे ७ मे ते २० जुन या दरम्यान नदी स्वच्छता अभियान राबविण्यात येणार आहे. याअंतर्गत शहरातील नागनदी, पिवळी नदी, पोरा नदी या तिन्ही नद्या संपूर्णपणे स्वच्छ करण्याचा मनपाचा निर्धार आहे. यासंदर्भातील पूर्व तयारीचा आढावा महापौर नंदा जिचकार यांनी गुरूवारी (ता.२६) मनपा मुख्यालयातील डॉ.पंजाबराव देशमुख सभागृहात आयोजित बैठकीत घेतला.
 
यावेळी स्थायी समिती सभापती विक्की कुकरेजा, सत्तापक्ष नेता संदीप जोशी, आयुक्त अश्विन मुदगल, ज्येष्ठ नगरसेवक सुनील अग्रवाल, वैद्यकीय सेवा व आरोग्य समिती सभापती मनोज चापले, अतिरिक्त आयुक्त रवींद्र कुंभारे, अतिरिक्त उपायुक्त राजेश मोहिते, तांत्रिक सल्लागार विजय बनगिरवार, अधीक्षक अभियंता मनोज तालेवार प्रामुख्याने उपस्थित होते.
 
यावेळी मागील वर्षी केलेल्या कामाचा आढावा महापौरांनी अधिका-यांमार्फत घेतला. मागील वर्षी तिन्ही नदी मिळून जवळपास ७२ हजार टन गाळ नदीतून काढण्यात आला होता. यावर्षीही गाळ व माती काढण्याचे काम करावयाचे आहे. शहरात तीन नद्या वाहत आहे. नागनदीची लांबी १८ किमी, पिवळी नदीची १७.५० किमी, पोरा नदीची लांबी १२ किमी आहे. यामध्ये १८ टप्प्यांमध्ये कामाची आखणी केली असल्याची माहिती अधीक्षक अभियंता मनोज तालेवार यांनी दिली.
 
मागील वर्षी राहिलेला भाग या वर्षी सुटता कामा नये. त्याठिकाणचा गाळ व माती काढण्यात यावी, असे निर्देश महापौर नंदा जिचकार यांनी दिले. या कामासाठी आवश्यक त्या स्वयंसेवी संस्थाची मदत घेण्यात यावी, अशा सूचना महापौरांनी केल्या.
 
मागील वर्षी नासुप्र, मेट्रो, सार्वजनिक बांधकाम विभाग, पटबंधारे विभाग, कंत्राटदार असोसिएशन यांच्या मार्फत उपकरणे मागविली होती. यावर्षीदेखील त्यांच्याकडून उपकरणे मागवून घेण्यात यावी, असे निर्देश आयुक्त अश्विन मुदगल यांनी दिले. नदीतून काढलेला गाळ हा त्याच ठिकाणी साचू देऊ नका, त्या गाळाला संकलित करून योग्य जागी पाठविण्याची व्यवस्था लगेच करण्यात यावी, असेही आयुक्त अश्विन मुदगल यांनी सांगितले.
 
बैठकीला आरोग्य अधिकारी (स्वच्छता) मनपाचे सर्व कार्यकारी अभियंता, सर्व झोन सहायक आयुक्त, प्रामुख्याने उपस्थित होते.  

 

 

महानगरपालिकेचे उद्यान जैवविविधतेने परिपूर्ण होणार : दिव्या धुरडे

जैवविविधता विशेष समिती राजभवनचा दौरा करणार
 
नागपूर,ता.२५ : नागपूर महानगरपालिकेचे नवीन व जुने उद्यान हे जैवविविधेतेने परिपूर्ण असणार असल्याची घोषणा जैवविविधता समिती सभापती दिव्या धुरडे यांनी केली. बुधवारी (ता.२५) मनपा मुख्यालयातील डॉ.पंजाबराव देशमुख सभागृहात जैवविविधता समितीची बैठक आयोजित करण्यात आली होती. त्याप्रसंगी त्या बोलत होत्या.
 
यावेळी समिती सदस्य सोनाली कडू, आशा नेहरू उईके, उद्यान अधीक्षक अमोल चोरपगार, उद्यान निरिक्षक अनंत नागमोते प्रामुख्याने उपस्थित होते.
 
पुढे बोलताना दिव्या धुरडे म्हणाल्या, जैवविविधता सारख्या नैसर्गिक साधनसंपत्तीचे जतन करणे गरजेचे आहे.  मनपाच्या सर्व उद्यानात जैव विविधतेचे वृक्ष लावण्यात येणार असल्याची माहिती त्यांनी दिली. तलावाच्या ठिकाणी कोणते वृक्ष लावावे, नाल्याच्या काठी कोणते वृक्ष लावावे, शाळेच्या मैदानात कोणते वृक्ष लावावे व कोणते वृक्ष लावू नये याची यादी तयार करण्यात यावी, ती यादी वृत्तपत्रात प्रसिद्ध करण्यात यावी, असे निर्देश दिव्या धुरडे यांनी दिले.
 
मनपाच्या प्रस्तावित उद्यानांपैकी काही उद्याने हे शंभर टक्के ‘बायोडायव्हर्सिटी गार्डन’ म्हणून राहणार आहे. त्यासाठी राजभवन येथील उद्यानाचा समिती पुढील आठवड्यात दौरा करेल, अशी माहिती त्यांनी दिली. महाराष्ट्राच्या बाहेर कुठे शंभर टक्के बायोडाव्हर्सिटी गार्डन जर असेल तर त्याची माहिती उद्यान विभागाने समितीला कळवावी, अशा सूचना केल्या.
 
शहरातील तलावाच्या सभोवताल असलेल्या जैवविविधतेचे संरक्षण करण्यासाठी काय उपाययोजना समिती करणार आहे, याबाबत त्यांनी उद्यान अधीक्षकांमार्फत माहिती घेतली. तलावाच्या सभोवताल स्वच्छता ठेवण्याचे निर्देश त्यांनी अधिकाऱ्यांना दिले.
 
बैठकीला अंबरिश घटाटे, दिलीप चिंचमलातपुरे, नंदकिशोर शेंडे यांच्यासह संबंधित अधिकारी उपस्थित होते.  

 

 

महापौरांनी जाणून घेतल्या नगरसेवकांच्या पाणी समस्या

ओसीडब्ल्यूच्या कामाबाबत तीव्र नाराजी
 
नागपूर,ता.२५ : पिण्याच्या पाण्याची समस्या गंभीर आहे. नागरिकांना दूषित पाणी मिळत असल्याने नागरिक वारंवार तक्रार करीत आहे. असे असूनदेखिल ओसीडब्ल्यूने समस्या न सोडविल्याने महापौर नंदा जिचकार यांनी तीव्र नाराजी व्यक्त केली.
 
नागपूर महानगरपालिकेच्या सर्वसाधारण सभेत झालेल्या निर्णयानुसार जलप्रदाय समितीच्या झोननिहाय बैठकीअंतर्गत बुधवारी (ता.२५) सतरंजीपुरा झोन कार्यालय येथे नगरसेवकांच्या बैठकीचे आयोजन करण्यात आले होते. यावेळी उत्तर नागपूरचे आमदार डॉ. मिलिंद माने, उपमहापौर दीपराज पार्डीकर, जलप्रदाय समितीचे सभापती पिंटू झलके, उपसभापती श्रद्धा पाठक, नवनिर्वाचित झोन सभापती यशश्री नंदनवार, माजी सभापती संजय चावरे, नगरसेविका आभा पांडे, अभिरूची राजगिरे, शकुंतला पारवे, विरंका भिवगडे, नगरसेवक संजय महाजन, रमेश पुणेकर, शेषराव गोतमारे, नितीन साठवणे प्रामुख्याने उपस्थित होते.
 
यावेळी महापौरांनी झोनमधील प्रभागांचा आढावा घेतला. झोनमध्ये नियमित टॅंकर येत नाही. सकाळी टँकरची मागणी केल्यानंतर रात्री टँकर येतो यामुळे स्थानिक नागरिकांना त्याचा त्रास होत असल्याने नागरिक नगरसेवकांकडे तक्रार करीत आहे, अशा तक्रारी नगरसेवकांनी महापौरांसमोर मांडल्या. यावर महापौरांनी ओसीडब्ल्यूच्या अधिकाऱ्यांना खडसावून त्यांना नागरिकांच्या पाण्याच्या समस्या सोडविण्यात याव्या आणि नगरसेवकांच्या सूचनेनुसार नियमित पाणी पुरवठा करण्याचे निर्देश दिले.
 
गढूळ पाण्याच्या समस्येबाबतही नगरसेवकांनी तक्रार केली. पाण्याचे नमुने सभापती संजय चावरे यांनी बैठकीत आणून महापौरांना दाखविले. यावर महापौर नंदा जिचकार यांनी संताप व्यक्त करत १५ दिवसाच्या आत झोनमधील सर्व समस्या सोडविण्याचे निर्देश अधिकाऱ्यांना दिले. यानंतरही कामे झाली नाही तर ओसीडब्ल्यूवर दंड आकारण्यात येईल, असे आश्वासन महापौरांनी नगरसेवकांना दिले. यासाठी सातत्याने स्थानिक नगरसेवकांसोबत समन्वय साधावा, अशा सूचना केल्या. पावसाळा सुरू होण्यापूर्वी झोनमधील सर्व विहिरी स्वच्छ करण्यात याव्यात, त्यातील गाळ काढून त्याठिकाणी नेटवर्क तयार करण्याचे निर्देश महापौरांनी दिले.
 
यावेळी जर ओसीडब्ल्यूच्या अधिकाऱ्यांकडून कामे झाली नाही तर त्याची तक्रार माझ्याकडे करावी, मी ती तक्रार २४ तासाच्या आत सोडवेन, असे आश्वासन जलप्रदाय समिती सभापती पिंटू झलके यांनी दिले. सतरंजीपुरा झोनचा काही भाग लकडगंज झोन व आसीनगर झोनमध्ये समाविष्ट केला आहे. टँकरची मागणी केली असता काही भागात लकडगंज व आसीनगर झोनमधून पाणी पुरवठा केला जातो. त्यामुळे टँकर येण्यास उशीर होतो, त्यामुळे जो भाग जवळ असेल त्या ठिकाणांवरुन पाणी पुरवठा करण्यात यावा आणि टँकरची संख्यासुद्धा वाढवण्यात यावी, असे निर्देश सभापती पिंटू झलके यांनी दिले.
 
यावेळी उत्तर नागपूरचे आमदार डॉ. मिलिंद माने बोलताना म्हणाले, पिण्याचे पाणी मिळणे हा नागरिकांचा मुलभूत अधिकार आहे. त्याचे हनन होता कामा नये. ओसीडब्ल्यूच्या अधिकाऱ्यांनी आणि स्थानिक नगरसेवकांनी समन्वय साधून झोनमधील समस्या तातडीने सोडव्यावात. दूषित पाण्यासारखा गंभीर प्रश्न झोनमध्ये आहे, त्यावर त्वरित उपाययोजना करण्याच्या सूचना दिल्या.
 
बैठकीला निगम सचिव हरिश दुबे, कार्यकारी अभियंता (जलप्रदाय) संजय गायकवाड, ओसीडब्ल्यूचे राजेश कालरा, प्रवीण शरण यांच्यासह संबंधित अधिकारी व कर्मचारी उपस्थित होते.

 

 

कपिलनगरमध्ये निर्माण होणार नवीन पोलिस ठाणे

स्थायी समिती सभापती विरेंद्र कुकरेजा यांच्या पाठपुराव्याला यश 
 
नागपूर, ता. २४ : उत्तर नागपुरातील जरीपटका पोलिस ठाण्याचे क्षेत्र प्रचंड वाढलेले आहे. या ठाण्यावरील भार हलका करण्यासाठी आणि जनतेला योग्य सेवा देण्यासाठी जरिपटका ठाण्याअंतर्गत असलेल्या भागाचे विभाजन होऊन ‘कपिलनगर’ नावाने नवीन पोलिस ठाणे अस्तित्वात येत आहे. यासाठी गेल्या काही वर्षांपासून सतत पाठपुरावा करीत असलेले नागपूर महानगर पालिकेच्या स्थायी समितीचे सभापती विरेंद्र कुकरेजा यांच्या प्रयत्नांना यश आले आहे.
 
नव्याने निर्माण होत असलेल्या कपिलनगर पोलिस ठाण्यासाठी शासनाने दोन पोलिस निरीक्षक, १५ पोलिस उपनिरीक्षक, पाच एएसआई, २० हेड कॉन्स्टेबल, ६५ कॉन्स्टेबल, आठ चालक आणि दोन सफाई कामगार अशा एकूण ११७ पदांना मंजुरी दिली आहे.
 
कपिलनगर या नव्या ठाण्याच्या निर्मितीमुळे जरीपटका पोलिस ठाण्यावरील कामाचा भार हलका होणार असून गुन्हे तपासणीच्या कामांना अधिक चांगल्या प्रकारे न्याय मिळू शकेल, असा विश्वास सभापती विरेंद्र कुकरेजा यांनी व्यक्त केला.

 

 

पावसाळापूर्व नाल्यासफाई कामांना वेग द्या

स्थायी समिती सभापती कुकरेजा यांनी दिले निर्देश : प्रभागातील कामांची केली पाहणी
 
 नागपूर, ता. २४ : पावसाळ्यात पावसाचे पाणी त्वरित वाहून जाता यावे यासाठी प्रभागातील नाल्यांची सफाई तातडीने करा. सफाई कार्याला वेग द्या, असे निर्देश नागपूर महानगरपालिकेच्या स्थायी समितीचे सभापती विरेंद्र कुकरेजा यांनी संबंधित अधिकाऱ्यांना दिले.
 
नुकताच त्यांनी प्रभाग क्र. १ चा दौरा करून पावसाळापूर्व नाल्यासफाई कार्याचा आढावा घेतला. परिसरातील नागरिकांशीही त्यांनी यावेळी चर्चा केली. परिसरात नेहमी ज्या ठिकाणी पाणी साचते, त्या सखल भागात यावेळी पाणी साचणार नाही यासाठी उपाययोजना करण्याचे निर्देशही त्यांनी झोनल अधिकाऱ्यांना दिले.
 
अनेक नाल्यांमध्ये कचरा तुंबला आहे. त्यामुळे पाण्याचा निचरा होत नाही. सर्व नाल्यांतील हा कचरा लवकरात लवकर काढण्याचे निर्देश त्यांनी दिले.

 

 

मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या हस्ते नवनिर्मित सतरंजीपुरा झोन प्रशासकीय इमारतीचे रविवारी लोकार्पण

महापौरांनी घेतला पूर्वतयारीचा आढावा
 
नागपूर,ता.२४ : नागपूर महानगरपालिकेच्या सतरंजीपुरा झोन कार्यालयाच्या नवनिर्मित इमारतीचे लोकार्पण रविवारी (ता.२९) राज्याचे मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या हस्ते होणार आहे. त्यासंदर्भातील पूर्वतयारीचा आढावा महापौर नंदा जिचकार यांनी मंगळवारी (ता.२४) घेतला. नवनिर्मित इमारतीची पाहणीही केली.
 
यावेळी त्यांच्यासमवेत सतरंजीपुरा झोन सभापती यशश्री नंदनवार, नगरसेवक संजय महाजन, नगरसेविका अभिरूची राजगिरे, झोनचे सहायक आयुक्त प्रकाश वराडे, कार्यकारी अभियंता राजेश भूतकर, विद्युत विभागाचे मानकर प्रामुख्याने उपस्थित होते.
 
सतरंजीपुरा झोन कार्यालयाची नवीन इमारत अत्याधुनिक सोयींनी सुसज्ज आहे. उर्वरीत कामे तातडीने पूर्ण करा, अशा सूचाना महापौरांनी यावेळी केल्या. प्रत्येक विभागाची रचना ही व्यवस्थितरित्या आखली जावी, अधिकाऱ्यांच्या आणि विभागांच्या नावाचे फलकही लावण्यात यावे, असे निर्देश महापौर नंदा जिचकार यांनी दिले. नियोजनानुसार सर्व कामे वेळेत पार पाडण्यात यावी, अशा सूचना देखिल यावेळी महापौरांनी केल्या. 

 

 

नगरसेवकांनी मांडलेल्या पाणी प्रश्नाची महापौरांनी घेतली गंभीर दखल

सर्वसाधारण सभेतील ठरावानंतर हनुमाननगर झोनची पहिली बैठक : ओसीडब्ल्यूलाही दिली समज
 
नागपूर, ता. २४ :  नागपूर महानगरपालिकेच्या सर्वसाधारण सभेत झालेल्या निर्णयानुसार जलप्रदाय समितीच्या माध्यमातून पाणी प्रश्नावर झोननिहाय नगरसेवकांची मते आणि त्यांच्या समस्या जाणून घेण्यासाठी मंगळवारी (ता. २४) पहिली बैठक पार पडली. या बैठकीत स्वत: महापौर नंदा जिचकार यांनी उपस्थिती लावून पाणी या गंभीर विषयावर नगरसेवकांचे समाधान केले. नगरसेवकांच्या तक्रारीनुसार ओसीडब्ल्यूच्या अधिकाऱ्यांना खडसावून नगरसेवकांशी समन्वय ठेवा आणि नगरसेवकांच्या समस्या १५ दिवसाच्या आत निकाली काढा, असे निर्देश दिले.
 
हनुमान नगर झोन कार्यालयात पार पडलेल्या बैठकीला महापौर नंदा जिचकार, जलप्रदाय समितीचे सभापती पिंटू झलके, उपसभापती श्रद्धा पाठक, झोन सभापती रूपाली ठाकूर, कार्यकारी अभियंता (जलप्रदाय) संजय गायकवाड, झोन सहायक आयुक्त राजू भिवगडे, ओसीडब्ल्यूचे श्री. कालरा उपस्थित होते.
 
पाणी समस्येबाबत दररोज शेकडो नागरिक नगरसेवकांकडे समस्या मांडत असतात. या समस्यांचे निराकरण करण्यासाठी ओसीडब्ल्यूच्या संबंधित अधिकाऱ्यांकडे गेले की त्यांच्याकडून समाधानकारक उत्तरे मिळत नाही. समस्यांचे निराकरण केले जात नाही. एकाच प्रभागात समान पाणीपुरवठा होत नाही. त्यामुळे नागरिकांचा संपूर्ण रोष नगरसेवकांवर असतो, अशा तीव्र भावना नगरसेवकांनी महापौरांपुढे मांडल्या. नगरसेवकांच्या तीव्र भावना लक्षात घेता महापौरांनी नगरसेवकांनी मांडलेल्या प्रत्येक मोठ्या समस्यांचा जाब ओसीडब्ल्यूच्या अधिकाऱ्यांना विचारला. जर नगरसेवकांचेच समाधान होत नसेल तर सामान्य नागरिकांचे काय? असा सवाल उपस्थित केला. नागरिकांच्या भावना तीव्र होण्याआधी त्यांच्या समस्या तातडीने सोडवा, असे निर्देश महापौरांनी दिले.
 
जलप्रदाय समितीचे सभापती पिंटू झलके यांनीही नगरसेवकांनी मांडलेल्या प्रत्येक प्रश्नांची नोंद करून यासंदर्भात आपण स्वत: पाठपुरावा करणार असल्याचे सांगितले.
 
बैठकीला गलिच्छ वस्ती निर्मूलन व घरबांधणी समितीचे सभापती अभय गोटेकर, झोनचे माजी सभापती भगवान मेंढे, माजी उपमहापौर सतीश होले, नगरसेवक सर्वश्री रवींद्र भोयर, दीपक चौधरी, नरेश मानकर, संजय बुर्रेवार, नगरसेविका मंगला खेकरे, उषा पॅलट, माधुरी ठाकरे, विद्या मडावी, कल्पना कुंभलकर, माधुरी ठाकरे, उपअभियंता तारे आदी उपस्थित होते.  
 
बैठकांचे वेळापत्रक
 
सभागृहाच्या निर्णयानुसार पाणी प्रश्नावर आयोजित झोननिहाय बैठकांच्या कार्यक्रमांतर्गत बुधवार २५ एप्रिल रोजी सतरंजीपुरा झोन कार्यालय, गुरुवार २६ एप्रिल रोजी आसीनगर झोन कार्यालय तर शुक्रवार २७ एप्रिल रोजी नेहरूनगर झोन कार्यालय येथे सकाळी ११ वाजता बैठकांचे आयोजन करण्यात आले आहे.

 

 

केळीबाग मार्गाची मनपा आयुक्तांनी केली पाहणी

अतिक्रमण हटविण्यास सुरुवात : सर्व विभागांशी समन्वय साधून कारवाई करण्याच्या सूचना
 
 नागपूर, ता. २४ :  सर्वोच्च न्यायालयाने महाल भागातील केयीबाग मार्गाच्या रुंदीकरणाला हिरवी झेंडी दिल्यानंतर महानगरपालिका प्रशासनाने कार्यवाही सुरू केली आहे. रस्ता रुंदीकरणाच्या मार्गातील अडथळे दूर करण्याची प्रक्रिया मंगळवार (ता. २४) पासून सुरू झाली. या संपूर्ण रस्त्याची पाहणी मनपा आयुक्त अश्विन मुदगल यांनी आज केली.
 
यावेळी त्यांच्यासोबत माजी महापौर तथा ज्येष्ठ नगरसेवक प्रवीण दटके, गांधीबाग झोन सभापती वंदना यंगटवार, नगरसेवक राजेश घोडपागे, अतिरिक्त आयुक्त रवींद्र कुंभारे, गांधीबाग झोनचे सहायक आयुक्त अशोक पाटील होते.
 
मनपा झोन कार्यालयालगत असलेली मनपाच्याच मालकीची एक इमारत पाडून रस्ता रुंदीकरण मार्गातील अडथळे दूर करण्याच्या कार्यवाहीला सुरुवात करण्यात आली. यानंतर आयुक्तांनी संपूर्ण केळीबाग रस्त्याची पाहणी केली. अतिक्रमण विभागाने आतापर्यंत केलेल्या कार्यवाहीची माहिती त्यांनी घेतली. यावेळी माजी महापौर व प्रभागाचे नगरसेवक प्रवीण दटके यांनी त्यांनी रस्त्यावरील अतिक्रमण व इतर सर्व इमारतीसंदर्भात माहिती दिली. अतिक्रमण हटविण्याची कार्यवाही करीत असताना सार्वजनिक बांधकाम विभाग, एसएनडीएल, ओसीडब्ल्यू व तत्सम विभागांशी समन्वय साधून कार्यवाही करावी, असे निर्देश आयुक्त अश्विन मुदगल यांनी संबंधित अधिकाऱ्यांना दिले. रुंदीकरण होत असलेल्या केळीबाग मार्गाच्या सीमेंटीकरणाचे अंदाजपत्रक तयार करण्याचे निर्देशही त्यांनी यावेळी दिले. आयुक्तांच्या या दौऱ्यात परिसरातील व्यापारी व नागरिकही सहभागी झाले होते. यावेळी त्यांनी काही व्यापारी व नागरिकांशीही चर्चा केली.

 

 

मनोज चापले यांनी केली फ्रेण्डस्‌ कॉलनी येथील नाल्याची आकस्मिक पाहणी

पावसाळ्यापूर्वी नाला साफ करण्याचे अधिकाऱ्यांना दिले निर्देश
 
नागपूर,ता.२४ : नागपूर महानगरपालिकेचे वैद्यकीय सेवा व आरोग्य समिती सभापती मनोज चापले यांनी सोमवारी (ता.२४) फ्रेण्डस्‌ कॉलनी येथील नाल्याची आकस्मिक पाहणी केली. यावेळी त्यांच्यासमवेत धरमपेठ झोन सहायक आयुक्त महेश मोरोणे उपस्थित होते.
 
पावसाळ्यापूर्वी शहरातील संपूर्ण नाल्यांची सफाई व्हावी यासाठी वेळोवेळी नाला साफ करण्याचे निर्देश दिले असताना देखिल अद्याप नाला स्वच्छ केला नाही म्हणून सभापती मनोज चापले यांनी नाराजी व्यक्त केली. नाला साफ न केल्याने परिसरात दुर्गंधीचे साम्राज्य निर्माण झाल्याने तेथील नागरिक त्रस्त झाले आहे. याबाबत नागरिकांनी वारंवार धरमपेठ झोनमध्ये तक्रार केली असता, अद्याप नाल्याच्या सफाईचे काम न झाल्याने सभापती मनोज चापले यांनी संताप व्यक्त करत अधिकाऱ्यांना खडेबोल सुनावले. पावसाळ्यापूर्वी नाला साफ करण्याचे अधिकाऱ्यांना निर्देश दिले. यावेळी त्यांच्यासमवेत राजेश हाथीबेड आणि परिसरातील नागरिक उपस्थित होते.

 

 

डीपी रोडच्या कामांना गती द्या

माजी महापौर प्रवीण दटके यांचे निर्देश
 
नागपूर,ता.२३ : नागपूर महानगरपालिकेद्वारे प्रस्तावित असलेल्या डीपी रोडच्या कामांना गती देण्याचे निर्देश माजी महापौर प्रवीण दटके यांनी दिले. सोमवार (ता.२३) मनपा मुख्यालयातील छत्रपती शिवाजी महाराज प्रशासकीय इमारतीत आयोजित बैठकीत त्यांनी निर्देश दिले. यावेळी अतिरिक्त आयुक्त रवींद्र कुंभारे उपस्थित होते.
 
महाल येथील केळीबाग रोड, जुना भंडारा रोड, मॉडेल मिल ते राम कुलर चौक या रस्त्यांच्या प्रस्तावित रुंदीकरणाच्या कामाचा आढावा त्यांनी संबंधित अधिकाऱ्यांकडून घेतला. सर्वोच्च न्यायालयच्या निकालानंतर केळीबाग रस्त्याच्या रूंदीकरणाबाबत महानगरपालिकेने केलेल्या कार्यवाहीचा आढावाही त्यांनी घेतला. रस्ता विकासाच्या मार्गातील अडथळे तातडीने दूर करून प्रशासकीय कार्यवाही करण्याचे निर्देश त्यांनी संबंधित अधिकाऱ्यांना दिले. तेथील अतिक्रमण हटवावे, स्थानिक नागरिकांच्या समन्वयाने कार्यवाही करण्यात यावी, असे देखिल सूचित केले.
 
बैठकीला अतिरिक्त उपायुक्त राजेश मोहिते, सहायक आयुक्त (सामन्य प्रशासन विभाग) महेश धामेचा, मुख्य अभियंता मनोज तालेवार, कार्यकारी अभियंता (प्रकल्प) नरेश बोरकर, अभियोक्ता व्यंकटेश कपले, आर.एस.भूतकर, विजय हुमने यांच्यासह संबंधित अधिकारी उपस्थित होते.

 

 

२९ एप्रिल रोजी होणार पट्टे वाटप : कुकरेजा

उत्तर नागपुरात कार्यक्रम : फडणवीस, गडकरी यांची उपस्थिती
 
नागपूर, ता. २४ :  शहरातील झोपडपट्टीवासीयांना मालकी हक्काचे पट्टे वाटपाचा कार्यक्रम २९ एप्रिल रोजी उत्तर नागपुरातील मार्टिन चर्च परिसर येथे आयोजित करण्यात आला आहे. मुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या हस्ते मालकी हक्काचे पट्टे वाटप करण्यात येईल, अशी माहिती मनपाच्या स्थायी समितीचे सभापती विरेंद्र कुकरेजा यांनी दिली.
 
यासंदर्भात आढावा घेण्यासाठी सोमवारी (ता. २३) स्थायी समिती सभापतींच्या कक्षात बैठकीचे आयोजन करण्यात आले होते. आमदार सुधाकर कोहळे, आ. डॉ. मिलिंद माने, स्थायी समितीचे सभापती विरेंद्र कुकरेजा, जलप्रदाय समितीचे सभापती पिंटू झलके, नासुप्रचे विशेष कार्य अधिकारी अजय रामटेके, एनएमआरडीएचे अतिरिक्त आयुक्त सुधाकर कुळमेथे, मनपाचे कार्यकारी अभियंता (स्लम) डी.डी. जांभूळकर उपस्थित होते.
 
सदर बैठकीत कार्यक्रमाच्या आयोजनाबाबत चर्चा करण्यात आली. मालकी हक्क पट्टे वाटपासंदर्भातील संपूर्ण माहिती सभापती विरेंद्र कुकरेजा यांनी घेतली. आमदारद्वयांनीही याबाबत आढावा घेतला. इंदिरा नगर, कस्तुरबा नगर येथील रहिवाशांना मुख्यत्वेकरून या कार्यक्रमात मालकी हक्काचे पट्टे देण्यात येईल. सदर कार्यक्रमाला शहरातील खासदार, आमदार, महापौर व नागपूर महानगरपालिकेचे पदाधिकारी उपस्थित राहणार आहेत.

 

 

नवे सभापती देतील विकासाला नवा आयाम : महापौर

संगीता गिऱ्हे यांनी स्वीकारली मंगळवारी झोन सभापतीपदाची सूत्रे
 
नागपूर, ता. २२ :  मंगळवारी झोनच्या नवनिर्वाचित सभापती ह्या विकासकामांच्या बाबतीत जागरुक आहेत. विकासकामे खेचून आणण्यासाठी त्यांची नेहमीच धडपड असते. सभापती पदाचा कार्यभार स्वीकारल्यानंतर मंगळवारी झोनमधील विकासकामांना त्या नव्या आयाम देतील, असा विश्वास महापौर नंदा जिचकार यांनी व्यक्त केला.
 
मंगळवारी झोन कार्यालयात आयोजित झोनच्या नवनियुक्त सभापती संगीता गिऱ्हे यांच्या पदग्रहण सोहळ्यात त्या बोलत होत्या. यावेळी मंचावर आमदार सुधाकर देशमुख, आमदार डॉ. मिलिंद माने, उपमहापौर दीपराज पार्डीकर, स्थायी समितीचे सभापती विरेंद्र कुकरेजा, माजी सभापती सुषमा चौधरी, दुर्बल घटक समितीचे सभापती महेंद्र धनविजय, स्थायी समितीचे माजी सभापती संदीप जाधव, नगरसेवक संजय बुर्रेवार, नरेंद्र वालदे, नगरसेविका अर्चना पाठक, रश्मी धुर्वे, गार्गी चोपरा, स्नेहा निकोसे, ममता सहारे, भाजप पश्चिम नागपूरचे अध्यक्ष किसन गावंडे, दीपक गिऱ्हे आदींची उपस्थिती होती.
 
यावेळी सभापती संगीता गिऱ्हे यांचा महापौर नंदा जिचकार, आमदार सुधाकर देशमुख, आमदार मिलिंद माने, स्थायी समितीचे सभापती विरेंद्र कुकरेजा व अन्य मान्यवरांनी सभापतीपदी नियुक्तीबद्दल सत्कार केला.
 
सत्काराला उत्तर देताना सभापती संगीता गिऱ्हे म्हणाल्या, सभापतीपदाने माझी जबाबदारी अधिक वाढविली आहे. आता प्रभागासोबतच झोनअंतर्गत येणाऱ्या सर्व प्रभागांना समान न्याय द्यायचा आहे. विकासकार्यासाठी सर्व प्रभागांना निधी उपलब्ध करुन देण्यासाठी आपण प्रामाणिक प्रयत्न करू. सर्वपक्षीय नगरसेवकांच्या माध्यमातून येणाऱ्या जनतेच्या समस्या सोडविण्यास प्राधान्य देऊ, असा विश्वास त्यांनी व्यक्त केला.
 
यावेळी आमदार सुधाकर देशमुख, आ.डॉ. मिलिंद माने यांनीही आपल्या भाषणातून सभापती संगीता गिऱ्हे यांच्या कार्याचा गौरव करीत त्यांनी पुढील कार्यकाळासाठी शुभेच्छा दिल्या. स्थायी समितीचे सभापती विरेंद्र कुकरेजा म्हणाले, मंगळवारी झोनच्या विकासासाठी श्रीमती संगीता गिऱ्हे यांना निधी कमी पडू देणार नाही. या झोनच्या विकासासाठी त्यांच्यासोबत आपण उभे राहू, असे ते म्हणाले.
 
प्रास्ताविकातून माजी सभापती सुषमा चौधरी यांनी मागील कारकिर्दीचा आढावा घेतला. आपल्या कार्यकाळात अपूर्ण राहिलेली कामे नवनिर्वाचित सभापती पूर्ण करतील, असेही त्या म्हणाल्या. कार्यक्रमाचे संचालन अनिलकुमार नायक यांनी केले. आभार कनिष्ठ अभियंता केशव सोनवणे यांनी मानले.  
 
सत्कार कार्यक्रमानंतर सभापतींच्या दालनात नवनियुक्त सभापती संगीता गिऱ्हे यांनी माजी सभापती सुषमा चौधरी यांच्याकडून पदाची सूत्रे स्वीकारली. कार्यक्रमाला कार्यकर्ते, गणमान्य नागरिक आणि मंगळवारी झोनचे अधिकारी, कर्मचारी उपस्थित होते.

 

 

 

सर्व सामान्य नागरिकांच्या समस्या प्राधान्याने सोडविण्यावर भर

रूपाली ठाकूर यांनी स्वीकारली हनुमाननगर झोन सभापती पदाची सूत्रे
 
नागपूर,ता.२२. सर्व सामान्य नागरिकांची समस्या प्राधान्याने सोडविण्यावर भर देणार. आणि झोन मधील पाण्याच्या समस्यावर उपाययोजना करणार असल्याचे आश्वासन नवनिर्वाचित हनुमाननगर झोन सभापती रूपाली ठाकूर यांनी दिले. रविवारी (ता.२२) हनुमाननगर झोन येथे त्यांचा पदग्रहण समारंभ आयोजित करण्यात आला होता. त्याप्रसंगी त्या बोलत होत्या.
 
यावेळी व्यासपीठावर दक्षिण नागपूरचे आमदार सुधाकर कोहळे, महापौर नदां जिचकार, स्थायी समिती सभापती विरेंद्र कुकरेजा, मावळते सभापती भगवान मेंढे, जलप्रदाय समिती सभापती पिंटू झलके, नगरसेवक डॉ.रवींद्र भोयर, दीपक चौधरी, राजेंद्र सोनकुसरे, अभय गोटेकर, नागेश मानकर, नगरसेविका भारती बुंडे, रिता मुळे, विशाखा बांते, कल्पना कुंभलकर, मंगला खेकरे, विद्या मडावी, शीतल कामडे, वंदना भगत, उषा पॅलट, लीला हाथीबेड, स्वाती आखतकर, दक्षिण नागपूरचे भाजपा अध्यक्ष संजय ठाकरे, माजी स्थायी समिती सभापती बंडू राऊत प्रामुख्याने उपस्थित होत्या.
 
पुढे बोलताना रूपाली ठाकूर म्हणाल्या, हनुमाननगर झोनमध्ये जी कामे मागील वर्षभरात भगवान मेंढे ह्यांनी केली. तशीच कामे मी ही करत राहीन. येथे येणा-या सर्व सामान्य नागरिकांच्या समस्या सोडविण्याचा पूर्ण प्रयत्न करेल. माझ्यावर पक्षाने टाकलेला विश्वासाला तडा जाणार नाही, याची पुरेपुर काळजी घेईन, असा विश्वास त्यांनी व्यक्त केला.
 
महापौर नंदा जिचकार यांनी बोलताना रूपाली ठाकूर यांनी केलेल्या कार्याचा गौरव करत त्यांना शुभेच्छा दिल्या. भविष्यात त्यांच्याकडून मोठ्या कार्याची अपेक्षा आहे, असेही त्या म्हणाल्या. स्थायी समिती सभापती विरेंद्र कुकरेजा यांनीही आपल्या भाषणातून रूपाली ठाकूर यांचे अभिनंदन केले व त्यांना शुभेच्छा दिल्या.
 
प्रारंभी मान्यवरांचे स्वागत सहायक आयुक्त राजू भिवगडे आणि उपअभियंता कृष्णकुमार हेडाऊ यांनी केले. कार्यक्रमाचे संचालन श्याम गोहोकर यांनी तर आभार प्रदर्शन कार्यकारी अभियंता श्री.राहाटे यांनी केले.
 
दक्षिण नागपूरला सुजलाम सुफलाम बनविणार – आमदार सुधाकर कोहळे
 
येत्या काही काळात दक्षिण नागपूला सुजलाम सुफलाम बनविणार असल्याची माहिती दक्षिण नागपूचे आमदार सुधाकर कोहळे यांनी दिली. या पदग्रहण समारंभाच्याप्रसंगी मुख्य अतिथी म्हणून ते बोलत होते. दक्षिण नागपूरला पिण्याचा पाण्याची समस्या मोठ्या प्रमाणावर येत असल्याने दोन पाण्याच्या टाकी निर्माणाधिन आहे. लवकरच त्याचे उद्घाटनही मुख्यमंत्री देवेंद्र फडणवीस यांच्या हस्ते होणार असल्याची माहिती त्यांनी दिली. यासोबतच झोनमार्फत सर्व विकासाची कामे प्रगतीपथावर सुरू आहे. झोन मधील सर्वच नगरसेवक त्यासाठी मोठी मेहनत घेत असतात. विकासाची कामे असो, देखभाल दुरूस्तीची कामे असो, ही या झोन मार्फत मोठ्या प्रमाणात वर्षभरात केली गेली आहे. शासकीय अनुदानातून हद्दवाढीतील कामे ही मोठ्या प्रमाणावर या झोन मार्फत केली आहे. या सर्व कामांबद्दल त्यांनी महानगरपालिकेचे कौतुक करत नवनिर्वाचित झोन सभापती रूपाली ठाकूर यांचे अभिनंदन केले.  
 
 

 

प्लास्टिकमुक्तीचा संकल्प करा, वसुंधरा वाचवा

आ. अनिल सोले : मनपा-ग्रीन व्हिजीलतर्फे ‘वसुंधरा दिवसा’निमित्त जनजागृती
 
नागपूर,ता. २२ : पर्यावरणाचे संतुलन राखण्यासाठी आणि पृथ्वी वाचविण्यासाठी प्लास्टिकमुक्ती ही काळाची गरज आहे. शासनाने हे ओळखून प्लास्टिकबंदी केली. आता नागरिकांनी आपली जबाबदारी पार पाडावी. वसुंधरा दिवसाच्या निमित्ताने प्लास्टिकमुक्तीचा संकल्प करा आणि वसुंधरा वाचवा, असे आवाहन आमदार प्रा. अनिल सोले यांनी केले.
 
‘वसुंधरा दिवसा’च्या निमित्ताने नागपूर महानगरपालिका आणि ग्रीन व्हिजील फाऊंडेशनच्या वतीने अर्थ डे नेटवर्कच्या मार्गदर्शनात रविवारी (ता. २२) चिल्ड्रेन ट्राफिक पार्क येथे जनजागृती कार्यक्रमाचे आयोजन करण्यात आले होते. यावेळी आ. अनिल सोले यांनी नागरिकांसोबत संवाद साधला. प्लास्टिकमुक्तीचे आवाहन करीत वसुंधरा दिवसाच्या शुभेच्छा त्यांनी दिल्या. यावेळी माजी महापौर प्रवीण दटके, नगरसेविका रूपा राय, धरमपेठ झोनचे सहायक आयुक्त महेश मोरोणे, ग्रीन व्हिजीलचे फाऊंडेशनचे संस्थापक कौस्तभ चॅटर्जी, डॉ. कविता रतन, टीम लीडर सुरभी जैस्वाल, धरमपेठ झोनचे झोनल अधिकारी दीनदयाल टेंभेकर उपस्थित होते.
 
‘प्लास्टिक प्रदूषणापासून मुक्ती’ (End Plastic Pollution) ही यावर्षीच्या वसुंधरा दिवसाची संकल्पना होती. या संकल्पनेअंतर्गत ग्रीन व्हिजीलच्या स्वयंसेवकांनी प्लास्टिक कचऱ्याची भीषणता सांगणाऱ्या पोस्टरच्या माध्यमातून नागरिकांमध्ये जनजागृती केली. प्लास्टिकपासून होणारे प्रदूषण, नुकसान, त्याचा मानवजीवनावर पडणारा परिणाम  याबाबतची माहिती नागरिकांना दिली. रिड्यूस, रिसायकल आणि रियूज हा ‘थ्री-आर’ चा मंत्र अंमलता आणण्यासाठी नागरिकांना प्रेरीत केले. याव्यतिरिक्त पर्यावरण संरक्षणाअंतर्गत नैसर्गिक संपदाचे संरक्षण, ऊर्जा बचत, कचऱ्याचे वर्गीकरण, पर्यावरण अनुकूल जीवनशैली अंगिकारणे आदी विषयांवरही नागरिकांशी संवाद साधला. ग्रीन व्हिजीलचे संस्थापक कौस्तभ चॅटर्जी यांच्या मार्गदर्शनात ग्रीन व्हिजीलच्या टीम लीडर सुरभी जैस्वाल, डॉ. कविता रतन, शक्ती रतन, मेहुल कोसुरकर, कल्याण वैद्य, बिष्णुदेव यादव, शीतल चौधरी, अभय पौनीकर, विकास यादव, कार्तिकी कावळे, अमोल भलमे, अमित पालिया यांच्यासह अन्य स्वयंसेवकांनी जनजागृती केली.
 
‘वसुंधरा दिवस’ का होतो साजरा?
 
सन १९६९ मध्ये कॅलिफोर्नियाच्या संत बारबराच्या समुद्र किनाऱ्यावर पाण्यावर तेलाचा तवंग आला. ज्याला बघून अमेरिकेचे पूर्व सिनेटर गेलॉर्ड नेल्सन यांनी पर्यावरण बचावासाठी काहीतरी करण्याचा विचार केला. याच विचारातून त्यांनी ‘अर्थ डे नेटवर्क’ नावाच्या संस्थेची स्थापना केली. याच संस्थेच्या पुढाकारातून सर्वप्रथम सन १९७० मध्ये वसुंधरा दिवस (Earth Day) साजरा करण्यात आला. आज १९५ देशांत २२ एप्रिल रोजी एकाच वेळी वसुंधरा दिवस साजरा करण्यात येतो. नागपुरात ग्रीन व्हिजील फाऊंडेशन ही अर्थ डे नेटवर्क या संस्थेची पार्टनर असून नागपूर महानगरपालिकेच्या सहकार्याने हा उपक्रम दरवर्षी राबविण्यात येतो. अर्थ डे नेटवर्कच्या कंट्री डायरेक्टर आणि साऊथ एशिया डायरेक्टर करुणा सिंह यांनी नागपुरातील या उपक्रमाची प्रशंसा करीत नागपूर शहर पर्यावरणाप्रती जागरूक शहरांपैकी एक असल्याचा गौरवोल्लेख केला आहे.
 
सुरभी जैस्वाल ‘रायझिंग स्टार’
 
पर्यावरणाच्या क्षेत्रात कार्य करणाऱ्या ग्रीन व्हिजील संस्थेच्या टीम लीडर सुरभी जैस्वाल यांना नुकताच त्यांच्या पर्यावरण क्षेत्रातील कार्याबद्दल अर्थ डे नेटवर्कने ‘रायझिंग स्टार’ हा  बहुमान देऊन सन्मानित केले. हा सन्मान प्राप्त करणारी सुरभी भारतातील दुसरी पर्यावरणवादी ठरली आहे. यापूर्वी काश्मीरच्या एका कार्यकर्त्याला हा सन्मान प्राप्त झाला आहे.

 

 

जैविक विविधतेचे जतन करणे गरजेचे - दिव्या धुरडे 

नंदनवन येथील उद्यानात वसुंधरा दिन साजरा 
 
नागपूर,२२. जैविक विविधतेचे जतन करणे गरजेचे आहे. वृक्ष संवर्धन ही काळाची गरज आहे, प्रत्येकाने किमान एक झाड लावावे व ते जगवण्याची काळजी घ्यावी, असे आवाहन मनपातील भाजपच्या प्रतोद आणि जैविक विविधता समितीच्या सभापती दिव्या धुरडे ह्यांनी केले.
 
रविवारी(ता.२२) जागतिक वसुंधरा दिनानिमित्त आयोजित नंदनवन येथील उद्यानातील कार्यक्रमाप्रसंगी त्या बोलत होत्या.
 
यावेळी त्यांच्या समवेत नगरसेविका शीतल कामडे, उद्यान अधीक्षक अमोल चोरपगार, उपअभियंता धनंजय मेंडूलकर प्रामुख्याने उपस्थित होते.
पुढे बोलताना दिव्या धुरडे म्हणाल्या, सध्यस्थितीत शहरात सिमेंट रस्त्याचे काम सुरू आहे. त्यामुळे झाडे लावण्यासारखी परिस्थिती नाही. पावसाचे पाणी जमिनीत मुरायला जागा नाही. त्यामुळे पाण्याची पातळी कमी होत आहे. रेन हार्वेस्टिंग करणे गरजेचे आहे. सिमेंट रस्ते बांधताना सहा फुटावर वृक्षरोपण करणे असा नियम आहे. मी माझ्या प्रभागातील सर्व कंत्राटदारानां वृक्षरोपण करण्याच्या सूचना दिलेल्या असल्याची माहिती त्यांनी दिली.
 
यावेळी उद्यान अधीक्षक अमोल चोरपगार ह्यांनी मनपातील सर्व उद्यानात आता कंपोस्ट खत निर्मित्ती होणार असल्याची माहिती दिली. यावेळी दिव्या धुरडे ह्यांनी वृक्ष संवर्धनाची शपथ उपस्थितांना दिली. कार्यक्रमाचे संचालन व आभार महामंत्री अभिजीत मुळे यांनी केले.
 
यावेळी दीप्ती रोहनकर, वर्षा कलोडे, संध्या तडस, वंदना दुरबुडे, स्नेहल मुळे, कुसुम पावडे, संगीता कोरे उपस्थित होते.

 

 

झोन मधील पाणी प्रश्न सोडविण्यावर भर देणार – वंदना यंगटवार

गांधीबाग – महाल झोन सभापती पदाचा स्वीकारला पदभार
 
नागपूर,ता.२२. झोनमध्ये पाण्याची समस्या मोठ्या प्रमाणावर आहे. झोन मधील पाणी प्रश्न सोडविण्यावर माझा भर असेल, असे प्रतिपादन नवनिर्वाचित गांधीबाग झोन सभापती वंदना यंगटवार यांनी केले. शनिवार (ता.२१) महाल येथील झोन कार्यालयात गांधीबाग झोन सभापती पदाचा पदग्रहण समारंभ आयोजित करण्यात आला होता. त्याप्रसंगी त्या बोलत होत्या.
 
यावेळी व्यासपीठावर मध्य नागपूरचे आमदार विकास कुंभारे, पूर्व नागपूरचे आमदार कृष्णा खोपडे, उत्तर नागपूरचे आमदार मिलिंद माने, विधानपरिषदेचे आमदार गिरिष व्यास, महापौर नंदा जिचकार, उपमहापौर दीपराज पार्डीकर, स्थायी समिती सभापती विरेंद्र कुकरेजा, माजी महापौर प्रवीण दटके, ज्येष्ठ नगरसेवक दयाशंकर तिवारी, मावळत्या झोन सभापती सुमेधा देशपांडे, वैद्यकीय सेवा व आरोग्य समिती सभापती मनोज चापले, विद्या कन्हेरे, राजेश घोडपागे, नगरसेविका नेहा वाघमारे, सरला नायक, यशश्री नंदनवार, संजय महाजन, सुभाष पारधी, भाजपा मध्य नागपूरचे अध्यक्ष बंडू राऊत, माजी नगरसेविका रश्मी फडणवीस, झोन सहायक आयुक्त अशोक पाटील प्रामुख्याने उपस्थित होते.
 
पुढे बोलताना वंदना यंगटवार म्हणाल्या, पक्षाने माझ्यावर टाकलेल्या विश्वासावर मी खरी उतरील. माझ्या झोन मधील ज्येष्ठ नगरसेवकांचा सल्ल्यानुसारच मी सदैव काम करत राहीन यात काही शंका नाही. पदभार स्वीकारल्यानंतर लगेच पाण्यासंदर्भातील पश्नांवर तातडीने उपाययोजना करण्याचे निश्चित केले आहे. त्यासाठी ओसीडब्लूच्या अधिका-यांशी बैठक लावण्यात येणार असल्याचे त्यांनी म्हटले.
 
यावेळी आमदार गिरिष व्यास, विकास कुंभारे, मिलिंद माने, यांनीही आपल्या भाषणाद्वारे वंदना यंगटवार यांचे अभिनंदन करत त्यांना भावी वाटचालीकरिता शुभेच्छा दिल्या. यानंतर वंदना यंगटवार यांनी झोन सभापती कार्यालयात जाऊन सभापती पदाचा पदभार स्वीकारला.
 
कार्यक्रमाचे संचालन व आभार रवींद भारत यांनी केले. कार्यक्रमाला गुड्डू त्रिवेदी, माजी नगरसेवक प्रमोद पेंडके, महामंत्री श्याम चांदेकर,  किशोर पाटील, सचिन सावरकर, अनिता काशीकर यांच्यासह झोनमधील पदाधिकारी व कार्यकर्ते उपस्थित होते.

 

 

अशोक कोल्हटकर यांना ‘उत्कृष्ट जनसंपर्क अधिकारी बहुमान

पब्लिक रिलेशन्स सोसायटी ऑफ इंडियातर्फे गौरव
 
नागपूर, ता. २१ : नागपूर महानगरपालिकेचे जनसंपर्क अधिकारी अशोक कोल्हटकर यांना पब्लिक रिलेशन्स सोसायटी ऑफ इंडियाच्या वतीने ‘उत्कृष्ट जनसंपर्क अधिकारी’ हा बहुमान देण्यात आला. जनसंपर्क दिनाच्या निमित्ताने शनिवारी (ता. २१) जवाहरलाल दर्डा आर्ट गॅलरी येथे आयोजित कार्यक्रमात त्यांचा गौरव करण्यात आला.
 
कार्यक्रमाच्या अध्यक्षस्थानी नागपूर व अमरावती विभागाचे माहिती व जनसंपर्क उपसंचालक राधाकृष्ण मुळी होते. प्रमुख वक्ता म्हणून असित सिन्हा होते. मंचावर पब्लिक रिलेशन्स सोसायटी ऑफ इंडियाच्या नागपूर शाखेचे अध्यक्ष एस.पी. सिंग, अतुल त्रिवेदी, सुधीर जाधव, सोसायटीचे ज्येष्ठ सदस्य एम. एस. देशमुख, सत्कारमूर्ती मनपाचे जनसंपर्क अधिकारी अशोक कोल्हटकर उपस्थित होते.
 
मान्यवरांच्या हस्ते अशोक कोल्हटकर आणि एम. एस. देशमुख यांचा शाल, श्रीफळ, स्मृतिचिन्ह देऊन गौरव करण्यात आला. सत्काराला उत्तर देताना अशोक कोल्हटकर म्हणाले, प्रशासन आणि जनता यांच्यातील सेतू म्हणजे जनसंपर्क अधिकारी असतो. प्रशासनाच्या योजना वर्तमानपत्रांच्या माध्यमातून जनतेपर्यंत आणि जनतेचे प्रश्न प्रशासनापर्यंत प्रभावीपणे पोहचविण्याचे कार्य जनसंपर्क अधिकारी करीत असतो. नागपूर महानगरपालिकेच्या सेवेत असताना हे कार्य प्रामाणिकपणे करीत राहिलो. हा सत्कार म्हणजे आपण प्रामाणिकपणे केलेल्या सेवेचा गौरव असल्याचे ते म्हणाले.
 
‘भारतीय लोकतंत्र सार्थक चुनाव का मंत्र’ या विषयावर प्रमुख वक्ते म्हणून बोलताना असित सिन्हा म्हणाले, भारतीय लोकशाहीत सत्ताधाऱ्यांचे जेवढे महत्त्व आहे, तेवढेच विरोधकांचेही आहे. सत्ताधाऱ्यांनी त्यांना विश्वासात घ्यायला हवे. पण दुर्देवाने तसे होत नाही. निवडणुकांनाही आज इव्हेंट मॅनेजमेंट आणि मार्केटिंगचे स्वरूप आले आहे. निकोप लोकशाहीसाठी हे घातक असल्याचे सांगत निवडणुका ह्या निर्भय व निष्पक्ष वातावरणात व्हाव्यात, असे निर्भिड मत त्यांनी मांडले.
 
यावेळी बोलताना माहिती व जनसंपर्क उपसंचालक राधाकृष्ण मुळी म्हणाले, आपल्या देशाची प्रगती संसदीय मागारनेच झाली आहे. दैनंदिन जीवनात लोकशाहीची मूल्ये जपली तर देशातील लोकशाही बळकट होण्यास मदत होईल. जगात लोकशाहीपेक्षा दुसरी कुठलीही व्यवस्था प्रभावी नाही, असे ते म्हणाले.
 
यावेळी ज्येष्ठ सेवानिवृत्त अधिकारी व पब्लिक रिलेशन्स सोसायटीचे सदस्य एम. एस. देशमुख यांचाही स्मृतिचिन्ह देऊन गौरव करण्यात आला.
 
प्रास्ताविक पब्लिक रिलेशन्स सोसायटी ऑफ इंडियाच्या नागपूर शाखेचे अध्यक्ष एस.पी. सिंग यांनी केले. संचालन अतुल त्रिवेदी यांनी केले. आभार सुधीर जाधव यांनी मानले.  यावेळी जिल्हा माहिती अधिकारी अनिल गडेकर, माजी जिल्हा माहिती अधिकारी नरेश मेश्राम, महाजनकोचे जनसंपर्क अधिकारी यशवंत मोहिते, महावितरणचे जनसंपर्क अधिकारी योगेश विटणकर, अजित इगतपुरीकर, दूरदर्शनचे रवींद्र मिश्रा, शोभा धनवटे यांच्यासह अनेक विभागाचे जनसंपर्क अधिकारी, संस्थेचे सदस्य उपस्थित होते.

 

 

 

धंतोली झोनच्या सभापती विशाखा बांते यांचे पदग्रहण

नागपूर, ता. २१ :  नागपूर महानगरपालिकेच्या धंतोली झोनच्या नवनिर्वाचित सभापती विशाखा शरद बांते यांनी शनिवारी (ता. २१) सभापतीपदाचा पदभार स्वीकारला. माजी सभापती प्रमोद चिखले यांच्याकडून त्यांनी पदाची सूत्रे स्वीकारली.
 
यावेळी धंतोली झोन कार्यालयात आयोजित कार्यक्रमाला प्रमुख पाहुणे म्हणून आमदार प्रा. अनिल सोले, मनपातील सत्तापक्ष नेते संदीप जोशी, नगरसेविका लता काडगाये, स्थायी समितीचे माजी सभापती रमेश सिंगारे, भाजपाचे दक्षिण-पश्चिम विधानसभा क्षेत्राचे अध्यक्ष रमेश भंडारी, श्री. भोयर, प्रभू अर्के, श्रीपाद बोरीकर उपस्थित होते.
 
यावेळी आ. प्रा. अनिल सोले, सत्तापक्ष नेते संदीप जोशी, माजी सभापती प्रमोद चिखले यांच्यासह सर्व मान्यवरांनी नवनिर्वाचित सभापती विशाखा बांते यांचा सत्कार केला. याप्रसंगी बोलताना सभापती विशाखा बांते म्हणाल्या, ज्यांच्या विश्वासावर मी निवडून आले त्या जनतेच्या समस्या सोडविण्यासाठी मी सदैव कटिबद्ध राहीन. माझ्या कार्यकाळात धंतोली झोनच्या विकासकार्याला एक नवा आयाम मिळेल. यासाठी सर्व नगरसेवक, अधिकारी, कर्मचारी आणि मुख्य म्हणजे जनतेचे सहकार्य अपेक्षित आहे. धंतोली झोन भविष्यात ‘आदर्श झोन’ म्हणून नावारूपास येईल, असा विश्वास त्यांनी व्यक्त केला.
 
आमदार प्रा. अनिल सोले म्हणाले, सत्तेचे आणि प्रशासनाच्या कार्याचे विकेंद्रीकरण व्हावे हा झोन निर्मितीमागचा उद्देश होता. सन २००७ पूर्वी मनपा मुख्यालयात प्रचंड गर्दी राहायची. आता झोन निर्मितीमुळे ९० टक्के कामे झोनस्तरावरच होतात. यामुळे मुख्यालयातील अधिकाऱ्यांना शहर नियोजनासाठी वेळ मिळू लागला. यामुळे नवे प्रकल्प आले. झोननिहाय अर्थसंकल्प झाल्यामुळे छोट्या-मोठ्या कामांनाही गती मिळाली. नवनिर्वाचित सभापती विशाखा बांते यांच्या संकल्पनेतील ‘आदर्श झोन’ त्यांच्या कार्यकाळात नक्कीच होईल, असा विश्वास त्यांनी व्यक्त केला.
 
सत्तापक्ष नेते संदीप जोशी म्हणाले, धंतोली झोनमध्ये मध्यमवर्गीय, निम्नवर्गीय नागरिकांचा समावेश आहे. तीन विधानसभा क्षेत्राचा भाग यामध्ये येतो. नागरिकांच्या समस्या ऐकून घेण्यासाठी सभापतींनी झोन कार्यालयात एक विशिष्ट वेळ ठेवून जनसामान्यांच्या समस्या ऐकून घ्याव्यात. त्यामुळे नागरिकांचे समाधान होईल, असे ते म्हणाले.
 
प्रास्ताविकातून माजी सभापती प्रमोद चिखले यांनी पक्षनेत्यांचे आणि अधिकारी, कर्मचाऱ्यांचे आभार मानले. नवनिर्वाचित सभापती विशाखा बांते ह्या आपल्यापेक्षाही उत्तम कार्य करतील, असे म्हणत त्यांच्या कार्यकाळासाठी त्यांनी शुभेच्छा दिल्या.
 
कार्यक्रमाचे संचालन धंतोली झोनच्या सहायक आयुक्त स्मिता काळे यांनी केले. आभार श्रीकांत वैद्य यांनी मानले. कार्यक्रमानंतर सभापतींच्या दालनात सभापती विशाखा बांते यांनी माजी सभापती प्रमोद चिखले यांच्याकडून पदाची सूत्रे स्वीकारली. 

 

 

व्हॉईट टॉपिंग पद्धतीने बांधण्यात येणा-या सीमेंट रस्त्यांची मनपाच्या अभियंत्यांनी जाणून घेतली माहिती

महानगरपालिकेद्वारे कार्यशाळेचे आयोजन
 
नागपूर,ता.२१ : नागपूर महानगरपालिकेच्या सर्व अभियंत्यांनी सीमेंट रस्ते बांधण्याकरिता वापरण्यात येणा-या व्हॉईट टॉपिंग पद्धतीची माहिती विशेष आमंत्रित सीआरआयआयचे वरीष्ठ वैज्ञानिक बिनोद कुमार यांच्याकडून जाणून घेतली. महानगरपालिकेद्वारे शनिवार (ता.२१) महाल येथील राजे रघुजी भोसले नेताजी नगर भवनात यासंबधी मनपाच्या प्रकल्प विभागाद्वारे कार्यशाळेचे आयोजन करण्यात आले होते.
 
कार्यशाळेच्या उद्‌घाटनप्रसंगी व्यासपीठावर मुख्य अतिथी म्हणून सीआरआरआयचे वरिष्ठ वैज्ञानिक बिनोद कुमार, बांधकाम विभागाचे मुख्य अभियंता उल्हास देबडवार, मनपाचे तांत्रिक सल्लागार विजय बनगीरवार, मनपाचे मुख्य अभियंता मनोज तालेवार, अल्ट्राटेक सीमेंटचे श्री.हिरेमठ प्रामुख्याने उपस्थित होते.  
 
यावेळी मुख्य अतिथी विनोद कुमार म्हणाले, कमीत कमी खर्चात आवश्यकतेनुसार व्हॉईट टॉपिंग पद्धतीचा वापर करून सीमेंट रस्ते बांधण्याबाबत तसेच ही पद्धत अबलंबल्यास होणारे फायदे व पर्यावरणाचा समतोल राखण्यास उपयुक्त ठरेल. याशिवाय सीमेंट रस्त्यांच्या कामामुळे डांबरी रस्त्यांच्या तुलनेत तापमान कमी राखण्यास मदत होते. भविष्यात येणाऱ्या बांधकामाकरिता लागणा-या गिट्टी, रेती यासारख्या नैसर्गिक साधनसंपत्तीची बचत होईल. व पर्यावरणाचा समतोल राखण्यास मदत होईल. अडचणीवर मात कशी करता येईल, याचीही माहिती त्यांनी आपल्या मार्गदर्शनातून दिली. क्राँक्रिटचे अर्थशास्त्र आणि त्याचे मूल्य याबाबतही श्री. बिनोद कुमार यांनी उपस्थितांना पीपीटीद्वारे मार्गदर्शन केले. सस्टेनेबल डेव्हलपमेंट याविषयाची त्यांनी सविस्तर माहिती दिली.
 
बांधकाम विभागाचे मुख्य अभियंता उल्हास देबडवार यावेळी बोलताना म्हणाले, सद्यस्थितीत नवीन तंत्रज्ञानाच्या साहाय्याने बांधकाम सुरू आहे. नव्या अभियंत्याना वा कंत्राटदारांना त्याचे ज्ञान अवगत असणे आवश्यक आहे. यासाठीच अशा प्रकारच्या कार्यशाळेचे आयोजन करण्यात येत असते. कार्यशाळेच्या आयोजनाबद्दल त्यांनी महानगरपालिकेचे आभार मानले.
 
प्रारंभी मान्यवरांचे स्वागत मुख्य अभियंता मनोज तालेवार आणि कार्यकारी अभियंता डी.डी.जांभूळकर यांनी केले. सर विश्वेश्वरैया यांच्या प्रतिमेला माल्यार्पण करून कार्यक्रमाची सुरूवात झाली. कार्यक्रमाचे आयोजन व संचालन कार्यकारी अभियंता (प्रकल्प) नरेश बोरकर यांनी केले. तांत्रिक सल्लागार विजय बनगिरवार यांनी आभार मानले. कार्यक्रमाला कार्यकारी अभियंता मोती कुकरेजा, डी.डी.जांभूळकर, आर.एस.भूतकर,
 
कार्यक्रमाच्या यशस्वीतेकरिता प्रकल्प विभागाचे उपअभियंता शकील नियाजी, धनंजय मेंडूलकर, अनिल गेडाम, संजय माटे यांनी विशेष परिश्रम घेतले.  उपस्थित होते.  

 

 

रस्ता निर्माण कार्यातील अडचणी तातडीने दूर करा

वीज कंपनीच्या अधिकाऱ्यांना महापौरांनी दिले निर्देश : प्रभागातील समस्या सोडविण्यासाठी पाहणी दौरा
 
नागपूर, ता. २१ :  प्रभाग क्र. ३७ मधील अनेक ले-आऊटमधील रस्ते निर्माणामध्ये वीज कंपनीच्या अपूर्ण कामांचा अडथळा येत आहे. ही अपूर्ण कामे तातडीने पूर्ण करा आणि अंतर्गत रस्ते निर्माण कार्यातील अडथळे दूर करा, असे निर्देश महापौर नंदा जिचकार यांनी वीज कंपनीच्या अधिकाऱ्यांना दिले.
 
प्रभागातील नागरिकांच्या समस्या ऐकण्यासाठी आणि काही कामांमुळे नागरिकांना होत असलेला अडथळा दूर करण्यासाठी महापौर नंदा जिचकार, शिक्षण समिती सभापती आणि प्रभागाचे नगरसेवक प्रा. दिलीप दिवे यांनी प्रभागाचा दौरा केला. यावेळी वीज कंपनीचे कार्यकारी अभियंता कुंदन भिसे, लक्ष्मीनगर झोनचे उपअभियंता रवींद्र मुळे व वीज कंपनीचे कंत्राटदार उपस्थित होते.
 
प्रभाग क्र. ३७ मधील अनेक ले-आऊटमधील रस्ते वीज कंपनीने केबल टाकण्याच्या कामासाठी खोदून ठेवले. मोठमोठे केबल रस्त्यांच्या बाजूला उघडे पडले आहेत. गेल्या दोन महिन्यांपासून ही परिस्थिती ‘जैसे थे’ आहेत. नागपूर महानगरपालिकेतर्फे अंतर्गत रस्त्यांचे काम मंजूर आहे. पावसाळ्यापूर्वी ते पूर्ण करायचे आहेत. मात्र, वीज कंपनीच्या अपूर्ण कामांचा त्यात अडथळा आहे. महापौर नंदा जिचकार यांनी शनिवारी (ता. २१) प्रतापनगर चौक, जीवनछाया नगर, दीनदयाल नगर, गावंडे ले-आऊट आदी भागांचा दौरा केला. यावेळी परिसरातील नागरिकांशीही संवाद साधला. नगरसेवक प्रा. दिलीप दिवे यांनी वीज कंपनीच्या अपुऱ्या कामांमुळे नागरिकांना किती समस्यांना तोंड द्यावे लागते, याची माहितीच कार्यकारी अभियंता कुंदन भिसे यांना दिली.
 
महापौर नंदा जिचकार यांनी नागरिकांच्याही समस्या ऐकून घेतल्या. नागपूर महानगरपालिकेच्या वतीने विकासकामे प्रगतीपथावर आहे. तीन ते चार विभागांची कामे एकत्र असल्यामुळे अडथळा येतो. हा अडथळा नेमका काय, हे जाणून घेण्यासाठीच आज दौरा करीत असल्याचे त्यांनी नागरिकांना सांगितले. वीज कंपनीमुळे ज्या रस्त्यांचे काम थांबले आहे, ती कामे वीज कंपनीने तातडीने पूर्ण करावे, असे निर्देश महापौर नंदा जिचकार यांनी दिले.
 
वीज कंपनीचे कार्यकारी अभियंता भिसे यांनी कंत्राटदारांना सदर कामे तातडीने पूर्ण करण्याचे निर्देश दिले. यावेळी लक्ष्मीनगर झोनचे झोनल अधिकारी तिडकेही उपस्थित होते.

 

 

मनपाच्या उन्हाळी प्रशिक्षण शिबिराचे उद्‌घाटन

नागपूर,ता.२१ : नागपूर महानगरपालिकेद्वारे मनपाच्या शाळेत उन्हाळी प्रशिक्षण शिबिराचे उद्‌घाटन क्रीडा समिती नागेश सहारे यांच्या हस्ते शुक्रवार (ता.२०) ला मनपाच्या एम.के.आझाद हायस्कुल येथे करण्यात आले. यावेळी प्रमुख पाहूणे म्हणून क्रीडा समिती सभापती नागेश सहारे, प्रसिद्ध कलाकार नाना मिसाळ, श्रीमती माने, शाळेच्या प्राचार्या निखत रेहाना उपस्थित होत्या.
 
नागपूर महानगरपालिकेद्वारे २० एप्रिल ते ५ मे या दरम्यान उन्हाळी शिबिराचे आयोजन करण्यात आले आहे. प्रशिक्षण शिबिरामध्ये हॉकी, फुटबॉल, मैदानी स्पर्धा सोबतच चित्रकला, क्राफ्ट, संगणक प्रशिक्षणाचे आयोजन करण्यात येणार आहे. मनपाच्या शाळांसह अन्य शाळेचे विद्यार्थी यामध्ये सहभागी होऊ शकतात असल्याची माहिती नागेश सहारे यांनी दिली.
 
यावेळी बोलताना नागेश सहारे म्हणाले, विद्यार्थ्यांनी प्रशिक्षण शिबिरामध्ये सहभागी होऊन स्वत:चा सर्वांगीण विकास साधण्याचे आवाहन केले.
 
शाळा परिसरातील शाळेचे विद्यार्थी सदर प्रशिक्षण शिबिरामध्ये सहभागी झाले आहेत. कार्यक्रमाला श्री.निझाम, सौ.खांडेकर, मुजीब, श्री.गौर, श्री.शाहू यांच्यासह शिक्षक आणि कर्मचारी उपस्थित होते.
 
कार्यक्रमाचे संचालन नरेश सवाईथूल यांनी केले. आभार रवि धर्मे यांनी मानले.  

 

 

बाबासाहेबांच्या संविधानाने दिला जगण्याचा हक्क : सत्यपाल महाराज

मनपा-अधिकारी कर्मचारी यांचे संयुक्त आयोजन
 
नागपूर,ता.२० : बाबासाहेबांमुळे मी बोलू शकतो. महिला खुर्चीत बसू शकतात. बाबासाहेबांमुळेच आज महिला नगरसेविका झाल्या. महापौरपदाचा मान मिळाला. राष्ट्रपतीपदावर महिला आरूढ झाली. चपला शिवणाऱ्याची मुलगी न्यायधीश झाली. डॉ. बाबासाहेब आंबेडकरांनी लिहिलेल्या संविधानाने ही किमया केली. प्रत्येकाला समान जगण्याचा अधिकार दिला, या शब्दात सप्तखंजेरी वादक प्रबोधनकार सत्यपाल महाराज यांनी भारतरत्न डॉ. बाबासाहेब आंबेडकर यांच्या महान कार्याचे गोडवे गायले.
 
निमित्त होते नागपूर महानगरपालिका आणि अधिकारी,कर्मचारी यांच्या संयुक्त विद्यमाने डॉ. बाबासाहेब आंबेडकर आणि महात्मा जोतिबा फुले जयंती समारोहानिमित्त आयोजित कार्यक्रमाचे. नागपूर महानगरपालिका मुख्यालयातील हिरवळीवर सदर कार्यक्रमाचे आयोजन करण्यात आले होते. अध्यक्षस्थानी महापौर नंदा जिचकार होत्या. यावेळी आमदार मिलिंद माने, उपमहापौर दीपराज पार्डीकर, स्थायी समिती सभापती विरेंद्र कुकरेजा, विरोधी पक्ष नेते तानाजी वनवे, बसपा पक्षनेते मोहम्मद जमाल, शिक्षण समितीचे सभापती प्रा. दिलीप दिवे, विधी समितीचे सभापती ॲड. धर्मपाल मेश्राम, क्रीडा व सांस्कृतिक समितीचे सभापती नागेश सहारे, दुर्बल घटक समितीचे सभापती महेंद्र धनविजय, माजी स्थायी समिती सभापती संदीप जाधव, आसीनगर झोनच्या सभापती वंदना चांदेकर उपस्थित होते.
 
यावेळी सत्यपाल महाराजांनी वेगवेगळ्या उदाहरणातून समाजातील वाईट चालीरीतींवर प्रहार केला. इंग्रजाविरुद्ध भारतीयांना चेतविले म्हणून राष्ट्रसंत तुकडोजी महाराज जेलमध्ये गेले. राम रहीम नावाचा महाराज वेगळ्या कारणांनी जेल मध्ये गेला. आजकाल स्वार्थासाठी महाराज बनण्याची पद्धत आहे. लोक अशा भोंदूबाबांवर अंधविश्वास ठेवतात. तुकडोजी महाराजांनी सच्चा धर्म शिकविला. डॉ. बाबासाहेब आंबेडकरांनी तो कृतीत उतरविला. तुकोबाराय, महात्मा जोतिबा फुले, सावित्रीबाई फुले, संत गाडगे महाराज, राष्ट्रसंत तुकडोजी महाराज, छत्रपती शिवाजी महाराज, छत्रपती शाहू महाराज यांनी समाजातील अनिष्ट चालीरीतींवर प्रहार केला. या देशातील नागरिकांना मानवतेचा धर्म शिकविला. या समाज सुधारकांच्या विचारांना आत्मसात करून डॉ. बाबासाहेब आंबेडकरांनी वंचितांना जगण्याचा हक्क मिळवून दिला. ‘एक शिवराया, एक भीमराया, दोघांनीही झिजविली काया, आहे दोघांचाही जगी गाजावाजा, एक बहुजनांचा राजा, एक ज्ञानियाचा राजा’ या शब्दात सत्यपाल महाराज यांनी शिवाजी महाराज आणि डॉ. बाबासाहेब आंबेडकर यांची महती सांगितली. प्रत्येकाने आपल्या कामाशी प्रामाणिक राहिले तर कुठलीही अडचण जाणार नाही. ‘धन गया तो कुछ नहीं गया, चरित्र गया तो सब कुछ गया’ असे सांगत भ्रष्टाचाराला खतपाणी घालू नका आणि भ्रष्टाचार करू नका, असे आवाहन त्यांनी केले.
 
प्रारंभी महापौर नंदा जिचकार, उपमहापौर दीपराज पार्डीकर, आमदार मिलिंद माने, स्थायी समिती सभापती विरेंद्र कुकरेजा, विरोधी पक्ष नेते तानाजी वनवे, आयुक्त अश्विन मुदगल, प्रबोधनकार सत्यपाल महाराज व अन्य प्रमुख पाहुण्यांच्या हस्ते दीपप्रज्वलन करण्यात आले. त्यानंतर महापौरांसह सर्व मान्यवरांचा अधिकारी, कर्मचाऱ्यांतर्फे सत्कार करण्यात आले. नागपूर महानगरपालिका व अधिकारी, कर्मचाऱ्यांच्या वतीने सत्यपाल महाराज यांचा शाल, श्रीफळ, स्मृतिचिन्ह, तुळशीचे रोपटे देऊन सत्कार करण्यात आला. कार्यक्रमाला नगरसेवक जितेंद्र घोडस्वार, किशोर जिचकार, उज्ज्वला बनकर, संदीप सहारे, अतिरिक्त उपायुक्त राजेश मोहिते, सहायक आयुक्त सर्वश्री महेश धामेचा, राजू भिवगडे, अशोक पाटील, सुभाष जयदेव, महेश मोरोणे, कार्यकारी अभियंता डी. डी. जांभुळकर, राजेश हाथीबेड, इंजि. कल्पना मेश्राम, वंदना धनविजय, नीना नकवाल, सुषमा ढोरे, नंदकिशोर भोवते, विशाल शेवारे, डोमाजी भडंग, विनोद धनविजय, राजेश वासनिक, चंद्रमणी रामटेके, शशिकांत आदमने, जनसंपर्क अधिकारी अशोक कोल्हटकर, सहायक जनसंपर्क अधिकारी प्रदीप खर्डेनवीस, जयंत बन्सोड, दिलीप तांदळे यांच्यासह अधिकारी व कर्मचारी उपस्थित होते. संचालन जनसंपर्क अधिकारी अशोक कोल्हटकर यांनी केले. सत्यपाल महाराज यांना श्री. गजानन (हार्मोनियम), रामभाऊ (तबला), सुनीलकुमार, पवन चिंचोळकर, विजय बेदरवार, राजेश काईंगे यांनी साथसंगत केली.
 
विद्येच्या मंदिरात गर्दी करा
 
सत्यपाल महाराज यांनी बुवाबाजीवर प्रहार करत म्हटले, जेवढी गर्दी मंदिरात होते तेवढीच गर्दी तर विद्यामंदिरात केली तर भारतातील घराघरात अधिकारी निर्माण होतील. मात्र, आपल्याला हे अजूनही उमगले नाही, ही शोकांतिका आहे. आजकाल आम्ही महापुरुषांच्या जयंत्याही नाचून साजरी करतो. हीच जयंती वाचून साजरी केली तर भारताचे चित्र नक्कीच वेगळे राहील.
 
देहदानाचा संकल्प
 
मनुष्याने स्वत:चा विचार करतानाच परोपकारही करावा. एक फटाका फोडला नाही तर एका गरीबाचे अंग झाकल्या जाते. या महापुरुषांच्या जयंतीच्या निमित्ताने आपण लग्नात फटाके फोडणार नाही, डी.जे. वाजविणार नाही,  असा संकल्प करण्याचे आवाहन सत्यपाल महाराजांनी केले. माझ्या वडिलांचे नेत्रदान केले. पत्नीचे देहदान केले. माझा मुलगा डॉक्टर आहे. मी प्रबोधनाच्या निमित्ताने राज्यभर फिरत असतो. त्यामुळे मृत्यूच्या वेळी मी ज्या जिल्ह्यात असेन त्याच ठिकाणी माझा देहदान करावे, असे आपण मुलाला सांगितल्याचा उल्लेख त्यांनी आवर्जून केला.
 
कर भरा, विद्युत देयक भरा
 
नागपूर महानगरपालिकेच्या कार्याचा गौरव सत्यपाल महाराजांनी केला. नागपूर महानगरपालिका ही नागरिकांना सतत चांगली सेवा देत असते. त्यामुळे नागरिक म्हणून आपल्याही काही जबाबदाऱ्या आहेत. कर नियमित भरा. विद्युत देयके नियमित भरा. शहर स्वच्छ ठेवण्यास हातभार लावा आणि आपले शहर सुंदर बनवा, असे आवाहन त्यांनी नागरिकांना केले.

 

 

नागरिकांच्या समस्या सोडविण्यावर भर देणार – रिता मुळे

नेहरूनगर झोन सभापती पदाचा पदभार स्वीकारला
 
नागपूर,ता.१९. नागरिकांच्या समस्या प्राधान्याने सोडविण्यावर भर देणार आणि झोन अंतर्गत विकासाच्या कामांना गती देणार असल्याचे नेहरूनगर झोन सभापती रिता मुळे यांनी केले. गुरूवार (ता.१९) सभापती रिता मुळे यांचा पदग्रहण समारंभ नेहरू नगर झोन येथे आयोजित करण्यात आला होता. त्याप्रसंगी त्या बोलत होत्या.
 
यावेळी प्रमुख पाहूणे म्हणून दक्षिण नागपूरचे आमदार सुधाकर कोहळे, महापौर नंदा जिचकार, उपमहापौर दीपराज पार्डीकर, स्थायी समिती सभापती विरेंद्र कुकरेजा, विरोधी पक्ष नेते तानाजी वनवे, प्रतोद दिव्या धुरडे, क्रिडा समिती सभापती नागेश सहारे, जलप्रदाय समिती सभापती पिंटू झलके, नगरसेवक राजेंद्र सोनकुसरे, दीपक चौधरी, नागेश मानकर, नगरसेविका स्नेहल बिहारे, भारती बुंडे, स्वाती आखतकर, रूपाली ठाकूर, मंगला खेकरे, मंगला गवरे, वंदना भुरे, विशाखा बांते, कल्पना कुंभलकर, विशाखा बांते, संजय ठाकरे प्रामुख्याने उपस्थित होते.
 
पुढे बोलताना रिता मुळे म्हणाल्या, पक्षाने माझ्यावर टाकेलेल्या विश्वासाला मी कधीही तडा जावू देणार नाही, याची ग्वाही देते. तसेच सर्व सामान्य नागरिकांसाठी सदैव तत्पर राहणार असल्याचे त्यांनी प्रतिपादित केले.
 
यावेळी महापौर नंदा जिचकार यांनी रिता मुळे यांनी केलेल्या कार्याचा गौरव करत. त्यांना दिलेली जबाबदारी त्या समर्थपणे सांभाळतील असा विश्वास त्यांनी व्यक्त केला.
 
याप्रसंगी बोलताना आमदार सुधाकर कोहळे म्हणाले, नेहरूनगर मधील सर्व झोन सभापतींनी आतापर्यंत चांगली कामे झोनमध्ये केलेली आहे. रिता मुळे आताही चांगली कामे करतील, असा मला विश्वास आहे. त्यांचा अनुभवही दांडगा आहे. पक्षाने टाकलेल्या विश्वासावर त्या नक्कीच ख-या उतरतील याची मला खात्री आहे, असेही ते म्हणाले.
 
प्रारंभी मान्यवरांचे स्वागत सहायक आयुक्त राजेश कराडे आणि अभिंयता सचिन रक्षमवार यांनी केले. दिव्या धुरडे, स्वाती आखतकर, पिंटू झलके, नागेश सहारे यांनीही आपल्या भाषणातून रिता मुळे यांनी शुभेच्छा दिल्या. कार्यक्रमाचे संचालन अनिल चरपे यांनी केले. सचिन रक्षमवार यांनी आभार मानले. कार्यक्रमाला झोनमधील कर्मचारी व अधिकारी यांच्यासह अनेक कार्यकर्ते उपस्थित होते.

 

 

डॉ.बाबासाहेब आंबेडकर व महात्मा जोतिबा फुले जयंती समारोहानिमित्त २० एप्रिलला सप्तखंजेरीवादक सत्यपाल महाराजांचा प्रबोधन कार्यक्रम

नागपूर महानगरपालिका व अधिकारी-कर्मचारी यांचे संयुक्त आयोजन
 
नागपूर : भारतीय राज्यघटनेचे शिल्पकार डॉ. बाबासाहेब आंबेडकर व महात्मा जोतिबा फुले जयंती समारोहांतर्गत नागपूर महानगरपालिका व अधिकारी, कर्मचारी यांच्या संयुक्त विद्यमाने महाराष्ट्राचे सुप्रसिद्ध सप्तखंजेरीवादक महाराष्ट्र भूषण श्री. सत्यपाल महाराज यांच्या प्रबोधनपर कार्यक्रमाचे आयोजन शुक्रवार, २० एप्रिल रोजी सायंकाळी ५ वाजता नागपूर महानगरपालिकेच्या सिव्हील लाईन्स मुख्यालयातील हिरवळीवर आयोजित करण्यात आला आहे.
 
यावेळी आयोजित कार्यक्रमाच्या अध्यक्षस्थानी महापौर नंदा जिचकार राहतील. प्रमुख अतिथी म्हणून उपमहापौर दीपराज पार्डीकर, स्थायी समिती सभापती विरेंद्र कुकरेजा राहतील. सत्तापक्ष नेते संदीप जोशी, विरोधी पक्ष नेते तानाजी वनवे, आयुक्त अश्विन मुदगल, बसपा पक्षनेते मोहम्मद जमाल, राकाँ पक्षनेते दुनेश्वर पेठे, शिवसेना गटनेते किशोर कुमेरिया, शिक्षण समितीचे सभापती प्रा. दिलीप दिवे, क्रीडा व सांस्कृतिक विभागाचे सभापती नागेश सहारे, अपर आयुक्त रवींद्र कुंभारे उपस्थित राहतील.
 
याप्रसंगी सप्तखंजेरीवादक सत्यपाल महाराज आणि मनपाच्या सेवेतून निवृत्त झालेले माजी अपर आयुक्त एनईएसएलचे संचालक डॉ. आर. झेड. सिद्दिकी यांचा मान्यवरांच्या हस्ते सत्कार करण्यात येईल. प्रबोधनकार सत्यपाल महाराज यांच्या प्रबोधनपर कार्यक्रमानंतर मैत्री भोजनाचे आयोजन करण्यात आले आहे. संपूर्ण कार्यक्रमाला उपस्थित राहण्याचे आवाहन आयोजन समितीचे सदस्य राजेश हाथीबेड, विनोद धनविजय, अशोक कोल्हटकर, इंजि. कल्पना मेश्राम, विशाल सेवारे, संजय बागडे, राजेश वासनिक, नंदकिशोर भोवते, शशिकांत आदमने, सुषमा नायडू, डोमाजी भडंग आदी कर्मचाऱ्यांनी केले आहे.

 

 

पावसाळापूर्व नालासफाई मे अखेरपर्यंत पूर्ण करा

आरोग्य सभापती मनोज चापले यांचे निर्देश
 
 नागपूर, ता. १७ :  शहरातील लहान-मोठ्या नाल्यांची सफाई मे अखेरपर्यंत पूर्ण करा. दुसऱ्या टप्प्यातील काम त्यानंतर तातडीने सुरू करा, असे निर्देश मनपाचे आरोग्य सभापती मनोज चापले यांनी संबंधित अधिकाऱ्यांना दिले.
 
नागपूर महानगरपालिका मुख्यालयातील डॉ. पंजाबराव देशमुख स्मृती सभागृहात मनपाच्या वैद्यकीय सेवा व आरोग्य विशेष समितीच्या बैठकीचे आयोजन करण्यात आले होते. सदर बैठकीत ते बोलत होते. बैठकीला उपसभापती विजय चुटेले, सदस्य दिनेश यादव, वंदना चांदेकर, विशाखा बांते, आरोग्य अधिकारी (मे.) डॉ. अनिल चिव्हाणे, आरोग्य अधिकारी (स्वच्छता) डॉ. प्रदीप दासरवार, हत्तीरोग अधिकारी जयश्री थोटे, श्री. लुंगे उपस्थित होते.
 
प्रारंभी आरोग्य अधिकारी डॉ. प्रदीप दासरवार यांनी नालेसफाईबाबत विस्तृत माहिती दिली. नागपूर शहरात लहान-मोठे २३६ नाले आहेत. १७३ नाल्यांची स्वच्छता मनुष्यबळाद्वारे तर ६३ नाल्यांची सफाई जेसीबद्वारे करावी लागते. त्यापैकी ९९ नालेसफाईचे मनुष्यबळाद्वारे कार्य प्रगतीपथावर आहे. काहींचे जेसीबीने कार्य सुरू आहे. दोन्ही टप्प्यांतील नालेसफाई १५ जूनपर्यंत पूर्ण होईल, अशी माहिती डॉ. दासरवार यांनी दिली. यावेळी सभापती मनोज चापले यांनी नालेसफाईचा झोननिहाय आढावा घेतला. मनुष्यबळाद्वारे आणि जेसीबीने स्वच्छ करण्यात येत असलेल्या नाल्यांची आकडेवारी झोनल अधिकाऱ्यांनी यावेळी सांगितली. शक्य तितक्या लवकर कार्य पूर्ण करण्याचा प्रयत्न आहे. परंतु गेल्या तीन-चार दिवसांपासून सुरू असलेल्या वादळामुळे नाल्यांमध्ये पुन्हा कचरा गेल्याची माहिती अधिकाऱ्यांनी दिली. असे असले तरी पहिल्या टप्प्यातील सफाईचे संपूर्ण काम ३१ मे पर्यंत पूर्ण होईल, असा विश्वास त्यांनी दिला.
 
स्वच्छता सर्वेक्षणात यावर्षी सर्वच सहायक आयुक्त आणि झोनल अधिकाऱ्यांनी उत्कृष्ट कामगिरी केली आहे. त्यामुळे यंदा स्वच्छ सर्वेक्षणात नागपूरचा अव्वल क्रमांक लागेल, असा विश्वास डॉ. प्रदीप दासरवार यांनी व्यक्त केला. पुढील वर्षीच्या दृष्टीनेही कार्याला सुरुवात झाली आहे. झोन क्र. एक मध्ये कचरा विलगीकरणाच्या दृष्टीने १० परिसर निवडण्यात आले असून ‘पथदर्शी प्रकल्प’ येथे राबविण्यात येत असल्याचेही त्यांनी सांगितले.
 
डॉ. अनिल चिव्हाणे यांनी मनपाच्या दवाखान्यांमधील कार्याची माहिती दिली. अन्य काही विषयांवरही बैठकीत चर्चा झाली.
 
बैठकीला दहाही झोनचे झोनल अधिकारी उपस्थित होते.

 

 

झोनच्या सर्वपक्षीय नगरसेवकांना समान न्याय देणार : वंदना चांदेकर

बसपाच्या वंदना चांदेकर यांनी बसपा प्रदेश अध्यक्ष सुरेश साखरे व विपक्ष नेते तानाजी वनवे यांच्या उपस्थितीत स्वीकारला आसीनगर झोनचा पदभार
 
नागपूर,ता.१६ : नागपूर महानगरपालिका आसीनगर झोनच्या नवनिर्वाचित सभापती वंदना चांदेकर यांनी बसपा आणि काँग्रेस पदाधिकाऱ्यांच्या उपस्थितीत सभापतीपदाचा कार्यभार स्वीकारला.
 
यावेळी मनपातील विरोधी पक्ष नेते तानाजी वनवे, बसपाचे प्रदेश अध्यक्ष सुरेश साखरे, उपाध्यक्ष कृष्णराव बेले, पृथ्वीराज शेंडे, महासचिव जितेंद्र म्हैसकर, प्रदेश सचिव नागोराव जयकर, भाऊराव गोंडाणे, जिल्हाप्रमुख विलास सोमकुंवर, बसपाचे मनपातील गटनेते मोहम्मद जमाल, मावळत्या सभापती भाग्यश्री कानतोडे तसेच बसपा, काँग्रेस व भाजपाचे नगरसेवक उपस्थित होते.
 
याप्रसंगी बोलताना बसपाचे प्रदेशाध्यक्ष सुरेश साखरे म्हणाले, बसपा हा समाजातील सर्वच घटकांना समान न्याय देणारा पक्ष आहे. सभापती पदाच्या माध्यमातून सर्वच पक्षाच्या नगरसेवकांना समान न्याय देण्याचा प्रयत्न नवनिर्वाचित सभापती वंदना चांदेकर करतील, असा आपणास विश्वास आहे. त्यांनी पक्षभेद विसरून सर्वांच्या समस्या सोडवाव्यात. संबंधित अधिकारी, कर्मचाऱ्यांना विश्वासात घेऊन त्यांनी कार्य करावे. आपल्या कार्यातून त्या झोनचा नावलौकिक करतील, असेही ते म्हणाले.
 
यावेळी बोलताना विरोधी पक्ष नेते तानाजी वनवे म्हणाले, परिवर्तन ही काळाची गरज आहे. आसीनगर झोनमध्ये सभापतींच्या रूपाने झालेले परिवर्तन म्हणजे विकासाच्या दृष्टीने पडलेले पाऊल आहे. नव्या सभापती पक्षभेद विसरून झोनमधील जनतेची कामे नि:स्वार्थपणे करतील, झोनच्या विकासाला नवा आयाम देतील, असा विश्वास त्यांनी व्यक्त केला.
 
मनपातील बसपाचे गटनेते मोहम्मद जमाल यांनी प्रास्ताविकातून बसपा नगरसेवकांच्या माध्यमातून होत असलेल्या परिवर्तनाची माहिती दिली. आसीनगर झोनमध्ये बसपाचे सर्वाधिक नगरसेवक असल्याने सभापतीपदावर खरा हक्क बसपाचा होता. त्यानुसार येथे बसपाचे सभापती निवडून आले. आता सभापतींच्या माध्यमातून सर्व नगरसेवक एकजूट होऊन झोनविकासाला प्राधान्य देतील, असा विश्वास त्यांनी दिला.
 
बसपाचे प्रदेश उपाध्यक्ष कृष्णाजी बेले, मावळत्या सभापती भाग्यश्री कानतोडे आणि बसपाच्या अन्य पदाधिकाऱ्यांचीही यावेळी भाषणे झालीत. नवनिर्वाचित सभापती वंदना चांदेकर म्हणाल्या, पक्षाने माझ्या खांद्यावर सभापतीपदाची धुरा टाकून जो विश्वास व्यक्त केला, त्या विश्वासाला मी सार्थ ठरवीन. मी झोनची सभापती असल्याने सर्वच पक्षाचे नगरसेवक माझ्यासाठी समान आहेत. नगरसेवकांनी मांडलेले प्रश्न हे नागरिकांचे प्रश्न असतात. प्रत्येक प्रश्नाला आपण प्राधान्य देऊ, असेही त्या म्हणाल्या. उपस्थित सर्व मान्यवरांचे स्वागत आसीनगर झोनचे सहायक आयुक्त प्रकाश वऱ्हाडे यांनी स्वागत केले. कार्यक्रमाचे संचालन व आभार प्रदर्शन जनसंपर्क अधिकारी अशोक कोल्हटकर यांनी केले. सत्कार कार्यक्रमानंतर नवनिर्वाचित सभापती वंदना चांदेकर यांनी मावळत्या सभापती भाग्यश्री कानतोडे यांच्याकडून पदभार स्वीकारला.
 
कार्यक्रमाला नगरसेविका मंगला लांजेवार, वैशाली नारनवरे, विरंका भिवगडे, नगरसेवक संजय बुर्रेवार, परसराम मानवटकर, ईब्राहीम टेलर, दिनेश यादव, नितीन साठवणे, बसपाचे शहर अध्यक्ष प्रकाश गजभिये, गणेश कानतोडे, महेश सहारे, योगेश लांजेवार, राजू चांदेकर, मुरली मेश्राम, माजी नगरसेवक दीपक जांभूळकर व बहुसंख्य कार्यकर्ते उपस्थित होते.

 

 

नगरसेवकांनी जाणून घेतले पाणी पाणीपुरवठ्याचे तंत्र

कन्हान पंपिंग स्टेशन आणि जलशुद्धीकरण केंद्राचा पाहणी दौरा
 
नागपूर,ता.१६ : भर उन्हाळ्यात पाण्याची सर्वत्र टंचाई जाणवते. नागपूर शहराला कमी-अधिक प्रमाणात ती जाणवत असली तरी मुबलक पाणीपुरवठा करण्यात येतो. ह्या पाणी पुरवठ्याचे तंत्र काय, ते नागपूरकरांपर्यंत पोहचताना काय अडचणी येतात, पाण्याची सद्यस्थिती काय, बचतीचे महत्त्व काय, हे जाणून घेण्यासाठी उपमहापौर दीपराज पार्डीकर, जलप्रदाय समितीचे सभापती विजय झलके, विरोधी पक्ष नेते तानाजी वनवे आणि मनपातील उपनेते बाल्या बोरकर यांच्या नेतृत्वात सर्वपक्षीय नगरसेवकांनी कन्हान पंपिंग स्टेशन आणि जलशुद्धीकरण केंद्राचा दौरा केला.
 
सदर दौऱ्यात नागपूर महानगरपालिकेचे कार्यकारी अभियंता (जलप्रदाय) संजय गायकवाड, एनईएसएलचे महाव्यवस्थापक डी.पी. चिटणीस, ओसीडब्ल्यूचे संचालक के.एम.पी. सिंग, जलशुद्धीकरण केंद्राचे प्रमुख प्रवीण सरण, ओसीडब्ल्यूचे जनसंपर्क विभाग प्रमुख सचिन द्रवेकर यांनी उपस्थित सर्व नगरसेवकांना पाणीपुरवठ्याचे आणि जलशुद्धीकरणाचे तंत्र समजावून सांगितले. नागपूर शहराला दररोज ६४० एमएलडी पाणीपुरवठा होतो. त्यापैकी २७० एमएलडी पाण्यापासून मनपाला मोबदला मिळत नाही. १८० प्रति व्यक्ती प्रति दिवस नागपूरकरांना पाणी मिळते. जगभरातील इतर शहरांच्या तुलनेत हा आकडा उत्तम आहे. सध्या २४ बाय ७ ही प्रकल्प प्रगतीपथावर असून यासाठी ६४ कमांड एरिया निश्चित करण्यात आले आहे. यापैकी १६ कमांड एरियात २४ बाय ७ ही योजना सुरू झाली असून अन्य ठिकाणचे कार्यही प्रगतीपथावर आहे. डिसेंबर २०१८ पर्यंत या योजनेचे ६० टक्के कार्य पूर्ण होईल, अशी माहिती कार्यकारी अभियंता संजय गायकवाड यांनी यावेळी दिली. सध्या कन्हान नदी आणि पेंच जलाशयात मुबलक पाणीसाठा असून उन्हाळ्यात पाणीपुरवठ्यामध्ये कुठलीही अडचणी येणार नाही, अशी माहितीही श्री. गायकवाड यांनी दिली.
 
याप्रसंगी बोलताना जलप्रदाय समितीचे सभापती विजय झलके म्हणाले, नागपूर महानगरपालिका नागपूर शहराला शुद्ध आणि मुबलक पाणी पुरवठा कशाप्रकारे करते, हे जाणून घेण्यासाठी नगरसेवकांच्या या दौऱ्याचे आयोजन करण्यात आले आहे. नागपूर शहरवासीयांना मुबलक पाणीपुरवठा करण्यासाठी नागपूर महानगरपालिका कटिबद्ध आहे. असे असले तरी पाणी बचत ही काळाची गरज आहे. गरज असेल तेवढेच पाणी वापरावे, याबाबत जनजागृती करण्यासाठी नगरसेवकांची भूमिका महत्त्वाची आहे. यासाठी सर्व नगरसेवकांचे सहकार्य अपेक्षित आहे. नगरसेवकांनी याबाबत आपल्या प्रभागात जनजागृती मोहीम होती घेण्याचे आवाहन सभापती विजय झलके यांनी यावेळी केली.
 
तत्पूर्वी सर्व नगरसेवकांनी कन्हान पंपिंग स्टेशनची पाहणी करून पाणी पुरवठ्याविषयी माहिती घेतली. त्यानंतर जलशुद्धीकरण केंद्राला भेट दिली. नगरसेवकांच्या शंकांचे निरसन मनपा आणि ओसीडब्ल्यूच्या अधिकाऱ्यांनी केले. यानंतर ओसीडब्ल्यूच्या अधिकाऱ्यांनी सादरीकरणाच्या माध्यमातून नागपूर शहर पाणीपुरवठा योजनेसंदर्भातील माहिती दिली. या दौऱ्यात जलप्रदाय समितीचे माजी सभापती राजेश घोडपागे, उपसभापती श्रद्धा पाठक, गांधीबाग झोन सभापती वंदना यंगटवार, हनुमाननगर झोन सभापती रूपाली ठाकूर, नेहरूनगर झोन सभापती रीता मुळे, धंतोली झोन सभापती विशाखा बांते, नगरसेवक भगवान मेंढे, राजेंद्र सोनकुसरे, किशोर जिचकार, मनोज सांगोळे, प्रदीप पोहाणे, अमर बागडे, दिनेश यादव, परसराम मानवटकर, गोपीचंद कुमरे, शेषराव गोतमारे, राजकुमार शाहू, संजय चावरे, नगरसेविका दर्शनी धवड, मंगला खेकरे, साक्षी राऊत, उज्ज्वला बनकर, भावना लोणारे, प्रणिता शहाणे, ममता सहारे, भारती बुंदे, सुमेधा देशपांडे, उज्ज्वला शर्मा, स्नेहल बिहारे, विद्या कन्हेरे, स्वाती आखतकर, वंदना भगत, जनसंपर्क अधिकारी अशोक कोल्हटकर व अन्य नगरसेवक, नगरसेविका सहभागी झाले होते.

 

 

‘रंग माझा वेगळा...!’ ला रसिकांची उत्स्फूर्त दाद

स्व. सुरेश भटांना संगीतमय श्रद्धांजली : मनपा-विदर्भ गौरव प्रतिष्ठानचे आयोजन
 
नागपूर, ता. १६ : नागपूर महानगरपालिका आणि विदर्भ गौरव प्रतिष्ठानच्या संयुक्त विद्यमाने कविवर्य सुरेश भट सभागृहात  आयोजित ‘रंग माझा वेगळा’ या संगीत मैफलीला रसिकांनी उत्स्फूर्त दाद दिली. खचाखच भरलेल्या सभागृहात सूरसंगमच्या कलावंतांनी सादर केलेल्या स्व. सुरेश भटांची एकापेक्षा एक सरस गीते गाऊन खऱ्या अर्थाने त्यांना आदरांजली वाहिली.
 
यावेळी माजी खासदार दत्ता मेघे, विदर्भ गौरव प्रतिष्ठानचे अध्यक्ष डॉ. गिरीश गांधी, मनपातील विरोधी पक्ष नेते तानाजी वनवे, मनपाचे उपायुक्त रवींद्र देवतळे यांची कार्यक्रमाला प्रमुख उपस्थिती होती. ज्येष्ठ पत्रकार प्रकाश एदलाबादकर यांचे अभ्यासपूर्ण निवेदन आणि आंतरराष्ट्रीय तबलावादक सचिन ढोमणे यांचे संगीत संयोजन या कार्यक्रमाचे वैशिष्ट्य होते. नेहमीप्रमाणे पडदा उघडण्यापूर्वी आंतरराष्ट्रीय गायिका सुरभी ढोमणे यांच्या स्वरांची दमदार एन्ट्री झाली. शारदा स्तवनाने प्रारंभ आणि त्यानंतर लगेच रेकॉर्ड झालेले सुरेश भटांचे सर्वांत पहिले गाणे  ‘चल उठ रे मुकुंदा’  त्यांनी सादर केले. मोनिका देशमुख, रसिका, मुकुल पांडे आणि शशी वैद्य या गायकांनी एकाहून एक गझल सादर करून रसिकांची दाद मिळविली. विशेष म्हणजे नागपूर महानगरपालिकेने बांधलेल्या भव्य अशा कवीवर्य सुरेश भट सभागृहात त्यांच्या गझलांची मैफल होण्याचा हा पहिलाच दिवस होता. त्यामुळे रसिकांनीही हाऊसफुल्ल दाद दिली. तरुण आहे रात्र अजुनी, आताच अमृताची, सूर मागू तुला मी कसा, चांदण्यांत फिरताना, भोगले जे दुःख त्याला, पहाटे पहाटे मला जाग आली यासारख्या भटांच्या अनेक रचनांनी रसिकांना मंत्रमुग्ध केले.

 

 

कविवर्य सुरेश भट यांना मनपातर्फे अभिवादन

नागपूर,ता. १५ :  जगविख्यात मराठी कवी आणि गझलकार कविवर्य सुरेश भट यांच्या ८६ व्या जयंतीनिमित्त मनपाच्या कविवर्य सुरेश भट सभागृह रेशीमबाग येथील अर्धाकृती पुतळ्याला उपमहापौर दीपराज पार्डीकर यांनी नगरीच्या वतीने पुष्पहार अर्पण करून नगरीच्या वतीने अभिवादन केले.
 
यावेळी क्रीडा समितीचे सभापती नागेश सहारे, उपायुक्त रवींद्र देवतळे, क्रीडा व सांस्कृतिक विभागाचे अधिकारी हर्षवर्धन हिवरखेडकर, सहायक जनसंपर्क अधिकारी प्रदीप खर्डेनवीस, आरोग्य विभागाचे झोनल अधिकारी कलोडे, विलास चिंतलवार व बहुसंख्य नागरिक उपस्थित होते.
 
यावेळी बोलताना उपमहापौर दीपराज पार्डीकर यांनी नागपूरचे सांस्कृतिक वैभव असलेल्या सुरेश भट सभागृहाचा उपयोग जास्तीत जास्त सर्वसामान्य कलारसिकांना व्हावा यासाठी प्रयत्नशील असल्याचे सांगितले. क्रीडा समिती सभापती नागेश सहारे यांनी देखिल यावेळी मार्गदर्शन केले. उपायुक्त रवींद्र देवतळे यांनी कविवर्य सुरेश भट यांचा अल्पकाळ सहवास लाभल्याचे सांगत त्यांच्या आठवणींना उजाळा दिला.
 
यावेळी क्रीडा व सांस्कृतिक विभागाचे प्रदीपकुमार तुंबडे यांनी कार्यक्रमाचे संचालन आणि कविवर्य सुरेश भट यांच्या निवडक कवितांचे वाचन केले. हर्षवर्धन हिवरखेडकर यांनी आभार मानले.

 

 

अग्निशमन सेवेतील कर्मचाऱ्यांचे कार्य अभिमानास्पद : महापौर नंदा जिचकार

अग्निशमन सेवा सप्ताहाचा शुभारंभ : शहीद जवानांना वाहिली श्रद्धांजली
 
नागपूर,ता.१४ : जीवाची पर्वा न करता आगीच्या घटनांमध्ये जनतेच्या सेवेसाठी सदैव तत्पर असणाऱ्या अग्निशमन व आणीबाणी सेवेतील अधिकारी-कर्मचाऱ्यांचा आम्हाला सार्थ अभिमान आहे. त्यांच्या शौर्याला आम्ही वंदन करतो, अशा शब्दात महापौर नंदा जिचकार यांनी अग्निशमन सेवेत कर्तव्यावर असताना ​नागपूर महानगरपालिकेच्या अग्निशमन व आणीबाणी सेवा विभागाच्या वतीने आयोजित अग्निशमन सेवा सप्ताहाच्या उद्‌घाटनप्रसंगी त्या बोलत होत्या. मंचावर स्थायी समितीचे सभापती विरेंद्र कुकरेजा, विरोधी पक्ष नेते तानाजी वनवे, अग्निशमन व विद्युत विशेष समितीचे सभापती लहुकुमार बेहते, नगरसेवक किशोर जिचकार, निशांत गांधी, अपर आयुक्त रवींद्र कुंभारे, उपायुक्त रवींद्र देवतळे, मुख्य अग्निशमन अधिकारी राजेंद्र उचके उपस्थित होते.
 
१४ एप्रिल १९४४ रोजी लंडनहून कराची मार्गे मुंबईत गोदीत दाल झालेल्या एस.एस. फोर्ट स्टिकींग या जहाचा स्फोट होऊन भीषण आग लागली. या आगीशी झुंज देताना अग्निशमन दलाच्या ६६ जवानांना हौतात्म्य प्राप्त झाले. या दिवसाचे स्मरण म्हणून अग्निशमनाचे कार्य करताना प्राणांची आहुती देणाऱ्या सर्व हौतात्म्यांना या दिवशी संपूर्ण भारतात श्रद्धांजली अर्पण करण्यात येते. नागपूर मनपाच्या अग्निशमन विभागातील गुलाबराव कावळे, प्रभू कुहीकर आणि रमेश ठाकरे हे निरनिराळ्या घटनांत कर्तव्यावर असताना शहीद झाले. या तीनही शहीदांच्या प्रतिमेसमोर पुष्पचक्र अर्पण करून महापौर नंदा जिचकार, आयुक्त अश्विन मुदगल, स्थायी समितीचे सभापती विरेंद्र कुकरेजा आणि विरोधी पक्ष नेते तानाजी वनवे यांनी श्रद्धांजली अर्पण केली.
 
याप्रसंगी आयोजित कार्यक्रमात बोलताना महापौर नंदा जिचकार म्हणाल्या, शहरात कुठेही आग लागली असेल किंवा आणीबाणीची परिस्थिती असेल तेव्हा अग्निशमन विभागाचे अधिकारी, कर्मचारी जीवाची पर्वा न करता कर्तव्य बजावतात. आग लागूच नये, यासाठी आता मोठ्या प्रमाणावर जनजागृती करण्याची आवश्यकता असल्याचे त्यांनी सांगितले.
 
प्रास्ताविकातून मुख्य अग्निशमन अधिकारी राजेंद्र उचके यांनी अग्निशमन सेवा सप्ताह आयोजनामागील भूमिका विषद केली. कार्यक्रमापूर्वी अग्निशमन विभागाच्या जवानांतर्फे महापौर नंदा जिचकार व आयुक्त अश्विन मुदगल यांनी मानवंदना स्वीकारली. कार्यक्रमाचे संचालन डॉ. हंबीरराव मोहिते यांनी केले. आभार उपमुख्य अग्निशमन अधिकारी बी.पी. चंदनखेडे यांनी मानले.
 
प्रात्यक्षिकांचा थरार
 
कार्यक्रमानंतर अग्निशमन विभागाच्या जवानांनी आग लागली असताना तत्परतेने त्यावर कसे नियंत्रण मिळविल्या जाते, याचे प्रात्यक्षिक करून दाखविले. हा संपूर्ण थरार उपस्थित नागरिकांनी अनुभवला. कार्यक्रमाला मनपाचे अधिकारी, कर्मचारी, अग्निशमन विभागाचे जवान मोठ्या संख्येने उपस्थित होते.

 

 

डॉ. बाबासाहेब आंबेडकरांना महापौर, आयुक्तांनी केले मनपातर्फे अभिवादन

नागपूर,ता.१४ : भारतीय राज्यघटनेचे शिल्पकार, भारतरत्न, युगपुरुष डॉ. बाबासाहेब आंबेडकर यांच्या जयंतीदिना नागपूर महानगरपालिकेच्या वतीने महापौर नंदा जिचकार, स्थायी समितीचे सभापती विरेंद्र कुकरेजा, विरोधी पक्ष नेते तानाजी वनवे आणि आयुक्त अश्विन मुदगल यांनी संविधान चौकातील डॉ. बाबासाहेब आंबेडकर यांच्या पुतळ्याला आणि मनपा मुख्यालयातील तैलचित्राला माल्यार्पण करून अभिवादन केले.
 
यावेळी स्थापत्य समितीचे सभापती संजय बंगाले, विधी समितीचे सभापती धम्मपाल मेश्राम, नगरसेवक सुनील हिरणवार, उज्ज्वला शर्मा, किशोर जिचकार, निशांत गांधी, अपर आयुक्त रवींद्र कुंभारे, उपायुक्त रवींद्र देवतळे, सहायक आयुक्त महेश धामेचा, कार्यकारी अभियंता (विद्युत) संजय जैस्वाल, अधीक्षक राजन काळे, जनसंपर्क अधिकारी अशोक कोल्हटकर, सहायक जनसंपर्क अधिकारी प्रदीप खडनवीस, दिनकर उमरेडकर, कामगार नेते राजेश हाथीबेड, दिलीप तांदळे आदी उपस्थित होते.

 

 

गळती दुरुस्तीचे काम तातडीने पूर्ण करा

महापौर नंदा जिचकार : घोगली येथील गळतीची केली पाहणी
 
नागपूर,ता.१३ : नागपूर शहराला पाणी पुरवठा करणाऱ्या पेंच जलाशयाच्या पाईप लाईनला घोगली गावानजिक गळती लागली. यामुळे नागपूर शहराचा पाणीपुरवठ्यावर परिणाम झाला. सदर जागेची पाहणी करीत गळती दुरुस्तीचे कार्य युद्धपातळीवर पूर्ण करा, असे निर्देश महापौर नंदा जिचकार यांनी दिले.
 
यावेळी त्यांच्यासोबत जलप्रदाय समितीचे सभापती विजय (पिंटू) झलके, कार्यकारी अभियंता अनिरुद्ध चौगंजकर, उपअभियंता (नद्या व सरोवरे) मो. इसराईल होते. पेंच जलाशयातून नागपूर शहराला पाणीपुरवठा करणाऱ्या पाईपलाईनला गुरुवारी (ता. १२) ला घोगली गावानजिक श्री. नारे यांच्या शेताजवळ गळती लागल्याचे लक्षात आले. नागपूर महानगरपालिकेला ही माहिती मिळताच अधिकाऱ्यांनी दौरा केला. या दौऱ्यानंतर तातडीने दुरुस्तीचे कार्य सुरू करण्यात आले. या दुरुस्तीची प्रगती पाहण्यासाठी महापौर नंदा जिचकार आणि जलप्रदाय समितीचे सभापती विजय (पिंटू) झलके यांनी दौरा केला. अधिकाऱ्यांकडून संपूर्ण माहिती घेतली. शनिवारी (ता. १४) दुपारनंतर दुरुस्तीचे कार्य पूर्ण होईल, अशी माहिती कार्यकारी अभियंता चौगंजकर यांनी दिली. दुरुस्तीत कुठलीही अडचण येता कामा नये. तातडीने दुरुस्ती करून पाणी पुरवठा सुरळीत करा, असे निर्देश महापौर नंदा जिचकार यांनी दिले.

 

 

मनपा-विदर्भ गौरवतर्फे १५ ला ‘रंग माझा वेगळा’

नागपूर,ता.१३ : नागपूर महानगरपालिका व विदर्भ गौरव प्रतिष्ठानच्या संयुक्त विद्यमाने स्व. सुरेश भट यांच्या जयंतीनिमित्त रविवार १५ एप्रिल रोजी सायंकाळी ७ वाजता कविवर्य सुरेश भट यांच्या गीत-गझलांचा कार्यक्रम ‘रंग माझा वेगळा’चे आयोजन रेशीमबाग येथील कविवर्य सुरेश भट सभागृहात करण्यात आले आहे.
 
कार्यक्रमाच्या अध्यक्षस्थानी माजी खासदार व विदर्भ गौरव प्रतिष्ठानचे अध्यक्ष दत्ता मेघे राहतील. महापौर नंदा जिचकार व आमदार कृष्णा खोपडे यांच्या प्रमुख उपस्थितीत होणाऱ्या कार्यक्रमाला मनपाचे क्रीडा व सांस्कृतिक समितीचे सभापती नागेश सहारे प्रमुख अतिथी म्हणून उपस्थित राहतील. कार्यक्रमाची संकल्पना व संगीत संयोजन सचिन ढोमणे यांचे असून निवेदक प्रकाश एदलाबादकर राहतील. सुरभी ढोमणे, मोनिका देशमुख, मुकूल पांडे, शशी वैद्य व अन्य गायक कलावंत असलेल्या या कार्यक्रमाला आवर्जून उपस्थित राहण्याचे आवाहन डॉ. गिरीश गांधी, सत्यनारायण नुवाल, मनपाचे उपायुक्त रवींद्र देवतळे, दिलीप जाधव आणि बंडु राऊत यांनी केले आहे.

 

 

स्वच्छ परिसर, स्वच्छ हवा आणि शुद्ध पाण्यासाठी घोषणापत्र जारी

इंदौर येथे आंतराष्ट्रीय परिषद : महापौर नंदा जिचकार यांच्यासह देश-विदेशातील ३७ महापौरांनी केल्या स्वाक्षऱ्या
 
नागपूर,ता.१२ : स्वच्छ परिसर, स्वच्छ हवा आणि शुद्ध पाण्यासाठी आशियातील सुमारे ३७ शहरांतील महापौरांनी एका ऐतिहासिक घोषणापत्रावर स्वाक्षऱ्या केल्या. इंदौर येथील ब्रिलियंट कन्वेंशन सेंटरच्या ग्रॅण्ड हॉलमध्ये आयोजित संयुक्त राष्ट्रसंघाच्या आठव्या रिजनल थ्री आर फोरम इन एशिया ॲण्ड दी पॅसिफिक या आंतरराष्ट्रीय परिषदेमध्ये इंदौरच्या महापौर मालिनी गौड यांनी सदर घोषणापत्र सादर केले.
 
सदर घोषणापत्रावर स्वाक्षरी करणाऱ्यांमध्ये नागपूरच्या महापौर नंदा जिचकार यांचाही समावेश आहे. सन २०३० पर्यंत कचऱ्याच्या समस्येपासून मुक्ती मिळविणे हा या घोषणापत्राचा उद्देश आहे. यासाठी घोषणापत्रानुसार, थ्री आर (रिड्यूज, रिसायकल, रियूज) या त्रिसूत्रीच्या आधारावर आशिया खंडातील सर्व देश एकत्र येऊन काम करतील आणि संयुक्त राष्ट्रसंघाच्या ‘मिशन झिरो वेस्ट’ यशस्वी करण्यासाठी प्रयत्न करतील. या परिषदेत असेही ठरविण्यात आले की संयुक्त राष्ट्रसंघाच्या प्रत्येक वर्षी होणाऱ्या बैठकीत यावर करण्यात येणाऱ्या कार्याबद्दल सर्व देश आपली भूमिका मांडतील आणि माहिती देतील. विस्तृत चर्चेनंतर सदर घोषणापत्रावर ३७ शहरातील महापौरांनी सहमती दर्शविली. नागपूरच्या महापौर नंदा जिचकार यांच्यासह नागपूर मनपाचे अतिरिक्त उपायुक्त राजेश मोहिते हे सुद्धा परिषदेत सहभागी झाले होते.
 
घोषणापत्राचा होईल नागपूरलाही फायदा
 
सदर घोषणापत्र म्हणजे कचरामुक्तीच्या दिशेने टाकलेले सकारात्मक पाऊल आहे. या घोषणापत्रानुसार आता नागपूरमध्ये कचरामुक्तीसाठी, स्वच्छ हवा आणि शुद्ध पाण्यासाठी कार्य केले जाईल. आशिया खंडातील विविध देशांनी घेतलेल्या या पुढाकाराचा फायदा नागपूरला होईल, यात शंका नाही.
 
नंदा जिचकार, महापौर नागपूर.

 

 

बुटी दवाखान्याचा होणार कायापालट

मल्टीस्पेशॅलिटी हॉस्पीटल उभारण्यासाठी मनपाचा नवा प्रस्ताव
 
नागपूर,ता.११ :  सीताबर्डी येथील मनपाद्वारे संचालित बुटी दवाखान्याचा लवकरच कायापालट होणार आहे. त्याजागी मोठे मल्टीस्पेशॅलिटी हॉस्पीटल प्रस्तावित आहे. नवे हॉस्पीटल उभारण्यासाठी महानगरपालिका नवा प्रस्ताव तयार करणार असल्याची माहिती स्थापत्य व प्रकल्प समितीचे सभापती संजय बंगाले यांनी दिली.  
 
बुधवारी (ता.११) संजय बंगाले यांनी बुटी दवाखान्याची पाहणी केली. त्याप्रसंगी त्यांनी माहिती दिली. यावेळी त्यांच्यासमवेत वैद्यकीय सेवा व आरोग्य समिती सभापती मनोज चापले, नगरसेविका उज्ज्वला शर्मा, वैद्यकीय अधिकारी डॉ.विजय जोशी, श्रीमती कामदार, बुटी परिवारातील गोपाळ बुटी, पद्माकर भेलकर, अरूण मेंढी प्रामुख्याने उपस्थित होते.
 
१९०६ साली मुकुंद बुटी यांनी बुटी दवाखान्याची जागा नागपूर महानगरपालिकेला सोपविली होती. आता ती इमारत जीर्ण अवस्थेत असल्याने त्या जागी मोठे अत्याधुनिक सोयींनी सुसज्ज हॉस्पीटल तयार करण्याचा महापालिकेचा मानस आहे.   नागपूर महानगरपालिका टाटा ट्रस्टच्या साहाय्याने शहरातील दवाखाने अत्याधुनिक करणार आहे. याअंतर्गत बुटी दवाखाना अत्याधुनिक करण्यात येणार असल्याची माहिती सभापती संजय बंगाले यांनी दिली.
 
बर्डीचा परिसर हा वर्दळीचा असल्याने त्या ठिकाणी अत्याधुनिक दवाखाना असणे गरजेचे आहे. दवाखान्यालगत असलेल्या जागेत पार्किंगची देखील व्यवस्था करण्यात येणार आहे, जेणेकरून रस्त्यावरील रहदारी कमी होईल, असेही श्री. बंगाले यांनी सांगितले.
 
प्रारंभी संजय बंगाले यांनी दवाखान्याची पाहणी केली व तेथील परिस्थितीचा आढावा जाणून घेतला. तेथे कर्मचारी वर्ग कमी असल्याने कॉटन मार्केट येथील दवाखान्याचे कर्मचारी येथे स्थानांतरीत करण्यात यावे, असे आदेश श्री. बंगाले यांनी दिले. दवाखान्यात प्रथमोचार होतो की नाही याची माहिती त्यांनी घेतली. 

 

 

नव्या आर्थिक वर्षातील कर आकारणीचे नियोजन करा : कुकरेजा

स्थायी समिती सभापतींनी घेतला दहाही झोनचा आढावा
 
नागपूर,ता. ११ : सन २०१७-१८ या आर्थिक वर्षात मालमत्ता कर आकारणीसंदर्भातील नियोजन काही अंशी चुकले असेलही. तरीही अधिकारी आणि कर संकलन कर्मचाऱ्यांनी उत्तम कामगिरी केली. चालू आर्थिक वर्षात सुमारे ५०० कोटींचे कर संकलनाचे उद्दिष्ट गाठायला हवे, यादृष्टीने नियोजन करण्याचे निर्देश स्थायी समिती सभापती विरेंद्र कुकरेजा यांनी केले.
 
नव्या आर्थिक वर्षातील अर्थसंकल्पामध्ये नगरसेवकांकडून प्राप्त झालेले प्रस्ताव, कार्यालयीन दृष्टीकोनातून आवश्यक असलेली प्रस्तावित कामांची रीतसर पदनिहाय माहिती तसेच सन २०१७-१८ मधील आवश्यक अपूर्ण कामांच्या संबंधाने तसेच मनपाचे उत्पन्न वाढविण्याबाबत स्थायी समिती सभापती विरेंद्र कुकरेजा यांनी झोननिहाय आढावा घेतला. बैठकीला उपमहापौर दीपराज पार्डीकर, ज्येष्ठ नगरसेवक सुनील अग्रवाल, स्थायी समिती सदस्य मनोज सांगोळे, जुल्फेकार अहमद भुट्टो, मंगला खेकरे,सुनील हिरणवार, महेश महाजन, शेषराव गोतमारे, सोनाली कडू, हर्षला साबळे, नागेश मानकर, कल्पना कुंभलकर, अर्चना पाठक, विद्या कन्हेरे, अभिरुची राजगिरे, मंगला लांजेवार, उपायुक्त रवींद्र देवतळे उपस्थित होते.
 
स्थायी समिती सभापती विरेंद्र कुकरेजा म्हणाले, मागील वर्षी मालमत्ता कर निर्धारण, डिमांड पोहचविणे आदी सर्व कामे नियोजनानुसार झाली नाहीत. यावेळी ज्या मालमत्तांचे कर निर्धारण झाले नाही, ते तातडीने करण्यात यावे. त्यावर नियमानुसार जो कर आकारण्यात येईल, तीच वसुली करावयाची आहे. नागरिक कर भरण्यास तयार आहेत. त्यामुळे प्रशासनाकडून आवश्यक ती पावले पूर्वीपासूनच उचलायला हवी. यासाठी झोन सहायक आयुक्तांनी पुढील सात दिवसांत झोनस्तरावर बैठक घेऊन नियोजन तयार करण्याचे निर्देश दिले. त्यावर चर्चा करण्याकरिता सर्व झोनकडून नियोजन प्राप्त झाल्यावर लवकरच मुख्यालयात बैठक घेण्यात येईल, असेही श्री. कुकरेजा यांनी सांगितले.
 
झोननिहाय आढाव्यादरम्यान झोनच्या सहायक आयुक्तांनी सन २०१७-१८ मधील आवश्यक अपूर्ण कामांची माहिती आणि सन २०१८-१९ मध्ये आवश्यक प्रस्तावित कामांसाठी किती तरतूद हवी, याबाबत माहिती दिली. यावर बैठकीत चर्चाही झाली.
 
बैठकीला सर्व झोनचे सहायक आयुक्त व संबंधित अधिकारी उपस्थित होते. 

 

 

मनपाद्वारे शिक्षकांना पुनर्रचित अभ्यासक्रमाचे प्रशिक्षण वर्ग

नागपूर,ता.१० :   यंदा इयत्ता दहावी वर्गाचा अभ्यासक्रम बदललेला आहे. त्यामुळे नागपूर महानगरपालिकेद्वारे मनपातील दहावी वर्गाच्या शिक्षकांसाठी लाल बहादूर शास्त्री शाळेत पुनर्रचित अभ्यासक्रम प्रशिक्षण वर्गाचे आयोजन करण्यात आले होते.
 
यावेळी शिक्षणाधिकारी संध्या मेडपल्लीवार, सहायक शिक्षणाधिकारी कुसूम चापलेकर, मुख्याधापक संजय पुंड प्रामुख्याने उपस्थित होते.
 
मनपाच्या शिक्षकांना अद्ययावत शिक्षण प्रणाली ज्ञात व्हावी, याकरिता या प्रशिक्षण वर्गाचे आयोजन करण्यात आले आहे. सदर प्रशिक्षण वर्ग दिनांक ९ एप्रिल ते २० एप्रिल पर्यंत आयोजित केला असल्याची माहिती शिक्षणाधिकारी संध्या मेडपल्लीवार यांनी दिली. 

 

 

प्रकाश भोयर, दीपक वाडीभस्मे यांची सभापतीपदी पुन्हा वर्णी

-  आसीनगर झोनमध्ये बसपाच्या वंदना चांदेकर यांचा विजय
 
-  प्रमोद कौरती, रूपाली ठाकूर, रिता मुळे, विशाखा बांते, यशश्री नंदनवार, संगीता गिऱ्हे, वंदना यंगटवार नवे चेहरे
 
नागपूर,ता.१० : नागपूर महानगरपालिका झोन सभापतीपदासाठी मंगळवारी (ता. १०) निवडणूक प्रक्रिया पार पडली. आठ झोन सभापतींची निवड अविरोध झाली तर मंगळवारी आणि आसीनगर झोनमध्ये काँग्रेस आणि बसपाच्या उमेदवारांनी अर्ज दाखल केल्यामुळे या दोन्ही झोनसाठी निवडणूक झाली. यात आसीनगर झोनमधून बसपाच्या वंदना चांदेकर यांचा विजय झाला तर मंगळवारी झोन सभापतीपदी भाजपच्या संगीता गिऱ्हे यांनी बाजी मारली.
 
लक्ष्मीनगर झोनचे सभापती प्रकाश भोयर, लकडगंज झोनचे सभापती दीपक वाडीभस्मे यांना भाजपने पुन्हा संधी दिली तर अन्य सात ठिकाणी नव्या चेहऱ्यांना संधी देण्यात आली. आसीनगर झोनमध्येही भाग्यश्री कानतोडे यांनाच भाजपने सभापतीपदासाठी उमेदवारी दिली होती. मात्र त्यांचा पराभव झाला. धरमपेठ झोनच्या सभापतीपदी प्रमोद कौरती, हनुमाननगर झोन सभापतीपदी रूपाली ठाकूर, धंतोली झोन सभापतीपदी विशाखा बांते, नेहरूनगर झोन सभापतीपदी रिता मुळे, गांधीबाग झोन सभापतीपदी वंदना यंगटवार, सतरंजीपुरा झोन सभापतीपदी यशश्री नंदनवार आणि मंगळवारी झोन सभापतीपदी संगीता गिऱ्हे यांची निवड झाली.
 
मंगळवारी आणि आसीनगर झोन वगळता सर्व झोनमध्ये केवळ भाजप उमेदवारांनीच नामांकन अर्ज दाखल केल्यामुळे तेथील निवडणूक अविरोध झाली. मंगळवारी झोनमध्ये भाजपच्या वतीने संगीता गिऱ्हे यांनी अर्ज दाखल केला. काँग्रेसतर्फे रश्मी धुर्वे तर बसपाच्या वतीने नरेंद्र वालदे यांनी अर्ज दाखल केला होता. यापैकी काँग्रेसच्या रश्मी धुर्वे यांनी आपला नामांकन अर्ज मागे घेतल्यामुळे भाजपच्या संगीता गिऱ्हे आणि बसपाचे नरेंद्र वालदे यांच्यात निवडणूक झाली. यात संगीता गिऱ्हे यांचा ८ विरुद्ध ७ अशा मतांनी विजय झाला.
 
आसीनगर झोनमध्ये भाजपच्या वतीने विद्यमान सभापती भाग्यश्री कानतोडे यांनी तर बसपाच्या वतीने वंदना चांदेकर यांनी अर्ज दाखल केला. आसीनगर झोन सभापतीपदासाठी झालेल्या निवडणुकीत भाजपचे सदस्य अनुपस्थित राहिल्याने वंदना चांदेकर यांचा १०-० ने विजय झाल्याचे पीठासीन अधिकारी जिल्हाधिकारी सचिन कुर्वे यांनी जाहीर केले. आसीनगर आणि मंगळवारी झोनमध्ये काँग्रेसच्या नगरसेवकांनी बसपाच्या उमेदवारांना पाठिंबा दिला.
 
निवडणूक प्रक्रियेदरम्यान सर्व उमेदवारांनी सकाळी ११ ते दुपारी १.३० या वेळेत निगम सचिव हरिश दुबे यांच्याकडे नामांकन अर्ज दाखल केले. दुपारी २.३० वाजता पीठासीन अधिकारी तथा जिल्हाधिकारी सचिन कुर्वे यांनी निवडणूक प्रक्रियेला सुरुवात केली आणि विजयी उमेदवारांची नावे घोषित केली.
 
उपमहापौर व सत्तापक्ष नेत्यांनी केला भाजपच्या सभापतींचा सत्कार
 
सभापतीपदी निवड झालेल्या नऊ सभापतींचा उपमहापौर दीपराज पार्डीकर व सत्तापक्ष नेते संदीप जोशी यांच्या हस्ते सत्तापक्ष नेते कार्यालयात सत्कार करण्यात आला. यावेळी माजी महापौर प्रवीण दटके, भाजपचे उपनेते नरेंद्र (बाल्या) बोरकर, भाजपच्या मनपातील प्रतोद दिव्या धुरडे, जलप्रदाय समितीचे सभापती पिंटू झलके, दुर्बल घटक समितीचे सभापती महेंद्र धनविजय, परिवहन समितीचे उपसभापती प्रवीण भिसीकर, माजी स्थायी समिती सभापती संदीप जाधव, राजेश घोडपागे, ज्येष्ठ नगरसेविका चेतना टांक, प्रमिला मंथरानी, सुषमा चौधरी, उषा पायलट, सुनील हिरणवार, रूपा राय यांच्यासह बहुसंख्य नगरसेवक, नगरसेविका उपस्थित होते.
 
बसपाच्या नवनिर्वाचित सभापती वंदना चांदेकर यांचा सत्कार
 
बसपाच्या आशीनगर झोनच्या नवनिर्वाचित सभापती वंदना चांदेकर यांचा मनपातील  बसपाचे पक्षनेते मोहम्मद जमाल व जिल्हा बसपा अध्यक्षांच्या हस्ते बसपा पक्ष कार्यालयात सत्कार करण्यात आला. यावेळी बसपाचे नगरसेवक जितेंद्र घोडेस्वार, नरेंद्र वालदे, संजय बुर्रेवार, नगरसेविका ममता सहारे, मंगला लांजेवार, विरंका भिवगडे, माजी गटनेते मुरलीधर मेश्राम व बहुसंख्य कार्यकर्ते उपस्थित होते.

 

 

महापौरांनी अधिकाऱ्यांना धरले धारेवर

धरमपेठ झोनला आकस्मिक बैठक : नगरसेवकांच्या समस्या ऐकल्या
 
नागपूर, ता. ९ : कर संकलन केंद्र ४ वाजताच बंद होते, त्यामुळे नागरिकांना अडचण जाते या नागरिकांच्या आणि झोनअंतर्गत असलेल्या प्रभागातील नगरसेवकांच्या तक्रारिंवरुन महापौर नंदा जिचकार यांनी आज (ता. ९) धरमपेठ झोन कार्यालयात आकस्मिक बैठक घेतली आणि अधिकाऱ्यांना चांगलेच धारेवर धरले.
 
बैठकीला धरमपेठ झोन सभापती रूपा राय, नगरसेवक सुनील हिरणवार, प्रमोद कौरती, हरीश गवालबंशी, निशांत गांधी, अमर बागड़े, धरमपेठ झोनचे सहायक आयुक्त महेश मोरोणे व अन्य अधिकारी उपस्थित होते.
 
यावेळी महापौरांनी नगरसेवकांच्या झोन कार्यालयाबाबत असलेल्या तक्रारी ऐकून घेतल्या. झोन कार्यालयात येणाऱ्या नागरिकांचे समाधान करणे हे अधिकाऱ्यांचे आणि कर्मचाऱ्यांचे काम आहे. परंतु त्यांचे समाधान होत नाही. कर संकलन ४ वाजता बंद करण्यात येते. नागरिक कर भरायला तयार असताना त्यांना सेवा पुरविण्यात झोन कार्यालय कमी पड़ते, असे यापुढे होता कामा नये, या शब्दात महापौरांनी अधिकाऱ्यांचे कान टोचले. नगरसेवकांचेच जर समाधान होत नसेल तर नागरिकांचे काय होत असेल याची कल्पना येते, असेही महापौर म्हणाल्या. 
 
यावर यापुढे कर संकलनात हयगय होणार नाही. प्रत्येक नागरिकांचे समाधान होईल, अशीच सेवा देण्यात येईल, असे सहायक आयुक्त महेश मोरोणे यांनी महापौरांना आश्वस्त केले.

 

 

मनपाच्या १०६ स्वच्छता कर्मचा-यांना नियुक्ती पत्रक प्रदान

नागपूर,ता.९. नागपूर महानगरपालिकेच्या निवृत्त झालेल्या स्वच्छता कर्मचा-यांच्या १०६ वारसदारांना लाड पागे समितीच्या शिफारशीनुसार नियुक्ती पत्रक प्रदान करण्यात आले. सोमवार (ता.९.) मनपा मुख्यालयातील महापौर कक्षात आयोजित करण्यात आलेल्या कार्यक्रमात स्वच्छता कर्मचा-यांना महापौर नंदा जिचकार यांच्या हस्ते नियुक्ती पत्रकाचे वाटप करण्यात आले.
 
यावेळी सत्तापक्ष नेते संदीप जोशी, वैद्यकीय सेवा व आरोग्य समिती सभापती मनोज चापले, अतिरिक्त उपायुक्त राजेश मोहिते, आरोग्य अधिकारी डॉ.प्रदीप दासरवार, राजेश हाथीबेड प्रामुख्याने उपस्थित होते. यावेळी महापौर नंदा जिचकार यांच्या हस्ते प्रातिनिधिक स्वरूपात १० कर्मचा-यांना नियुक्ती पत्रके वाटण्यात आले. अन्य लाभार्थ्यांना समिती सभापती मनोज चापले आणि आरोग्य अधिकारी डॉ.प्रदीप दासरवार यांच्या हस्ते नियुक्ती पत्रके वाटप करण्यात आले.
 
यामध्ये भारती मेश्राम, सुषमा वानखेडे, गौरी पंडित, संघमित्रा मेश्राम, संगीता बक्सरे, दिनेश अलोणे, सिद्धार्थ पाटील, विजय लोखंडे, भगवान उके, विशाल दुबे यांचा समावेश आहे. निवड झालेल्या कर्मचा-यांची आरोग्य तपासणी करून त्यांना कामावर रूज करण्याचे आदेश महापौर नंदा जिचकार यांनी दिले.
 
यावेळी बोलताना महापौर नंदा जिचकार म्हणाल्या, चांगले काम करा, स्वच्छतेसोबतच आपल्या आरोग्याची काळजी घ्यावी, असा सल्ला देखील त्यांनी दिला.

 

 

डम्पिंग यार्डमधील कचऱ्याची विल्हेवाट तातडीने लावा : ना. चंद्रशेखर बावनकुळे

महापौर, आयुक्तांसह भांडेवाडीचा पाहणी दौरा
 
नागपूर,ता.७ : भांडेवाडी  येथील डम्पिंग यार्डमधील कचऱ्याची विल्हेवाट तातडीने लावण्यात यावी, असे निर्देश पालकमंत्री चंद्रशेखर बावनकुळे यांनी दिले. शनिवारी (ता.७) भांडेवाडी येथील डम्पिंग यार्डची त्यांनी पाहणी केली. यावेळी महापौर नंदा जिचकार आणि आयुक्त अश्विन मुदगल प्रामुख्याने उपस्थित होते.
 
भांडेवाडी येथे शहरातील कचरा साठवला जातो. त्याठिकाणी सातत्याने आग लागत असल्याने तेथील होणाऱ्या धुराचा स्थानिक नागरिकांना त्रास होतो. ही तक्रार सातत्याने स्थानिक नागरिकांनी केली होती. त्या पार्श्वभूमीवर हा दौरा आयोजित करण्यात आला होता.
 
डम्पिंग यार्ड स्थानिक गावठाणापासून १०० मीटर दूर नेण्यात यावे, स्थानिक नागरिकांना कचऱ्यापासून कोणताही त्रास होणार नाही, याची विशेष काळजी घ्यावी, असे निर्देश पालकमंत्री चंद्रशेखर बावनकुळे यांनी दिले. कचऱ्यावर प्रक्रिया करून वीज निर्मिती करण्यात येणार असल्याची माहिती पालकमंत्र्यांनी दिली. कचऱ्याच्या ढिगाऱ्यावर नियमित औषध फवारणी करण्यात यावी, रस्ता दुरुस्त करून विद्युत दिवे लावावेत, नियमित सुरक्षा रक्षक तैनात ठेवावेत, असे निर्देश पालकमंत्र्यांनी दिले. सभोवतालाची संरक्षण भिंत मोठी करण्यात यावी, असे निर्देश पालकमंत्री बावनकुळे यांनी दिले.
 
मनपाद्वारे दररोज ८०० टन कचऱ्यापासून वीज निर्मिती करण्याचा मनपाचा महत्त्वाकांक्षी प्रकल्प प्रगतीपथावर आहे, अशी माहिती मनपा आयुक्त अश्विन मुदगल यांनी दिली. मुंबई येथील देवनार डम्पिंग यार्डच्या धर्तीवर नागपूरच्या भांडेवाडी डम्पिंग यार्डमध्ये निरीच्या साहाय्याने मिथेन शोषण करणारी प्रणाली राबविण्यात येणार आहे. जेणेकरून भविष्यात कचऱ्याला आग लागणार नाही, असे आयुक्त अश्विन मुदगल यांनी सांगितले.
 
यावेळी अतिरिक्त आयुक्त रवींद्र कुंभारे, आरोग्य अधिकारी प्रदीप दासरवार, स्थावर अधिकारी आर.एस.भुते, सी.जी.धकाते, कार्यकारी अभियंता अनिरूद्ध चौंगजकर, मुख्य अग्निशमन अधिकारी राजेंद्र उचके, जनसंपर्क अधिकारी अशोक कोल्हटकर, स्वास्थ निरिक्षक रोहीदास राठोड, पशुचिकित्सक गजेंद्र महल्ले, उपअभियंता राजेश दुफारे, बोडगावचे सरपंच मंदा सुबार, निकेश कातुरे, अवनिका लेकुरवाळे, अनिल चिकटे यांच्यासह भांडेवाडी येथील नागरिक उपस्थित होते.
 

 

उत्तर नागपूरसाठी एसएनडीएलने ‘ॲक्शन प्लान’ तयार करावा : विरेंद्र कुकरेजा

आ. मानेंच्या उपस्थितीत एसएनडीएल अधिकाऱ्यांसोबत नगरसेवकांची बैठक
 
नागपूर,ता.४ : उत्तर नागपूर विधानसभा क्षेत्र विकासाच्या बाबतीत मागासलेला आहे. विद्युतविषयक अनेक तक्रारीही नगरसेवकांकडे येतात. सुमारे ३५ हजार नव्या विद्युत जोडणीसाठीचे अर्ज प्रलंबित आहेत. या सर्व विषयांवर तातडीने कार्यवाही करण्यात यावी. एक स्वतंत्र नियोजन उत्तर नागपूरसंदर्भात तयार करून ‘ॲक्शन प्लान’ तयार करावा, असे निर्देश एसएनडीएल आणि मनपाच्या विद्युत विभागाच्या अधिकाऱ्यांना देत त्यानुसार निधीची उपलब्धता करून देण्यात येईल, असा विश्वास मनपा स्थायी समितीचे सभापती विरेंद्र कुकरेजा यांनी दिला.
 
नागपूर महानगरपालिका मुख्यालयातील डॉ. पंजाबराव देशमुख स्मृति सभागृहात उत्तर नागपूर विधानसभा क्षेत्रातील विद्युतविषयक समस्यांवर एसएनडीएल आणि मनपा विद्युत विभागासोबत विशेष बैठकीचे आयोजन बुधवारी (ता. ४) करण्यात आले होते. सदर बैठकीत ते बोलत होते.
 
बैठकीला उत्तर नागपूरचे आमदार डॉ. मिलिंद माने, मनपाचे कार्यकारी अभियंता (विद्युत) संजय जयस्वाल, एसएनडीएलचे मुख्य तांत्रिक अधिकारी राजेश तूलकर, प्रकल्प प्रमुख दीपक लबडे, ऑपरेशन हेड प्रकाश चंदन, मनपाचे सहायक अभियंता (विद्युत) एस. एस. मानकर, उपअभियंता एम.एम.बेग, विद्युत अभियंता कल्पना मेश्राम, कनिष्ठ अभियंता पी. एन. खोब्रागडे, एन.बी. सालोडकर, आर.सी. भाजीपाले, जनसंपर्क अधिकारी अशोक कोल्हटकर उपस्थित होते.
 
यावेळी निर्देश देताना सभापती विरेंद्र कुकरेजा म्हणाले, उत्तर नागपुरात अनेक भागात विद्युत खांब लागलेले नाहीत. अनेक नगरसेवकांच्या माध्यमातून एसएनडीएलकडे त्यासंदर्भात मागणी आलेली आहे. आता ४०० खांबांना मंजुरी मिळाली आहे. पूर्वीचे काही खांब अद्यापही लागलेले नाहीत. हे सर्व खांब तातडीने मागणीनुसार लावण्यात यावे. कमी दाबाचे ट्रान्सफॉर्मर जोडण्याचे काम युद्धपातळीवर करण्यात यावे. मोठ्या रस्त्यांवर एलईडी दिवे लावण्याचे काम लवकरात लवकर पूर्ण करण्यात यावे, विद्युत वाहिन्यांवर आलेल्या झाडांच्या फांद्या पावसाळ्यापूर्वी छाटण्यात याव्या, आणि नवीन कनेक्शनसाठी तातडीने निर्णय घेण्यात यावा, असे निर्देश दिले.
 
निधी कमी पडू देणार नाही : आ. डॉ. मिलिंद माने
 
उत्तर नागपूर विधानसभा क्षेत्रात विद्युत विषयक अनेक कामे करायची आहेत. यासाठी कामांची यादी आणि प्राथमिकता एसएनडीएलने ठरवावी. या कामांसाठी निधी कमी पडू देणार नाही. मनपा स्थायी समितीच्या माध्यमातून, अनुसूचित जाती विशेष निधीतून, आमदार निधीतून निधीची उपलब्धता करून देण्यात येईल. ४०० विद्युत खांब मंजूर झाले आहेत, त्यासाठी नगरसेवकांनी मागणी नोंदवावी. त्या मागणीनुसार एसएनडीएलने कार्यवाही करण्याचे निर्देश आमदार डॉ. मिलिंद माने यांनी दिले.
 
नगरसेवकांनी मांडल्या समस्या
 
सदर बैठकीला उत्तर नागपूर विधानसभा क्षेत्रांतर्गत येणाऱ्या प्रभागातील सर्व नगरसेवक उपस्थित होते. या सर्व नगरसेवकांनी विद्युतविषयक समस्या मांडल्या. नगरसेविका संगीता गिऱ्हे म्हणाल्या, झिंगाबाई टाकळी-गोधनी भागासाठी १६० विद्युत खांब मंजूर झाले आहेत. मात्र अद्यापही त्यावर कार्यवाही करण्यात आली नाही. जे खांब आहेत, त्यावर नंबर टाकलेले नाहीत. नगरसेवक मनोज सांगोळे यांनीही एसएनडीएलचे अधिकारी तक्रारींची दखल घेत नसल्याचे सांगितले. अन्य नगरसेवकांनीही हाय टेंशन लाईन, एलईडी लाईट, नवीन विद्युत जोडणी आदी समस्या मांडल्या.
 
या नगरसेवकांची होती उपस्थिती
 
बैठकीला उत्तर नागपूर विधानसभा क्षेत्रांतर्गत येणाऱ्या प्रभागातील नगरसेवक-नगरसेविकांची उपस्थिती होती. यामध्ये सर्वश्री मोहम्मद इब्राहीम, दिनेश यादव, विरंका भिवगडे, मंगला लांजेवार, गार्गी चोपरा, अभिरूची राजगिरे, साक्षी राऊत, भाग्यश्री कानतोडे, सुषमा चौधरी, प्रमिला मथरानी, वैशाली नारनवरे, भावना लोणारे, मनोज सांगोळे, संगीता गिऱ्हे, जितेंद्र घोडेस्वार, अर्चना पाठक, नरेंद्र वालदे, रश्मी धुर्वे, स्नेहा निकोसे, अर्चना पाठक, नसीम बानो इब्राहीम खान यांचा समावेश होता.

 

 

उन्हाळ्यात संभाव्य पाणी टंचाई रोखण्यासाठी मनपाचे शर्थीचे प्रयत्न-  कन्हान-कोलार नदी संगमावर बांधणार बांध

-   जलप्रदाय समिती सभापती पिंटू झलके यांनी केली पाहणी
 
नागपूर,ता.४ : उन्हाळ्यातील संभाव्य पाणी टंचाई रोखण्यासाठी महानगरपालिका शर्थीचे प्रयत्न करणार आहे. कन्हान-कोलार आणि वेणा नदीच्या संगमावर मनपा बांध बांधणार असल्याची माहिती जलप्रदाय समिती सभापती पिंटू झलके यांनी दिली.
 
बुधवारी (ता.४) कन्हान येथील जलशुद्धीकरण केंद्राला सभापती पिंटू झलके यांनी भेट दिली. तेथील परिस्थितीचा आढावा जाणून घेतला. यावेळी त्यांच्यासमवेत नगरसेवक मनोज सांगोळे, एनईएसएलचे महाव्यवस्थापक दिलीप चिटणीस, ओसीडब्लूचे केएमपी सिंग, प्रवीण शरण, प्रकल्प व्यवस्थापक दिनेश अटलकर, ऋचा पांडे, फरहत कुरैशी, सचिन ढोबळे प्रामुख्याने उपस्थित होते.
 
यावेळी बोलताना सभापती पिंटू झलके म्हणाले, कन्हान येथे कन्हान नदी, कोलार नदी आणि वेणा नदीचा संगम होतो. त्या संगमावर बांध बांधल्यास पाणी येथे अडून राहील. उन्हाळ्यात येणारी पाणी टंचाई रोखण्यास मदत होईल. बांध बांधण्याच्या हालचालीला वेग द्या. त्याचा डीपीआर तयार करून सादर करा, असे निर्देश सभापती पिंटू झलके यांनी दिले. पावसाळ्यापूर्वी बांध बांधून व्हायला हवा, असेही ते म्हणाले.
 
कन्हान जलशुद्धीकरण केंद्रातून दररोज १८५ एमएलडी पाण्याची कन्हान नदीतून उचल होते. त्यावर रासायनिक प्रक्रिया करून सुमारे १३० एमएलडी पाणी शुद्ध स्वरूपात शहरात पाठवले जात असल्याची माहिती ओसीडब्लूच्या अधिकाऱ्यांनी दिली.    

 

 

उत्तर नागपूरसाठी एसएनडीएलने ‘ॲक्शन प्लान’ तयार करावा : विरेंद्र कुकरेजा

आ. मानेंच्या उपस्थितीत एसएनडीएल अधिकाऱ्यांसोबत नगरसेवकांची बैठक
 
नागपूर,ता.४ : उत्तर नागपूर विधानसभा क्षेत्र विकासाच्या बाबतीत मागासलेला आहे. विद्युतविषयक अनेक तक्रारीही नगरसेवकांकडे येतात. सुमारे ३५ हजार नव्या विद्युत जोडणीसाठीचे अर्ज प्रलंबित आहेत. या सर्व विषयांवर तातडीने कार्यवाही करण्यात यावी. एक स्वतंत्र नियोजन उत्तर नागपूरसंदर्भात तयार करून ‘ॲक्शन प्लान’ तयार करावा, असे निर्देश एसएनडीएल आणि मनपाच्या विद्युत विभागाच्या अधिकाऱ्यांना देत त्यानुसार निधीची उपलब्धता करून देण्यात येईल, असा विश्वास मनपा स्थायी समितीचे सभापती विरेंद्र कुकरेजा यांनी दिला.
 
नागपूर महानगरपालिका मुख्यालयातील डॉ. पंजाबराव देशमुख स्मृति सभागृहात उत्तर नागपूर विधानसभा क्षेत्रातील विद्युतविषयक समस्यांवर एसएनडीएल आणि मनपा विद्युत विभागासोबत विशेष बैठकीचे आयोजन बुधवारी (ता. ४) करण्यात आले होते. सदर बैठकीत ते बोलत होते.
 
बैठकीला उत्तर नागपूरचे आमदार डॉ. मिलिंद माने, मनपाचे कार्यकारी अभियंता (विद्युत) संजय जयस्वाल, एसएनडीएलचे मुख्य तांत्रिक अधिकारी राजेश तूलकर, प्रकल्प प्रमुख दीपक लबडे, ऑपरेशन हेड प्रकाश चंदन, मनपाचे सहायक अभियंता (विद्युत) एस. एस. मानकर, उपअभियंता एम.एम.बेग, कल्पना मेश्राम, कनिष्ठ अभियंता पी. एन. खोब्रागडे, आर.सी. भाजीपाले, जनसंपर्क अधिकारी अशोक कोल्हटकर उपस्थित होते.
 
यावेळी निर्देश देताना सभापती विरेंद्र कुकरेजा म्हणाले, उत्तर नागपुरात अनेक भागात विद्युत खांब लागलेले नाहीत. अनेक नगरसेवकांच्या माध्यमातून एसएनडीएलकडे त्यासंदर्भात मागणी आलेली आहे. आता ४०० खांबांना मंजुरी मिळाली आहे. पूर्वीचे काही खांब अद्यापही लागलेले नाहीत. हे सर्व खांब तातडीने मागणीनुसार लावण्यात यावे. कमी दाबाचे ट्रान्सफॉर्मर जोडण्याचे काम युद्धपातळीवर करण्यात यावे. मोठ्या रस्त्यांवर एलईडी दिवे लावण्याचे काम लवकरात लवकर पूर्ण करण्यात यावे, विद्युत वाहिन्यांवर आलेल्या झाडांच्या फांद्या पावसाळ्यापूर्वी छाटण्यात याव्या, आणि नवीन कनेक्शनसाठी तातडीने निर्णय घेण्यात यावा, असे निर्देश दिले.
 
निधी कमी पडू देणार नाही : आ. डॉ. मिलिंद माने
 
उत्तर नागपूर विधानसभा क्षेत्रात विद्युत विषयक अनेक कामे करायची आहेत. यासाठी कामांची यादी आणि प्राथमिकता एसएनडीएलने ठरवावी. या कामांसाठी निधी कमी पडू देणार नाही. मनपा स्थायी समितीच्या माध्यमातून, अनुसूचित जाती विशेष निधीतून, आमदार निधीतून निधीची उपलब्धता करून देण्यात येईल. ४०० विद्युत खांब मंजूर झाले आहेत, त्यासाठी नगरसेवकांनी मागणी नोंदवावी. त्या मागणीनुसार एसएनडीएलने कार्यवाही करण्याचे निर्देश आमदार डॉ. मिलिंद माने यांनी दिले.
 
नगरसेवकांनी मांडल्या समस्या
 
सदर बैठकीला उत्तर नागपूर विधानसभा क्षेत्रांतर्गत येणाऱ्या प्रभागातील सर्व नगरसेवक उपस्थित होते. या सर्व नगरसेवकांनी विद्युतविषयक समस्या मांडल्या. नगरसेविका संगीता गिऱ्हे म्हणाल्या, झिंगाबाई टाकळी-गोधनी भागासाठी १६० विद्युत खांब मंजूर झाले आहेत. मात्र अद्यापही त्यावर कार्यवाही करण्यात आली नाही. जे खांब आहेत, त्यावर नंबर टाकलेले नाहीत. नगरसेवक मनोज सांगोळे यांनीही एसएनडीएलचे अधिकारी तक्रारींची दखल घेत नसल्याचे सांगितले. अन्य नगरसेवकांनीही हाय टेंशन लाईन, एलईडी लाईट, नवीन विद्युत जोडणी आदी समस्या मांडल्या.
 
या नगरसेवकांची होती उपस्थिती
 
बैठकीला उत्तर नागपूर विधानसभा क्षेत्रांतर्गत येणाऱ्या प्रभागातील नगरसेवक-नगरसेविकांची उपस्थिती होती. यामध्ये मोहम्मद इब्राहीम, दिनेश यादव, विरंका भिवगडे, मंगला लांजेवार, गार्गी चोपरा, अभिरूची राजगिरे, साक्षी राऊत, भाग्यश्री कानतोडे, सुषमा चौधरी, प्रमिला मथरानी, वैशाली नारनवरे, भावना लोणारे, मनोज सांगोळे, संगीता गिऱ्हे, जितेंद्र घोडेस्वार, अर्चना पाठक, नरेंद्र वालदे, एन.बी. सालोडकर, रश्मी धुर्वे, स्नेहा निकोसे, अर्चना पाठक, नसीम बानो इब्राहीम खान यांचा समावेश होता.

 

 

कोचीमधील जैवविविधता संवर्धन कार्यशाळेत महापौर नंदा जिचकार यांचा सहभाग

नागपूर,ता.४ : कोची महानगरपालिका, नॅशनल बायोडायव्हर्सिटी बोर्ड आणि इंटरनॅशनल कौन्सिल फॉर लोकल एनव्हिरॉन्मेन्टल इनिशिएटीव्हस (आयसीएलईआय) यांच्या संयुक्त विद्यमाने कोची येथे आयोजित ‘शहरातील जैवविविधता संवर्धनासाठी मार्गदर्शक तत्त्वे’ (Guidelines for Biodiversity Conservation for Cities) या विषयावरील कार्यशाळेत नागपूरच्या महापौर नंदा जिचकार सहभागी झाल्या आहेत.
 
कार्यशाळेचे उद्‌घाटन नॅशनल बायोडायव्हर्सिटी बोर्डच्या अध्यक्ष बी. मीनाकुमारी यांच्या हस्ते झाले. अध्यक्षस्थानी कोचीच्या महापौर सौमिनी जैन होत्या. नागपूरच्या महापौर नंदा जिचकार, गंगटोकचे महापौर शक्तीसिंग चौधरी, सिलिगुडीचे महापौर डॉ, शंकर घोष यावेळी उपस्थित होते. उद्‌घाटनपर भाषणात बोलताना बी. मीनाकुमारी म्हणाल्या, शहरातील जैवविविधतेच्या संवर्धनासाठी आणि शाश्वत उपयोगासाठी प्रत्येक स्थानिक स्वराज्य संस्थांनी धोरण ठरवून कृती आराखडा तयार करायला हवा. देशातील पहिल्या जैवविविधता संवर्धन आराखडा राबविण्यासाठी कोची शहराची निवड झाली आहे. केरळ राज्य जैवविविधतेने नटलेले आहे. त्यामुळे त्याच्या संरक्षणासाठी कृती आराखड्याची गरज असल्याचे त्यांनी सांगितले.  
 
अध्यक्षस्थानावरून बोलताना कोचीच्या महापौर सौमिनी जैन यांनी, देशातील पहिला जैवविविधता संवर्धन आराखडा तयार करण्यासाठी कोची शहराची निवड झाली, ही अभिमानाची बाब असल्याचे सांगितले. सदर कार्यशाळा ‘इंटरॲक्ट-बायो’ या जर्मन अनुदानित जैवविविधता प्रकल्पाचा भाग आहे, ज्याचा उद्देश जैवविविधता आणि पर्यावरणीय व्यवस्था कायम राखण्यासाठी, स्थानिक शासनाला पाठबळ देण्यासाठी भारत, ब्राझील आणि टंझानिया देशातील निवडक शहरांना सहकार्य करणे हा आहे. जर्मन सरकारने हा प्रकल्प भारतातील तीन निवडक शहरात राबविण्यासाठी आयसीएलईआय ची समन्वयक म्हणून निवड केली आहे. चार वर्ष कालावधीचा हा प्रकल्प कोची, मंगलुरू आणि पणजीमध्ये राबविण्यात येणार असून या प्रकल्पाचा महत्त्वपूर्ण परिणाम म्हणजे स्थानिक जैवविविधतेच्या संवर्धनाची रणनीती आणि कृती आराखडा तयार करणे हा राहील.

 

 

पालकमंत्र्यांनी घेतला हुडकेश्वर- नरसाळा येथील विकामकामांचा आढावा

पुढील मार्चपर्यंत विकासकामे पूर्ण करण्याचे निर्देश
 
नागपूर,ता. २ : हुडेकश्वर-नरसाळा येथील विकासकामाला शासनाने मंजुरी दिली आहे. तेथे आतापर्यंत महानगरपालिकेने केलेल्या कामाचा आढावा पालकमंत्री चंद्रशेखर बावनकुळे यांनी सोमवारी (ता.२) मनपा मुख्यालयातील छत्रपती शिवाजी महाराज प्रशासकीय इमारतीतील सभागृहात आयोजित बैठकीत घेतला.
 
यावेळी स्थायी समिती सभापती विरेंद्र कुकरेजा, आयुक्त अश्विन मुदगल, हनुमाननगर झोन सभापती भगवान मेंढे, नगरसेविका स्वाती आखतकर, विद्या मडावी, लिला हाथीबेड, अतिरिक्त आयुक्त रवींद्र कुंभारे, तांत्रिक सल्लागार विजय बनगीरवार, शहर अभियंता मनोज तालेवार, कार्यकारी अभियंता (जलप्रदाय) संजय गायकवाड, कार्यकारी अभियंता (स्लम) डी.डी.जांभूळकर, कार्यकारी अभियंता (विद्युत) संजीव जयस्वाल,  कार्यकारी अभियंता (प्रकल्प) अनिरूद्ध चौगंजकर, आरोग्य अधिकारी (दवाखाना) डॉ. अनिल चिव्हाने, नगररचना विभागाचे सहायक संचालक प्रमोद गावंडे, कार्यकारी अभियंता प्रदीप राजगिरे यांच्यासह संबंधित विभागाचे अधिकारी प्रामुख्याने उपस्थित होते.
 
यावेळी बोलताना पालकमंत्र्यांनी मौजा हुडकेश्वर -नरसाळा येथे प्रशासनाने केलेल्या विकासकामाची माहिती आयुक्तांमार्फत जाणून घेतली. मौजा हुडकेश्वर आणि नरसाळा महानगरपालिका क्षेत्रात नव्याने हद्दवाढ झालेल्या भागात नागरिकांच्या सोयी सुविधांच्या विकासकामात विविध ठिकाणी शासनाद्वारे निधी प्राप्त झाला असल्याची माहिती आयुक्त अश्विन मुदगल यांनी दिली. ताजेश्वर नगर येथील पाणी टाकी सुरू करण्याबाबत पालकमंत्र्यानी विचारले असता पाण्याच्या टाकीचे काम पूर्ण झाले असून त्याठिकाणी फीडर लाईन टाकण्याचे काम सुरू आहे. यासोबतच चंद्रमणी नगर आणि सावरबांधे ले-आऊट मधील पाण्याच्या टाकीचे काम प्रगतीपथावर असून पुढील दोन महिन्यात पाण्याच्या टाकीचे काम पूर्ण होईल, अशी ग्वाही आयुक्त अश्विन मुदगल यांनी दिली.
 
हुडकेश्वर व नरसाळा येथील अंतर्गत ३५ किमी लांबीच्या रस्त्याचे बांधकाम पूर्ण झाले असून त्याचा दर्जा ही उत्तम असल्याची माहिती आयुक्तांनी दिली. यावर पालकमंत्री चंद्रशेखर बावनकुळे यांनी समाधान व्यक्त केले.   हुडकेश्वर आणि नरसाळा येथे प्रस्तावित दहन घाटाचा आढावा घेतला. नागरिकांच्या समस्या लक्षात घेता नरसाळा आणि हुडकेश्वर येथे दहन घाट तयार करण्यात यावे, असे निर्देश पालकमंत्री चंद्रशेखर बावनकुळे यांनी दिले. तेथील नागरिकांच्या समस्या वारंवार येत आहे, त्या जाणून घेण्यासाठी मी स्वत: प्रत्यक्ष जागी भेट देऊन नागरिकांच्या समस्या जाणून घेईन, असे आश्वासन पालकमंत्र्यांनी दिले.   त्याठिकाणी मनोरंजन मैदान विकासाकामांतर्गत स्थापत्य कामांचा आढावा यावेळी घेण्यात आला.
 
भांडेवाडी येथील कचरा डेपोला लागलेल्या आगीसंदर्भात आढावा
 
भांडेवाडी येथील कचरा डेपोला लागलेल्या आगीसंदर्भात व कचरा डेपोतील कचरा विल्हेवाटी बाबत पालकमंत्री चंद्रशेखर बावनकुळे यांनी आढावा घेतला. यावेळी नगरसेविका मंगला गवरे, उपायुक्त राजेश मोहिते, आरोग्य अधिकारी (स्वच्छता) डॉ.प्रदीप दासरवार, उपअभियंता राजेश दुफारे उपस्थित होते. कचरा डेपोला आग लागल्याने त्याचा स्थानिक नागरिकांना मोठ्या प्रमाणावर त्रास होतो. त्या ठिकाणी संरक्षक भिंत लावण्याचे निर्देश पालकमंत्री बावनकुळे यांनी दिले.   त्या जागेवर मी आणि आयुक्त भेट देऊन नागरिकांच्या समस्या जाणून घेऊ,   असे आश्वासन पालकमंत्र्यांनी दिले.

 

 

बेझनबाग गृहनिर्माण सोसायटीने सुधारीत आराखडा सादर करावा : विरेंद्र कुकरेजा

नियमितीकरणासंदर्भात आ. मिलिंद माने यांच्या उपस्थितीत बैठक
 
नागपूर,ता.३१ : बेझनबाग गृहनिर्माण सोसायटीने घरे नियमितीकरणाच्या प्रक्रिये संदर्भात तातडीने पत्रव्यवहार करून जिल्हाधिकाऱ्यांकडे मागणीपत्र सोपवावे. सोसायटीअंतर्गत असलेल्या घरांचे लवकरात लवकर नियमितीकरण व्हावे, ही मनपाची भूमिका असून मंजुरीसाठी आलेल्या नकाशाला नियमानुसार मंजुरी देण्यात येईल, असा विश्वास स्थायी समितीचे सभापती विरेंद्र कुकरेजा यांनी बेझनबाग गृहनिर्माण सोसायटीच्या पदाधिकाऱ्यांना दिला.
 
बेझनबाग गृहनिर्माण सोसायटीच्या आणि परिसरातील जनतेच्या वतीने आमदार डॉ. मिलिंद माने आणि मनपाचे स्थायी समितीचे सभापती विरेंद्र कुकरेजा यांना बेझनबाग गृहनिर्माण सोसायटीच्या नियमितीकरणासंदर्भात निवेदन देण्यात आले होते. या निवेदनाच्या अनुषंगाने स्थायी समिती सभापती विरेंद्र कुकरेजा यांनी सोमवारी (ता.२) आ. डॉ. मिलिंद माने यांच्या उपस्थितीत मनपा मुख्यालयातील स्थायी समिती सभापती कक्षात बैठक घेतली. बैठकीला उपजिल्हाधिकारी निशिकांत सुके, नगररचना सहायक संचालक प्रमोद गावंडे, नायब तहसीलदार नितीन गोहणे व सुरेश ताकोद यांचेसह बेझनबाग गृहनिर्माण सोसायटीचे सचिव विनोद वालदे, कोषाध्यक्ष किशोर टेंभूरकर, अशोक कोल्हटकर, रमेश घरडे, सिद्धार्थ कडबे उपस्थित होते.
 
सदर बैठकीत बेझनबाग गृहनिर्माण सोसायटीच्या पदाधिकाऱ्यांच्या वतीने आमदार डॉ. मिलिंद माने यांनी सोसायटीने दिलेल्या निवेदनासंदर्भात माहिती दिली. सदर वसाहत ही एम्प्रेस मिल कामगारांसाठी नझुलच्या जागेवर वसविण्यात आली होती. सन १९७७ मध्ये या जागेचे लीजवर वाटप करण्यात आले होते. सन २००२ मध्ये जागेची लीज संपली. त्यामुळे नियमानुसार लीजचे नूतनीकरण करणे आवश्यक आहे. लीज नूतनीकरणासोबतच ले-आऊटचे घरे नियमितीकरण करण्यात यावे, अशी सोसायटीच्या वतीने मागणी करण्यात आल्याचे आ. डॉ. माने यांनी सांगितले.
 
राज्य शासनही याबाबत सहकार्य करीत आहे. यासंदर्भात शासनाने २६ एप्रिल २०१६ रोजी निर्णय घेतला असून २७१६४ वर्ग मीटर जागा देण्याचे प्राथमिकरित्या मंजूर करण्यात आल्याची माहिती उपजिल्हाधिकारी निशिकांत सुके यांनी दिली. सदर प्रकरण न्यायप्रविष्ठ आहे, असेही त्यांनी सांगितले.
 
यावर बोलताना स्थायी समिती सभापती विरेंद्र कुकरेजा म्हणाले, बेझनबाग सोसायटीअंतर्गत असलेल्या सर्व घरमालकांना न्याय मिळावा, तो ले-आऊट लवकरात लवकर नियमित व्हावा, अशीच मनपाची भूमिका आहे. डी.पी. प्लानअंतर्गत काही घरे जात असतील तर त्याच्या बदल्यात शासनाने जमीन देण्याचे प्राथमिकरीत्या मान्य केले आहे. यासंदर्भात बेझनबाग सोसायटीने तातडीने जिल्हाधिकाऱ्यांकडे पत्रव्यवहार करून जागेची मागणी नोंदवावी व शासनाने दिलेला प्रस्ताव मान्य असल्याचे शपथपत्र लिहून द्यावे. प्रक्रिया झाल्यानंतर ले-आऊटचा सुधारीत आराखडा मनपाच्या नगररचना विभागाकडे सादर करावा. नियमानुसार नगररचना विभाग त्याला मंजुरी देईल, असा विश्वास त्यांनी यावेळी दिला.

 

 

मनपा आणि ग्रीन व्हिजील फाऊंडेशनद्वारे 'पौर्णिमा दिन'

नागपूर,ता. ३१ :नागपूर महानगरपालिका आणि ग्रीन व्हिजील फाऊंडेशनच्यावतीने आज पौर्णिमेनिमित्त 'पोर्णिमा दिवस' अंतर्गत विधान भवन चौकात जनजागृती कार्यक्रमाचे आयोजन करण्यात आले होते. 
 
विधान भवन परिसरातील व्यावसायिकानी यावेळी अनावश्यक वीज दिवे बंद करून ऊर्जा बचतीचा संदेश दिला.
 
यावेळी मनपाचे कार्यकारी अभियंता (विद्युत) संजय जैस्वाल, सहायक अभियंता अजय मानकर, श्री. बेग, श्री. नवघरे, ग्रीन विजील फाउंडेशनचे संस्थापक कौस्तभ चैटर्जी, सुरभी जैस्वाल, विष्णुदेव यादव व अन्य उपस्थित होते. यावेळी ग्रीन विजीलच्या स्वयंसेवकांनी उर्जाबचतीचे महत्त्व पटवून देत पौर्णिमा दिवसाविषयी माहिती दिली. आ. प्रा. अनिल सोले यांच्या पुढाकारातून हा उपक्रम गेल्या काही वर्षापासून सुरु असल्याचे ग्रीन विजीलचे संस्थापक कौस्तभ चैटर्जी यांनी सांगितले. अनावश्यक विद्युत उपकरणे बंद करण्याचे आवाहन यावेळी स्वयंसेवकांनी केले. या आवाहनाला दाद देत व्यापाऱ्यांनी आणि छोट्या व्यावसायिकांनी अनावश्यक वीज दिवे बंद केले.
 
स्वयंसेवकांनी सिग्नलवर उभ्या वाहन चालकांनाही या दिनानिमित्त आयोजित उपक्रमाची माहिती देऊन सहभागी होण्यासाठी आवाहन केले. नागरिकांनीही सकारात्मक प्रतिसाद दिला.

 

 

मनपातील २६ सेवानिवृत्त अधिकारी- कर्मचाऱ्यांचा सत्कार

नागपूर,ता.३१ : नागपूर महानगरपालिकेतील विविध विभागात विविध पदावर कार्यरत असलेले २६ अधिकारी-कर्मचारी शनिवारी (ता. ३१) सेवानिवृत्त झाले. या सर्वांचा मनपा मुख्यालयातील डॉ. पंजाबराव देशमुख स्मृती सभागृहात आयोजित एका समारंभात सत्कार करण्यात आला.
 
यावेळी सामान्य प्रशासन विभागाचे सहायक अधीक्षक मनोज कर्णिक, दत्तात्रय डहाके, सहायक अग्निशमन अधिकारी केशव कोठे, जनसंपर्क अधिकारी अशोक कोल्हटकर, कर्मचारी नेते राजेश हाथीबेड, डोमाजी भडंग, संजय बागडे उपस्थित होते. यावेळी सर्व सत्कारमूर्तींचा शाल, श्रीफळ, तुळशीरोपटे, स्मृतीचिन्ह आणि धनादेश देऊन सत्कार करण्यात आला. सेवानिवृत्त सत्कारमूर्तींमध्ये उपअभियंता (प्रकाश विभाग) सलीम इकबाल, ज्येष्ठ श्रेणी लिपिक (सा.प्र.वि.) श्रीमती व्ही. ए. गोंडाणे, कनिष्ठ निरीक्षक (स्थानिक संस्था कर विभाग) डी.बी. खंडाले, कनिष्ठ लिपिक (कर व कर आकारणी विभाग) इंदू वनमाले-चौधरी, मोहरीर सुरेश चतुरकर, कर संग्राहक जी.व्ही. पाटणकर, अन्न निरीक्षक सुधीर फटींग, अग्निशमन विभागातील उपअधिकारी पी. एन. कावळे, फायरमन मो. जमील हाजी अब्दुल सत्तार, फायरमन एस. एफ. चौधरी, मजदूर (जलप्रदाय विभाग) गंगाधर उकडे, अशोक मारबते, मुख्याध्यापक उषा शिंगडीलवार, मुख्याध्यापक मुमताज बेगम निजाम खान, सहायक शिक्षिका निशा बैस, किरण श्रीपात्री, धेनुमती नंदेश्वर, नसीम बानो अब्दुल सत्तार, आरती ठवकर, लोककर्म विभागातील रेजा देवकी मानकर, सफाई कामगार सकून समुंद्रे, पार्वती चहांदे, उषा खरे, शिला उसरबर्से, आशा मधुमटके, राजन भैय्यालाल नकवाल यांचा समावेश होता.
 
कार्यक्रमाचे संचालन जनसंपर्क अधिकारी अशोक कोल्हटकर यांनी केले. आभार राजेश हाथीबेड यांनी मानले.

 

 

कामगार कॉलनी, तुकडोजी नगर परिसरातील झोपडपट्टीधारकांना पट्टेवाटप

प्रातिनिधिक पाच जणांना महापौरांनी दिले पट्टे : जिल्हाधिकारी कार्यालयात कार्यक्रम
 
नागपूर,ता.३१ :  झोपडपट्टीधारकांचे ले-आऊट नियमित करून त्यांना स्थायी स्वरूपाचे पट्टे वाटपासंदर्भात प्रक्रिया सुरू झाली असून शनिवारी (ता. ३१) महापौर नंदा जिचकार यांनी जिल्हाधिकारी कार्यालयात आयोजित एका कार्यक्रमात प्रभाग ३७ अंतर्गत येणाऱ्या कामगार कॉलनी आणि तुकडोजी नगर परिसरातील झोपडपट्टीधारकांना पट्टे वाटप केले.
 
यावेळी मनपातील सत्तापक्ष नेते संदीप जोशी, जिल्हाधिकारी सचिन कुर्वे, प्रभाग ३७ चे नगरसेवक प्रा. दिलीप दिवे, प्रमोद तभाने, नगरसेविका सोनाली कडू, कार्यकर्ते केशव ठाकरे, सेंटर फॉर सस्टेनेबल डेव्हलपमेंटच्या लिना बुधे उपस्थित होते. यावेळी एकूण ४५ पट्टे तयार होते. त्यापैकी प्रातिनिधिक स्वरूपात पाच नागरिकांना पट्ट्यांचे वाटप करण्यात आले. ज्यांना पट्‍टे वाटप करण्यात आले त्यांच्यामध्ये अरुण विश्वनाथ रामटेके, राजेंद्र हरिभाऊ गजभिये, गुलाब रामाजी जामधे, कांता माणिकराव रोहणे, दशरथ हरिभाऊ गजभिये यांचा समावेश आहे.
 

 

नालंदा नगर व श्रीनगर येथील पाणी

टाकीचे काम युद्धपातळीवर करा : पिंटू झलके
 
जलप्रदाय समिती सभापतींनी केला पाहणी दौरा
 
नागपूर,ता.३१ :  नालंदा नगर व श्री नगर येथे पाण्याच्या टाकीचे बांधकाम करणे सुरू आहे. ते काम युद्धपातळीवर करावे, जेणेकरून दक्षिण पश्चिम नागपूरच्या नागरिकांना दिलासा मिळेल, असे निर्देश जलप्रदाय समितीचे सभापती पिंटू झलके यांनी दिले.
 
बुधवार (ता.२८) जलप्रदाय समिती पिंटू झलके यांनी नालंदा नगर व श्री नगर येथील पाण्याच्या टाकीचे बांधकामाची पाहणी केली. त्याप्रसंगी ते बोलत होते. यावेळी त्यांच्यासमवेत कार्यकारी अभियंता (प्रकल्प) अनिरूद्ध चौंगजकर, कनिष्ठ अभिंयता श्री. सुरेश भजे प्रामुख्याने उपस्थित होते.
 
यावेळी मान्यवरांनी पाहणी करताना दोन्ही टाक्यांचे काम लवकरात लवकर पूर्ण करून दोन्ही टाक्यांवरून पाणी सोडण्यात यावे, जेणेकरून दक्षिण पश्चिम नागपूरच्या नागरिकांना दिलासा मिळेल व त्यांचा पाणी प्रश्न सुटेल, असे निर्देश सभापती पिंटू झलके यांनी दिले.

 

 

मनपाद्वारे बॅ. रामभाऊ रूईकर यांना अभिवादन

नागपूर,ता.३१. नागपूर महानगरपालिकेद्वारे कामगार केसरी बॅ.रामभाऊ रूईकर यांच्या पुण्यतिथीनिमित्त त्यांच्या चिटणीस पार्क येथील पुतळ्याला गांधीबाग झोन सभापती सुमेधा देशपांडे यांनी पुष्पहार चढवून त्यांना अभिवादन केले.

यावेळी श्रीकांत देशपांडे, मुकुंद मुळे, अरविंद जयस्वाल, डॉ.महादेवराव नगराळे, सुरेश आसरे, प्रकाश सहस्त्रबुद्धे, दिलीप पाठक, राजेश वासनिक उपस्थित होते.

 

 

बांधकामांना मंजुरी शासकीय नियमानुसारच - लहुकुमार बेहते

अग्निशमन आणि विद्युत विभागाचा घेतला आढावा
 
नागपूर,ता.२८ : अग्निशमन विभागाद्वारे देण्यात येणारी बांधकाम मंजुरी शासकीय नियमानुसारच देण्यात येणार असल्याची माहिती नवनिर्वाचित अग्निशमन आणि विद्युत समिती सभापती लहुकुमार बेहते यांनी दिली. बुधवार (ता.२८) मनपा मुख्यालयातील डॉ.पंजाबराव देशमुख सभागृहात आयोजित समितीच्या आढावा बैठकीप्रसंगी ते बोलत होते.
 
यावेळी उपसभापती वर्षा ठाकरे, समिती सदस्य निशांत गांधी, अनिल गेंडरे, सदस्या वनिता दांडेकर, आशा नेहरू उईके, ममता सहारे, मुख्य अग्निशमन अधिकारी राजेंद्र उचके, उप अग्निशमन अधिकारी बी.पी.चंदनखेडे, कार्यकारी अभियंता (प्रकल्प) नरेश बोरकर प्रामुख्याने उपस्थित होते.
 
पुढे बोलताना लहुकुमार बेहते म्हणाले, अग्निशमन विभागाद्वारे बांधकामांना मंजुरी देण्यात येतात, त्या मंजुरीचे दर वाढविण्यासाठी प्रशासनाद्वारे प्रस्ताव पाठविण्यात आला होता. त्यावर बोलताना, शासकीय नियमानुसारच मंजुरी आणि मंजुरीचे दर वाढविण्यात यावे, असे निर्देश सभापती लहुकुमार बेहते यांनी दिले.
 
त्रिमूर्ती नगर येथे नव्याने तयार करण्यात येणाऱ्या स्थानकाचा आढावा यावेळी घेण्यात आला. तेथील काम पूर्ण झाले असल्याची माहिती कार्यकारी अभियंता नरेश बोरकर यांनी दिली. तेथे असलेल्या विद्युत मंडाळासोबत डी.पी. संदर्भात चर्चा करण्यात आली. मागील दीड वर्षापासून विद्युत मंडाळाशी चर्चा करण्यात येत आहे. विद्युत मंडळाने तयार केलेल्या अंदाजपत्रकाची शहानिशा मनपाच्या विद्युत विभागाद्वारे करण्यात यावी, असे निर्देश लहुकुमार बेहते यांनी दिले. हा विषय गांभीर्याने हातळण्यात यावा, असेही ते म्हणाले.
 
बैठकीला अग्निशमन विभागाचे सर्व स्थानक अधिकारी, विद्युत विभागाचे सहायक अभियंता ए.एस.मानकर, सलीम इकबाल, उपअभिंयता (प्रकल्प)शकील नियाजी, धनजंय मेडूलकर उपस्थित होते.
 
लकडगंज आणि वाठोडा येथे नव्याने तयार करण्यात येणाऱ्या अग्निशमन स्थानकाची माहिती कार्यकारी अभियंता नरेश बोरकर यांनी दिली. वाठोडा स्थानकाजवळ रहिवासी गाळे तयार करण्यासंदर्भातदेखील माहिती त्यांनी दिली.  

 

 

धर्मपाल मेश्राम चिकाटी असलेले कार्यकर्ते

आ. कृष्णा खोपडे : मेश्राम यांनी स्वीकारला विधी समितीचा पदभार
 
नागपूर,ता.२६ : जनतेचे प्रश्न मार्गी लावण्यासाठी महानगरपालिकेत काम करायचे असेल तर अंगी चिकाटी लागते. ही चिकाटी ज्यांच्या अंगी असते तो महापालिकेच्या माध्यमातून जनतेची योग्य सेवा करू शकतो. ॲड. धर्मपाल मेश्राम यांच्या अंगी चिकाटी आहे. विधी समितीचा कार्यभार ते यशस्वीपणे पार पडतील. समितीच्या कार्याला न्याय देतील, असा विश्वास आ. कृष्णा खोपडे यांनी व्यक्त केला.
 
नागपूर महानगरपालिकेच्या विधी समितीच्या सभापतीपदी अविरोध निवड झाल्यानंतर नगरसेवक ॲड. धर्मपाल मेश्राम यांनी सोमवारी (ता. २६) पदभार स्वीकारला. मनपा मुख्यालयातील डॉ. पंजाबराव देशमुख स्मृती सभागृहात आयोजित पदग्रहण सोहळ्याच्या अध्यक्षस्थानावरून आ. खोपडे बोलत होते. यावेळी विशेष अतिथी म्हणून भाजपचे विदर्भ संघटन मंत्री डॉ. उपेंद्र कोठेकर आणि शहर संघटन मंत्री भोजराज डुंबे उपस्थित होते. सत्तापक्ष नेते संदीप जोशी, बसपा पक्ष नेते मोहम्मद जमाल, स्थापत्य समिती सभापती संजय बंगाले, कर आकारणी समितीचे सभापती संदीप जाधव, शिक्षण समितीचे सभापती प्रा. दिलीप दिवे, जलप्रदाय समितीचे सभापती विजय (पिंटू) झलके, विधी समितीच्या नवनिर्वाचित उपसभापती संगीता गिऱ्हे, समिती सदस्य जयश्री वाडीभस्मे, विधी समिती सदस्य अमर बागडे, समिता चकोले, क्रीडा समितीचे उपसभापती प्रमोद तभाने, विधी समितीच्या मावळत्या सभापती ॲड. मिनाक्षी तेलगोटे, मनपातील भाजपच्या प्रतोद दिव्या धुरडे, नगरसेविका भारती बुंदे, विधी अधिकारी व्यंकटेश कपले उपस्थित होते.
 
यावेळी बोलताना भाजपचे विदर्भ संघटन मंत्री डॉ. उपेंद्र कोठेकर म्हणाले, महापालिकेत पहिल्यांदा भाजपची एकहाती सत्ता आली. त्यामुळे लोकांच्या अपेक्षा वाढल्या आहे. अनेक लोकं लहान पदावर असतानादेखिल त्यांच्या कार्याने ते मोठे झाले. आपण कसे काम करतो, यावर आपले मोठेपण ठरत असते. ॲड. धर्मपाल मेश्राम हे युवा कार्यकर्ते आहे. काम करण्याची जिद्द त्यांच्यात आहे. ते आपल्या कार्याने समितीला एक वेगळी ओळख देतील, असा विश्वास त्यांनी व्यक्त केला.
 
सत्तापक्ष नेते संदीप जोशी म्हणाले, विधी समितीचे कार्य सभापती म्हणून सांभाळणे हे एक मोठे आव्हान आहे. या समितीसाठी स्वतंत्र ५० लाख रुपयांची तरतूद व्हायला हवी, जेणेकरून मनपाच्या विरोधात न्यायालयात असलेली अनेक प्रकरणे मार्गी लावणे सोपे जाईल.
 
याप्रसंगी बोलताना ॲड. धर्मपाल मेश्राम म्हणाले, आपण नगरसेवक म्हणून नव्याने निवडून आलो. अवघ्या एक वर्षातच पक्षाने आपल्यावर विधी समितीचे सभापती म्हणून जबाबदारी टाकली. कुठेतरी आपल्या कार्याची दखल घेतली गेली, याचा आनंद आहे. पक्षश्रेष्ठींचा विश्वास आपण आपल्या कार्यातून सार्थ ठरवू, असा विश्वास त्यांनी दिला.
 
यावेळी सर्व मान्यवरांनी ॲड. धर्मपाल मेश्राम यांचे पुष्पगुच्छ देऊन स्वागत केले. प्रास्ताविक विधी अधिकारी व्यंकटेश कपले यांनी केले. संचालन व आभार प्रदर्शन आनंद आंबेकर यांनी केले.

 

 

टिल्लू पंप लावणाऱ्यांची आता गय नाही

जलप्रदाय समिती सभापती विजय झलके यांनी दिला इशारा
 
नागपूर,ता.२६ : टिल्लू पंप लावणाऱ्यांवर थेट कारवाई करण्यात येईल, असा इशारा जलप्रदाय समिती सभापती विजय (पिंटू) झलके यांनी दिली. सोमवारी (ता.२६) मनपा मुख्यालयातील डॉ.पंजाबराव देशमुख सभागृहात आयोजित जलप्रदाय समितीच्या बैठकीप्रसंगी ते बोलत होते.
 
बैठकीला समिती उपसभापती श्रद्धा पाठक, समिती सदस्य प्रदीप पोहाणे, हरीश ग्वालबंशी, जयश्री रारोकर, प्रणिता शहाणे, कार्यकारी अभियंता (जलप्रदाय) संजय गायकवाड प्रामुख्याने उपस्थित होते.
 
पुढे बोलताना पिंटू झलके म्हणाले, शहरातील नागरिकांकडून दूषित पाण्याच्या तक्रारी वारंवार येत आहेत. या तक्रारींचा निपटारा करण्यासाठी नियोजनासाठी वेगळी टीम करण्यात यावी. ज्या ठिकाणी दूषित पाण्याची तक्रार येत असेल त्याठिकाणी तात्काळ स्थानिक नगरसेवकांची मदत घेऊन प्रशासनाने दौरा करावा, असे निर्देश त्यांनी दिले. उन्हाळा लक्षात घेता टँकरची संख्या वाढविण्यात यावी, असे निर्देश सभापती पिंटू झलके यांनी दिले. टँकरच्या उपलब्ध संख्येचा झोननिहाय आढावा यावेळी सभापतींनी घेतला. बोअरवेल दुरूस्ती व त्याची उंची वाढविण्यासाठी करावयाच्या उपाययोजना  करण्यासंदर्भात बैठकीत चर्चा करण्यात आली. व्हॉल्व ऑपरेशनबाबत आढावा यावेळी सभापतींनी घेतला.
 
कार्यकारी अभियंता (जलप्रदाय) संजय गायकवाड यांनी अमृत योजनेची माहिती बैठकीत दिली. बैठकीला उपअभियंता दीपक चिटणीस, ओसीडब्ल्यूचे के.एम.पी.सिंग यांचेसह ओसीडब्लूचे अधिकारी व कर्मचारी, जलप्रदाय विभागाचे अधिकारी उपस्थित होते.

 

 

 

डिजीटल प्रशिक्षण कार्यशाळेचे उद्‌घाटन

मनपाचा उपक्रम : २८ शिक्षकांचा सहभाग
 
नागपूर, ता. २६ : नागपूर महानगरपालिकेअंतर्गत असलेल्या शाळांतील शिक्षकांना डिजीटल प्रशिक्षण देण्यासाठी राहतेकरवाडी येथील साने गुरुजी उर्दू माध्यमिक शाळा व कनिष्ठ महाविद्यालयात चवथ्या टप्प्यातील डिजीटल प्रशिक्षण कार्यशाळेचे उद्‌घाटन सोमवारी (ता. २६) नगरसेविका नेहा वाघमारे यांच्या हस्ते पार पडले.
 
यावेळी डिजीटल प्रशिक्षणाचे समन्वयक मन्साराम डहाके, विषयतज्ज्ञ मिलिंद खेकाळे उपस्थित होते. मनपाच्या ३४ शाळा आतापर्यंत डिजीटल झाल्या आहेत. मागील वर्षी १८ शाळा डिजीटल करण्यात आला. या डिजीटल शाळांमध्ये विद्यार्थ्यांना योग्य शिक्षण मिळावे यासाठी माध्यमिक शाळांतील १६० शिक्षकांना सहा टप्प्यात प्रशिक्षित करण्याचा उपक्रम मनपाने हाती घेतला आहे. आतापर्यंत प्रशिक्षणाचे तीन टप्पे आटोपले असून चौथ्या टप्प्यात २६ मार्च ते ३ एप्रिलपर्यंत प्रशिक्षण देण्यात येणार असून यात २८ शिक्षक-शिक्षिका सहभागी झाल्या असल्याची माहिती समन्वयक मन्साराम डहाके यांनी दिली.
 
विषयतज्ज्ञ मिलिंद खेकाळे यांनी यावेळी प्रात्यक्षिकाद्वारे डिजीटल प्रशिक्षणाची माहिती दिली. तत्पूर्वी दीपप्रज्वलन करून आणि डिजीटल बोर्डवरील पडदा काढून आगळ्यावेगळ्या पद्धतीने कार्यशाळेचे उद्‌घाटन करण्यात आले.
 

 

“निलय मुरारका मार्ग” देशातील आदर्श मार्ग ठरेल – बनवारीलाल पुरोहित

एस.टी.स्टॅंड ते मॉडेल मिल चौक मार्गाचा नामकरण सोहळा
 
नागपूर,ता.२५. निलय मुरारका मार्ग हा देशातील आदर्श मार्ग ठरेल, स्वच्छतेच्या दृष्टीने त्या मार्गाची चर्चा सा-या देशभरात होईल, असा विश्वास तामिळनाडू राज्याचे राज्यपाल बनवारीलाल पुरोहित यांनी केला. रविवारी (ता.२५) रामनवमीच्या पावन पर्वावर एस.टी.स्टॅंड ते मॉडेल मिल मार्गाचे “निलय मुरारका मार्ग”नामकरण सोहळा आयोजित करण्यात आला. त्याप्रसंगी ते बोलत होते.
 
यावेळी व्यासपीठावर प्रमुख अतिथी म्हणून महाराष्ट्र राज्याचे उर्जामंत्री व जिल्ह्याचे पालकमंत्री ना.चंद्रशेखर बावनकुळे, कार्यक्रमाचे अध्यक्ष महापौर नंदा जिचकार, ज्येष्ठ नगरसेवक दयाशंकर तिवारी, धंतोली झोन सभापती प्रमोद चिखले, स्थापत्य व प्रकल्प समिती सभापती संजय बंगाले, नगरसेविका लता काडगाये, नगरसेवक सुनील हिरणवार, नगरसेवक विजय चुटेले, झोन सहायक आयुक्त स्मिता काळे, मुरारका परिवारातील लक्ष्मीकांत मुरारका, शीतल मुरारका प्रामुख्याने उपस्थित होते.
 
पुढे बोलताना बनवारीलाल पुरोहित म्हणाले, शहरातील एका रस्त्याला निलय यांचे नाव द्यावे, अशी मुरारका परिवाराची ईच्छा होती. त्यासाठी स्थानिक नगरसेवक, महापौर आणि जिल्ह्याचे पालकमंत्री यांनी पाठपुरावा करून हे काम पूर्णत्वास नेले. कोणताही निर्णय महापालिकेने घेताना त्याचे सभागृहात एकमत असणे गरजेचे असते, ते स्थानिक नगरसेवकांनी व महापौरांनी घडवून आणले, याकरिता त्यांनी त्यांचे अभिनंदन केले. मार्गाला नामाकरण करून आपली जबाबदारी संपत नाही, तर वाढली आहे. हा मार्ग स्वच्छ ठेवणे आणि या मार्गाला आदर्श मार्ग करणे ही जबाबदारी आता प्रत्येकाची आहे. या  मार्गातील दुकानदारांना आणि रहिवासी नागरिकांना विनंती करा आणि रस्ता स्वच्छ ठेवण्याची  विनंती करा, अशी सूचना त्यांनी केली. जो रस्त्यावर घाण करेल, त्याचावर कारवाई करण्यात येईल, अशी तंबी द्या, असेही ते यावेळी बोलताना म्हणाले.
 
कार्यक्रमाच्या प्रारंभी मान्यवरांचे स्वागत धंतोली झोन सभापती प्रमोद चिखले आणि सहायक आयुक्त स्मिता काळे यांनी केले. मुरारका परिवारातर्फे मान्यवरांचे स्वागत केले. प्रास्ताविकाद्वारे झोन सभापती प्रमोद चिखले यांनी कार्यक्रमाची पार्श्वभूमी विशद केली. झोनमध्ये काही दानशूर नागरिक आहेत त्यापैकी एक म्हणजे मुरारका परिवार आहे. २०० वर्षापासून या परिवाराचे समाजकार्य अखंडितपणे सुरू असल्याची माहिती त्यांनी दिली. संत गजानन महाराज संस्थान, शेगाव येथील संस्थापक सदस्य पुनरलाल मुरारका यांनी शेगाव येथे आणि विदर्भात विशेषतः नागपूरमध्ये विविध संस्थांना दानधर्म केले. त्यांचा किशोरवयातील मुलगा रक्ताच्या कर्करोगाने निधन पावला. त्याचा सन्मार्थ या मार्गाला त्याचे नाव देण्यासाठी आम्ही पुढाकार घेतला, महापौर नंदा जिचकार यांनी पुढाकार घेऊन हा योग घडवून आला, असेही त्यांनी सांगितले. कार्यक्रमाचे संचालन मधू पराड यांनी केले. महापौर नंदा जिचकार यांनी आभार मानले.
 
कार्यक्रमाला जनसंपर्क अधिकारी अशोक कोल्हटकर, प्रमोद अग्रवाल, राकेश अग्रवाल, संजय राठी, मनीष मेहाडिया, मनीष ओझा, गणेश गुप्ता, अनिल अग्रवाल, रवी मेहाडियाल प्रामुख्याने उपस्थित होते.

 

 

जॉगींग, वाकिंग, सायकल ट्रॅकचे कस्तुरचंद पार्कवर भूमिपूजन

मुख्यमंत्री फडणवीस, ना. गडकरींनी केले वृक्षारोपण
 
नागपूर,ता २५: राज्य शासनाच्या निधीअंतर्गत महानगरपालिकेद्वारे शहराचे मध्यवर्ती ठिकाण असलेल्या कस्तुरचंद पार्कवर साकारण्यात येणाऱ्या जॉगींग, वॉकिंग आणि सायकल ट्रॅकचे भूमिपूजन मुख्यमंत्री देवेंद्र फडणवीस यांच्या हस्ते केंद्रीय मंत्री ना. नितीन गडकरी यांच्या अध्यक्षतेखाली आणि ऊर्जामंत्री तसेच नागपूर जिल्ह्याचे पालकमंत्री चंद्रशेखर बावनकुळे यांच्या प्रमुख उपस्थितीत करण्यात आले.
 
यावेळी महापौर नंदा जिचकार, आमदार सुधाकर देशमुख, मनपा स्थायी समितीचे सभापती विरेंद्र कुकरेजा, सत्तापक्ष नेते संदीप जोशी, विरोधी पक्ष नेते तानाजी वनवे, जिल्हाधिकारी सचिन कुर्वे, मनपा आयुक्त अश्विन मुदगल, नागपूर सुधार प्रन्यासचे अध्यक्ष डॉ. दीपक म्हैसेकर, मंगळवारी झोन सभापती सुषमा चौधरी, धरमपेठ झोन सभापती रूपा राय, स्थापत्य समितीचे सभापती संजय बंगाले, विधी समितीचे सभापती ॲड. धर्मपाल मेश्राम, कर आकारणी समितीचे सभापती संदीप जाधव, ज्येष्ठ नगरसेवक सुनील अग्रवाल, नगरसेवक सुनील हिरणवार, किशोर जिचकार, नगरसेविका स्नेहा निकोसे, ममता सहारे, सहायक आयुक्त प्रकाश वराडे, शहर अभियंता मनोज तालेवार, सोलर इंडस्ट्रीज इंडिया लि.चे व्यवस्थापकीय संचालक मनीष नुवाल, उपाध्यक्ष जे. एफ. सालवे उपस्थित होते.
 
कस्तुरचंद पार्कच्या सौंदर्यीकरणा अंतर्गत तेथे नागरिकांसाठी वॉकिंग ट्रॅक, जॉगींग ट्रॅक, सायकल ट्रॅक साकारण्यात येत आहे. सभोवताल वृक्षलागवड करण्यात येणार आहे. तर पर्यटकांच्या आकर्षणाचे केंद्र बनेल, असा सेल्फी प्वॉईंट तयार करण्यात येत आहे. सेल्फी प्वॉईंट पूर्णत: सोलर इंडस्ट्रीज इंडिया लिमिटेड कंपनी साकारणार असून अन्य सौंदर्यीकरणाचा प्रकल्प ११ कोटींचा आहे. राज्य शासनाने पाच कोटींचा निधी मंजूर केला आहे. या सौंदर्यीकरणासाठी स्पर्धा आयोजित करण्यात आली होती. विविध आर्किटेक्ट महाविद्यालयाच्या विद्यार्थ्यांनी आपल्या संकल्पना सादर केल्या होत्या. त्यात ‘आयडियाज’ आर्किटेक्चर महाविद्यालयाच्या विद्यार्थ्यांनी सादर केलेली संकल्पना निवडण्यात आली. महाविद्यालयाचे प्राचार्य अभय पुरोहित आणि प्रा. केतन किंमतकर यांच्या नेतृत्वात विद्यार्थ्यानी डिझाईन सादर केले होते.
 
या संपूर्ण कार्याचे भूमिपूजन मुख्यमंत्री देवेंद्र फडणवीस यांच्या हस्ते करण्यात आले. यावेळी मुख्यमंत्र्यांसह केंद्रीय मंत्री नितीन गडकरी, पालकमंत्री चंद्रशेखर बावनकुळे, महापौर नंदा जिचकार यांच्या हस्ते वृक्षारोपण करण्यात आले.
 
यानंतर वास्तु विशारद अशोक मोखा यांनी कस्तुरचंद पार्कचा चेहरामोहरा बदलणाऱ्या प्रकल्पाचे सादरीकरण केले. यावेळी सर्व प्रमुख पाहुण्यांचे स्वागत सोलर इंडस्ट्रीजचे व्यवस्थापकीय संचालक मनीष नुवाल यांनी केले. संचालन व आभार प्रदर्शन मनपाचे जनसंपर्क अधिकारी अशोक कोल्हटकर यांनी केले.
 
असे राहील सौंदर्यीकरण
 
कस्तुरचंद पार्कच्या सौंदर्यीकरणामध्ये जॉगींग, वॉकिंग, सायकल ट्रॅकसह संपूर्ण हेरिटेज स्ट्रक्चरला स्टील रेलिंगचे कम्पाऊंड, सर्वात उंच ध्वज, नवीन प्रवेशद्वार, ट्रॅकच्या दोन्ही बाजूंनी वृक्ष, संपूर्ण ट्रॅकवर लाईटस्‌, हेरिटेज स्ट्रक्चरवर रोषणाई, उत्तर आणि दक्षिण बाजूंनी प्रसाधनगृह, रेनवॉटर हार्वेस्टिंग, मेट्रोच्या भिंतीवर एलईडी स्क्रीन, कारंजे, वाहनतळ, बसण्यासाठी बेंचेस, लहान मुलांसाठी खेळण्याचा एरिया, अशोक स्तंभ, ‘आय लव नागपूर’ असे लिहिलेला सेल्फी प्वॉईंट, उत्तर आणि दक्षिण दिशेला सुरक्षा रक्षक खोली आदींचा समावेश राहील.

 

 

'अर्थ अवर' अंतर्गत नागपूरकरांनी केले 'लाईट्स ऑफ'

मनपा-ग्रीन विजीलचा पुढाकार :* *जनजागृतीतून दिला सामाजिक संदेश
 
नागपूर, ता. २४ : ऊर्जा बचतीचा संदेश देण्यासाठी नागपूर महानगर पालिका आणि ग्रीन विजील फाउंडेशनच्या पुढाकारातून  'अर्थ अवर-कनेक्ट टू अर्थ' पाळण्यात आला. मनपाने केलेल्या आवाहनाला दाद देत नागपूरकरांनी शनिवारी (ता.२४) रात्री ८.३० ते ९.३० या एक तासाच्या काळात अनावश्यक 'लाईट्स ऑफ' करून उर्जाबचतीचा संदेश दिला.
 
'अर्थ अवर' निमित्त सीताबर्डी येथील इटर्निटी मॉल येथे मुख्य कार्यक्रमाचे आयोजन करण्यात आले होते. यावेळी माजी महापौर आमदार प्रा. अनिल सोले, महापौर नंदा जिचकार, धरमपेठ झोन सभापती रूपा राय, माजी महापौर प्रवीण दटके, स्थापत्य समिती सभापती संजय बंगाले, मनपातील उपनेत्या वर्षा ठाकरे, नगरसेवक सुनील हिरणवार, अतिरिक्त उपायुक्त जयंत दांडेगावकर, कार्यकारी अभियंता (विद्युत) संजय जैस्वाल, ग्रीन विजील फाउंडेशनचे संस्थापक कौस्तभ चैटर्जी, इटर्निटी मॉलचे महाव्यवस्थापक आशीष बारई उपस्थित होते. 
 
यावेळी ग्रीन विजीलचे स्वयंसेवक मधुसूदन चैटर्जी, सुरभी जैस्वाल, मेहुल कोसुरकर, कल्याणी वैद्य, शीतल चौधरी, विष्णुदेव यादव, विकास यादव, अमोल भलमे, कार्तिकी कावळे, अमित पालिया,  यश केडिया, रोशनी बाघेर, निशित जयपुरिया आदीनी मॉल मधील व्यापाऱ्याना 'अर्थ अवर'बाबत माहिती दिली. ऊर्जा बचत, प्लास्टिक बहिष्कार, पाणी बचत, अन्नाची नासाडी, कागदाचा कमीत कमी उपयोग याविषयी जनजागृती केली.  अर्थ अवर ची प्रेरणा घेऊन नागपुरात 'पौर्णिमा दिवस' साजरा करण्यात येतो. या दिवशीही रात्री एक तास विजेची उपकरण बंद ठेवण्याचे आवाहनही त्यांनी केले. 'अर्थ अवर' दरम्यान इटर्निटी मॉल मधील अनावश्यक वीज उपकरणें  एक तास बंद ठेवण्यात आले.
 
काय आहे 'अर्थ अवर'
'अर्थ अवर' एक विश्वव्यापी अभियान आहे. उर्जाबचत हा मुख्य उद्देश समोर ठेवून सर्वप्रथम सन २००७ मध्ये ऑस्ट्रेलिया मधील सिडनी या शहरात साजरा करण्यात आला. आज जगातील १८७ देशांतील सात हजार शहरांमध्ये साजरा करण्यात येतो.  याच उपक्रमाची प्रेरणा घेऊन तत्कालीन महापौर प्रा. अनिल सोले यांनी नागपुरात मनपाच्या माध्यमातून जानेवारी २०१४ पासून 'पौर्णिमा दिवस' संकल्पना मांडली. नागपूर शहरात प्रत्येक पौर्णिमेला मनपा आणि ग्रीन विजीलद्वारे शहरातील अनावश्यक वीज उपकरणे रात्री एक तास बंद ठेवण्याचे आवाहन करण्यात येते. या उपक्रमाला उदंड प्रतिसाद मिळत असून आतापर्यंत या माध्यमातून १ लाख २५ हजार किलो कार्बन उत्सर्जन थांबविण्यात यश आले आहे.

 

 

मनपाच्या सहा हजार विद्यार्थींनींना सॅनिटरी नॅपकीनचे मोफत वाटप

महापालिका आणि रोटरी कल्ब ईशान्य चा संयुक्त उपक्रम
 
नागपूर,ता.२४. नागपूर महानगरपालिका आणि रोटरी कल्ब ईशान्य यांच्या संयुक्त विद्यामाने नागपूर महानगरपालिकेच्या शाळेतील सहा हजार विद्यार्थींनींना त्यांच्या सॅनिटरी नॅपकीनचा वर्षभराचा साठा मोफत वाटपाचा कार्यक्रम शनिवारी (ता.२४) ला आसीनगर झोनमधील एम के आझाद शाळेत झाला. शाळेच्या मुख्याधापिका निखत रेहाना यांच्या हस्ते विद्यार्थींनींना सॅनिटरी नॅपकीनचे वाटप करण्यात आले.
 
यावेळी शाळेच्या मुख्याधापिका निखत रेहाना यांनी सॅनिटरी नॅपकीनचे महत्व काय आहे. हे पटवून दिले. मनपाच्या शाळेतील माध्यामिक आणि उच्च माध्यामिक शाळेतील ५८०० विद्यार्थींनींना प्रत्येकी ९६ सॅनिटरी नॅपकीनचे वाटप करण्यात आले आहे. या अभिनव उपक्रमाची सुरूवात १९ मार्च पासून सुरू झाली. मनपाच्या दहाही झोनमध्ये हा कार्यक्रम घेण्यात आला. महानगरपालिकेच्या ८४ शाळेंचा सहभाग यात होता.
 
या उपक्रमाची पूर्वपिठिका रोटरी कल्ब ईशान्यच्या निलू टावरी यांनी विद्यार्थींनींना समजवून सांगितली. मासिक पाळी हा नैसर्गिक क्रिया आहे. त्याबद्दल कोणतिही मनात भिती आणि लाज बाळगू नये. त्याबद्दल काही अडचणी येत असेल तर त्वरित आपल्याला पालकांना त्याबाबत कळवावे, असे त्यांनी सांगितले. या अभिनव उपक्रमाबद्दल महानगरपालिकेच्या शिक्षणाधिकारी संध्या मेडपल्लीवार यांनी रोटरी कल्ब ईशान्य या संस्थेचे आभार मानले. 
 
कार्यक्रमाला क्रिडा विभागाचे नरेश सवाईथूल, प्रमोद जांवदिया, संजय मोहता, कमल टावरी, नरेश बलदवा, वर्षा जांवदिया, अर्चना मेहता, अनिता टावरी, प्रमिला मेहता हे उपस्थित होते. 

 

 

सर्वात उंच राष्ट्रध्वज उभारण्याच्या मार्गातील अडथळे दूर

हेरिटेज समितीने दिली मंजुरी : ‘झिरो माईल’ संदर्भात उपसमिती देणार अहवाल
 
नागपूर,ता.२३ : नागपूर महानगरपालिकेतर्फे कस्तुरचंद पार्क येथे उभारण्यात येणाऱ्या देशातील सर्वात उंच राष्ट्रध्वजाच्या निर्मिती मार्गातील सर्व अडथळे दूर झालेले आहेत. मंजूर नकाशा आणि सौंदर्यीकरणाला नागपूर हेरिटेज संवर्धन समितीने शुक्रवारी (ता. २३) मंजुरी प्रदान केली.
 
नागपूर महानगरपालिकेच्या छत्रपती शिवाजी महाराज नवीन प्रशासकीय इमारतीतील सभागृहात नागपूर हेरिटेज संवर्धन समितीच्या बैठकीचे आयोजन करण्यात आले होते. निरीचे संचालक डॉ, तपन चक्रवर्ती यांच्या अध्यक्षतेखाली झालेल्या बैठकीला समितीचे सदस्य मनपाचे अतिरिक्त उपायुक्त राजेश मोहिते, स्ट्रक्चरल अभियंता पी. एस. पाटणकर, एल.ए.डी. महाविद्यालयाच्या प्राचार्य उज्ज्वला चक्रदेव यांच्या प्रतिनिधी डॉ, नीता लांबे, नागपूर विद्यापीठातील इतिहास विभागाच्या प्रपाठक डॉ. शुभा जोहरी, नगररचना विभागाचे सहायक संचालक प्रमोद गावंडे, नगररचना शाखा कार्यालयाचे नगररचनाकार पी.पी. सोनारे, वास्तुविशारद अशोक मोखा बैठकीला उपस्थित होते.
 
कस्तुरचंद पार्क येथे देशातील सर्वात उंच राष्ट्रध्वज उभारण्यात यावा, यासाठी मागील काही वर्षांपासून पाठपुरावा सुरू आहे. उंच आणि २४ तास फडकणाऱ्या राष्ट्रध्वजासंदर्भात जे नियम आहे त्या नियमांच्या अधीन राहून त्याची निर्मिती करण्यात येणार आहे. त्यासाठी आवश्यक सर्व विभागांची मंजुरी घेण्यात आली आहे. कस्तुरचंद पार्क आणि राष्ट्रध्वजासाठी असलेली जागा ह्या दोन विभक्त होता कामा नये. त्यामुळे सुरक्षेच्या दृष्टीने या जागेवर सुरक्षा भिंत न उभारता लोखंडी बॅरिकेटस्‌ लावण्यात यावे, अशी सूचना हेरिटेज समितीने केली. तसेच तेथे निर्माण करण्यात येणारे ॲम्पीथिएटर हे ग्रीन लॅण्डस्‍केपमध्ये असावे, अशीही सूचना समितीने केली. यासंदर्भात माजी महापौर व ज्येष्ठ नगरसेवक प्रवीण दटके, मनपाच्या स्थापत्य समितीचे सभापती संजय बंगाले आणि नीलेश सिंग यांनी बाजू मांडली.
 
‘झिरो माईल’ संवर्धनाबाबत उपसमिती देणार अहवाल
 
‘झिरो माईल’ स्तंभाची दुर्दशा आणि त्याचे संवर्धन यावर अभ्यास करण्यासाठी हेरिटेज संवर्धन समितीने सदस्या श्रीमती उज्ज्वला चक्रदेव यांच्या अध्यक्षतेखाली एक उपसमिती गठीत केली. स्ट्रक्चरल अभियंता पी. एस. पाटणकर आणि वास्तुविशारद अशोक मोखा या समितीचे सदस्य असून ही समिती यासंदर्भात जागेचे प्रत्यक्ष निरीक्षण करून हेरिटेज संवर्धन समितीकडे अहवाल सादर करेल. त्यानंतर या स्तंभाच्या देखभाल, दुरुस्तीसंदर्भात निर्णय घेण्यात येईल, असे समितीने सूचित केले.

 

 

पाचपावली सुतिकागृहाचा होणार कायापालट

विरेंद्र कुकरेजा : राष्ट्रीय आरोग्य अभियानांतर्गत प्रस्ताव
 
नागपूर,ता.२३ : राष्ट्रीय आरोग्य अभियानांतर्गत नागपूर महानगरपालिकेद्वारे संचालित उत्तर नागपुरातील पाचपावली सुतिकागृह ‘मॉडेल’ करण्याचा प्रस्ताव आहे. नागपूर महानगरपालिकेला तसा प्रस्ताव प्राप्त झाला असून पुढील तीन महिन्यात या सुतिकागृहाचा संपूर्ण कायापालट होणार आहे. सध्या १० खाटांची क्षमता असलेल्या पाचपावली सुतिकागृहात पुन्हा ३० खाटांची भर पडणार आहे.
 
स्थायी समितीचे सभापती विरेंद्र कुकरेजा यांनी एका विशेष बैठकीत ही माहिती दिली. सदर बैठकीचे आयोजन शुक्रवारी (ता. २३) मनपा मुख्यालयातील डॉ. पंजाबराव देशमुख स्मृति सभागृहात करण्यात आले होते. बैठकीला आरोग्य सेवा उपसंचालक डॉ. संजय जयस्वाल, स्थायी समितीचे सदस्य नगरसेवक मनोज सांगोळे, अतिरिक्त उपायुक्त राजेश मोहिते, आरोग्य अधिकारी (दवाखाने) डॉ. अनिल चिव्हाणे, राष्ट्रीय आरोग्य अभियानाचे विभागीय कार्यकारी अभियंता राजेंद्र लोंढे, वैद्यकीय अधिकारी डॉ. विजय जोशी, पाचपावली सुतिकागृहाच्या प्रमुख डॉ. सीमा पारवेकर, भाजपचे उत्तर नागपूरचे अध्यक्ष दिलीप गौर, महामंत्री रवींद्र डोंगरे, सुनील मित्रा, संजय तरारे, डॉ. एम. सी. थोरात, कार्यकारी अभियंता गिरीश वासनिक, डॉ. संगीता बलकोटे उपस्थित होते.
 
आरोग्य सेवा उपसंचालकांनी सदर प्रस्ताव महानगरपालिकेपुढे ठेवला आहे. सुतिकागृहाचे प्लोरिंग बदलवणे, स्वच्छता व्यवस्था व्यवस्थित करणे, रंगरंगोटी करणे, इमारतीला काही लिकेजेस आहेत, ते दुरुस्त करणे, इमारतीच्या उपयोगात नसलेल्या जागेत आवश्यक ते बांधकाम करून खाटांची संख्या वाढ या बदलाचा प्रस्तावात अंतर्भाव आहे. मोकळ्या जागेतील शिकस्त इमारती निर्लेखित करून तेथे ॲम्पी थिएटर आणि हिरवळ तयार करण्याचेही प्रस्तावित आहे. स्थापत्य विषयाचे काम पूर्ण झाल्यानंतर अत्याधुनिक मशिनरीचा प्रस्ताव पाठविण्यात येणार आहे. या संपूर्ण कार्याला २२ लाख रुपये खर्च अपेक्षित असल्याची माहिती आरोग्य सेवा उपसंचालक डॉ. संजय जयस्वाल यांनी सांगितले.
 
दरम्यान, या सुतिकागृहाचे नूतनीकरण एनयूएचएमअंतर्गत प्रस्तावित असून त्याचा कार्यादेश झाला असल्याची माहिती आरोग्य अधिकारी डॉ. अनिल चिव्हाणे यांनी दिली. जर कार्यादेश झाले असतील तर राष्ट्रीय आरोग्य अभियानच्या अधिकाऱ्यांनी सादर केलेल्या प्रस्तावानुसार ते बांधकाम करण्यात यावे. सुरक्षा सोयी उपलब्ध करून देण्यात याव्या. तीन महिन्यानंतर या कामाचा आढावा घेण्यात येईल. नूतनीकरणानंतर तेथे काय-काय मशिनरी उपलब्ध करून द्यायच्या आहेत, याचाही प्रस्ताव सादर करण्याचे निर्देश स्थायी समितीचे सभापती विरेंद्र कुकरेजा यांनी दिले. यासाठी कुठलाही निधी कमी पडू देणार नाही. सर्व सोयी उपलब्ध करून दिल्यानंतर महानगरपालिका आणि राष्ट्रीय आरोग्य अभियानाच्या संयुक्त विद्यमाने ते संचालित करण्यात येईल, अशी माहितीही त्यांनी दिली.

 

 

कामगिरी दाखवा अन्यथा कारवाई

स्थायी समिती सभापती विक्की कुकरेजा यांनी दिला इशारा
 
३१ मार्च पर्यंत करा शतप्रतिशत वसुली
 
नागपूर,ता.२२: सर्व झोनची कर थकबाकी ही मोठ्या प्रमाणावर आहे. ही थकबाकी वसूल करण्यात कर निरीक्षक व कर संग्राहक कामचुकारपणा करताना दिसत आहे. सर्व थकबाकी ही ३१ मार्चपर्यंत वसूल झालीच पाहिजे. ज्यांची कामगिरी दिसणार नाही, त्यांच्यावर कडक कारवाई करण्यात येईल, असा कडक इशारा नागपूर महानगरपालिकेचे स्थायी समिती सभापती विरेंद्र कुकरेजा यांनी दिला.
 
कर वसुली संदर्भातील गुरूवारी (ता.२२) सभापती विरेंद्र कुकरेजा यांनी सतरंजीपुरा, लकडगंज आणि आसीनगर झोनचा आढावा घेतला.त्याप्रसंगी ते बोलत होते. यावेळी त्यांच्यासमवेत कर आकारणी व कर संकलन समिती सभापती संदीप जाधव, सतरंजीपुरा झोन सभापती संजय चावरे, सहायक आयुक्त (कर विभाग) मिलिंद मेश्राम, सतरंजीपुरा झोन सहायक आयुक्त प्रकाश वराडे, प्रफुल्ल फरकासे,लकडगंज झोन येथील बैठकीला झोन सभापती दीपक वाडीभस्मे, सहायक आयुक्त सुभाष जयदेव, मंगळवारी झोन येथे झालेल्या बैठकीत झोन सभापती सुषमा चौधरी, सहायक आयुक्त हरीश राऊत, आसीनगर येथे झालेल्या बैठकीत झोन सभापती भाग्यश्री कानतोडे, बसपा गट नेते मोहम्मद जमाल, ज्येष्ठ नगरसेवक मनोज सांगोळे, नगरसेवक जितेंद्र घोडेस्वार, चित्रा गोतमारे, मंगला लांजेवार,सहायक आयुक्त प्रकाश वराडे, जनसंपर्क अधिकारी अशोक कोल्हटकर, झोन सहायक अधीक्षक महेंद्र बोबडे प्रामुख्याने उपस्थित होते.
 
प्रारंभी झोनच्या करवसुली संदर्भातील अहवाल सहायक आयुक्तांमार्फत सभापतींनी मागितला. सतरंजीपुरा झोनमध्ये एकूण डिमांड १४ कोटी ६६ लाख आहे. त्यापैकी ९ कोटी ६१ लाख वसु झाले असल्याची माहिती झोन सहायक आयुक्त प्रकाश वराडे यांनी दिली.आतापावेतो केवळ इतकी वसुली झाल्याने सभापतींनी संताप व्यक्त केला. कारणे सांगू नका. नियोजन करा आणि ३१ मार्चपर्यंत शतप्रतिशत करवसुली करा, असे निर्देश सभापती कुकरेजा यांनी दिले.
 
जे कर भरण्यात टाळाटाळ करीत असेल त्यांच्यावर कारवाई करण्यात यावी. त्यांचा जाहीरनामा प्रकाशित करण्यात यावा, असेही आदेश सभापतींनी दिले. ज्या कर संग्राहकांनी आतापर्यंत कमी कर वसुली केली, त्यांना सभापतींनी खडेबोल सुनावले. ज्या कर संग्राहकाची कामगिरी कमी आहे. त्यांचा दररोजचा वसुली अहवाल झोन सहायक आयुक्तांमार्फत सादर करण्याचे निर्देशही त्यांनी दिले. चालू कराचे देयके नागरिकांपर्यंत २६ मार्चपर्यंत कुठल्याही परिस्थितीत पोहचविण्यात यावे, अशी सूचना देखील केली. 

 

 

स्मशानातून निघणारा धूर होणार प्रदूषणरहित

पुण्याच्या धर्तीवर मोक्षधाममध्ये प्रकल्प : ‘देवाडिया’ होणार अत्याधुनिक
 
नागपूर,ता.२२ : मृतदेहाला अग्नी दिल्यानंतर स्मशानातून निघणारा धूर वातावरण प्रदूषित करतो. ह्या धुराला प्रदूषणरहित करण्यासाठी पुण्याच्या धर्तीवर नागपुरातही प्रकल्प उभारण्यात येणार असून मोक्षधाम येथे त्याचे क्रियान्वयन करण्यात येणार आहे. इतकेच नव्हे तर देवाडिया नर्सिंग होमही अत्याधुनिक सोयीसुविधांनी युक्त होणार असून नागपुरातील सर्वोत्कृष्ट रुग्णालयांपैकी एक असेल. सदर प्रकल्पाला लवकरच तांत्रिक मंजुरी मिळणार आहे.
 
नागपूर महानगरपालिकेच्या आरोग्य सोयी-सुविधांमध्ये पुढील काही महिन्यांत आमूलाग्र बदल दिसून येणार आहे. हे संपूर्ण बदल कसे असतील, यासंदर्भात आरोग्य सभापती मनोज चापले यांनी माहिती दिली. मनपा मुख्यालयातील डॉ. पंजाबराव देशमुख स्मृती सभागृहात गुरुवारी (ता. २२) आरोग्य समितीच्या बैठकीचे आयोजन करण्यात आले होते. या बैठकीत ते बोलत होते. समितीचे पुनर्गठन झाल्यानंतर नवीन सदस्यांच्या उपस्थितीत ही पहिलीच बैठक असल्याने सर्व समिती सदस्यांना आरोग्य विभागाची आणि होऊ घातलेल्या अद्ययावयत प्रकल्पांची आरोग्य अधिकारी (दवाखाने) डॉ. अनिल चिव्हाने यांच्या माध्यमातून आरोग्य सभापती मनोज चापले यांनी ही माहिती दिली.
 
हा प्रकल्प प्रत्यक्षात आणण्यासाठी आरोग्य समितीचे सभापती मनोज चापले, धंतोली झोनचे सभापती प्रमोद चिखले, अतिरिक्त उपायुक्त जयंत दांडेगावकर यांच्या नेतृत्वात पुणे येथे भेट दिली. या भेटीत त्यांनी प्रकल्पांचा संपूर्ण अभ्यास केला. चितेवरून निघणाऱ्या धुराला एका विशिष्ट प्रकारे बाहेर काढण्यात येईल. तो एका चेंबरमध्ये जमा करण्यात येईल, जेथे पाणी सोडले जाईल. यामुळे धुरातील प्रदुषणाची मात्रा कमी होईल. त्यानंतर हा धूर एका चिमणीद्वारे १०० फूट दूर उंच आकाशात सोडला जाईल. १०० फूट उंच धूर सोडण्याच्या दृष्टीने विमानपत्तन प्राधिकरण, नगररचना विभाग व अन्य संबंधित विभागाच्या ना-हरकत प्रमाणपत्राची प्रक्रिया सुरू आहे. एका चितेला अग्नी देण्याकरिता सध्या ३०० किलो लाकडे लागतात. या प्रकल्पामुळे केवळ १५० किलो लाकडे लागतील, अशीही माहिती त्यांनी दिली.
 
बैठकीला सभापती मनोज चापले, उपसभापती विजय चुटेले, सदस्य लखन येरवार, विशाखा बांते, गार्गी चोपरा, दिनेश यादव, वंदना चांदेकर, अतिरिक्त उपायुक्त जयंत दांडेगावकर, आरोग्य अधिकारी (दवाखाने) डॉ. अनिल चिव्हाने, पशुचिकित्सा अधिकारी डॉ. गजेंद्र महल्ले, हत्तीरोग अधिकारी जयश्री थोटे, वैद्यकीय अधिकारी डॉ. विजय जोशी, कनकचे प्रतिनिधी कमलेश शर्मा आणि सर्व झोनल अधिकारी उपस्थिती होते. समितीतील सर्व नवनिर्वाचित सदस्यांचे स्वागत उपायुक्त जयंत दांडेगावकर आणि श्रीमती जयश्री थोटे यांनी केले.
 
देवाडिया होणार अत्याधुनिक
 
नागपूर महानगरपालिका उत्तमोत्तम आरोग्य सुविधा पुरविण्यासाठी कटिबद्ध आहे. सध्या अस्तित्वात असलेल्या आरोग्य सेवा बदलत्या काळाप्रमाणे अत्याधुनिक करण्याचा संकल्प समितीने केला आहे. त्यानुसार देवाडिया नर्सिंग होम हे नागपूर शहरातील सर्वोत्तम नर्सिंग होम होईल, त्यादृष्टीने कार्य सुरू आहे. सर्व अत्याधुनिक सामुग्री तेथे लवकरच उपलब्ध होतील. १२ कोटी ९७ लाख रुपये अत्याधुनिकीकरणावर तर मशिनरीसाठी वेगळे असा सुमारे १५ कोटींच्या घरात हा प्रकल्प आहे.
 
एक रुपयांत सीझर आणि नॉर्मल मोफत
 
अत्याधुनिकीकरणाकडे प्रवास करणारे देवाडिया नर्सिंग होम हे लोकांनी बघायला यावे, अशी सुंदर वास्तू साकारण्यात येणार आहे. या नर्सिंग होममध्ये नॉर्मल प्रसूती मोफत तर सिझर प्रसूती केवळ एक रुपयांत करण्यात येईल. या रुग्णालयात प्रसूती करणाऱ्या मातांना शासनाच्या योजनेतून ६०० रुपये सुद्धा देण्यात येणार असल्याचे सभापती मनोज चापले यांनी सांगितले.
 
देवाडियाच्याच धर्तीवर मिनीमाता नगर येथे ३० खाटांचे अत्याधुनिक रुग्णालय होईल. सध्या एनयूएचएम अंतर्गत मनपाच्या माध्यमातून २६ दवाखाने संचालित केले जातात. त्याची संख्या लवकरच २४ ने वाढून ५० होईल, असा विश्वास आरोग्य सभापती मनोज चापले यांनी व्यक्त केला.
 
सोमवारपासून होणार कुत्र्यांची नसबंदी
 
कुत्र्यांच्या प्रश्न सध्या गंभीर आहे. यासंदर्भात नागरिकांच्या, नगरसेवकांच्या अनेक तक्रारी होत्या. शासन निर्णयाप्रमाणे आता मोकाट कुत्र्यांना मारता येत नाही. त्यांची नसबंदी करण्याचे आदेश शासनाचे आहेत. त्यामुळे मोकाट कुत्र्यांची नसबंदी करण्यासाठी खासगी एजन्सीला काम देण्याचे ठरले होते. मात्र, आता मनपानेच त्यांची नसबंदी करण्याचे ठरविले आहे. यासाठी तीन पशुचिकित्सकांची नियुक्ती करण्यात आली असल्याची माहिती पशुचिकित्सा अधिकारी डॉ. गजेंद्र महल्ले यांनी दिली. सोमवारपासून मोकाट कुत्र्यांच्या नसबंदीचे कार्य सुरू होणार आहे.
 

 

सोनोग्राफी आणि गर्भपात केंद्रांची होणार तपासणी

दक्षता समितीची बैठक : शहरात ५७८ सोनोग्राफी केंद्र
 
नागपूर,ता.२२ : नागपूर शहरांतर्गत असलेल्या सोनोग्राफी आणि गर्भपात केंद्रांच्या तपासणीची धडक मोहीम एप्रिल महिन्यात राबविण्यात येणार आहे. यासंदर्भात चर्चा करण्यासाठी दक्षता समितीची बैठक गुरुवारी (ता. २२) मनपाच्या छत्रपती शिवाजी महाराज नवीन प्रशासकीय इमारतीच्या सभागृहात पार पडली.
 
बैठकीला मनपाचे अपर आयुक्त तथा समितीचे सदस्य रवींद्र कुंभारे, अतिरिक्त उपायुक्त राजेश मोहिते, आरोग्य अधिकारी (दवाखाने) डॉ. अनिल चिव्हाणे, सहायक पोलिस आयुक्त जे. एम. भांडारकर, नोडल अधिकारी डॉ. भावना सोनकुसळे, स्त्री रोग तज्ज्ञ डॉ, चैतन्य शेंबेकर, आयएमएच्या अध्यक्ष डॉ. वैशाली खंडाईत, आयएमएच्या प्रतिनिधी डॉ. वर्षा ढवळे, समिती सदस्य व मनपाचे जनसंपर्क अधिकारी अशोक कोल्हटकर, स्वयंसेवी संस्थेच्या प्रतिनिधी विणा खानोरकर, विधी सल्लागार ॲड. सुरेखा बोरकुटे, वैद्यकीय अधिकारी डॉ. विजय जोशी उपस्थित होते.
 
सदर बैठकीत नोडल अधिकारी डॉ. भावना सोनकुसळे यांनी शासन निर्देशाची माहिती दिली. सोनोग्राफी व गर्भपात केंद्राबद्दल माहिती देताना त्या म्हणाल्या, नागपूर महानगरपालिकेअंतर्ग़त एकूण ५७८ सोनोग्राफी केंद्र आहेत. त्यापैकी ३६२ सुरू आहेत. १२ केंद्र तात्पुरत्या स्वरूपात बंद असून २०४ बंद आहेत. या सर्व केंद्रांची आकस्मिक तपासणी १० पथकाद्वारे होणार आहे. प्रत्येक पथकामध्ये मनपाचे वैद्यकीय अधिकारी, जिल्हा प्रशासनाचे आणि पोलिस प्रशासनातील प्रतिनिधींचा सहभाग असेल. या तपासणीमध्ये नेमके काय करायचे आहे, याबाबत त्यांनी विस्तृत माहिती दिली.
 
अपर आयुक्त रवींद्र कुंभारे म्हणाले, सदर तपासणी मोहीमेसाठी आवश्यक त्या तरतुदी तातडीने पूर्ण करा. ज्या अधिकारी, कर्मचाऱ्यांचा पथकात समावेश असेल त्यांना प्रशिक्षण देऊन आवश्यक त्या सूचना देण्यात याव्या. शासनाच्या निर्देशानुसार ही तपासणी करण्यात यावी. शासन आदेशात असलेल्या बाबींचे तपासणी मोहिमेदरम्यान पालन करावे, असेही निर्देश त्यांनी दिले.
 
सदर बैठकीत पीसीपीएनडीटीच्या अंतर्गत कामांचाही आढावा घेण्यात आला. डॉ. पांडव यांनी बालमृत्यूसंदर्भातील माहिती नियमितपणे देण्याचे वैद्यकीय अधिकाऱ्यांना सूचित केले. बैठकीला मनपाचे सर्व वैद्यकीय अधिकारी उपस्थित होते. 

 

 

जनतेला चांगल्या आरोग्य सेवा पुरवा

आयुक्त अश्विन मुदगल : नागरी आरोग्य केंद्राचे केल निरीक्षण
 
नागपूर,ता.२१: नागपूर महानगरपालिका शहरवासीयांना उत्तमोत्तम सुविधा पुरविण्यासाठी आणि सेवा देण्यासाठी कटिबद्ध आहे. भविष्यात नागपूर महानगरपालिका आरोग्यविषयक सर्वोत्तम सेवा देण्यासाठी ओळखल्या जाईल. त्यामुळे मनपाच्या सर्व नागरी आरोग्य केंद्राचा परिसर स्वच्छ ठेवा. परिसरातील जागेत हिरवाई तयार करा. प्रसन्न वातावरण ठेवा आणि जनतेला चांगल्या आरोग्य सेवा पुरवा असे निर्देश मनपा आयुक्त अश्विन मुदगल यांनी दिले.
 
मनपा आरोग्य विभाग व टाटा ट्रस्ट यांच्यात झालेल्या करारानुसार राष्ट्रीय आरोग्य अभियानांतर्गत सुरू असलेल्या मनपाच्या दवाखान्यांचे रूप पालटणार आहे. त्या अनुषंगाने प्रथम चरणात सुरू होणाऱ्या आठ दवाखान्यांचे निरीक्षण मनपा आयुक्त अश्विन मुदगल यांनी केले. त्याप्रसंगी ते बोलत होते. यावेळी त्यांचेसोबत विरोधी पक्ष नेते तानाजी वनवे, अपर आयुक्त रवींद्र कुंभारे, ज्येष्ठ नगरसेवक मनोज सांगोळे, नगरसेवक यादव, आरोग्य अधिकारी डॉ. अनिल चिव्हाणे, डॉ. विजय जोशी, सहायक आयुक्त हरिष राऊत, कार्यकारी अभियंता राजेश भूतकर, सहायक आयुक्त प्रकाश वराडे, राजेश कराडे, जनसंपर्क अधिकारी अशोक कोल्हटकर, उपअभियंता अनिल कडू, टाटा ट्रस्टचे डॉ. टिकेश बिसेन, महेश सहारे, संतोष लोणारे, राकेश निकोसे व संबंधित विभागाचे अधिकारी उपस्थित होते.
 
प्रारंभी आयुक्त अश्विन मुदगल यांनी बेझनबाग इंदोरा नागरी प्राथमिक आरोग्य केंद्र, त्यानंतर कपिलनगर नागरी आरोग्य केंद्र, नंदनवन नागरी आरोग्य केंद्र आदींचे निरीक्षण केले. दुसऱ्या टप्प्यात आयुक्तांनी उर्वरीत दवाखान्यांचे निरीक्षण करून आढावा घेतला. या निरीक्षण दौऱ्यात त्यांनी नागरी आरोग्य केंद्राच्या माध्यमातून देण्यात येणाऱ्या आरोग्य विषयक सोयी-सुविधांची माहिती जाणून घेतली. तेथील अत्याधुनिक नोंदणी केंद्र, वैद्यकीय तपासणी कक्ष, औषधालय, स्त्री व बालरोग कक्ष आदी व्यवस्थेची पाहणी केली.
 
या निरीक्षण दौऱ्यानंतर आयुक्त श्री. मुदगल यांनी कपिलनगर माध्यमिक शाळेचेसुद्धा निरीक्षण केले. तेथील शौचालय, बाथरूम व परिसराचे निरीक्षण केले. कपिलनगर तसेच मनपाच्या अन्य सर्व शाळांमधील शौचालयांची नियमित स्वच्छता करण्यात यावी. औषध फवारणी करण्ळात यावी, असे निर्देश त्यांनी दिले. नव्याने बांधण्यात येत असलेल्या बस्तरवारी झाडे चौक स्थित सतरंजीपुरा झोनच्या नव्या प्रशासकीय बांधकामाचेसुद्धा त्यांनी निरीक्षण करून कामाची प्रगती जाणून घेतली.

 

 

उन्हापासून बचावासाठी आवश्यक उपाययोजना करा

अपर आयुक्त रवींद्र कुंभारे : ‘हिट ॲक्शन प्लॅन’वर बैठकीत चर्चा
 
नागपूर,ता.२१ : नागपूरमध्ये उन्हाची तीव्रता खूप जास्त राहते. हिट ॲक्शन प्लॅन अंतर्गत सर्व झोन स्तरावर आवश्यक त्या सर्व उपाययोजना करा. जनजागृतीचे कार्यक्रम मोठ्या प्रमाणात राबविण्यात यावे, असे निर्देश मनपाचे अपर आयुक्त रवींद्र कुंभारे यांनी दिले.
 
‘हिट ॲक्शन प्लॅन’वर चर्चा करण्याकरिता मनपाच्या छत्रपती शिवाजी महाराज नवीन प्रशासकीय इमारतीच्या सभागृहात बुधवारी (ता. २१) आयोजित बैठकीत ते बोलत होते. बैठकीला अतिरिक्त उपायुक्त राजेश मोहिते, आरोग्य अधिकारी (दवाखाने) डॉ. अनिल चिव्हाणे, वैद्यकीय अधिकारी डॉ. विजय जोशी, सहायक आयुक्त स्मिता काळे, सुवर्णा दखने, प्रकाश वराडे, सुभाष जयदेव, हरिश राऊत व अन्य अधिकारी उपस्थित होते.
 
अपर आयुक्त रवींद्र कुंभारे पुढे म्हणाले, हिट ॲक्शन प्लॅन राबविण्यासाठी झोनस्तरावर आवश्यक त्या बैठकी घेण्यात याव्यात. आवश्यक त्या पूर्तता करण्यात याव्या. ज्या ठिकाणी कामे सुरू आहे, मोठ्या प्रमाणावर मजूर कार्यरत आहे, अशा ठिकाणी तात्पुरते शेड बनवून पिण्याच्या पाण्याची सोय करण्यात यावी. हवामान अंदाजाची प्रसिद्धी व्यापक प्रमाणावर करण्यात यावी, असे निर्देशही त्यांनी दिले.
 
तत्पूर्वी वैद्यकीय अधिकारी तथा हिट ॲक्शन प्लॅनचे समन्वयक डॉ. नंदकिशोर राठी यांनी हिट ॲक्शन प्लॅन संदर्भात सादरीकरण केले. हिट ॲक्शन प्लॅन अंमलात आणल्यामुळे उन्हापासून होणाऱ्या त्रासाची तीव्रता कशी कमी झाली, याबाबत विवेचन केले.

 

 

‘आपली बस’चा तोटा कमी करण्यासाठी परिवहन समितीच्या सभेत चर्चा

नागपूर,ता.२१ : नागपूर महानगरपालिकेच्या परिवहन विभागाद्वारे संचालित होणाऱ्या ‘आपली बस’चा तोटा वाढतच आहे. हा तोटा कमी व्हावा यासाठी विविध उपाययोजनांवर बुधवारी झालेल्या परिवहन समितीच्या सभेत चर्चा करण्यात आली. समिती या विषयासंदर्भात गंभीर असल्याचे सभापती जितेंद्र (बंटी) कुकडे यांनी सांगितले.
 
नागपूर महानगरपालिका मुख्यालयातील डॉ. पंजाबराव देशमुख स्मृती सभागृहात बुधवारी (ता. २१) परिवहन समितीच्या बैठकीचे आयोजन करण्यात आले होते. सदर बैठकीत ते बोलत होते. सभेला उपसभापती प्रवीण भिसीकर, सदस्य नितीश ग्वालबंशी, नितीन साठवणे, मनिषा धावडे, अर्चना पाठक, उज्ज्वला शर्मा, वैशाली रोहणकर, अभिरुची राजगिरे, कल्पना कुंभलकर, परिवहन व्यवस्थापक शिवाजी जगताप, प्रशासकीय अधिकारी रवींद्र पागे, अरुण पिपुरडे आदी उपस्थित होते.
 
परिवहन विभागाचा तोटा कमी करण्यासाठी समितीतर्फे विशेष प्रयत्न सुरू असल्याचे परिवहन सभापती बंटी कुकडे यांनी सांगितले. बैठकीत धोरणात्मक निर्णयासंदर्भातील विषय महासभेकडे पाठविण्यात आले असल्याची माहिती देण्यात आली. सन २०१८-१९ च्या अर्थसंकल्पानुसार नियमित बैठका होणार असल्याची माहिती त्यांनी दिली. परिवहन विभागाचा कारभार सुरळीत चालण्यासाठी राज्य शासनातर्फे आर्थिक मदत मिळावी यासाठी प्रस्ताव बनविण्यासंदर्भातही सभापतींनी दिशानिर्देश दिले. परिवहन विभागाच्या ‘एस्क्रो’ खात्यासंदर्भातही बैठकीत चर्चा झाली.
 
परिवहन विभागाद्वारे संचालित ग्रीन बस मध्ये विद्यार्थ्यांसाठी पास सुविधा सुरू करण्यासंदर्भातही चर्चा झाली. यासोबतच परिवहन विभागाशी संबंधित विविध आर्थिक विषयांवर बैठकीत चर्चा करण्यात आली.

 

 

करवसुलीच्या ‘परफॉर्मन्स’वरच बढती कुकरेजा यांचा इशारा : हनुमाननगर, नेहरूनगर, गांधीबाग झोनमध्ये घेतला आढावा

नागपूर,ता.२१ : कर विभागातील काही कर्मचारी आपले कर्तव्य प्रामाणिकपणे पार पाडत आहे. काही कर्मचारी मात्र वेळकाढू धोरण अवलंबित आहे, या सर्व कर्मचाऱ्यांच्या कार्यअहवालाचा अभ्यास करून केवळ ‘परफॉर्मन्स’वर बढती देण्यात येईल आणि निष्क्रिय कर्मचाऱ्यांच्या बाबतीत कडक पावले उचलण्याचे निर्देश प्रशासनाला देण्यात येतील, असा इशारा स्थायी समितीचे सभापती विरेंद्र कुकरेजा यांनी दिला.
 
मालमत्ता करवसुलीचा आढावा घेण्यासाठी सुरू असलेल्या झोननिहाय बैठकीअंतर्गत बुधवारी (ता. २१) हनुमाननगर, नेहरूनगर आणि गांधीबाग झोन कार्यालयात घेतलेल्या बैठकीत ते बोलत होते. हनुमाननगर झोनच्या बैठकीत झोन सभापती भगवान मेंढे, स्थायी समितीचे सदस्य नागेश मानकर, नगरसेविका मंगला खेकरे, जयश्री वाडीभस्मे, नगरसेवक राजेंद्र सोनकुसरे, झोन सहायक आयुक्त राजू भिवगडे, कर निर्धारक तथा संग्राहक दिनकर उमरेडकर, प्रफुल्ल फरकासे, नेहरूनगर झोनच्या बैठकीत झोन सभापती रेखा साकोरे, सहायक आयुक्त राजेश कराडे तर गांधीबाग झोनच्या बैठकीत सहायक आयुक्त अशोक पाटील उपस्थित होते.
 
मार्च महिना संपायला १० दिवस शिल्लक असताना ज्या कर्मचाऱ्यांनी केवळ ५० टक्क्यांच्या खाली उद्दिष्ट गाठले, त्यांच्या कार्याप्रति सभापती विरेंद्र कुकरेजा यांनी नाराजी व्यक्त केली. २५ मार्चपर्यंत त्यांच्या कार्यात काय प्रगती आहे, याचा अहवाल त्यांनी सहायक आयुक्तांमार्फत मागविला. ज्यांचे कार्य उत्तम आहे, त्यांना प्रोत्साहन देण्यात येईल, असेही त्यांनी सांगितले. अडचणी सांगू नका. अडचणींवर मात करून, मार्ग काढून करवसुलीचे उद्दिष्ट गाठा, असे निर्देश त्यांनी दिले.
 
हनुमाननगर झोनच्या बैठकीत सहायक आयुक्त राजू भिवगडे यांनी कर वसुलीसंदर्भात आणि त्यासाठी होत असलेल्या प्रयत्नांबाबत माहिती दिली. हनुमाननगर झोनअंतर्गत ७४३३८ मालमत्ता असून ६२६५२ निवासी आहेत. ६४१७ व्यावसायिक असून ५२६९ खुले भूखंड आहेत. २० कोटी २४ लाख रुपये जुनी वसुली येणे बाकी असून नवीन डिमांड १७ कोटी १५ लाखांची आहे. करापोटी एकूण ३७ कोटी ३९ लाख रुपये येणे असल्याचे त्यांनी सांगितले.
 
नेहरूनगर झोनअंतर्गत एकूण २२ कोटी ७६ लाख रुपये वसूल करावयाचे आहेत. त्यापैकी १० कोटी ८६ लाख जुनी वसुली असून ११ कोटी १० लाख रुपये चालू वर्षाची डिमांड असल्याची माहिती सहायक आयुक्त राजेश कराडे यांनी दिली.
 
विवादित मालमत्तांचा प्रश्न निकाली निघणार
 
प्रत्येक झोनअंतर्गत काही विवादित मालमत्ता आहेत. त्यांच्यावरील कराची रक्कम दर वर्षीच्या थकीत रकमेमध्ये दिसून येते. यामुळे उद्दिष्ट वाढलेले असते. एप्रिल महिन्यापासून या सर्व मालमत्तांची प्रकरणे निकाली काढण्यात येतील. यासोबतच काही शासकीय मालमत्ता, काही निमशासकीय मालमत्ता ज्यांच्या करवसुलीसंदर्भात काही अडथळे आहेत, अशी प्रकरणेही निकाली काढण्यात येतील. अशा मालमत्तांचा प्रस्ताव झोन कार्यालयांनी स्थायी समितीकडे पाठवावा, असे निर्देशही स्थायी समिती सभापती विरेंद्र कुकरेजा यांनी दिले.

 

 

सिंधी भाषेची सुरक्षा म्हणजे भारताची सुरक्षा : मोहन भागवत

जरीपटका येथील चेट्रीचंड महोत्सवात उसळला जनसागर
 
नागपूर, ता. १९ :  प्राचीन, समृद्ध आणि श्रीमंत इतिहास असणाऱ्या देशांच्या पंक्तित यायचे असेल तर आपला इतिहास सिंध प्रांतापासून सुरु करावा लागतो. भारतीय संस्कृतीचा उगम सिंध प्रांतातून आहे. सिंधी भाषेची सुरक्षा म्हणजे भारताची सुरक्षा आहे, असे प्रतिपादन राष्ट्रीय स्वयंसेवक संघाचे सरसंघचालक डॉ. मोहन भागवत यांनी केले.
 
भारतीय सिंधू सभेतर्फे जरीपटका येथील दयानंद पार्क येथे आयोजित चेट्रीचंड महोत्सवात विशेष अतिथी म्हणून ते बोलत होते. यावेळी मंचावर भारतीय सिंध सभेचे अध्यक्ष घनश्यामदास कुकरेजा, मनपाच्या स्थायी समितीचे सभापती वीरेंद्र कुकरेजा, सतीश आनंदानी, राजेश बरवानी, सुनील वासवानी, दीपक बीखानी, अनिल भारद्वाज उपस्थित होते.
 
सरसंघचालक मोहन भागवत पुढे बोलताना म्हणाले, भारत देशात निरनिराळ्या भाषा, वेश, प्रांत आहेत. प्रत्येक प्रांताचे भोजन वेगवेगळे आहे. परंतु या साऱ्या बाबी आम्हाला एका देशाशी जोडतात. भाषा, प्रांत, सभ्यता हे या भारत देशाचे अलंकार आहेत. साजसज्जा आहे. प्रत्येक उत्सवाची विविधता आहे. मात्र या साऱ्यामागची भावना एक आहे. विविधतेला, एकतेच्या भावनेला सोबत घेऊन चालणे ही आमची संस्कृती आहे. या प्रकारचा अनुभव देण्यासाठी आणि घेण्यासाठी मी येथे आलो असल्याचे त्यांनी सांगितले. भाषा, वेशभूषा, भवन, भजन, भ्रमण यांची सुरक्षा करण्याचे काम राष्ट्रीय स्वयंसेवक संघ करतो. १४ ऑगस्ट है दिवस सिंधी समाज काळा दिवस म्हणून पाळत असले तरी भविष्यात सिंधच्या भूमीवर उभे राहून त्याच दिवशी संत कंवरराम यांची भजन सिंधी बांधव गातील तो दिवस शुभ दिवस असेल, असे ते म्हणाले.
 
प्रास्ताविकातून श्री. घनश्यामदास कुकरेजा यांनी सिंध संस्कृतीचे विवेचन केले. सिंध प्रांतातून आलेला हा समाज आता भारतालाच सिंध प्रांत मानतो. आपल्या कृतीतून या समाजाने आपण शरणार्थी नाही तर पुरुषार्थी असल्याचे सिद्ध केले. या पुरुषार्थातूनच या समाजाने परमार्थ साधला. आता सिंध भाषेला जिवंत ठेवण्याचे प्रयत्न हा समाज करत असल्याचे त्यांनी सांगितले.
 
ततपूर्वी श्री. घनश्यामदास कुकरेजा यांनी सरसंघचालक डॉ. मोहन भागवत यांचा पारंपरिक पगड़ी घालून, शाल, श्रीफळ आणि स्मृतिचिन्ह देऊन सत्कार केला. संचालन श्रीमती सचदेव यांनी केले. यावेळी डॉ. विंकी रुग्वानी, नगरसेविका प्रमिला मंथरानी, प्रीतम मंथरानी, डॉ. मेघराज रुग्वानी, डॉ. अभिमन्यु कुकरेजा महेश साधवानी, रूपचंद रामचंदानी, किसन आसुदानी उपस्थित होते.

 

 

विजय झलके यांनी स्वीकारला जलप्रदाय समिती सभापती पदाचा कार्यभार

महापौर नंदा जिचकार यांनी केले स्वागत
 
नागपूर,ता.१९ : नागपूर महानगरपालिकेचे नवनियुक्त जलप्रदाय समिती सभापती पिंटू झलके यांनी सभापती पदाची सूत्रे सोमवारी (ता.१९) स्वीकारली. यावेळी महापौर नंदा जिचकार, उपमहापौर दीपराज पार्डीकर, सत्तापक्ष नेते संदीप जोशी यांनी त्यांचे पुष्पगुच्छ देऊन स्वागत केले.
 
यावेळी माजी आमदार मोहन मते, समिती सदस्य दीपक वाडीभस्मे, प्रदीप पोहाणे, जयश्री रारोकर, प्रणिता शहाणे, प्रतोद दिव्या धुरडे, परिवहन समिती सभापती बंटी कुकडे, स्थापत्य व प्रकल्प समिती सभापती संजय बंगाले, महिला व बालकल्याण समिती सभापती प्रगती पाटील, दुर्बल घटक समिती सभापती महेंद्र धनविजय, मंगला खेकरे, राजेश घोडपागे, भारती बुंडे, सुनील हिरणवार, उषा पॅलट, अमर बागडे, नेहा वाघमारे, भारती बुंडे, स्वाती आखतकर, वंदना यंगटवार, भगवान मेंढे, स्नेहल बिहारे, क्रीडा समिती उपसभापती प्रमोद तभाने उपस्थित होते.
 
यावेळी नवनिर्वाचित सभापती पिंटू झलके यांचे महापौर नंदा जिचकार यांनी शाल, श्रीफळ, देऊन सत्कार केला. यावेळी बोलताना पिंटू झलके म्हणाले, सहकाऱ्यांच्या समन्वयातून कार्य करेन.. पक्षाने माझ्यावर टाकलेल्या विश्वासाला कुठेही तडा जाणार नाही, याची ग्वाही त्यांनी यावेळी दिली.
 
महापौर नंदा जिचकार याप्रसंगी बोलताना म्हणाल्या, विजय झलके यांनी आज पदभार स्वीकारला याबद्दल मी त्यांचे अभिनंदन करते. आम्ही त्यांच्यावर सोपविलेली जबाबदारी ते समर्थपणे सांभाळतील, असा विश्वास त्यांनी यावेळी बोलताना व्यक्त केला. कार्यक्रमाचे संचालन व आभार जनसंपर्क अधिकारी अशोक कोल्हटकर यांनी केले.   

 

 

पट्टेवाटपाची कार्यवाही तातडीने करा : कुकरेजा

नासुप्र-मनपाच्या संयुक्त बैठकीत निर्देश
 
नागपूर,ता.१९ : गेल्या अनेक वर्षांपासून झोपडपट्टीवासीयांना पट्टे वाटपाचे काम रखडले आहे. नागपूर सुधार प्रन्यासच्या अखत्यारीत जितक्या झोपडपट्टी आहेत, त्याचा सामाजिक-आर्थिक आणि प्लेन टेबल सर्वेक्षण लवकरात लवकर करून पट्टेवाटपाची कार्यवाही तातडीने करा, असे निर्देश महापौर नंदा जिचकार व स्थायी समितीचे सभापती तथा नागपूर सुधार प्रन्यासचे विश्वस्त विरेंद्र कुकरेजा यांनी नासुप्र अधिकाऱ्यांना दिले.
 
नागपूर सुधार प्रन्यासद्वारे नागपूर शहरातील झोपडपट्टी पट्टे वाटपसंबंधी सध्या काय स्थिती आहे यासंदर्भात आढावा घेण्यासाठी नागपूर सुधार प्रन्यास आणि नागपूर महानगरपालिकेच्या अधिकाऱ्यांच्या संयुक्त बैठकीचे आयोजन करण्यात आले होते. त्यात ते बोलत होते. बैठकीला स्थायी समिती सभापती विरेंद्र कुकरेजा यांच्यासह महापौर नंदा जिचकार, आमदार सुधाकर देशमुख, आमदार कृष्णा खोपडे, आमदार डॉ. मिलिंद माने, सत्तापक्ष नेते संदीप जोशी, नासुप्रचे विश्वस्त भूषण शिंगणे, आयुक्त अश्विन मुदगल, नागपूर सुधार प्रन्यासचे सभापती डॉ. दीपक म्हैसेकर, मनपाचे अपर आयुक्त रवींद्र कुंभारे, नासुप्रचे महाव्यवस्थापक अजय रामटेके, अधीक्षक अभियंता सुनील गुज्जलवार, नासुप्रचे श्री. भांडारकर, इटकेलवार, मनपाचे कार्यकारी अभियंता (स्लम) डी.डी. जांभुळकर, नगरसेवक बाल्या बोरकर, दिलीप चौधरी, स्वयंसेवी संस्थेच्या लिना बुधे उपस्थित होते.
 
सभापती विरेंद्र कुकरेजा पुढे म्हणाले, जोपर्यंत नागपूर सुधार प्रन्यास उर्वरीत कामे पूर्ण करणार नाही, आर.एल.चे वाटप वेगाने करणार नाही, तोपर्यंत ते बरखास्त होणार नाही, हे अधिकाऱ्यांनी समजून घ्यायला हवे. पट्टेवाटपाचा प्रश्न गंभीर आहे. त्यामुळे किमान यापुढे सर्वेक्षणासाठी एक नवी एजंसी टाकून त्या कामाला वेग देण्यात यावा. यासाठी एक स्वतंत्र सेल बनवून स्वतंत्रपणे हे कार्य पूर्ण करावे, असे निर्देश दिले.
 
नागपूर सुधार प्रन्यासद्वारे नागपूर शहरातील झोपडपट्टी पट्टे वाटपसंबंधी सध्या काय स्थिती आहे, किती ले-आऊटमध्ये पट्टे वाटपाची प्रक्रिया पूर्ण झाली व किती शिल्लक अहे, गुंठेवारी मध्ये नागपूर सुधार प्रन्यासकडे अभिन्यासाची व भूखंडांची किती प्रकरणे प्रलंबित आहे किंवा त्यास मंजुरी देण्यात आली आहे अथवा नाही या संपूर्ण बाबींची माहिती बैठकीत घेण्यात आली.
 
आमदार डॉ. मिलिंद माने यांनी उत्तर नागपूरमधील झोपडपट्टीची स्थिती सांगत नासुप्र बरखास्त होणार आहे म्हणून विकास कामांनाही ब्रेक लागला असल्याचे सांगितले. काही ठिकाणची रस्त्यांची कामेही रखडली असल्याची बाब त्यांनी निदर्शनास आणून दिली. आमदार कृष्णा खोपडे यांनी सर्वेक्षणामध्ये होत असलेल्या दिरंगाईची बाब लक्षात आणून दिली. ज्या एजंसीकडे सर्वेक्षणाचे कार्य आहे, त्या एजंसीचा पाठपुरावा तातडीने करण्यात यावा. ज्या झोपडपट्टींच्या सर्वेक्षणाचे कार्य पूर्ण झाले आहे, किमान त्या झोपडपट्ट्यांमध्‍ये पट्टे वाटपाचे काम तातडीने सुरू करावे, असेही त्यांनी सांगितले. आमदार सुधाकर देशमुख यांनीही नासुप्रला उर्वरीत विकासकामे तातडीने करण्यात यावे, असे निर्देश दिले.
 
महापौर नंदा जिचकार यांनीही नागपूर सुधार प्रन्यासच्या अधिकाऱ्यांना झोपडपट्टी पट्टे वाटप कामातील सर्व अडथळे एकत्र येऊन दूर करण्याचे निर्देश दिले.
 
नागपूर सुधार प्रन्यासचे सभापती डॉ. दीपक म्हैसकर यांनी या सर्व प्रक्रियेबाबत माहिती देताना सांगितले की, झोपडपट्ट्यांच्या सर्वेक्षणासाठी तीन ते चार वेळा निविदा काढण्यात आल्या. मात्र कुठलीही एजंसी समोर आली नाही. एका निविदा प्रक्रियेत जी एकमेव एजंसी आली त्या एजंसीच्या माध्यमातून काम सुरू आहे, ज्याचा वेग अत्यंत कमी आहे. जर दुसरी कुठली एजंसी यायला तयार असेल तर त्या एजंसीलाही काम देऊन कामाचा वेग वाढविण्याचा प्रयत्न आहे. सर्वेक्षण पूर्ण झाले की दोन दिवसांत पट्टे वाटपाचे कार्य केले जाईल, असा विश्वास त्यांनी दिला. आर. एल. वाटपाचे काम कुठेही थांबले नाही. एका वर्षात २६ हजार आर. एल. वाटप करण्यात आले आहे. जे काम थांबले आहे, ती प्रकरणे अडचणीचे आहेत. पंतप्रधान आवास योजनेतील पाच हजार घरांचे बांधकाम प्रगतीपथावर असून २ ऑक्टोबर रोजी त्याचे लोकार्पण होईल, ही माहितीही डॉ. म्हैसकर यांनी यावेळी दिली.

 

 

विकास आराखड्यातील आरक्षण सद्यस्थिती अहवाल सादर करा

स्थापत्य समिती सभापती संजय बंगाले यांचे निर्देश
 
नागपूर,ता.१९ : सन २००० मध्ये नागपूर शहरासाठी मंजूर झालेल्या विकास आराखड्यानुसार असलेल्या आरक्षणाची सद्यस्थिती काय, वाहनतळांची जी आरक्षणे आहेत त्याची वास्तव स्थिती काय आहे, याबाबत सविस्तर अहवाल स्थापत्य व प्रकल्प विशेष समितीला एका आठवड्यात सादर करण्याचे निर्देश स्थापत्य व प्रकल्प विशेष समितीचे सभापती संजय बंगाले यांनी दिले.
 
विकास आराखड्यातील आरक्षणासंदर्भात मनपा मुख्यालयातील डॉ. पंजाबराव देशमुख स्मृति सभागृहात आयोजित बैठकीत ते बोलत होते. बैठकीला समितीचे उपसभापती किशोर वानखेडे, सदस्य भगवान मेंढे, राजकुमार शाहू, जितेंद्र घोडेस्वार, अतिरिक्त उपायुक्त राजेश मोहिते, शहर अभियंता मनोज तालेवार, विकास अभियंता सतीश नेरळ, नगररचनाकार प्रवीण सोनारे उपस्थित होते.
 
नगररचनाकार प्रवीण सोनारे यांनी आरक्षणासंदर्भात समितीला माहिती दिली. एकूण ८९१ आरक्षण असून त्यापैकी १८६ मनपाकरिता, १३ मनपा आणि खासगी संस्था, सहा मनपा, नासुप्र आणि खासगी संस्था, १०१ इतर विभाग, ५२३ नासुप्रकरिता तर ६२ नासुप्र आणि खासगी संस्थांकरिता आरक्षण आहे. मनपाकरिता असलेल्या आरक्षातील ४७ आरक्षणांना टीडीआर देऊन प्रस्तावित करण्यात आले आहे. २३ रस्त्यांची आरक्षणे असून ते सुद्धा प्रस्तावित करण्यात आले असल्याचे त्यांनी सांगितले.
 
ज्या-ज्या कार्यासाठी जे-जे आरक्षण आहे त्याचा वापर संबंधित कार्यासाठीच होतो आहे का, टीडीआर नुसार भूसंपादन झाले आहे काय, ३७ अंतर्गत किती आरक्षण बदलविण्यात आले आहेत याबाबत सभापती संजय बंगाले यांनी संबंधित अधिकाऱ्यांकडून माहिती जाणून घेतली. विज्ञान संस्था ते गोवारी स्मारकदरम्यान असलेल्या डीपी रस्त्याचे कार्य का रखडले आहे, याबाबतही त्यांनी माहिती घेतली.
 
सदर रस्त्यावर पाईपलाईन होती. ती बाजूला करण्याचे कार्य सुरू होते. विद्युत खांब हलविण्याचेही कार्य सुरू आहे. नोव्हेंबर पर्यंत या रस्त्याचे कार्य पूर्ण होईल, अशी माहिती शहर अभियंता मनोज तालेवार यांनी दिली. मोरभवनमागील रस्त्याचे कार्य १ एप्रिलपर्यंत पूर्ण करण्याचे निर्देशही त्यांनी दिले. या सर्व माहितीसंदर्भातील अहवाल सात दिवसांत सादर करण्याचे निर्देश त्यांनी दिले.

 

 

मनपा शाळेच्या विद्यार्थिनींना महापौरांच्या हस्ते सॅनटरी नॅपकीनचे वाटप

महानरपालिका व रोटरी क्लबचा संयुक्त उपक्रम
 
नागपूर,ता. १९ :  नागपूर महानगरपालिका व रोटरी कल्बच्या संयुक्त विद्यमाने महानगरपालिकेच्या माध्यामिक शाळेत शिकणाऱ्या सर्व विद्यार्थिनींना सॅनटरी नॅपकीनचे वाटप करण्यात येणार आहे. या अभिनव उपक्रमाची सुरूवात सोमवारी (ता.१९) गांधीनगर येथील वाल्मिकीनगर शाळेतून झाली. या कार्यक्रमाला प्रमुख पाहुणे म्हणून महापौर नंदा जिचकार उपस्थित होत्या.
 
यावेळी शिक्षण समिती सभापती दिलीप दिवे, मनपातील उपनेत्या वर्षा ठाकरे, नगरसेविका ऋतिका मसराम,  नगरसेवक अमर बागडे,  शिक्षणाधिकारी संध्या मेडपल्लीवार, रोटरी क्लबच्या वर्षा जावंदिया, रमिला मेहता, मेघना खेमका, डॉ.चारू बाहेती, मधुबाला सारडा, नरेश जैन, पियुष फतेपुरिया, प्रमोद जावंदिया प्रामुख्याने उपस्थित होते.
 
यावेळी महापौर नंदा जिचकार म्हणल्या, मनपातील विद्यार्थिनी गरीब घरातील आहे. त्यामुळे त्यांना सॅनटरी नॅपकीनचे महत्त्व कळणे गरजेचे आहे. याबाबत पालकांनी जागरुक राहणे महत्त्वाचे आहे.  मासिक पाळी ही नैसर्गिक क्रिया आहे. त्याच्याविषयी कोणतीही भीती मनात बाळगू नये, असेही त्यांनी सांगितले.
 
कार्यक्रमाचे प्रास्ताविक शिक्षणाधिकारी संध्या मेडपल्लीवार यांनी केले. रोटरी क्लबच्या माध्यमातून मनपाच्या सर्व शाळेतील विद्यार्थिनींना सॅनिटरी नॅपकीनचा एक वर्षाचा स्टॉक मोफत देण्यात येणार आहे. हा अतिशय स्तुत्य उपक्रम असल्याचे सांगत त्यांनी रोटरी क्लबचे आभार मानले.
 
दीपप्रज्वलनाने कार्यक्रमाची सुरूवात झाली. प्रारंभी मान्यवरांचे स्वागत मुख्याधापिका व शिक्षणाधिकारी संध्या मेडपल्लीवार यांनी केले. कार्यक्रमाचे संचालन कमला मंगवानी यांनी केले. आभार रजनी परिहार यांनी मानले.   
 
झोननिहाय सॅनिटरी नॅपकिन वाटपाचा कार्यक्रम २३ मार्चपर्यंत चालणार आहे. मंगळवार २० मार्च रोजी हनुमाननगर व धंतोली झोनअंतर्गत येणाऱ्या शाळेतील विद्यार्थिनींना दुर्गानगर माध्यमिक शाळेत, २१ मार्च रोजी नेहरूनगर व गांधीबाग झोनअंतर्गत येणाऱ्या शाळांतील विद्यार्थिनींना  पन्नालाल देवाडिया हिंदी माध्यमिक शाळेत, २२ मार्च सतरंजीपुरा व लकडगंज झोनअंतर्गत येणाऱ्या शाळांतील विद्यार्थिनींना संजयनगर हिंदी माध्यमिक शाळा येथे तर आसीनगर आणि मंगळवारी झोनअंतर्गत येणाऱ्या शाळांतील विद्यार्थिनींना एम.ए.के. आझाद उर्दू माध्यमिक शाळेत आयोजित कार्यक्रमात सॅनिटरी नॅपकिनचे वाटप करण्यात येणार आहे.
 

 

शाळेच्या पहिल्याच दिवशी विद्यार्थ्यांना गणवेश देणार!

शिक्षण समिती सभापती दिलीप दिवे यांची घोषणा
 
नागपूर,ता. १९ : शाळेच्या पहिल्याच दिवशी म्हणजे २६ जून रोजी विद्यार्थ्यांना गणवेश वाटप करणार, अशी घोषणा नागपूर महानगरपालिकेचे शिक्षण समिती सभापती प्रा. दिलीप दिवे यांनी केली. सोमवार (ता.१९) मनपा मुख्यालयातील छत्रपती शिवाजी महाराज प्रशासकीय इमारतीत आयोजित शिक्षण समितीच्या आढावा बैठकीत ते बोलत होते. यावेळी महापौर नंदा जिचकार प्रामुख्याने उपस्थित होत्या.
 
या बैठकीला शिक्षण समिती उपसभापती भारती बुंडे, सदस्या रिता मुळे, स्वाती आखतकर, प्रमिला मंथरानी, सदस्य राजेंद्र सोनकुसरे, नितीन साठवणे, मनोज गावंडे, मो. इब्राहिम तौफिक अहमद, उपायुक्त डॉ.रंजना लाडे, रवींद्र देवतळे, शिक्षणाधिकारी संध्या मेडपल्लीवार, अतिरिक्त सहायक शिक्षणाधिकारी कुसूम चापलेकर उपस्थित होते.
 
विद्यार्थ्यांना गणवेश वाटप करण्यासाठी मागील वर्षी डी.बी.टी कार्ड तयार करण्यात आलेले होते. यावर्षीही तीच प्रणाली कार्यान्वित करण्याचे निर्देश सभापती प्रा. दिलीप दिवे यांनी दिले. तसेच जे विद्यार्थी नव्याने प्रवेश घेणार आहेत त्यांचे डी.बी.टी. कार्ड तयार करण्यासाठी प्रक्रिया सुरू करण्यात यावी, असेही ते म्हणाले. गणवेशाचे आठ-दहा नमुने येत्या चार-पाच दिवसात सादर करावे, असे आदेश सभापती प्रा. दिलीप दिवे यांनी दिले.
 
पूर्व माध्यामिक वर्गाच्या इंग्रजी माध्यमाची नर्सरी व केजी वन, केजी टू ची पुस्तके निवड करण्यासाठी समिती गठीत करण्यात येणार असल्याची माहिती शिक्षणाधिकारी संध्या मेडपल्लीवार यांनी दिली. त्यासाठी तीन सदस्यीय समिती गठीत करण्यात यावी, असे प्रा. दिवे यांनी निर्देशित केले.
 
मनपाच्या शाळेत बायोमॅट्रिक सिस्टीम लावण्याबाबत बैठकीत चर्चा झाली. याबाबतीत सर्व मंजुरी प्राप्त झाल्या आहे. त्याबाबत निविदा तयार करण्याची प्रक्रिया लवकरच सुरू करण्यात येईल, अशी माहिती शिक्षणाधिकारी संध्या मेडपल्लीवार यांनी दिली.  सेवाज्येष्ठता यादी तयार करण्याच्या विषयावर बोलताना, जे शिक्षक निवृत्त झाले आहे त्यांची नावे त्या यादीतून गाळून टाकावी व सुधारित यादी तयार करून प्रकाशित करण्यात यावी, असे आदेश सभापती प्रा. दिलीप दिवे यांनी दिले. मनपाच्या विद्यार्थ्यांसाठी सायकल बॅंक आणि पिण्याच्या पाण्याच्या देयकाबद्दल यावेळी चर्चा करण्यात आली. 
 

 

अभय गोटेकर यांनी स्वीकारला पदभार

गलिच्छ वस्ती निर्मूलन व घरबांधणी समितीचे सभापती
 
नागपूर,ता.१९ : नागपूर महानगरपालिकेच्या गलिच्छ वस्ती निर्मूलन व घरबांधणी समितीच्या सभापतीपदी नगरसेवक अभय गोटेकर यांची अविरोध निवड झाल्यानंतर त्यांनी सोमवारी (ता. १९) पदाचा कार्यभार स्वीकारला.
 
आमदार सुधाकर देशमुख, आमदार डॉ. मिलिंद माने, आमदार कृष्णा खोपडे यांनी यावेळी सभापती अभय गोटेकर यांचे पुष्पगुच्छ देऊन स्वागत केले. पदग्रहण समारंभाला महापौर नंदा जिचकार, स्थायी समितीचे सभापती विरेंद्र कुकरेजा, सत्तापक्ष नेते संदीप जोशी, जलप्रदाय समितीचे सभापती विजय झलके, परिवहन समितीचे माजी सभापती नगरसेवक बाल्या बोरकर, गलिच्छ वस्ती निर्मूलन व घरबांधणी समितीच्या उपसभापती उषा पॅलट, सदस्य निरंजना पाटील, लता काडगाये, रुतिका मसराम, दुर्गा हत्तीठेले यांच्यासह रिता मुळे उपस्थित होते.
 
महापौर नंदा जिचकार, स्थायी समितीचे सभापती विरेंद्र कुकरेजा, सत्तापक्ष नेते संदीप जोशी यांनी यावेळी पुष्पगुच्छ देऊन अभय गोटेकर यांचे स्वागत केले. गलिच्छ वस्ती निर्मूलन व घरबांधणी समितीच्या माध्यमातून समाजातील आर्थिक दुर्बल घटकांना घरकुलांचा लाभ देण्यासाठी नवनियुक्त सभापती अभय गोटेकर पुढाकार घेतील, असा विश्वास महापौर नंदा जिचकार यांनी यावेळी व्यक्त केला. मनपाचे कार्यकारी अभियंता (स्लम) डी.डी. जांभूळकर यांनीही यावेळी सभापती अभय गोटेकर यांचे पुष्पगुच्छ देऊन स्वागत केले.
 

 

महिलांच्या प्रश्नांबाबत सदैव जागरुक राहून कार्य करणार : प्रगती पाटील

महिला व बालकल्याण समिती सभापतीपदाचा स्वीकारला कार्यभार
 
नागपूर,ता.१९ :. महिलांच्या प्रश्नांबाबत सदैव जागरुक राहून कार्य करणार आणि त्यांच्या कायमस्वरूपी रोजगारासाठी सदैव प्रयत्नरत राहणार असल्याचे प्रतिपादन नवनिर्वाचित महिला व बालकल्याण समिती सभापती प्रगती पाटील यांनी केले.  
 
मनपाच्या महिला व बालकल्याण समिती सभापतीपदी अविरोध निवड झाल्यानंतर आयोजित पदग्रहण सोहळ्यात त्या बोलत होत्या. यावेळी महापौर नंदा जिचकार, उपमहापौर दीपराज पार्डीकर, सत्तापक्ष नेते संदीप जोशी, माजी आमदार मोहन मते, मनपातील उपनेत्या वर्षा ठाकरे, प्रतोद दिव्या धुरडे, ज्येष्ठ नगरसेवक सुनील अग्रवाल, स्थापत्य व प्रकल्प समिती सभापती संजय बंगाले,  परिवहन समिती सभापती बंटी कुकडे, दुर्बल घटक समिती सभापती महेंद्र धनविजय, अजय पाटील, नगरसेविका वंदना भगत, स्नेहल बिहारे, मंगला खेकरे, वंदना यंगटवार, भारती बुंडे, स्वाती आखतकर, उषा पॅलट, रूपा राय, उज्ज्वला शर्मा, विद्या कन्हेरे, नेहा वाघमारे, नगरसेवक अमर बागडे, प्रकाश भोयर, सुनील हिरणवार, प्रदीप पोहाणे यावेळी उपस्थित होते.
 
पुढे बोलताना प्रगती पाटील म्हणाल्या, महिलांना कायमस्वरूपी रोजगार उपलब्ध करून देण्यासाठी समितीच्या माध्यमातून सदैव प्रयत्नरत असेन. रस्त्यावर फिरणाऱ्या गरीब मुलांसाठी पोलिस विभागाशी समन्वय साधून कार्य करणार असल्याची माहिती त्यांनी यावेळी दिली.
 
यावेळी महापौरांनी नवनिर्वाचित महिला व बालकल्याण समिती सभापती प्रगती पाटील यांचे पुष्पगुच्छ देऊन स्वागत केले. याप्रसंगी बोलताना त्या म्हणाल्या, श्रीमती प्रगती पाटील ह्या अनुभवी नगरसेविका आहेत. त्यांच्या अनुभवाचा वापर करीत त्या महिला व बालकल्याण समितीच्या माध्यमातून उत्तम कार्य करतील, असा आशावाद त्यांनी व्यक्त केला. कार्यक्रमाचे संचालन व आभार प्रदर्शन जनसंपर्क अधिकारी अशोक कोल्हटकर यांनी केले.

 

 

पट्टेवाटपाची कार्यवाही तातडीने करा : विरेंद्र कुकरेजा

नासुप्र-मनपाच्या संयुक्त बैठकीत निर्देश
 
नागपूर,ता.१९ : गेल्या अनेक वर्षांपासून झोपडपट्टीवासीयांना पट्टे वाटपाचे काम रखडले आहे. नागपूर सुधार प्रन्यासच्या अखत्यारीत जितक्या झोपडपट्टी आहेत, त्याचा सामाजिक-आर्थिक आणि प्लेन टेबल सर्वेक्षण लवकरात लवकर करून पट्टेवाटपाची कार्यवाही तातडीने करा, असे निर्देश स्थायी समितीचे सभापती तथा नागपूर सुधार प्रन्यासचे विश्वस्त विरेंद्र कुकरेजा यांनी नासुप्र अधिकाऱ्यांना दिले.
 
नागपूर सुधार प्रन्यासद्वारे नागपूर शहरातील झोपडपट्टी पट्टे वाटपसंबंधी सध्या काय स्थिती आहे यासंदर्भात आढावा घेण्यासाठी नागपूर सुधार प्रन्यास आणि नागपूर महानगरपालिकेच्या अधिकाऱ्यांच्या संयुक्त बैठकीचे आयोजन करण्यात आले होते. त्यात ते बोलत होते. बैठकीला स्थायी समिती सभापती विरेंद्र कुकरेजा यांच्यासह महापौर नंदा जिचकार, आमदार सुधाकर देशमुख, आमदार कृष्णा खोपडे, आमदार डॉ. मिलिंद माने, सत्तापक्ष नेते संदीप जोशी, नासुप्रचे विश्वस्त भूषण शिंगणे, आयुक्त अश्विन मुदगल, नागपूर सुधार प्रन्यासचे सभापती डॉ. दीपक म्हैसेकर, मनपाचे अपर आयुक्त रवींद्र कुंभारे, नासुप्रचे महाव्यवस्थापक अजय रामटेके, अधीक्षक अभियंता सुनील गुज्जलवार, नासुप्रचे श्री. भांडारकर, इटकेलवार, मनपाचे कार्यकारी अभियंता (स्लम) डी.डी. जांभुळकर, नगरसेवक बाल्या बोरकर, दिलीप चौधरी, स्वयंसेवी संस्थेच्या लिना बुधे उपस्थित होते.
 
सभापती विरेंद्र कुकरेजा पुढे म्हणाले, जोपर्यंत नागपूर सुधार प्रन्यास उर्वरीत कामे पूर्ण करणार नाही, आर.एल.चे वाटप वेगाने करणार नाही, तोपर्यंत ते बरखास्त होणार नाही, हे अधिकाऱ्यांनी समजून घ्यायला हवे. पट्टेवाटपाचा प्रश्न गंभीर आहे. त्यामुळे किमान यापुढे सर्वेक्षणासाठी एक नवी एजंसी टाकून त्या कामाला वेग देण्यात यावा. यासाठी एक स्वतंत्र सेल बनवून स्वतंत्रपणे हे कार्य पूर्ण करावे, असे निर्देश दिले.
 
नागपूर सुधार प्रन्यासद्वारे नागपूर शहरातील झोपडपट्टी पट्टे वाटपसंबंधी सध्या काय स्थिती आहे, किती ले-आऊटमध्ये पट्टे वाटपाची प्रक्रिया पूर्ण झाली व किती शिल्लक अहे, गुंठेवारी मध्ये नागपूर सुधार प्रन्यासकडे अभिन्यासाची व भूखंडांची किती प्रकरणे प्रलंबित आहे किंवा त्यास मंजुरी देण्यात आली आहे अथवा नाही या संपूर्ण बाबींची माहिती बैठकीत घेण्यात आली.
 
आमदार डॉ. मिलिंद माने यांनी उत्तर नागपूरमधील झोपडपट्टीची स्थिती सांगत नासुप्र बरखास्त होणार आहे म्हणून विकास कामांनाही ब्रेक लागला असल्याचे सांगितले. काही ठिकाणची रस्त्यांची कामेही रखडली असल्याची बाब त्यांनी निदर्शनास आणून दिली. आमदार कृष्णा खोपडे यांनी सर्वेक्षणामध्ये होत असलेल्या दिरंगाईची बाब लक्षात आणून दिली. ज्या एजंसीकडे सर्वेक्षणाचे कार्य आहे, त्या एजंसीचा पाठपुरावा तातडीने करण्यात यावा. ज्या झोपडपट्टींच्या सर्वेक्षणाचे कार्य पूर्ण झाले आहे, किमान त्या झोपडपट्ट्यांमध्‍ये पट्टे वाटपाचे काम तातडीने सुरू करावे, असेही त्यांनी सांगितले. आमदार सुधाकर देशमुख यांनीही नासुप्रला उर्वरीत विकासकामे तातडीने करण्यात यावे, असे निर्देश दिले.
 
महापौर नंदा जिचकार यांनीही नागपूर सुधार प्रन्यासच्या अधिकाऱ्यांना झोपडपट्टी पट्टे वाटप कामातील सर्व अडथळे एकत्र येऊन दूर करण्याचे निर्देश दिले.
 
नागपूर सुधार प्रन्यासचे सभापती डॉ. दीपक म्हैसकर यांनी या सर्व प्रक्रियेबाबत माहिती देताना सांगितले की, झोपडपट्ट्यांच्या सर्वेक्षणासाठी तीन ते चार वेळा निविदा काढण्यात आल्या. मात्र कुठलीही एजंसी समोर आली नाही. एका निविदा प्रक्रियेत जी एकमेव एजंसी आली त्या एजंसीच्या माध्यमातून काम सुरू आहे, ज्याचा वेग अत्यंत कमी आहे. जर दुसरी कुठली एजंसी यायला तयार असेल तर त्या एजंसीलाही काम देऊन कामाचा वेग वाढविण्याचा प्रयत्न आहे. सर्वेक्षण पूर्ण झाले की दोन दिवसांत पट्टे वाटपाचे कार्य केले जाईल, असा विश्वास त्यांनी दिला. आर. एल. वाटपाचे काम कुठेही थांबले नाही. एका वर्षात २६ हजार आर. एल. वाटप करण्यात आले आहे. जे काम थांबले आहे, ती प्रकरणे अडचणीचे आहेत. पंतप्रधान आवास योजनेतील पाच हजार घरांचे बांधकाम प्रगतीपथावर असून २ ऑक्टोबर रोजी त्याचे लोकार्पण होईल, ही माहितीही डॉ. म्हैसकर यांनी यावेळी दिली.

 

 

डॉ. केशव हेडगेवार अभ्यासिका, ई-लायब्ररीचे लोकार्पण

नागपूर,ता.१७ : नागपूर महानगरपालिकेने तयार केलेल्या कोठीरोड महाल येथील अद्ययावत डॉ. केशव बळीरामपंत हेडगेवार अभ्यासिका व ई-लायब्ररी, चिटणवीसपुरा रतन कॉलनी येथील उपवन वाचनालयाचे लोकार्पण तसेच सी.पी. ॲण्ड बेरार कॉलेजजवळील चौकाचे कविवर्य स्व. राजा बढे चौक असे नामकरण केंद्रीय मंत्री नितीन गडकरी यांच्या हस्ते पार पडले.
 
कार्यक्रमाच्या अध्यक्षस्थानी महापौर नंदा जिचकार होत्या. यावेळी मध्य नागपूरचे आमदार विकास कुंभारे, उपमहापौर दीपराज पार्डीकर, सत्तापक्ष नेते संदीप जोशी, आयुक्त अश्विन मुदगल, माजी महापौर व ज्येष्ठ नगरसेवक प्रवीण दटके, नगरसेविका सुमेधा देशपांडे, नगरसेविका नेहा वाघमारे, नगरसेवक धर्मपाल मेश्राम, प्रमोद चिखले, पिंटू झलके, मनपातील प्रतोद दिव्या धुरडे, नगरसेविका सारिका नांदूरकर, नगरसेवक राजेश घोडपागे, हनुमाननगर झोन सभापती भगवान मेंढे, भारतीय शिक्षण मंडळ अनुसंधान न्यासचे संयोजक डॉ. राजेश बिनिवाले आदींची यावेळी उपस्थिती होती.
 
यावेळी आयोजित कार्यक्रमात बोलताना ना. नितीन गडकरी म्हणाले जग अत्याधुनिक होत आहे. त्यानुरूप लायब्रऱीपण अत्याधुनिक होणे ही स्थानिक नगरसेविकांनी मागणी केली. मनपाची शाळा बंद झाली, त्याजागी ई- लायब्ररीचे तयार करण्यासाठी माजी महापौर आणि प्रभागाचे नगरसेवक प्रवीण दटके यांनी पुढाकार घेतला. महालातील गोर गरीब विद्यार्थ्यांसाठी ही लायब्ररी नक्कीच फायदेशीर ठरेल, असा विश्वास त्यांनी व्यक्त केला. स्पर्धा परिक्षेच्या तयारीसाठी विद्यार्थ्यांना येथून शिकवणी वर्ग सुरू होतील. ज्येष्ठ नागरिकांसाठी येथे विरंगुळा केंद्र उभारण्यात यावे, अशी सूचना त्यांनी केली.
 
कार्यक्रमाचे प्रास्ताविक माजी महापौर प्रवीण दटके यांनी केले. गांधीबाग झोन सभापती सुमेधा देशपांडे यांनी संचालन केले. उपअभियंता बुंदाडे यांनी आभार मानले.
 
कार्यक्रमाला माजी आमदार मोहन मते, माजी स्थायी समिती सभापती बंडू राऊत, माजी आमदार यशवंत बाजीराव यांच्यासह भाजप कार्यकर्ते प्रामुख्याने उपस्थित होते.
 

 

एप्रिलच्या पहिल्या आठवड्यापासून नदी, नाले सफाईचे कामे सुरू करा

मनपा आयुक्तांचे निर्देश : पावसाळापूर्व तयारी आढावा बैठक
 
नागपूर,ता.१७ : मागील वर्षी पहिल्या पावसात शहरातील ज्या-ज्या ठिकाणी पाणी साचले होते त्या ठिकाणी पाणी साचणार नाही याची काळजी घ्या. आवश्यक त्या डागडुजी करा. मशीन आणि कर्मचारी सज्ज ठेवा. नदी, नाले साफसफाईची कामे एप्रिलच्या पहिल्या आठवड्यापासून सुरू करा, असे निर्देश मनपा आयुक्त अश्विन मुदगल यांनी दिले.
 
मनपा मुख्यालयातील छत्रपती शिवाजी महाराज नवीन प्रशासकीय इमारतीच्या सभागृहात आयोजित पावसाळापूर्व तयारी आढावा बैठकीत ते बोलत होते. आरोग्य समितीचे सभापती मनोज चापले, अपर आयुक्त रवींद्र कुंभारे, अतिरिक्त उपायुक्त जयंत दांडेगावकर, आरोग्य अधिकारी (स्वच्छता) डॉ. प्रदीप दासरवार, प्रमुख अग्निशमन अधिकारी राजेंद्र उचके, उपअभियंता (नद्या व सरोवरे) मो. इसराईल,सहायक आयुक्त प्रकाश वराडे, हरिश राऊत, राजेश कराडे, सुभाष जयदेव हरिश राऊत, राजू भिवगडे, महेश मोरोणे, स्मिता काळे, सुवर्णा दखने व सर्व झोनल अधिकारी यावेळी उपस्थित होते.
 
आयुक्त अश्विन मुदगल यांनी मागील वर्षी १७ जुलैला झालेल्या पावसात शहरातील ज्या-ज्या वस्तीमध्ये, भागांत, परिसरात पाणी साचले होते, त्या ठिकाणची आताची परिस्थिती काय, याचा आढावा झोन सहायक आयुक्तांकडून घेतला. जी कामे अद्यापही अपूर्ण आहेत, ती तातडीने पूर्ण करण्याचे निर्देश त्यांनी यावेळी दिले. नरेंद्र नगर येथील रेल्वे अंडर ब्रीजमध्ये पाणी साचले तर त्यासाठी मड पंप आणि पाणी फेकणाऱ्या मशीन सज्ज ठेवण्यात याव्या, ज्यांची दुकाने, घरे बेसमेंट मध्ये आहेत त्यांना तातडीने नोटीस बजावून आवश्यक त्या उपाययोजना स्वत: कराव्यात, रेल्वे विभागासोबत समन्वय साधून त्यांच्या माध्यमातून आवश्यक त्या उपाययोजना करण्यात याव्या, आयआरडीपीच्या नाल्या स्वच्छ करण्यात याव्या, नाग नदी, पिवळी नदी, पोहरा नदी स्वच्छ करण्याची प्रक्रिया सुरू करण्यात यावी, त्यातून निघणारा गाळ हा भिंतीला लावून न ठेवता तो इतरत्र नेण्यात याव्या, गाळ टाकण्यासाठी आवश्यक त्या जागा शोधण्याचे काम युद्धपातळीवर सुरू करण्याचे निर्देश त्यांनी दिले.
 
सीएसआर फंडातून कामे करण्यासाठी पत्र
 
शहरातील मॉईल, वेकोलि व अशा अनेक कंपन्यांना पत्र पाठवून त्यांच्या सीएसआर फंडातून नदी, नाले स्वच्छता करण्यासाठी त्यांना पत्र पाठविण्याचे निर्देशही आयुक्तांनी दिले. नाले साफ, सफाई अभियानाचे संपूर्ण समन्वयन झोन स्तरावर सहायक आयुक्तांनी करावे, असे निर्देश दिले.
 
मेट्रोलाही देणार पत्र
 
नागपूर शहरात मेट्रो रेल्वेचे काम प्रगतीपथावर आहे. मागील वर्षी या कामामुळे अनेक काही प्रमाणात पावसाचे पाणी साचण्याचे प्रमाण वाढले होते. यावर्षी तशी शक्यता लक्षात घेता मेट्रो रेल कार्पोरेशन लि.लाही पत्र पाठवून आवश्यक त्या उपाययोजना बांधकाम परिसरात करण्याचे निर्देश आयुक्त अश्विन मुदगल यांनी दिले.
 
कुठलीही हयगय होणार नाही याची काळजी घ्या : चापले
 
मागील वर्षी नदी, नाले साफसफाईचे काम ऐन पावसाळ्याच्या तोंडावर सुरू झाले होते. त्यामुळे थोडी धावपळ झाली. यंदा तसे होणार नाही, याची काळजी घ्या, असे निर्देश त्यांनी दिले. नाग नदी व अन्य नद्यांतून गाळ काढल्यानंतर तो नदीतच संरक्षक भिंतीला लागून ठेवण्यात येतो. त्यामुळे तो पुन्हा वाहून जातो. यावर्षी तसे होणार नाही. त्यासाठी आवश्यक ती कार्यवाही करा, असे ते म्हणाले.

 

 

नागपुरात सर्वात उंच राष्ट्रध्वज उभारण्याच्या प्रक्रियेला वेग

प्रवीण दटके समितीच्या बैठकीत चर्चा
 
नागपूर,ता.१७ : नागपूर महानगरपालिकेच्या वतीने स्थानिक कस्तुरचंद पार्क येथे सर्वात उंच राष्ट्रध्वज उभारण्याच्या प्रक्रियेने वेग धरला आहे. माजी महापौर प्रवीण दटके समितीने यासंदर्भात आज बैठक घेऊन प्रक्रियेच्या प्रगतीची माहिती घेतली. येत्या १५ ऑगस्ट रोजी महापौरांच्या हस्ते हा ध्वज फडकावा, यादृष्टीने प्रयत्न केले जात असल्याची माहिती बैठकीत देण्यात आली.
 
बैठकीला समितीचे अध्यक्ष माजी महापौर व ज्येष्ठ नगरसेवक प्रवीण दटके, समितीचे सदस्य विजय (पिंटू) झलके, नगरसेवक दीपक चौधरी, एनईएसएलचे संचालक डॉ. रिजवान सिद्दिकी, कार्यकारी अभियंता (प्रकल्प) नरेश बोरकर उपस्थित होते. सदर बैठकीत राष्ट्रध्वज उभारण्याच्या कार्यात काय अडथळे आहेत, त्याबाबत चर्चा करण्यात आली. २३ मार्च रोजी हेरिटेज समितीच्या बैठकीत सदर विषय असून ज्या काही अडचणी असतील, त्या दूर करण्यात येईल, अशी माहिती समितीचे अध्यक्ष प्रवीण दटके यांनी दिली.

 

 

ट्रॅफिक सिग्नल्सच्या ठिकाणी पर्यायी ट्रॅफिक सिग्नल्स बसविण्याचे काम सुरू

नागपूर, ता. १६ : शहरात विविध ठिकाणी मुख्यत्वे रिंग रोडच्या सीमेंटीकरणाच्या, फ्लायओव्हरच्या कामामुळे तसेच मेट्रो रेल्वेच्या बांधकामामुळे ट्राफिक सिग्नल्सची केबल सिस्टीम निकामी होऊन बंद झाली आहे. ट्राफिक सिग्नल बंद असलेल्या ठिकाणांवर पर्यायी ट्राफिक सिग्नल बसविण्याचे काम मनपा प्रशासनातर्फे सुरू असून त्यामुळे वाहतूक व्यवस्था सुरळीत होण्यामध्ये मदत होत आहे.
 
नागपूर शहरात एकूण  १५५  ठिकाणांवर ट्राफिक सिग्नल्स बसविण्यात आले आहे. सद्यस्थितीत एकूण १३९  ठिकाणचे सिग्नल्स सुरू असून या १३९ ठिकाणांपैकी १५ ठिकाणांवर पोर्टेबल/ पर्यायी सिग्नल्स बसविण्यात आलेले आहे. उर्वरित १० जागी अशाच प्रकारची पर्यायी वाहतूक नियंत्रकाची व्यवस्था करण्याचे व स्थायी स्वरूपात असलेले ट्राफिक सिग्नलसच्या दुरूस्तीचे काम प्रगतीपथावर आहे.
 
उर्वरित बंद असलेल्या सिग्नल्सच्या ठिकाणांवर चालू असलेल्या मेट्रो रेल्वे, फ्लायओव्हर, रिंग रोडच्या बांधकामामुळे किंवा ते ठिकाण आता जंक्शन न राहिल्यामुळे स्थायी, अस्थायी सिग्नलींगची कोणतीही परिस्थिती नाही. अशा ठिकाणांची संख्या एकूण ११ आहे,  अशी माहिती कार्यकारी अभियंता (विद्युत) यांनी दिली.   

 

 

तेजस्विनी योजनेअंतर्गत खास महिलांसाठी येणार ‘इलेक्ट्रिक बस’

सहा बसची होणार खरेदी : महिलांच्याच हस्ते होणार लोकार्पण
 
नागपूर,ता.१६ : महाराष्ट्र शासनाच्या तेजस्विनी योजनेअंतर्गत नागपूर महानगरपालिकेअंतर्गत चालणाऱ्या ‘आपली बस’च्या ताफ्यामध्ये खास महिलांसाठी लवकरच ‘इलेक्ट्रिक बस’ दाखल होणार आहे. याअंतर्गत सहा इलेक्ट्रिक बसची खरेदी होणार असून महिलांच्याच हस्ते या बसचे लोकार्पण होणार आहे.
 
मनपा मुख्यालयातील डॉ. पंजाबराव देशमुख स्मृति सभागृहात शुक्रवारी (ता. १६) पार पडलेल्या परिवहन समितीच्या बैठकीत यासंदर्भातील विषयाला मंजुरी देण्यात आली. यासंदर्भात बैठकीत अधिक माहिती देताना समितीचे सभापती बंटी कुकडे म्हणाले, ही ‘आपली बस’च्या ताफ्यात दाखल होणाऱ्या या सर्व इलेक्ट्रिक बसेस महिलांना समर्पित राहील. या बसेच महिला सुरक्षेच्या दृष्टीने परिपूर्ण असतील. महिलांसाठी आवश्यक सर्व सोयी या बसमध्ये असतील. या बसमध्ये सीसीटीव्ही कॅमेरे राहणार असून ते पूर्ण वेळ कार्यान्वित असतील. महिला विशेष बसमधील वाहकही महिलाच राहणार असून बसच्या चालकही महिलाच राहतील, यादृष्टीने आपले प्रयत्न राहणार असल्याचे त्यांनी सांगितले.
 
या बसमुळे मनपाच परिवहन विभागाचा आर्थिक तोटा कमी करण्यास मदत होणार आहे. कारण या बस पूर्णपणे इलेक्ट्रिक चार्जींगवर चालणार आहेत. त्यामुळे डिझेलच्या खर्चाची बचत होणार आहे. या बस लवकरात लवकर ‘आपली बस’च्या ताफ्यात दाखल व्हाव्यात, यासाठी आपले प्रयत्न राहतील. विशेष म्हणजे मुख्यमंत्री देवेंद्र फडणवीस, केंद्रीय मंत्री नितीन गडकरी यांच्या उपस्थितीत विविध क्षेत्रात आपल्या कर्तृत्वाची मोहोर उमटविणाऱ्या महिला, गरीब होतकरू विद्यार्थिनी यांच्या हस्ते या बसेसचे लोकार्पण करण्यात येणार असल्याची माहितीही सभापती बंटी कुकडे यांनी यावेळी दिली.
 
बैठकीला समितीचे उपसभापती प्रवीण भिसीकर, सदस्य अभिरूची राजगिरे, अर्चना पाठक, उज्ज्वला शर्मा, मनिषा धावडे, विद्या मडावी, नरेंद्र वालदे, नितीन साठवणे, वैशाली रोहणकर, कल्पना कुंभलकर, परिवहन व्यवस्थापक शिवाजी जगताप, प्रशासकीय अधिकारी रवींद्र पागे, श्रम अधिकारी अरुण पिपरुडे, लेखाधिकारी विनय भारद्वाज, वाहतूक व्यवस्थापक सुकीर सोनटक्के, अतांत्रिक पर्यवेक्षक रामराव मातकर उपस्थित होते.

 

 

कर वसुलीसाठी कडक पावले उचला : विक्की कुकरेजा

स्थायी समिती सभापतींनी घेतला कर वसुलीचा झोन निहाय आढावा
 
नागपूर,ता.१६ : कर थकबाकी मोठ्या प्रमाणावर आहे. शहरातील विकासकामांसाठी मनपाची आर्थिक स्थिती बळकट करणे, हे आपले लक्ष्य असले पाहिजे. त्यासाठी कर वसुली अत्यावश्यक आहे. कर वसुलीसाठी कडक पावले उचलावी, अन्यथा कर वसुलीत दिरंगाई करणाऱ्या कर्मचाऱ्यांवर कारवाई करण्यात येईल, असा इशारा नवनियुक्त स्थायी समिती सभापती विक्की कुकरेजा यांनी दिला. ३१ मार्चपर्यंत ९० टक्क्यांच्या वर करवसुलीचे उद्दिष्ट साध्य करण्याचे निर्देशही त्यांनी सर्व झोनच्या अधिकारी, कर्मचाऱ्यांना दिले.
 
शुक्रवारी (ता.१६)  विक्की कुकरेजा यांनी स्थायी समिती सभापतीपदाचा पदभार स्वीकारल्यानंतर प्रथमच लक्ष्मीनगर, धरमपेठ, धंतोली झोन कार्यालयात बैठक घेऊन कर वसुलीचा आढावा घेतला. याप्रसंगी अतिरिक्त उपायुक्त राजेश मोहिते, सहायक आयुक्त (कर) मिलिंद मेश्राम, कर अधीक्षक गौतम पाटील, प्रफुल्ल फरकासे प्रामुख्याने उपस्थित होते.
 
सर्वप्रथम लक्ष्मीनगर झोनमधील सद्यस्थितीतील कर वसुली, थकबाकी व प्रस्तावित डिमांड किती आहे, याचा त्यांनी आढावा घेतला.  झोनच्या सहायक आयुक्त सुवर्णा दखने यांनी झोनच्या कर वसुली व थकबाकीची माहिती दिली. झोनअंतर्गत ३७ हजार डिमांड प्रस्तावित असून चार हजार डिमांडचे वाटप झाले आहे. बाकी डिमांडचे वाटप २३ मार्चपर्यंत होईल, अशी माहिती त्यांनी दिली.  ज्यांची थकबाकी २५ हजारांपेक्षा जास्त आहे, अशा १७५ मालमत्ताधारकांना हुकूमनामा देण्यात आला आहे. ज्यांची थकबाकी २५ हजारांपेक्षा कमी आहे, अशा १०६८ मालमत्ताधारकांना पेशी नोटीस बजाविण्यात आली आहे. कर संग्राहकांची कामगिरी बघून स्थायी समिती सभापतींनी संताप व्यक्त केला. ३१ मार्चपर्यंत ९० टक्क्यांच्या वर कर वसुली करण्यात यावी, असे निर्देश देत दिरंगाई करणाऱ्यांवर कारवाई करण्याचा इशारा स्थायी समिती सभापती विक्की कुकरेजा यांनी दिला. यावेळी लक्ष्मीनगर झोनचे सभापती प्रकाश भोयर, नगरसेविका सोनाली कडू, झोन सहायक आयुक्त सुवर्णा दखने उपस्थित होत्या.
 
धरमपेठ झोनमध्ये झालेल्या बैठकीत सहायक आयुक्त महेश मोरोणे यांनी झोनच्या कर वसुली व थकबाकीची माहिती दिली. धरमपेठ झोनमध्ये असलेल्या वादग्रस्त इमारतीसंदर्भातील माहिती त्यांनी दिली. त्या वादग्रस्त मालमत्तांचा वाद झोनस्तरावर सोडविण्यात यावा, स्थानिक नगरसेवकांची मदत घेण्यात यावी, असे निर्देश स्थायी समिती सभापती विक्की कुकरेजा यांनी दिले. यावेळी धरमपेठ झोनच्या सभापती रूपा राय, मनपातील उपनेत्या वर्षा ठाकरे, नगरसेवक सुनील हिरणवार, झोनचे सहायक आयुक्त महेश मोरोणे उपस्थित होते.
 
यानंतर मान्यवरांनी धंतोली झोनचा आढावा घेतला. धंतोली झोनच्या बैठकीला धंतोली झोन सभापती प्रमोद चिखले, नगरसेविका लता काडगाये, झोन सहायक आयुक्त स्मिता काळे प्रामुख्याने उपस्थित होत्या.  धंतोली झोनमध्ये कर थकबाकी मोठ्या प्रमाणावर आहे. कर निरिक्षक व कर संग्राहकांने घरोघरी संपर्क करून मालमत्ताधारकांना डिमांड पोहचविण्यात याव्या, असे निर्देश सभापती विक्की कुकरेजा यांनी दिले.
 

 

मनपा प्रशासन घेत आहे ज्येष्ठांची विशेष काळजी : महापौर नंदा जिचकार
 
सुयोगनगरात ज्येष्ठ नागरिक विरंगुळा केंद्राचे भूमिपूजन
 
नागपूर,ता.१६ : नागपूर शहरात विकासकामे करीत असताना ज्येष्ठ नागरिकांच्या अनुभवाची शिदोरी कामी येत आहे. शहराचा शाश्वत विकास करताना ज्येष्ठ नागरिक या महत्त्वाच्या घटकाकडे आमचे विशेष लक्ष आहे. दहाही झोनमध्ये प्रत्येकी एक ज्येष्ठ नागरिक विरंगुळा केंद्र आम्ही तयार करीत आहोत. ज्येष्ठ नागरिकच याचे संचलन करणार आहेत. हा प्रयोग यशस्वी झाला तर भविष्यात प्रत्येक उद्यानात ज्येष्ठ विरंगुळा केंद्राची निर्मिती करण्यात येईल, असे प्रतिपादन महापौर नंदा जिचकार यांनी केले.
 
सुयोगनगर उद्यानातील ज्येष्ठ विरंगुळा केंद्राच्या भूमिपूजनप्रसंगी त्या बोलत होत्या. यावेळी आयोजित कार्यक्रमात मंचावर मनपातील सत्तापक्ष नेते संदीप जोशी, प्रभागाचे नगरसेवक अविनाश ठाकरे, संदीप गवई, नगरसेविका जयश्री वाडीभस्मे, विशाखा मोहोड, संजय तिवारी, भाजपचे मंडळ अध्यक्ष रमेश भंडारी, महामंत्री आशीष पाठक, सचिन कारळकर, प्रभाग अध्यक्ष भूषण केसरकर उपस्थित होते.
 
यावेळी बोलताना महापौर नंदा जिचकार पुढे म्हणाल्या, सहाही विधानसभा क्षेत्रात दक्षिण-‌पश्चिम मतदारसंघात विकासकामे जोमात सुरू आहेत. विकासाच्या बाबतीत नागपूर देशात आघाडीवर आहे. विकास करताना तो शाश्वत व्हावा, याकडे विशेष लक्ष पुरविले जात आहे. महापौर निधीतूनही शाश्वत काम व्हावे म्हणून ज्येष्ठ नागरिक विरंगुळा केंद्राची संकल्पना पुढे आल्याचे त्यांनी सांगितले.
 
सत्तापक्ष नेते संदीप जोशी म्हणाले, दक्षिण-पश्चिमचे आमदार देवेंद्र फडणवीस मुख्यमंत्री झाले. एकट्या या मतदारसंघात मागील साडे तीन वर्षात २७५ कोटींची विकासकामे झालीत. पुढील दीड वर्षात उर्वरीत सर्व विकासकामे पूर्ण होतील, असा विश्वास त्यांनी दिला. यावेळी श्रीनगर येथील जिव्हाळा ज्येष्ठ नागरिक मंडळाचे उपाध्यक्ष हरिश गुंडावर आणि श्री. भालेराव यांनी मंडळाच्या वतीने आपले मत व्यक्त करीत काही मागण्या मांडल्या. त्यानंतर महापौर नंदा जिचकार यांच्या हस्ते ज्येष्ठ नागरिक विरंगुळा केंद्राचे भूमिपूजन करण्यात आले. संचालन नगरसेविका विशाखा मोहोड यांनी केले. यावेळी ज्येष्ठ नागरिक संघाचे अध्यक्ष अनिल पालेवार, सचिव श्याम माणूसमारे, उपाध्यक्ष हरिश गुंडावार, शैलजा बेलोरकर, कोषाध्यक्ष अजय पागोटे, सदस्य कुंजलता पालेवार, रजनी पुनियानी, बी.बी. सूरसावंत, हरिभाऊ इंगोले, विजय नंदनवार, ज्योती शौचे, दत्तोपंत पत्तीवार यांची उपस्थिती होती.

 

 

प्रशासन आणि सहकाऱ्यांच्या समन्वयातून कार्य करणार : लहुकुमार बेहेते

अग्निशमन समिती सभापतीपदाचा कार्यभार स्वीकारला
 
नागपूर,ता.१५ : प्रशासन आणि शासन या एकाच नाण्याच्या दोन बाजू आहे. दोघांमध्ये समन्वय असणे आवश्यक आहे. हा समन्वय साधून आणि सहाकाऱ्यांची सोबत घेऊन काम करणार असल्याचे प्रतिपादन मनपा अग्निशमन व विद्युत विशेष समिती सभापती लहुकुमार बेहेते यांनी केले.
 
गुरूवारी (ता.१५) मनपा मुख्यालयातील अग्निशमन विभागाच्या परिसरात आयोजित पदग्रहण सोहळ्यात ते बोलत होते. यावेळी व्यासपीठावर महापौर नंदा जिचकार, उपमहापौर दीपराज पार्डीकर, स्थायी समिती सभापती विक्की कुकरेजा, सत्तापक्ष नेते संदीप जोशी, समिती उपसभापती व उपनेत्या वर्षा ठाकरे, प्रतोद दिव्या धुरडे, मावळते सभापती संजय बालपांडे, मावळते उपसभापती प्रमोद चिखले, जलप्रदाय समिती सभापती पिंटू झलके, विधी विशेष समिती सभापती धर्मपाल मेश्राम, क्रीडा समिती सभापती नागेश सहारे, शिक्षण विशेष समितीचे सभापती दिलीप दिवे, दुर्बल घटक समितीचे सभापती महेंद्र धनविजय, समिती सदस्य निशांत गांधी, वनिता दांडेकर, वंदना भुरे, आयेशा उईके, लक्ष्मीनगर झोन सभापती प्रकाश भोयर, मुख्य अग्निशमन अधिकारी राजेंद्र उचके, कार्यकारी अभियंता (विद्युत) संजीव जैस्वाल प्रामुख्याने उपस्थित होते.
 
पुढे बोलताना लहुकुमार बेहेते म्हणाले, पक्षाने माझ्यावर जो विश्वास टाकला आहे त्यावर पूर्णपणे खरा उतरण्याचा मी प्रयत्न करीन. अग्निशमन व विद्युत विभागाअंतर्गत शासनाद्वारे जो निधी उपलब्ध होईल त्याचा विनियोग उत्तमरीत्या करीन, असेही ते म्हणाले.
 
यावेळी बोलताना महापौर नंदा जिचकार म्हणाल्या, अग्निशमन विभाग हा मनपातील अत्यंत महत्त्वाचा विभाग आहे. त्या समितीसाठी जबाबदार व्यक्ती नेमणे गरजेचे आहे. लहुकुमार बेहेते हे प्रामाणिक आणि विश्वासू आहेत. त्यांच्यावर सोपविलेली जबाबदारी ते समर्थपणे पार पाडतील, असा विश्वास त्यांनी व्यक्त केला.
 
प्रारंभी मान्यवरांचे स्वागत मुख्य अग्निशमन अधिकारी राजेंद्र उचके आणि कार्यकारी अभियंता संजीव जैस्वाल यांनी केले. कार्यक्रमाचे संचालन व आभार प्रदर्शन सुनील राऊत यांनी केले. यावेळी नगरसेविका सोनाली कडू, मिनाक्षी तेलगोटे, प्रमोद तभाने, लखन येरावार, श्रीपाद बोरीकर, अग्निशमन स्थानक अधिकारी यांच्यासह मनपाचे अधिकारी व कर्मचारी उपस्थित होते.   

 

 

गांधीसागर तलावाचा होणार कायापालट

महापौरांसमोर केले प्रस्तावित सौंदर्यीकरणाचे सादरीकरण
 
नागपूर,ता.१३ : शहरातील ऐतिहासिक गांधीसागर तलावाचा कायापालट करण्यात येणार आहे. प्रस्तावित सौंदर्यीकरणाचे सादरीकरण प्रशासनाने महापौर नंदा जिचकार यांच्यासमोर मंगळवारी (ता.१३) मनपा मुख्यालयातील महापौर कार्यालयात केले.
 
यावेळी माजी महापौर प्रवीण दटके, जलप्रदाय समिती सभापती पिंटू झलके, अग्निशमन समिती उपसभापती व मनपातील उपनेत्या वर्षा ठाकरे, धंतोली झोन सभापती प्रमोद चिखले, शहर अभियंता मनोज तालेवार, कार्यकारी अभियंता (विद्युत) संजीव जैस्वाल, कार्यकारी अभियंता सतीश नेरळ, उद्यान अधीक्षक धनंजय मेंडूलकर, धंतोली झोन सहायक आयुक्त स्मिता काळे प्रामुख्याने उपस्थित होते.
 
यावेळी आर्किर्टेक संदीप जोशी यांनी तलावाच्या सभोवताल व तलावामध्ये करण्यात येणा-या सौदंर्यीकरणाविषयी माहिती दिली. तलावाच्या सभोवताल मजबूत संरक्षक भिंत बांधण्यात येणार आहे. तलावातील गाळ काढण्यात येणार असून तलावामध्ये म्युझिकल फाऊंटेन, लाईट आणि साऊंड शो तयार करण्यात येणार असल्याची माहिती संदीप जोशी यांनी दिली. तलावानजिक असलेल्या उद्यानांचेही सौदंर्यीकरण करण्यात येणार आहे. उद्यानामध्ये ज्येष्ठ नागरिकांसाठी वॉकिंग झोन तयार करण्यात येणार आहे. तलावाच्या सभोवताल असलेले मंदिरांचेही सौंदर्यीकरण करण्यात येणार असल्याचे त्यांनी सांगितले.
 
गांधीसागर तलावाच्या बाजूला बालभवन तयार करण्यात येणार आहे. बालभवनाच्या तळघरात पार्किंगसाठी जागा करण्याचा प्रस्ताव आहे. बालभवन तयार करताना लहान मुलांना ज्या गोष्टी आवडतात त्या गोष्टींचा तेथे वापर व्हावा, असे निर्देश महापौर नंदा जिचकार यांनी दिले. तसेच, तलावाचे सौंदर्यीकरण करताना नागरिकांना त्याचा त्रास होणार नाही याची विशेष काळजी घेण्यात यावी, असे निर्देश महापौरांनी दिले. सौंदर्यीकरण करताना त्यात रेन वॉटर हार्वेंस्टिंग, सोलार सिस्टीम, ग्रीन बिल्डिंगचा वापर करण्यात यावा, असेही त्यांनी सूचित केले.

 

 

प्रबोधनाच्या माध्यमातून ‘कचरामुक्त नागपूर’ शक्य

पालकमंत्री बावनकुळे : क्षमता बांधणी कार्यशाळेत ‘कचरा व्यवस्थापनावर मार्गदर्शन
 
नागपूर,ता.१२ : विदेशात कचरामुक्ती शक्य झाली आहे. त्यासारखी कचरामुक्ती नागपुरात करायची असेल तर लोकांची मानसिकता आणि प्रवृत्ती बदलणे गरजेचे आहे. त्यासाठी प्रबोधन, जनजागृती हा एकमेव उपाय असून त्यातून ‘कचरामुक्त नागपूर’ शक्य असल्याचे प्रतिपादन राज्याचे ऊर्जामंत्री तथा नागपूर जिल्ह्याचे पालकमंत्री चंद्रशेखर बावनकुळे यांनी केले.
 
नागपूर महानगरपालिका आणि राष्ट्रीय उत्पादकता परिषदेच्या वतीने स्थानिक कविवर्य सुरेश भट सभागृहात सोमवारी (ता. १२) ‘क्षमता बांधणी कार्यशाळे’चे (Capacity Building Workshop) आयोजन करण्यात आले होते. कार्यशाळेच्या उद्‌घाटन कार्यक्रमात ते बोलत होते. मंचावर महापौर नंदा जिचकार, मनपातील स्थायी समिती सभापती विरेंद्र उर्फ विक्की कुकरेजा, मनपातील विरोधी पक्ष नेते तानाजी वनवे, मनपाचे आरोग्य सभापती मनोज चापले, राष्ट्रीय उत्पादकता परिषदेचे प्रादेशिक संचालक डॉ. हेमंतकुमार राव, निरीचे अतुल वैद्य, राष्ट्रीय उत्पादकता परिषदेचे सहसंचालक ललित कामडी, स्मार्ट ॲण्ड सस्टेनेबल सिटी डेव्हलपमेंट कॉर्पोरेशनचे मुख्य कार्यकारी अधिकारी डॉ. रामनाथ सोनवणे, मनपाचे अतिरिक्त उपायुक्त जयंत दांडेगावकर उपस्थित होते.
 
पालकमंत्री चंद्रशेखर बावनुकळे पुढे बोलताना म्हणाले, कचरामुक्तीसाठी प्रबोधनाच्या माध्यमातून चळवळ उभी करणे गरजेचे आहे. या चळवळीशी व्यक्ती आणि समाज जुळला तर कचरामुक्तीसाठी शासन, प्रशासनाला अधिक प्रयत्न करण्याची गरज पडणार नाही. भविष्यात कचरा महाग होणार आहे. मनपाने व्यवस्थित योजना आखल्या तर नागपूरमध्ये क्रांती होईल. नागपूर कचरामुक्त शहर होईल. प्रत्येकाने आपल्या ज्ञानाचा वापर करून संकल्पपूर्तीकडे नेण्याचे आवाहन ना. बावनकुळे यांनी केले.
 
उद्‌घाटनपर भाषणात बोलताना महापौर नंदा जिचकार म्हणाल्या, कचऱ्यामुळे भोवतालचा परिसर दूषित होणार असेल तर विकास काही कामाचा नाही. विकास हा सकारात्मक दृष्टिकोनातून करायचा आहे. अर्थात सीमेंट रस्ते होत असतील तर झाडे अधिक लावायलाच हवे. लावलेले झाड जगवायला हवे. ही प्रत्येकाची जबाबदारी आहे. कुणीतरी आमच्यासाठी करावे, ही लोकांची मानसिकता बदलणे गरजेचे असल्याचे त्यांनी सांगितले.
 
विरोधी पक्ष नेते तानाजी वनवे यांनीही यावेळी मार्गदर्शन केले. राष्ट्रीय उत्पादकता परिषदेचे प्रादेशिक संचालक डॉ. हेमंतकुमार राव यांनी प्रास्ताविकातून कार्यशाळा आयोजनामागील भूमिका विषद केली. घनकचरा व्यवस्थापनासाठी सर्वांनी एकत्र येऊन कार्य करणे गरजेचे आहे. त्यासाठी अशा आयोजनाची गरज असल्याचे त्यांनी प्रतिपादित केले.
 
यानंतरच्या सत्रात सीएसआयआर-निरीचे वरिष्ठ वैज्ञानिक डॉ. सुनील कुमार यांनी घनकचरा व्यवस्थापन नियम २०१६ आणि धोकादायक व अन्य कचरा व्यवस्थापनावर मार्गदर्शन केले. आयआयएसईआर पुणे येथील अधीक्षक अभियंता वाय. एस. राजपूत यांनी प्लास्टिक कचरा व्यवस्थापन नियम २०१६, भाभा ॲटोमिक रिसर्च सेंटरचे सेवानिवृत्त वरिष्ठ वैज्ञानिक डॉ. सी. श्रीनिवास यांनी बायोमेडिकल कचरा व्यवस्थापनावर, राष्ट्रीय उत्पादकता परिषद हैद्राबादचे मुख्य सल्लागार विनय कुमार यांनी ई-कचरा व्यवस्थापन नियम २०१६ आणि राष्ट्रीय उत्पादकता परिषदेचे सहसंचालक ललित कामडे यांनी सी ॲण्ड डी कचरा व्यवस्थापनावर मार्गदर्शन केले. प्रश्नोत्तराच्या माध्यमातून उपस्थितांच्या शंकांचे निरसन वक्त्यांनी केले.
 
तत्पूर्वी महापौर नंदा जिचकार यांच्या हस्ते दीपप्रज्वलन करून कार्यशाळेचे उद्‌घाटन करण्यात आले. संचालन नोडल अधिकारी डॉ. भावना सोनकुसळे यांनी केले. कार्यशाळेत मनपाचे पदाधिकारी, नगरसेवक, अधिकारी, कर्मचारी सहभागी झाले होते.

 

 

नागरिकांच्या प्रश्नांना प्राधान्याने सोडविण्यावर भर

स्थायी समिती सभापती विक्की कुकरेजा यांनी स्वीकारला नासुप्र विश्वस्तपदाचा पदभार
 
महापौर नंदा जिचकार यांनी केला सत्कार
 
नागपूर,ता.१२. सर्वसमान्य नागरिकांच्या प्रश्नांना प्राधान्याने सोडविणार व त्यांच्या प्रश्नांना न्याय मिळवून देण्यासाठी सदैव कटीबद्ध असणार असल्याचे प्रतिपादन नागपूर महानगरपालिकेचे नवनियुक्त स्थायी समिती सभापती विक्की कुकरेजा यांनी केले. नागपूर सुधार प्रन्यासच्या विश्वस्त म्हणून विक्की कुकरेजा यांनी सोमवार (ता.१२) पदभार स्वीकारला. याप्रसंगी ते बोलत होते.
 
यावेळी प्रमुख अतिथी म्हणून महापौर नंदा जिचकार, दक्षिण नागपूरचे आमदार व नागपूर भाजपाचे अध्यक्ष सुधाकर कोहळे, उत्तर नागपूरचे आमदार मिलिंद माने, नागपूर पदवीधर मतदार संघाचे आमदार प्रा. अनिल सोले, नागपूर महानगरपालिकेचे सत्तापक्ष नेते संदीप जोशी, नासुप्रचे विश्वस्त भूषण शिंगणे प्रामुख्याने उपस्थित होते.
 
पुढे बोलताना कुकरेजा म्हणाले, नागपूर महानरपालिकेने व नागपूर सुधार प्रन्सासच्या माध्यमातून नागपूर शहरात विविध प्रकल्प, विकासकामे सध्यस्थितीत सुरू आहे. उत्तर नागपुरात सध्यस्थितीत कामे झाली नाहीत. ती कामे पूर्ण करण्याचा माझा प्रयत्न असेल. झोपड्डीवासीयांना त्यांच्या हक्काचे पट्टे मिळवून देण्यासाठी सदैव प्रयत्नरत असेल, असा विश्वास त्यांनी व्यक्त केला.
 
यावेळी महापौर नंदा जिचकार म्हणाल्या, विक्की कुकरेजा यांचा अनुभव दांडगा आहे. राजकीय आणि प्रशासकीय क्षेत्रातील बारकावे त्यांनी माहिती आहेत. त्यांच्या ज्ञानाचा आपल्याला नक्कीच फायदा होईल. नासुप्रचे प्रश्न ते नक्कीच सोडवतील. सामान्य नागरिकांच्या प्रश्नांना न्याय मिळवून देतील, असेही त्या म्हणाल्या.
 
आमदार सुधाकर कोहळे बोलताना म्हणाले, विक्की कुकरेजा हे सक्षम नेते असून त्यांना नासुप्र आणि मनपाच्या अडचणी जाणीव आहे. सामान्य नागरिकांच्या प्रश्नांना ते नक्कीच न्याय देतील, असा त्यांनी विश्वास बोलताना व्यक्त केला. त्यांच्यावर सोपविलेली जबाबदारी ते व्यवस्थितरित्या पार पाडतील यात काही शंका नाही, असेही ते यावेळी म्हणाले.
 
प्रा. अनिल सोले यांनीही यावेळी मनोगत व्यक्त केले शहरातील विकासकामांना न्याय देण्यासाठी व त्याला गती देण्यासाठी विक्की कुकरेजा सर्मथ आहे, अशा शब्दात सोले यांनी गौरव केला. प्रारंभी महापौरांच्या हस्ते विक्की कुकरेजा यांचा पुष्पगुच्छ देऊन सत्कार करण्यात आला.
 
याप्रसंगी स्थापत्य व प्रकल्प समिती सभापती संजय बंगाले, दुर्बल घटक समितीचे सभापती महेंद्र धनविजय महिला व बालकल्याण समिती सभापती प्रगती पाटील, अग्निशमन समिती उपसभापती वर्षा ठाकरे, प्रतोद दिव्या धुरडे, ज्येष्ठ नगरसेवक जगदीश ग्वालबंशी, सुनील हिरणवार, राजेंद्र सोनकुसरे, नगरसेविका मंगला खेकरे, अभिरूची राजगिरे, उज्ज्वला शर्मा, नगरसेवक विजय चुटेले, लखन येरावार, अमर बागडे, प्रमोद कौरती, भाजपाचे संघटनमंत्री भोजराज डुंबे, चंदन गोस्वामी, घनश्याम कुकरेजा, प्रभाकर येवले, डॉ.प्रताप मोरवाणी, विजय केवलरामानी यांच्यासह अनेक भाजप कार्यकर्ते उपस्थित होते. कार्यक्रमाचे संचालन विश्वस्त भूषण शिंगणे यांनी केले. दिलीप गौर यांनी आभार मानले.  

 

 

पल्स पोलिओ लसीकरण मोहिमेच्या द्वितीय फेरीचा शुभारंभ

शहरातील १९८९७५ बालकांना दिला पोलिओ डोज
 
नागपूर,ता.११. भारत सरकारच्या पल्स पोलिओ लसीकरण मोहिमेचा द्वितीय फेरीचा शुभारंभ काल (ता ११) पासुन सुरू झाला. नागपूर महानगरपालिकेच्या क्षेत्रातील शुन्य ते पाच वर्ष वयोगटातील १९८९७५ बालकांना पोलिओचा डोज पाजण्यात आला.
 
या मोहिमेचा शुभारंभ सकाळी महाल येथील स्व. प्रभाकरराव दटके रोग निदान केंद्रामध्ये महाराष्ट्र राज्याचे ओरोग्य विभागाचे महासंचालक डॉ. शशीकांत जाधव यांच्या हस्ते बालकांना पोलिओ डोज पाजून करण्यात आला. यावेळी नागपूर विभागाचे उपसंचालक डॉ.संजीव जैस्वाल, नागपूर महानगरपालिकेचे आरोग्य अधिकारी डॉ. अनिल चिव्हाने,  वैद्यकीय अधिकारी डॉ. विजय जोशी, सुनील धुरडे, विजय तिवारी, नरेंद्र बहिरवार उपस्थित होते.
 
याप्रसंगी बोलताना डॉ.शशीकांत जाधव म्हणाले, आपल्या बालकांना पोलिओ डोज पाजणे अनिवार्य आहे. शुन्य ते पाच वर्ष वयोगटातील बालकांना पोलिओ लस बुथ वर नेऊन पोलिओ लस पाजावी. त्याप्रमाणे आज ज्यांचे शक्य झाले नाही त्यांच्या घरी महानगरपालिकेचे कर्मचारी येतील, त्यांना आपण सहकार्य करावे, असे आवाहन त्यांनी केले.
 
नागपूर शहरातील सर्व दवाखाने, सर्व स्वयंसेवी संस्थेचे दवाखाने, प्रशिक्षणार्थी यांचा या मोहिमेत सहभाग होता. शहरातील सर्व बस स्थानके, रेल्वे स्थानके,  टेकडी गणेश मंदिर, स्वामी नारायण मंदिर, विटभट्ट्या, रस्त्यावरील बांधकाम करणा-या मजुरांच्या बालकांना, मंगल कार्यालय या सर्व संस्थांमध्ये असणा-या बालकांना पोलिओ डोज पाजण्यात आला.
 
ही मोहिंम महानगरपालिकेचे आयुक्त अश्विन मुदगल, अतिरिक्त आयुक्त रवींद्र कुंभारे, आरोग्य अधिकारी डॉ.अनिल चिव्हाने यांच्या नेतृत्वात संपन्न झाली. पोलिओ लसीकरण मोहिम अधिकारी सुनील धुरडे, डॉ. विजय जोशी, विजय तिवारी हे मोहिमेवर देखरेख ठेवून होते.
 
या मोहिमेला मनपाच्या आरोग्य विभागाचे अधिकारी, नोडल अधिकारी, सर्व वैद्यकीय अधिकारी, झोनल अधिकारी यांचे सहकार्य लाभले.

 

 

AllVideoShare

Last Updated

Monday 28 May 2018

Poll

How do you rate the new NMC site?
 


Copyright © 2018 Nagpur Municipal Corporation, Designed by eGovernments Foundation.
Find us on Facebook
Follow Us